الحلقة.......15
......
درّس السيارة وقالي انزلي وصلنا 💔..
الطريق كلها ماقالش معاش ولا كلمة ولا سألني على أي شي نزلت وانا نرعش ونحاول نستر روحي وحاطة راسي في الوطا 💔..
ماشفتش الطريق ولاعارفة هوا وين رافعني توكلت على ربي مشيت وراه وخلاص💔
....
فتح الباب بالمفتاح وخشينا ...💔
..
كان حوش كبير واضح عليه حوش عيلة أول ماخشيت حسيت سكينة نزلت على قلبي ارتحت هلباا خش قدامي نزار وهوا مطبس راسه طقطق على الحوش الارضي على طول فتحت واضح انها تراجي فينا !!
خشيت انا وهوا قعد برا ..
نزار : شوفيها لو مستحقة مستشفي نرفعوها انا وياك ماقدرتش نرفعها بروحي ..
أسيا : هيا غارقة بالدم هيّا خلى نلبسها من عندي ونرفعوها ..
....
مروة : انا بصوت ياذوب طالع .. لالا مش مستحقه بارك الله فيك💔.
اسيا : تمام .. لو صارت حاجه تو انكلمك ..
نزار : تمام هي في أمان الله..
وركب !
فتحتلي الباب مرا كبيرة شوية في السن من حشمتي من المنظر اللي كنت عليه ماقدرتش نقيم عيوني فيها ..
اسيا : تفضلي خشي❤
مروة :💔💔😢
قعمزتني وقعدت تمسحلي في الدم 💔من غير ماتسألني على أي شي ..
مروة : لو سمحت نبي الحمام ولو عندك عباية نستر روحي بيها ...
اسيا : حاضر هي تعالي بس خلي الباب مفتوح انخاف اتدوخي داخل ..
خشيت دوشت واتوضيت والبست العباية اللي عطتهالي وطلعت لقيتها مقعمزة تراجي ..
مروة : لو سمحتِ وين اتجاه القبلة بنصلي ❤
بعد تقريبا أكثر من تلاته شهور وانا بعيدة كليّا على الصلاة اليوم حسيت إني في أمسّ الحاجة إني نكون بين يدي الله حطيت السجادة و إتجهت للقبلة❤ ...
.....
مع انه جمسي مكسر تكسير وياذوب نتحرك بس وقفت نصلي ومجرد ماحطيت راسي في السجود إنهمرت بالبكاء 😭 كملت صلاتي واني نبكي قعدت مقعمزة عالسجادة ونبكي وندعي لربي يغفرلي ويستر عليا ويسر أمري يارب💔 يارب يطلعوا صغار حلال ومايذلونيش لما يعرفوا قصتي وقعدت نبكي وندعي أكثر من ساعه بس حرفيا حسيت وكأن حاجة سودة طلعت من قلبي أرتحت هلبا ❤ ومن كثر ماتعبت خذاني النوم عالسجادة 💔
شافتني اسيا راقدة واستني على فراش وغطتني وسكرت عليا الدار وطلعت ❤
......
《《لاتبحث يمينا ويسارا لتجد من يساندك فقط انظر للأعلى فستجد من يرعاك ❤》》》
....
~~~~~~~~~~~~~~~~~
أحمد : صباح الخير شني نايضة بكري اليوم ❤
مني : ايه هيا تعالا الفطور واتي ..
أحمد : خيره صوتك مريضه ..
مني : مش عارفة نحس في قلبي وجسمي رزين ووو طاحت وهيا تتكلم💔
قامها بابا وطلع بيها يجري للمستشفي 💔💔
.......
~~~~~~~~~~~~~~~~~~~~
عند فؤاد .. روحت للحوش مع الساعة 7ونص لقيت سارة راقدة قدام الباب علي كرسي واضح عليها قعدت تراجي فيا ..
قدمت وقعدت نمسح على شعرها بحنية وجعتني💔
سروو نوضي 💔
..
سارة : ااه صباح الخير روحت توا؟؟
فؤاد : ايه
سارة : حي خيرهم حوايجك اميه برا بسرعه للحمام غيّر تو تمرض 💔 وتو نجيبلك حوايجك💔
فؤاد : خايفة عليا 🥺 وقرّبت منها💔
سارة : ارتبكت .. ااا اهو بنمشي اندير الفطور وهربت مني ..
فؤاد : 💔💔خشيت دوشت وبدلت حوايجي وجيت ورقدت معاش قادر نتحرك💔💔
عند سارة عارفة روحك ماليكش مكان في قلبه ردي بالك تتعلقي بيه ردي بالك ياسارة 💔...
...........
.......
~~~~~~~~~~~~~~~~~~
تهاني : حبيبي نوض امتا روحت "وطبست باساته"
نزار : فتح عيونه بشوية وجبدها للسرير ..روحت الفجر لقيتك راقده ولف ايديه عليها ..
تهاني : هي نوض ياسر الساعة 9 😅
نزار : خليني جنبك شوية مستاااحشك حبيبي خيرنا عاد وقعد يشم ويبوس فيها ❤
تهاني : قولي توا علاش روحت بكري مش على الاساس بتقعدوا حتي اليوم..
نزار وهوا غامر راسه في رقبتها : كان نحكيلك شن صار ! حاجة غريبة بكل تو نحكيهالك على الفطور ..خليني في العسل توا مستاحشتك مستاحشتك بكل وقعد يبوس فيها 😍
تهاني : من الأول مش لازمك الزرادي 😁
...قص عليهم عياط بيبي صغير 👶..
نزار غم وجهه بالمخدة اهو ناض اللي ديما مفسد علي بوه 🤦♂️😒😒
تهاني : 😄😄
ادومي حبيبي نضت شوف بابا جي ..
قدم ادم يجري لبوه ..
ادم : بابا جي بابا جي❤❤
نزار تغمر ولده يااروح بابا إنت❤
~~~~~~~~~~~~~~~~~~~~~
فقت لقيت روحي مواسية ومغطية أكيد هيا غطتني ..
بديت نبكي خايفة لو عرفت قصتي أكيد حتلزني واضح عليها محترمة ؟؟ لو سألتني شن بنقوللها ؟؟ لو طلعت من هنا وين بنمشي ؟؟؟💔 وهلبااا اسئلة في راسي مش عارفة كيف بنطلع من اللي انا فيه💔 شوية وفتحت الباب وخشت ..
اسيا : نضتي .. كيف حالكم اليوم ان شاء الله أحسن
مروة : بارك الله فيك الحمد لله أحسن .
أسيا : الحمد لله على سلامتك ❤
مروة : الله يسلمك ..
اسيا : هي نوضي وتيت الفطور افطري معاي
مروة : انا بنقولك ان انا ....
اسيا : ارتاحي توا وبعدين احكيلي شن صاير معاك ❤
مروة : تمام❤
~~~~~~~~~~~~~~~~~~~~~~~
عند ماما وصل بيها للمصحة دارولها تغذية وشوية تحاليل وروحت قالولها عندك هبوط في الضغط ..
~~~~~~~~~~~
عند سارة نسمع في تليفون فؤاد يرن جيت بننوضه لقيت حرارته مرتفعة هلبااااا لين اسنونه يطقوا على بعض امشيت نجري جهزت كمدات وقعمزت جنبه قعدت انديرله فيهم ❤
شد إيدي على غفلة 😥 حسيت جسمي سخن وبديت نرعش .
فؤاد : مروة ..مروة
سارة : 💔💔😔قعدت نمسح على شعره ونغير في الكمدات لين حسيت بيه تحسن شوية نوضته وجبتله الفطور للفراش فطرته بيديا وقعدت جنبه حسيته تاعب هلباا 💔
~~~~~~~~~~~~~~~~
تهاني : هيا احكيلي شن صار معاك ..
نزار : والله الا حاجة غريبة ياتوتو سبحان الله .. راقد في نومي نضت مخلوع اتقول حد نوضني شربت امية ووليت رقدت عاودت مرة تانيه استعوذت من الشيطان ووليت رقدت المرة الاخيرة سمعت مرا تعيط في وذني والله زي مانحكيلك مع ان الإستراحة مسكرة ومافي حد الا انا والولاد ... نضت مخلوع لقيته وقت الفجر قلت هي انوض انصلي .. كيف بنوقف انصلي.... رجع الصوت مرّة تانيه .. قلت هي خلي نمشي نصلي في الجامع كيف طلعت من الاستراحة نشوفلك مرا تجري في الشارع غارقة في دمها ويجري وراها راجل ويتحلف فيها بيقتلها لبدت ورا السيارة اللي جنبي وهوا مشي للجيهة التانيه يدور فيها ..
تهاني : حسيت روحي نتفرج على فيلم 😂
نزار : غر خليني نكملك في الاول قلت انفوتها وفكيني من المشاكل بعدين نسمع فيا تدعي بصوت واطي ..صوتها وهوا نفس الصوت اللي فيقني من نومي 💔
قلت والله ماتكون الا مظلومة وربي سخرني ليها باش نساعدها كلمت عمتي قلتلها عليها قالتلي جيبها عندي ركبتها معاي وجبتها 💔
تهاني : لين لحمي مات تصدق 😥 باهي شن طلعت قصتها .
نزار : مش عارف خليتها مع اسيا وركبت ..ماعتقدش حتى سألتها لان البنت تاعبة هلبااا مضروبة هلباا اكيد تو تخليها ترتاح قبل ..
تهاني : ياروحي عليها وجعتني خاطري ننزل انشوفها😥
نزار : لو قالتلى تحسنت عادي انزلي شوفيها ❤ياحنينة انتي ❤
~~~~~~~~~~~~~~~~~~~~~~
قعمزت جنبي وقعدت توكل فيا ❤ لين كملت وكل مانقوللها خلاص معاش نبي اتزيد تصر عليا اني نزيد ناكل باش انقيم صحتي❤
كملنا الفطور ...
اسيا : صحتين وعافيه ..
مروة : الله يعافيك ..
اسيا : انا اسمي اسيا وعايشه اهنا بروحي عندي تلاته خوت ولاد ساكنين بعيد وواحد ساكن فوقي وفوقه ولده اللي هوا نزار اللي جابك ..
مروة : عاشت الأسامي وربي يحفظكم ..
اسيا : احكيلي شن صاير معاك شن خلا بنت حلوة زيك بالحال هذا💔...
مروة : انا مانبيش نكذب عليك أنا .... ............
........................ متوكلة على الله بعدين عليك بالله عليك ساعديني😭💔
.....
......
....
...
سارة تكلم في ماما شوية وسمعتها طاحت وطاح منها التليفون 💔
سارة : ماما ماما ردي عليا خيرك💔
سارة : فؤاااااد نوض بسرعة ماما ماما 💔😭😭
~~~~~~~~~~~~~~~~~~~~
....
.....
..يتبع
