الحلقة ....... 24
...
قعد يشبحلي شوية ومن غير مايتكلم ناض وطلع من الحجرة كانو دموعه بروحهم حكاية💔
.....
...
...
عند فؤاد طلعت نمسح في دموعي ونحاول نشد روحي ونتماسك سكرت باب الحجرة وقعدت نخبط في راسي على الحيط 💔🥀 تلفتت لقيت مرت نزار قاعدة برا حطيت راسي في الوطا ومشيتلها..
فؤاد : مروة فاقت لو تبي تخشليها 💔
تهاني : تمام صحيت .. ومشت
فؤاد : لو سمحت أختي ..لو سألاتك قوليلها انه الممرضه كانت جنبك مانبيهاش تعرف اني جيت أساسا هيا قاعدة تحت تأثير البنج 💔 ..
تهاني : علاش ماتبيهاش تعرف انك انت..
فؤاد : لو سمحتِ قلتلك بالله عليك
تهاني : حاضر ..
فؤاد : مشكورة ..ومشيت 💔🥀
مروة : وانا ياذوب نفتح في عيوني ومش حاسة بشي في جسمي💔 انفتح الباب وخشت تهاني ..حطت كرسي وقعمزت جنبي ♥️
تهاني : الحمد لله علي سلامتك مريوة♥️
مروة : بصوت ياذوب طالع ..الله يسلمك .. انت من بكري اهنا 💔
تهاني : ايه من قبل مايطلعوك من العملية توا طلعت الممرضة وقالتلي إنك فقتي 💔
مروة : يعني الممرضة هيّا اللي كانت اهنا 💔
تهاني : ايه وتوا طلعت نادتني 💔
تلفتت الجيهة التانية ونزلو دموعي زي النار حسيت بعصرة في قلبي يعني كان مجرد خيال وهم حلم ياريتني مافقتش منه أساسا مش راح نشوف فؤاد غير في الحلم 💔
فؤاد لو نموت مش راح يوقف على جنازتي 💔💔
تهاني : مريوة خليني نوسي حجابك نزار وعمر ميتين على مايشوفوك ويطمنو عليك 💔
مروة : كيف حالها أمي كلمتني قبل العملية عطتني الممرضة التليفون ..قالتلي أول ماتفيقي كلميني ..
تهاني : الحمد لله بخير هيا وادم قاعد معاها ... شوية يخشو نزار وعمر ونعطوك كلميها ...
مروة : تمام بس بالله عليك غطيني كويس قبل مايخشوا 💔
...
...
..
نزار : الف الحمد لله على سلامتك ..
عمر : انا قلتلهم مروة قدَعة وتو تشوف كيف تنوض منها😅 ياودي مرعشتينا عليك 😅
مروة : اكتفيت بابتسامة لاني مش قادرة نتكلم ..
نزار : كيف تحسي في روحك توا أحسن ♥️
مروة : الحمد لله المهم افتكيت من الأكسجين مانتحملاش ..
نزار : الحمد لله ♥️
مروة : نزار بالله عليك كلم أمي نبي نحكي معاها💔..
نزار : حاضر ..
.....
..
اتصل بأسيا وعطاني كلمتها ومجرد ماسمعت صوتها بديت نبكي 💔 كنت محتاجتها بجد .. محتاجة لحضنها وكلامها اللي يبرد على قلبي .. 💔 لين خذي مني عمر التليفون 💔
عنر : يااااسركم وانتم عشقكم النكد تبي عمليتك تنشرك من البكي 😠 كلها يامات وتروحيلها ..
وقعدوا يهدرزوا ويحاولو يغيرولي جوي وانا فكري كله في طيف فؤاد اللي شفته 💔 صورته قعدت بين عيوني 💔
~~~~~~~~~~~~~~~~~~~~~~
بعد ماشفتها واتطمنت عليها مشيت للعمل وانا في عالم تاني صوتها وهيّا تحت تأثير البنج وتنادي فيّا يرن في وذني 💔💔 كملت خدمتى وروحت تاعب للحوش لقيت سارة مطيبة الغدي وتراجي فيا 💔
سارة : الحمد لله على سلامتك ♥️
فؤاد : الله يسلمك♥️ ماشاء الله الريحة واصله لبرا ...سلم يديك
سارة : الله يسلمك هيّا بدّل حوايجك وتعالا تلقى الطاولة واتية ♥️
فؤاد : ((مع انه ماعنديش نية ناكل شي بس ماحبيتش نكسر بخاطرها )) حاضر ♥️
.....
....
....
~~~~~~~~~~~~~~~~~~~~~~~
قعدو معاي من الظهر لبعد المغرب ...
تهاني : هيا نزار الدكتور قال لما لازم نطلعو ونخلو مروة ترتاح ..
نزار : اي واسيا خليناها بروحها ..
عمر : هيّ مالا بالسلامة يامروة نشوفوك على خير ..
مروة : ابتسمتله .. صحيت ياعمر ♥️
عمر : ولو ♥️ قداش عندنا مروة .. وطلع
لحقاته تهاني وقعد نزار ..طبس عليّا ..
نزار : هاذا تليفونك ابعتلك فيه رصيد لو تبي أي حاجة كلميني حتى نص الليل عادي نجيك ♥️ ..
مروة : ابتسمتله .. سامحني ديما متعباتك♥️ .
نزار : معاش اتقولى هكي ♥️ واتذكري إني ديما معاك وحنساندك لين ربي يأخذ أمانتي .. أني مش راح نسيبك♥️ ..
مروة : ((حلو انك تحسي بوجود سند جنبك خصوصا اني بعيدة على عيلتي لولا نزار كنت ملوحة في الشارع والا قاعدة تحت عماد ♥️ )) ... بحركة عفوية شديت ايده .. مستحيل ننسى فضلك عليا ♥️
نزار : ابتسم وزاد شد إيدي .. ردّي بالك من روحك ♥️ وطلع ..
هما طلعو من هنا وانا نحس في روحي تعبانة ونبي نرقد .. رقدت على طول ..🥀
~~~~~~~~~~~~~~~~~~~~
عند فؤاد .. دوشت وبدلت وطلعت لقيت سارة موتية الطاولة ..
قعمزت مقابلها كليت كاشيكين وقعدت سارح ..
سارة : حطت كاشيكها .. خيرك فؤاد 💔متغير الأسبوعين هادو ..
فؤاد : لالا مافي شي .. الحمد لله صحيتي و سلم يديك 💔
سارة : عيونها تعبو دموع 😢 .. بس إنت ماكليت شي 💔..
فؤاد : نحس في روحي مريض توا نأخذ بندول ونرقد ولما ننوض تو نأكل 💔
سارة : 😭😭😭😭😭((هوا ناض واني انهمرت بالبكاء حاسة في حاجز بيناتنا .. مش قادرة نعيش معاه حياة طبيعيه لامتا بسسسس ياااااربي فرّج عليا ياااااارب تعبت حتي ماما ماتت ومعاش عندي حد نشكيله قعدت على الحال هذا أكثر من ربع ساعة وبعدين نضت توضيت وصليت رتبت المطبخ وخشيت لفؤاد .. 💔))
لقيته راقد حولت البطّانية وخشيت جنبه في السرير قعدت راقدة مقابلاته وعيوني عليه نتأمل فيه ... واضح عليه انه متضايق .. قداش وجعني حاله ... تمنيت اندير أي شي باش نهون عليه .. زدت قرّبت منه وحطيت إيدي على لحيته ♥️ قام ايده حطها على ايدي وقالي .. انا تعبان يامروة !!! 💔
