الحلقة .... 18
هند : مروة انت وين كيف حالك وكيف عايشه ..
مروة : تو نحكيلك بس توا طمنيني على ماما قالولي مريضة 😭😭
هند : ايه امس طاحت عليهم قالو تاعبة طلعو بيها سارة وفؤاد لتونس ..
مروة : كيف سارة وفؤاد ؟؟؟؟
هند : ماسمعتيش ان فؤاد تزوج سارة لما هربتِ !!
مروة : حسيت الدنيا ظلمت عليّا هذا اخر شي كنت نتوقعه طاح التليفون من ايدي ومعاش حسيت بشي .......💔
اسيا : الووووو نزار تعالالي بسرررعة
" عند نزار لما كلمتني عمتي وقالتلي تعالا بسرعة مروة طاحت عليا معاش حسيت بروحي غير اني نازل نجري انا وتهاني و أول ماخشيت للدار لقيتها مغمه عليها واسيا تحاول تفيقها أول مرة نشوفها هكي كانت زي الملاك أول مرة نركز فيها وياريتني ماشفتها ..
..
قمتها على طول طاحت شاربتها وانفتح شعرها اللي كان زي الحرير حسيت روحي بندوخ حت انا .. حاولت اني مانركزش فيها لاكن ماقدرتش!!
جمالها لا يقاوم ملامحها طفولية .. الطيبة تشع من وجهها كانت خفيفة في الوزن وخفيفة على القلب❤
خشيت بيها للمصحة خدوها مننا دارولها تحاليل وقالونا تقدروا تخشوا تشوفوها فاقت خشيت معاهم للحجرة من غير تفكير 💔
...
.....
((فقت لقيت اسيا جنبي هيا وتهاني ونزار رجعت غمضت عيوني ونزلوا دموعي زي النار 💔💔
فؤاد تزوج سارة 😢 💔 نستاهل اللي صار فيا نستاهل😭))
تكلم فيا اسيا ونزار وتهاني وانا نبكي مارديتش عليهم ولا نسمع فيهم أصلا مرّ قدامي شريط حياتي مع فؤاد وتذكرت كل موقف صاار بيناتنا حسيت بوجع في قلبي اي قلبي يوجع💔 فؤاد أكثر شخص حبني وانا خسرته مستحيل يسامحني ولا أنا حنلقى جرأة باش نعتذر منه ولا نوقف قدامه 💔
بس سرو شن ذنبها ان شاء الله يحبهاومايعاقبهاش على غلطتي بس😢💔 ..
فتحت عيوني وتمنيت روحي نلقا واقع تاني غير اللي انا فيه 💔
اسيا : مروة ماتخوفينيش عليك ردي عليا ..
مروة : ااه انا بخير نبي نروح 😢.
تهاني : الحمد على سلامتك .. خوفتينا عليك ❤
مروة : سامحوني تعبتكم ..
نزار : مافيهاش تعب المهم سلامتك ❤
هي نوضي توا شديلنا روحك و خلينا نروحوا وتو نتفاهمو على قلة الماكلة 😏 .... "معاش قدرت نحول عيوني من عليها💔 "
نوضوني وروحوا بيا واحنا في السيارة ..
قعمزت تهاني وادم من القدام وانا واسيا من الخلف ..
اتكيت على كتف اسيا ودموعي زي المطر 😭
اسيا : خلاص حبيبتي دموعي بيجفوا ..
كل مانشبح لنزار نلقاه يشبحلي لين ارتبكت ..💔
~~~~~~~~~~~~~~~~~~~
عند سارة نضت لقيت ماما راقدة طلعت اندور في فؤاد لقيته راقد على الكرسي ..💔
نوضته ..
سارة : فؤاد ..فؤاد ..
فؤاد : ااااه شن في خيرها مرت خالي ...
سارة : ماما بخير .. خيرك رقدت اهنا مشيت رقدت في الشقة 😔💔..
فؤاد : لالا عادي مانطمنش نخليك بروحك اهنا 💔
سارة :" قربت منه وقعدت تمسح على شعره ":صحيت لانك موجود في حياتنا 💔
فؤاد : ابتسمتلها .. خلاص خشي بحدا امك تنوض مرات..
سارة : تصبح على خير ..
فؤاد :وانتِ من أهله 💔
