#رواية_غريقة_أخطائي🔞🔥
الحلقة .....(10)
...
.....
...
لماخشيت لدار عميمة كان قلبي يدق بقوة وكنت نرعش خشيت فراشي وبدووو الدمووع ينزلوا بروحهم ياارب نسيني فيه 💔💔مانقدرش انكون مع غيره مانقدرش 😭حطيت ايدي على السنسلة اللي جابهالي عماد .. شن درت فيا ياعماااد مستحيل نقدر ننساك وقعدت نبكي لين خذاني النوم . 💫💫
....
....
نضت الصبح ناشط حاس بروحي أسعد شخص في الدنيا .. طلعت جبت تليفون وشفرة ورفعتهم للحوش لقيت أمي نازلة توتي في الفطور ركبت لمروة ع طول لقيتها راقدة وملفوفة في البطانية زي العصبانه😂..
قدّمت حطيت جنبها الباكو وطلعت 💫💫..
....
....
...
فؤاد : ايواااه صباح الخير .. كيف الحال ياخال وين إنت.
أحمد : شن في يافؤاد صايرة معاك حاجه ؟؟
فؤاد : لالا اطمن ياخالي مافي شي غير نبيك في موضوع وين نلقاك .
أحمد : نتلاقو في القهوة اللي جنب ......
فؤاد : عشرة دقايق انكون عندك ..
....
...
......
..
نضت الصبح وأول فتحت عيوني قابلني باكو محطوط جنبي نضت نجري .. لقيته الايفون الأخير ومعاه وردة وبحداه ورقة مكتوب فيها ..
محلاك وانتِ مشفشه 🤭
😱😱نضت نجري شفت في المرايا لقيت روحي زي الغولة 😥😥من توا شافني هكي🤦♀️🤦♀️
واسيت شفشوفتي ووليت نجري للتليفون فرحانه بيه ومش مصدقة ❤ أول مافتحته وصلتني رسالة من فؤاد ..
^^ مبارك عليك التليفون ❤ ربي يجعلك من نصيبي إن شاء الله اليوم أنا أسعد انسان في الدنيا انحبك ياغاليتي ❤^^
لين حسيت قلبي وجعني عليه💔 تمنيت عمااد مش موجود في حياتي بكل كنت حنكون سعيدة مع فؤاد 😭😭بس ذكرياتي مع عماد محاصرتني ومش قادرة نتقبّل حد تاني في حياتي😭😭..
........
..
في الوقت هذا فؤاد كلّم بابا وعرض عليه انه يخطبني وانكمل قرايتي وبعدين نتزوجوا طبعا اهني بابا تفاجئ هلبا من طلب فؤاد بس فرح لان مستحيل يتقدملي راجل احسن من فؤاد ..أعطاه الموافقة وقاله بنتي من اليوم في أمانتك ❤
.....
مشي فؤاد للعمل طاااير من الفرحة واتصل بعمتي قاللها ماتخليش مروة تروّح !! وقاللها اللي صار ..
عميمة : رورورورى الف مبروووك ياوليدي والله مالاقي خير منها😍😍😍 ..كنت حاسة حتي أني الأهتمام هذا كله مش بلاش 😂
فؤاد : 😂😂نحبها ياااام ادعيلي ربي يجمعنا على خير ❤.
عميمة : ريت مافلحها بنت خوي مشّاتك للطريق😂ربي يكمل على خير ياوليدي ..
وانا نسمع ومصدومه 😥😥الموضوع قلب جديات 😥
بس عادي اكيد فؤاد حيسعدني وينسيني كل شي قبله🥺💔
مش عارفة شن يستنا فيّا بس في شعور مخوفني وحاسة إني مش مطمّنة .. قلت لمؤيد يروح بيا ماباش وقلت لعميمة تكلم بابا يجي يروح بيا حتي هيا قالتلي لا اقعدي اليوم وغدوة روّحي كان تبي !
..
قعمزت في دار عمتي وفتحت تليفوني الجديد وفتحت فيس إيميل جديد وأول شي درته فتحت ايميل عماد ! قعدت نتفرج على صوره🥺💔 استاحشته 💔..
....
..
.....
جي فؤاد قبل المغرب بشوية.
فؤاد : نوضي هيا انتي ويّاااها البسوا بنطلعوا ..
مروة : وين بترفعنا 😍😍😍..
عميمة : وين ..
فؤاد : في الطريق نحكيلكم بنركب اندوش وننزل نلقاكم لابسين ..
مروة : مني اني واتية 😂ليا فترة ماطلعتش ..❤
..
....
..
وتينا روحنا وطلعنا مع فؤاد 💫💫 ..
فتح فؤاد أغاني وقعد يغني معاهم ومنسجم ❤❤
عميمة : قولي وين بترفعنا 😑😑
فؤاد يغني وماباش يرد ..
عميمه سكرت المسجل : قلتلك رد عليا وين رافعنا 😑😑
فؤاد : خيرك خايفه انتي اتقول مش ولدك انا 😂😂
اهوا وصلنا هي ❤..
مشينا مسافة بعدين وقّف قدام حوش مبني جديد واضح عليه مش كامل ..
شبحنا انا وعميمة لبعض وفوقنا علامات تعجب ..
فؤاد طلّع المفتاح وفتح الباب وخش ..
شبحلي وابتسم : تفضلي خشي لحوشك يامروة.
مروة :😟😟😟حوشي
عميمة : خشت تجري 😍😍ماشااااء الله على حوش وليدي ماااااشاء الله
انا واقفة مصدومة خانتني الكلمات وماقدرتش انقول ولاكلمة نجبر بيها بخاطر فؤاد ...
قعدت واقفة ونتفرج .. الحوش كبير وكيف بادي يركب في قواعد يعني قاعد مش مفصل ولا واضح فيه شي غير انه كبير وفيه جنان كبير ..
بعد جهد جهيد شديت في ايد فؤاد ..
مروة : ربي يباركلك ❤
فؤاد : ربي يباركلنا ويجمعنا فيه بالخير ❤
قاطعتنا عميمة ..
عميمة : قداش ليك واخذه هذا وين انشوفه انا 😑
فؤاد : بنديرهولك مفاجاءة يا ودّادة ...
...وقعدنا نسألو في فؤاد على التفصيلة وكيف بيدير الحوش وعدد الديار وهكي عطلنا بعدين طلعنا من الحوش وقفنا على مطعم تعشينا وروّح بينا قلتله بنروح لحوشنا قالي لا .. وروّح بيّا معاهم 😑😑..
...هاديكا الليلة سهرت انا وياه وهوا يرسم في مخطط مبدئي لحوشنا هوا كان فرحان وكل مرة يديرلي موقف وانا كنت نشوف في عماد في كل مكان 💔💔..
تاني يوم جي بابا روّح بيا وفؤاد فوت يومين وجي طلبني هوا وعماتي رسمي ..
رجعت للجامعة بعدها ع طول ..وبديت في القراية ..ومن أول يوم مشيت فيه لقيت عماد في الجامعه🤦♀️💔
مروة : أهلين انا مروة ..قالولي انك اتدوري فيا..
رتاج : ايه وانا رتاج من طرف عمااد وقالك كلميني ضرووورى مشغول عليك ..
مروة : يصير خير .. بس بالله عليك قوليله قالتلك مروة روّح وخليك بعيد عليا مانبيش مشاكل .
رتاج : المهم بتكلميه واللاه ..
مروة : ايه💔💔تو انكلمه 💔
....
غلبتني عاطفتي واتصلت بيه ..
مروة : 😭😭😭😭عماد
عماد : مريوتي وينك 😢😢 خفت عليك علاش ماكلمتينيش 😢😢علاش تبكي توا 😢😢
مروة : احنا انتهينا خلاااص انساني 💔
عماد : شن اتقولي انتِ ؟؟ انا مستحيل ننساك واللي بيننا مستحيل ينتهي !
مروة : بابا بيزوجني 😭😭وبصوت ياذوب طالع
عماد : كيييييف ل مني ؟؟
مروة :لفؤاد 💔
عماد : ااااززززز اننننننن وقرايتك علاش معاش مشيتي للجامعه .
مروة : بابا حرمني من الجامعة 💔 بالله عليك خليك بعيد وماتدرليش مشاكل .. انا نبي نقرا ونتخرج 💔
عماد : نبي نشوفك 😢😢
مروة : 😢😢مارديتش...
عماد : مرووووووة نكلم فيك انا بنمووووت عليك مستاحشك نبي نشوفك تسمعي فيّا .. وزواج مستحييييل نخليه يأخذك مستحييييل .. انتي ليّا انا يامروة ليّا انا بس 😡😡😡😡.
قعدت نسمع في كلام عماد وقلبي يتقطع 💔💔هوا الشخص اللي حبيته من صغري .. كان بعيد عليااا هلبااا وماصدّقت انه حبني وتعلق بيا جيّ بابا وكسر قلبي وحرمني منه 💔 كنت مصدّقه الحب هذا لدرجة اني غمضت عيوني على فؤاد وقتلت مشاعري تجاهه 💔..
....
تفاهم فؤاد مع بابا إن العرس حيكون بعد ثلاثه شهور ..تقريبا بعد امتحاناتي ع طول ..
....
.......تسريع للأحداث💫💫💫...
...
عند فؤاد .. فرحان ونجري ونوتي في حوشي وأخيرا بنجيب مروة وبتولي مرتي ❤واجعتني مروة مقصّر معاها هلباا في فترة الخطوبة .. بس هذا كله لاني نخدم عليها مانبيهاش تنقصها ولاحاجة لافي الحوش ولا في العرس ❤ مرة مرة نخطم عليها ونرفع فيها للحوش أختارت كل شي في الحوش بذوقها ❤ وصلنا للأثاث طلعت انا ويّاها وشرينا كل شي مع بعض ❤ .. وأخيرا مروة كملت امتحاناات ومزال اسبوعين على عرسنا❤❤...
...
عند مروة .. فاتوا التلاته شهور في رمشة عين من أول مرة كلمت فيها عماد بعد خطوبتي معاش كلمته بس مرات نتواصل معاه بالرسائل و كل يوم يبعتلي في تسجيلات صوت وانا نقعد الليل كله نسمع فيهم ومرااات نرد عليه بمسج💔💔مرات يبكي ومرات يغني وانا نفوت الليل كله نسمع ونبكي ..كل يوم يفوت نحس انه موتي قرّب .. نطلع مع فؤاد ع أساس بنختار معاه أثات الحوش نمشي ونروح زي الجثة 💔💔
كل يوم نزيد نتعلق بعماد ونباعد على فؤاد أكثر 💔خلاص مزال بسسس أسبوع على العرس مش هاين عليا فؤاد يعيش معاي وانا قلبي مع غيره 💔💔..
.....
....
...
فؤاد : خيرك ماترديش 😡😡شفتي كم مكالمة مكلّمك انا 💔
مروة : مش فاااااضية مش فاضية زي انا لما نبدأ نبيك ومحتاجتلك ونبي نهدرز عليك اتقولي مش فااااضي !!! حتي انا توا مش فاضية ..
فؤاد : خيرك اتكلمي فيا هكي انتي 😡😡انا مانلعبش أنا نخدم ياااااامروة نخدددددم 😡
مروة : خلاص وحتى انا نخدم توا والأحسن معاش تكلمني للعرس أحسن ماقاعد تكشخ عليا وخلاص💔
فؤاد : اسف مريوتي ❤ معاش تقوليلي هكي انتِ عارفة اني نبي انكون معاك الوقت كله بس نخدم ياااروحي ..اهي هانت كله اسبوع ونجيبك لحضني ❤
بنقعد معاك سنه في الحوش معاش بنطلع بكل ❤شن رايك ..
مروة : ((كلامه وجّعني هلبااا💔💔انا مانستاهلاش ))..سامحني بنسكر توا ماما تنادي فيا😥😥
.......وسكرت عليه ..
يتبع
الحلقة 11 .....
.....
....
...
عماد : مروة استاحشتك ..وقدّم بيبوسني دفيته
مروة : عماد خلّي في بيناتنا حدود انت قلت نبيك في كلمتين وانا جيتك 💔
...
...
...
...
فؤاد يصيّح بأعلى صوته مرووووووووة
مروة : سامحني يافؤاد .. وركبت للسيارة 💔😢
ومن هنا بدت قصتي وبدت معناتي💔
...
..
..
ماتنسوش تعطوني رايكم ؟؟
