الحلقة .....20
عند نزار كانت مروة ماشية وراي وواثقة فيا وكأنها تعرفني من زمان شدّت إيدي خلتني نحس نفسي شخص تاني وكأنها سانده ظهرها عليا .. ربي يقدرني ونكون عون ليها ومانخذلهاش ولا انقصر معاها ..
هيا حاسه بروحها تأخذ في قوتها مني والواقع إن أنا نستمد في القوة منها ❤
عند مروة ..
طلعنا من الإستراحة وأنا فرحانه اني خذيت منه أوراقي وخذيت تليفوني هدية فؤاد اللي فيه صورى مع عيلتي وصور فؤاد ورسائلنا وذكرياتي كلها فترة الخطوبة 💔
...
مروة : يستاهل استحليتهم فيه الكفوف 😄
نزار : باهي اللي شفنا ضحكتك ♥️ "وتلفتلي وقف مقابلني" ..
مروة : ابتسمتله وقعدت نشبح لعيونه 🥺🥺صحيت بجد مشكور هلبا نزار مش عارفة كيف نردلك جميلك
نزار : قرّب مني .. خليك ديما مبتسمة هذا سادني وزيادة ♥️...
مروة : مش مصدقة كمية الحنيّة اللي عندك ♥️نيّالها تهاني باللي عطاها ربي ..
نزار : ارتبكت وطلعت علي طول من غير مانرد عليها ركبنا للسيارة وروحنا ..
وصلنا للحوش .. لقينا اسيا وعمر يستنوا فينا ♥️ حكينالهم اللي صار وانا نضحك وطايرة من الفرحة من غير مانحس بروحي قعدت انقلدلهم في نزار كيف ضرب علي 😅
اسيا وعمر وتهاني :😂😂😂
شوية تلفتت لنزار لقيته واقف جامد مبتسم ويتأمل فيا ..
ارتبكت حسيت روحي نسجمت هلبا تحشمت منه وقعمزت على طول 🤦♀️🤦♀️سكتت شوية واتطربقت بالضحك 😂😂
نزار : 😂😂😂😂
""ياحليلي هالعسل كيف بندير معاها""...
....
..
وصلو فؤاد وسارة وماما لألمانيا من أول ماعاينوها قالو لفؤاد إنها المرض منتشر وواصل للأعصاب في الدماغ وعلاجه صعب بس بدو معاها بالعلاج ..
~~~~~~~~~~~~~~~~~~~
هدرزت جنبهم وضحكت وغيرت جوي بعدين خشيت للدار اللي تعودت نرقد فيها وسكرت الباب 💔
فتحت تليفوني 💔
أول شي فتحته هوا أخر فيديو وصلني ..اللي بعتهولي مؤيد قعدت نتفرج عليه 💔💔
..
على قدّ ماكان فؤاد فرحان علي قد ماأنا توا نتعذّب💔💔 عاودت الفيديو أكثر من خمسين مرة وفي طل مرة قلبي يزيد يتقطع عليه 😔 خااطري نعرف شن صار فيه وقتها شن صار فيه بعد ماسيبته 💔💔
مش عارفة علاش عيوني ماكانوش يشوفوا في الحب هذا كله علاش كنت نتجاهل في مشاعري تجاهه ومصرّة علي مشاعري تجاه عماد 💔
زعما حتجمعنا الدنيا مرة تانيه ولو شافني كيف حيكون موقفه 💔😔
.....
....
...
... تسريع للأحداث🍃 ..
بعد ثلاث سنوات🌵🌵 ..
أول شي خلونا نحكوا شن صار في الثلاث سنوات هادي
باختصار ..
فاتو عليّا تلات سنين وانا عايشة مع اسيا وعلى كثر ماتعلقت بيها بديت انادي فيها زي عمر أمي..
علاقتي تقوت هلباا بعمر ونزار يعاملو فيا وكأني أختهم الصغيرة بس مع ذالك بيناتنا كل الإحترام ومافيش تجاوز للحدود تعاملت معاهم بتربيتي ♥️
وتهاني بعد ماكانت صديقتي بدت اتباعد عليا ومعاش تحبني مش عارفة علاش ؟؟
من أول مااستقريت معاهم بديت نقرأ في الكتّاب مع ماما اسيا والحمد لله خلال سنتين بس حملت كتاب الله اسيا ونزار فرحولي هلبااا♥️.
من عيلتي قاعدة نتواصل مع هند بس ناخذ منها في أخبار العيلة ونسأل فيها على ماما 💔
~~~~~~~~~~~~~~~~~~~~
عند نزار ..
مرّو ثلاته سنين ومروة مزينه حياتنا دخّلت البسمة والضحكة للحوش .. من أول يوم شفتها فيه وانا كل يوم نزيد نتعلق بيها أكثر و نحاول نتجاهل في مشاعري تجاهها بس مستحيل نقدر نبدا يومي من غير ابتسامتها والا فنجان القهوة من تحت يديها ♥️
على كثر ماهيا وثقت فيا نتمني نجيبلها الدنيا كلها تحت رجليها المهم تكون سعيدة ومرتاحة ♥️..
~~~~~~~~~~~~~~~~~~~
عند فؤاد ...
فاتوا ثلات سنين وكأنهم حلم ماحسيتش بيهم بكل 💔
روحنا بمرت خالي بعد ماخذت علاجها وللأسف ماتجاوبتش مع العلاج و كل يوم حالها أسوء من اليوم اللي قبله 💔 خليت سارة معاها ..
وانا لاني تعودت علي وجود سارة في الحوش معاش قدرت نقعد فيه والوقت كله قعدت في حوش خالي .. قعدت مع مرت خالي وعشت معاها كل لحظات مرضها من صغري نحبها وغالية عليا بس توا زدت تعلقت بيها وهيا معاش تبي حد يخشلها غيري نست كل شي نستنا حتي احنا ونست روحها الا مروة مانستهاش ترقد وتنوض تسأل على مروة وانا كل مانشوفها هكي نزيد نحقد على مروة حتي لو رضتها فيّا انا ..
كيف قدرت اتدير في امها هكي ... كيف هانت عليها امها 💔💔
~~~~~~~~~~~~~~~~~
عند سارة ..
فات الوقت من غير مانحسوا بيه تلاته سنين وانا نتعذب وماما قدامي تموت واحنا عاجزين مش قادرين نساعدوها .... ماما معاش قادرة توقف ولا قادرة تتحرك نست كل شي💔 نستني ونست بابا نست حوشنا ونست حتى روحها 💔 الشي الوحيد اللي تتفكر فيه مروة !! ترقد هلباااا وأول ماتنوض تسأل على مروة .. اللي تخشلها اتقوللها انتِ مروة لين بابا منع عليها الزيارة ومعاش خلّا حد يخشلها 💔 ماما ولّت زي البيبي نسايرو فيها 💔
مروة عايشة ومرتاحة واحنا قاعدين نتعذبوا 💔كنت ندعي عليها ونتمني معاش انشوفها في حياتي كلها بس لا نبيها تجي لماما بس نبي ماما ترتاح 💔💔حاولت نوصل فيها لاكن ماقدرتش 💔💔
~~~~~~~~~~~~~~~~~
اليوم نتيجتي في امتحان القرءان الكامل متوترة وخايفه نجهز في روحي بنمشي انا و ماما اسيا ..
