الحلقة ....... 23
....
....
...
وصلت بيها للمصحة أنا قمت مروة وباقي الشباب قاموا المرا اللي معاها خذوهم مننا وطلعونا برا 💔...
قعدت واقف قدام الحجرة وحوايجي كلهم دم 💔
دم مروة 😔💔 كنت مكسور وذكرياتي مع مروة كلها مرّت شريط قدام عيوني💔
فهمت من الدكاترة إن مروة دخلوها عمليه مستعجلة عندها كسر في الضلوع ومسببلها نزيف داخلي💔
والمرا اللي معاها كسور بسيطة طلعوها للملاحظه💔
~~~~~~~~~~~~~~~~~~~~~
عند نزار كلمني واحد صاحبي وقالي عالحادث طلعت من العمل نجري وكلمت عمر وصلنا للمصحة مع بعض ..
نجري مش حاس برجليا اسيا امي اللي ربتني وكبرتني ومروة ااااااه من المروة اللي مش قادر نطلعها من تفكيري 💔
وصلت للمصحة قالولي ان اسيا ركبوها للملاحظة وضعها مستقرّ أما مروة فقاعدة تحت العمليات 💔
ركبنا اتطمنا على اسيا و قالتلنا انزلو لمروة شوفوها وطمنوني عليها 💔
.........
....
.....
لقيت واحد واقف قدام غرفة العمليات عيونه معبيات دموع وحوايجه كلهم دم ماشي جاي واضح عليه متوتر ماعنديش نية نسأله حتي من يكون .. قعدت انا وعمر نراجوا في الدكاترة امتا يطلعوا !!
~~~~~~~~~~~~~~~~~~~~~
عند فؤاد .. رجليا ياذوب حامليني والدكاترة عطلو وماطلع منهم حد .. معاش نشوف في شي قدامي ظلمت عليا مش عارف علاش مع اني عشت من غيرها تلاته سنين لاكن وجعتني وقاعد مش متحمل فيها شي 💔
طلع الدكتور واخير وقالنا ان عمليتها كانت صعبة بس الحمد لله نجحت العملية الأولي وتوا بتقعد بالأجهزة الرئة مزال تاعبة لان الكسر جي عالرئة وانضرت يعني مزال ماتجاوزتش مرحلة الخطر بعد أسبوع يلزمها عملية تانيه..
وتوا أهم شي عندنا إنها تفيق والعملية التانيه حتكون أصعب 💔 ...
كنا احنا الثلاثة نسمعوا في الدكتور انا عارف هما مني وهما عرفوني ومع ذالك ماتكلمناش مع بعض بكل 💔💔
فؤاد : نقدروا نشوفوها دكتور .
الدكتور : .. انت من تكون بالنسبة للمريضه ..
فؤاد : خوها 💔 نبي نخش نشوفها لو سمحت ضروري 💔
الدكتور : شوية واناديك خليك قريب ..
نزار وعمر واقفين يسمعوا وماتجرؤش يتكلموا مع فؤاد
بعدين نزار مشي وحيله مهدود ورجع ركب لأسيا 💔 ..
قعمز فؤاد على الكرسي وحط ايديه على راسه .... جي عمر قعمز جنبه ..
...
عمر : إنت مش خوها .. مروة ماعندهاش خوت !!
فؤاد : إنت عمَر والا نزار ..
عمر : انا عمر منين تعرفنا ..
فؤاد : من غير مانرد عليه نضت من مكاني بنطلع شدني من ايدي ..
عمر : نعرفك أنا💔 انت ولد عمتها اللي كان خاطبها صح واللاه 😔
فؤاد : شن دخلك انت 😡 ماليكش علاقة .. انا قلتلك خوها شن تبي في امي توا ..
عمر : استنا شوية خذي شنطة مروة من نزار وطلع تليفون مروة وفتحه قدامي ..شوف هاذي صورتك والا لا 💔
فؤاد : ""قمت عيوني لقيت صورتي مدايرتها خلفية تليفونها💔💔💔 قعدت جامد في مكاني وفجأة تعفلقت تلخبطت مشاعري معاش فاهم شي بااااهي علاش مدامك تبيني علاااش اللي درتيه علاااااش كنت بتكوني مرتي خربتي كل شي 💔""
إنت شن تبي تواااا شن تبي 😡😡😡
