#رواية_غريقة_أخطائي ♥️
♥️♥️~~~~ الحلقة الأخيرة ~~~~~♥️♥️
..
..
..
هوا طلع من هنا وانا تحولت إبتسامتي لدموووع 😭😭 قعمزت على ركابي من حرارة الكلمة نزلت على قلبي زي السم 😭😭😭 .. وبعدين خشيت لبست قفطان ماما وقعدت نبكي لين خذاني النوم اليوم بذات انا في أمسّ الحاجة ليها 💔...
...
........
~~~~~~~~~~~~~~~~~~~
عند فؤاد ..
وجعتني سارة وجعتني حسيتها إنظلمت وحيقعد ذنبها في رقبتي لين نطمن عليها 💔 .. روحت للحوش على طول 💔..
مروة .. فؤاد وسارة تأخروا هلباا انشغلت واتصلت بسرو ماتردش ... حاولت اننوض وبصعوبة قعمزت على الكرسي المتحرك .. وقعدت نلود في الحوش !! قداش عندي فيه ذكريات حلوة 💔 كل مانخش لدار يخطر عليا انا وفؤاد كيف نتعاركوا على الاثاث وفي النهاية يأخذ برايي 💔🥀 خسرت كل شي على خاطر شخص مايستاهلش 💔
~~~~~~~~~~~~~~~
سمعت باب الحوش انفتح .. مشيت نجري 💔 لقيته فؤاد بروحه💔
مروة : وين سارة 💔
فؤاد : حط تليفونه ومفاتيحه ..💔 بتبات غادي..
مروة : علاش 😢
ماباش يرد عليا و خش للحمام وخلاني 💔
قعمزت نبكي 💔
بعدين حسيت روحي تعبانة قعدت ياذوب انقيم في روحي ونبي نرقد على السرير انحاول نركب بروحي .. شوية وخش فؤاد قامني وواساني على الفراش غطاني من غير مايشوف لعيوني وحطلي العشي قدامي وطلع 😢 شوية واتصلت سارة ..
مروة : وينك خيرك قعدتي ..
سارة : شن الجو ياحلوة ..
مروة : اما حلوة متعك علاش بتتي ..
سارة : بابا تعبان ماقدرتش نخليه بروحها بنقعد معاه يومين تانيات ونروح ..
مروة : فاهمااتك اني علاااش هكي ياااسارة 😢
سارة : 😂😂😂والله اني مرتاحه هكي .. ادعيلي ربي يبعتلي راجل يحبني زي فؤاد 😂
مروة : مجنونتي ..ومن مايحبكش انتي♥️
~~~~~~~~~~~~~~~~~~~~
فاتو إسبوعين على الحال هذا وفؤاد خذي إجازة وقعد معاي يخدم فيا من غير مايحكي معاي💔 حاولت كذا مرة بنحكي معاه ماقدرتش .. مافكرتش اني نعتذر منه أساسا غلطتي ماينفعش فيها إعتذار💔 ..
الوقت كله وانا نحكي مع سارة فيديوا ولما تسكر سارة نكلم اسيا 💔
في الأول كنت انقول وجوده جنبي يكفيني بس والله قلبي تقطع قربه مني تعبني هلباا نظرته ليا صعب نوصفها تأنيب الضمير بيقتلني💔..
بعد ماتحسنت والحمد لله بديت نقدر نتحرك قررت اني بنرجع لأسيا معاش قادرة نتحمل 💔 ...
نضت مالقيتش فؤاد في الحوش 💔 قعدت نوتي في الشناطي ونلم في حوايجي .. اتصلت بيا سرو قلتلها إني كلمت اسيا وبتجي تروح بيا معاش قادرة نتحمل 💔 سكرت مني ع طول وبعتت مسج ل فؤاد 💔
~~~~~~~~~~~~~~~
عند فؤاد .. لما وصلني مسج سارة إن مروة بتطلع من الحوش سيبت اللي في ايدي وطلعت نجري مش عارف علاش بس اللي نعرفه اني معاش نقدر نعيش من غيرها 💔 كل شي الا اني نخسرها مرة تانيه .. أي نبيها ترجع لحياتي ومانبيش نتخلى عليها حتى لوغلطت نبيها 💔...
~~~~~~~~~~~~~~~~~
عند مروة .. جهزت روحي ووتيت حوايجي في الشناطي ..لبست عبايتي وقعدت نلود في الحوش وكأني نودع فيه💔 كلمت اسيا قالتلي شوية ونجيك أنا ونزار 💔
شوية سمعت الباب انفتح أول ماخش شاف بضاعتي موتيتها لقاني لابسة عبايتي وواتية باش نطلع ..قعد واقف في مكانه ويشبحلي💔
مروة : حطيت راسي في الوطا .. صحيت على وقفتك معاي وسامحني تعبتك .. اهو شوية ويجو بيرفعوني💔
فؤاد : وين بيرفعوك 😡 بصوت عالى ..
مروة : 😥
فؤاد : اي انكلم فيك وين بتمشي😡(قعد يشبحلي وعيونه معبيات دموع لأول مرة بعد السنين هادي كلها يحط عينه في عيني ويتكلم💔 ) عاااادي عندك بالسهولة هادي تطلعي وتخليني ..(وقعد يقدم وأنا نوخر😥)ماحسيتيش بيا قداش عااااانيت ..قداش ليلة مارقدتهاش .. قداش دمعة نزلت من عيني .. قداش مرة نضت من النوم مخلوع وانا نسمع في صوتك في وذني (خبّط الطاولة اللي جنبه)" .. صورتك وانتي طالعة معاه اللي مابتش تتحول من فكري .. هذا كله ماليشي قيمة عندك 😡 ..
قطع كلامه تخبيط أسيا على الباب 💔 خذي تليفونه ومفاتيحه وطلع 💔 ..
...
خشتلي أسيا لقتني منهارة 😭😭😭 حضتني وقعدت تهدي فيّا ..
أسيا : هيّا مريوة نوضي معاي نروحوا للحوش ..
مروة : إذا كان هوا استناني سنين أنا نستناه عمري كله 😭😭لين ربي يدير طريق .
أسيا : شن صار يابنيتي قطعتيلي قلبي💔
مروة : نحبه ياأمي نحبه 😭😭😭مانبيش نطلع من حوشه نبي نقعد في مكان ريحته فيه💔 حتى هوا مايكلمش فيا بنقعد معاه 😭😭 تكفيني شوفته 😭
اسيا : حضنتني وماردتش بولا كلمه♥️
قعدت معاي لين اهديت وطلعت لما وعدتها اني لو احتجت شي نكلمها على طول 💔
نحيت عبايتي ولبست قفطان طويل وقعمزت على الصالون نراجي في فؤاد💔
~~~~~~~~~~~~~~~~~~
عند فؤاد قعدت نلوود بالسيارة وحاس الدنيا كلها جاية ضدي ... 💔 حسيت روحي تاااعب روحت للحوش في الليل متأخر 💔.. أول مافتحت الباب لقيت الشناطي قاعدين قدام الباب ...عيوني لمعووو وارتسمت الضحكه على وجهي لدرجة إني ماقدرتش نخفيها ..خشيت لقيتها راقدة على الكرسي واضح انها تراجي فيّا ..
قربت منها ومن غير مانفكر مرتين قمتها في حضني غمرت راسي في حضنها وقعدت انشم في ريحتها ♥️♥️ نحبها شن بندير لروحي♥️ وصلتها لفراشها حطيتها وبستها على جبهتها وطلعت♥️
~~~~~~~~~~~~~~~~~
عند مروة .. قعدت نراجي في فؤاد لين خذاني النوم ومعاش حسيت بشي لين جي فؤاد وقامني .. لما دخل راسه فى رقبتي وقعد يشم فيها تعالى صوت أنفاسه وانا حسيت نفسي بيهرب مني 💔... حاولت مانخليشي يحس إني فقت لين حطني في فراشي طبس باسني وطلع سكر الباب وانا نزلو دموعي زي النار على خدّي 😭...
طلع فؤاد واتصل بسارة على طول ...
سارة : طمني لقيتها قاعدة 😢
فؤاد : اي قاعدة ♥️
سارة : الحمد لله🥺😅😅قتلتوني بالرعايش الله يربحكم 😂..
فؤاد : سارة ..
سارة : نعم ..
فؤاد : أنا بنتزوجها ..معاش دخلي في شي ... مادخلي في حد ولا في كلام الناس !! عارفهم كلهم بيجوا ضدي😢لاكن انا نحبها !
سارة : الله 😳 ..هذا أحلى خبر سمعته♥️😁😁😁 اايه يافؤاد يااسركم عذاب .. ربك يغفر يابال احنا البشر أنت بتسامحها ماتأخذش براي حد لان كلهم حيجوا ضدك ..مافيش حد منهم عايش في قلبك ولا حاس بيك ولا في حد عايش في قلبها ..انت خوذ قرارك بروحك♥️ ..
فؤاد : عرفت بمن نتصل والله .. بس مستحيل نسامح روحي علي اللي صار فيك انتي ..
سارة : أنا مرتااااااحة والله ♥️ صدقني هكي أهون عليا من اني نكمل مع شخص وانا نعرفه يحب غيري 😁
~~~~~~~~~~~~~~~~~~~~
تاني يوم ناض فؤاد من غير مايكلمني ..اساسا مش محتاج يكلمني😅 ..طلع كلم بابا في الاول رفض وقاله مادخليش بيك وانا مستحيل نسامحها بعدين أصرّ عليه فؤاد انه يحضر الفاتحة بس وافق المهم معاش يشوفني .. ومشي لعميمة قاللها رفضت رفضا باتا في الأول بس لما لقت ولدها فرحان بعد كل سنين الحزن هادي وافقت♥️ ...
....
......
....
حدد فؤاد يوم للفاتحة ونادى على عدد بسيط من المعازيم ممكن 15 النفر وقري فاتحته عليا وروحلي من غير لا عرس ولا أي شي هوا كان مقتنع بيّا فمهماش كلام الناس ... اسيا جتني في الحوش وعمر ونزار مشوا للفاتحة 💔
....
...
عندي أنا كنت أسعد إنسانه في الدنيا وأخيرا تحسنت حياتي واهو أنا مع اكثر شخص حبني في الدنيا .. بسبب تهور وقلّت وعي كنت حنخسر فؤاد اللي مافيش منه مش ديما يكون الشخص اللي حبيتيه هوا الشخص المناسب ليك💔..
فؤاد اللي كان راجل معاي ومع أمي ومع وخيتي سروو اللي صانها في حوشه تلاته سنين ومامسش شعره منها .. فؤاد مافيش منه في الدنيا ♥️..
يوم فاتحتي خطر علي بالي لولا ستر ربي عليا وقعدت مع عماد كيف كانت حتكون حياتي تحت علي والا كان حيجي غيره وغيره وانكون سلعه رخيصة ليهم 💔
لولا دعاء أمي مكنتش لقيت نزار لما هربت والا كان نزار ولد حرام واستغلني💔 ..
حمدت ربي إني حتي غلطت القيت من يحتويني ويسامحني والشي هاذا ناااادر الوجود ♥️ .. الحمد لله ان فؤاد ماكانش أي شخص تاني ... فؤاد قدر يسامحني من غير مايحملني عناء الاعتذار ..قدر يسامح لأن لمّا حبني حبّ بصدق و بقلب صافي♥️
حمدت ربي ان فؤاد تزوج سارة باش يهوّن علي ماما ويكون جنبها وقت مرضها ومامسهاش باش تقدر تكون لغيره 💔
كل شي صار كان بحكمة من الله عز وجل فالحمد لله على كل حال♥️ ..
.....
تزوجت فؤاد وكنّا أسعد اتنين في الدنيا وأخيرا رقدت معاه على فراش الحلال اللي كان ليه طعمة خاصة ♥️
...
....
فؤاد غمض عيونه وهو لاف يديه عليا ...♥️♥️ تذكّر لما واعد نفسه في صغره انه مهما صار مستحيل يحب ولا يرقد مع مراء غير مروة وصاار المستحيل واهو رجعت مروة لحضنه وكانت من نصيبه ♥️ زاد ضغط عليّا وابتسم ♥️
