الحلقة ....... 21
..
...
..
خشوا سكروا لماما عيونها وغطّوها 💔💔 ومشت ماما وخلتنا 💔💔
~~~~~~~~~~~~~~~~
سارة مقعمزة ومتكيّة على كتف فؤاد وتبكي بعد ماعطوها يبرة مهدئ 😭😭
سارة : مش مصدقة ماما غدوة بنروحوا بيها ميته😭 بيدفنوها ماما ..
فؤاد : كيف كلمت خالي قلتله 💔 يسأل فيّا عليها يبيني انطمنه 💔 قلتله توفت 💔
سارة : بنقعد انا وبابا بس في الحوش كيف بنقدر نخشله الحوش من غير ماما .. بنقعد بروحي 💔😭
فؤاد : إنتي معاي وأنا معاك مش حنخليك بروحك ♥️ ...شد ايدي وضغط عليها ..
شفت لإيده وحسيت بشعور غريب .. وجود حد جنبك في كل ظروفك وقفته معاك في كل وقت تحتاجيه يغنيك على الدنيا كلها ....
فؤاد غير عالناس كلها .. فؤاد حنان ..فؤاد أمان ..فؤاد راحة وجبر وعوض ♥️
غمرت راسي في حضنه وكأني نسيت كل شي برا 💔
كانت أطول ليلة تمر عليّا الصبح ركبنا أول طيارة وروحنا بماما بعد ماكمّل فؤاد الإجراءات 💔
~~~~~~~~~~~~~~~~~~~~~
بعد ماأغمي عليّا في الليل رفعوني للمصحة فيقوني وروحت للحوش خشيت للدار وقعدت في صراع مع نفسي نكلمهم والا لا وبعدين قررت نكلم سارة الصبح بعد مابعتتلي هند رقمها الجديد . ..مع الساعة 7 اتصلت بيها لقيتها مقفل شفتها على الواتس لقيتها ليها أكثر من شهر مش فاتحه ..اتصلت بهند بنت عمي أكثر من 10مكالمات ماتردش 💔..
جتني اسيا قعدت تهدرز عليا وتشوف في حالي لهيت معاها شوية وفات الوقت .. حاولت أكثر من مرة انكلم سارة بعدين اتكيت وفتحت الفيس انا من قبل كل فترة وفترة نفتح في حساب فؤاد نشوف فيه ..فتحته و أول منشور قابلني ...
إن العين لتدمع وان القلب ليحزن 💔......... توفيت مرت خالي وأم زوجتي ..مني ........... لطالما طابت حياتنا بك جعلك الله في الفردوس الأعلى ...ووو.... عاودت المنشور أكثر من مرة مش قادرة نستوعب طقطق عمر الباب ماسمعتاش فتح وخش قمت شاربتي وسيتها ...
عمر : تي خير ياشيخة ..
مروة : جامدة في مكاني ومش قادرة نتحرك ...
عمر : مروة خيرك ..انادي اسيا .. مروة ..!
مروة : عيوني تعبووو دموع وبعد لحظات بسس بديت نستوعب اللي قريته 💔💔ماما ماتت معاش قدرت نتحمل وبديت نعيط .. ..................💔
....
...
طلبت من ماما اسيا انهم يرفعوني نشوف ماما حتى في المغسلة لو اندفنت من غير مانشوفها مش عارفة شن ممكن يصير فيّا 💔
.....
.....
مروة : بالله عليك يااااانزار بالله عليك ..
نزار : مانقدرش يامروة افهميني مانقدرش وكان يشوفنا بوك شن حيكون موقفك مرات يدير اي شي ..
مروة : مايشوفناش حد باالله عليك ماما بيدفنوها العصر توا قالتلي هند هيا في المغسلة بيغسلوها بالله عليك 😭😭😭
نزار : طلعت وسيبتها ماقدرتش نتحمل نشوفها تترجى فيّا هكي ولا قدرت نرفعها.. خايف يشوفها بوها ويحن عليها ويرجعها لحوشه وانا معاش نتحمل هالحياة من غيرها 💔
.....
...عمر يسمع فينا خش متعفلق ..
عمر : خلاص ماتعدليش عليه وتي روحك انا نرفعك بس البسي خمار باش مايشوفك حد 💔
لبست بسرعة وطلعت انا وأمي اسيا مع عمر 😭😭
مشيت وخشيت قعدت نسأل لين ورّوني ماما ودخلوني ليها ...
قلبي يدق بقوة ورجليا مش حامليني ... خشيت لقيتها على السرير ويغسلو فيها ... ماما ليّا تلاته سنين نحلم امتا بنشوفها ونحضنها نتخيل فيها كيف بتسلم عليا ومن فرحتها برجعتي تقعد تبكي لاكن شاء القدر إني نشوفها جثة من غير روح 💔
