الحلقة ... 13
عماد : هي نوضي حبيبي وتيت الطاولة بنتغدو ❤
مروة : فتحت عيوني بشوية .. سامحني رقدت من غير مانحس بروحي 💔
عماد قدّم قعد يمسح على شعري : نحس ف روحي نحلم .كان حلم مانبيش اننوض منه ..
مروة : شديت ايده بستها❤ ولا اني مصدقة .. نضت نجري قعمزت ..قولي شن جبت غدي جعانه بنموت 😅
عماد : 😂😂مجنونتي وقامني في غمره رفعني للطاولة ❤
مروة : 😂😂😂لالا اتطيحني 😂..
حطني على الطاولة وكان واضح انه فرحان هلباا لاني معاه وانا كذالك فرحانه ومش مصدقة فرحتي نستني في عيلتي واللي صاير فيهم بسببي ..
~~~~~~~~~~~~~~~~
مقعمزة نبكي قريب وقت الفاتحة وأنا نبي معجزة اطلعني من الكابوس هذا لين جتني عميمة قالتلي يبيك فؤاد برا 💔
...
طلعتله وانا نرعش من الخوف توقعته يكون متعصب ويكشخ ويضرب حتي 💔 بس فؤاد كان مقعمز علي الكرسي لابس زبونه اللي اختارته مروة وحاط راسه لوطة .. مشيتله وانا نرعش قام عيونه فيا كانو حمر ومنفوخات واضح عليه كان يبكي .. وناض وقف ...
فؤاد : كيف حالك ياسارة.
سارة : بخير وقعدت نمسح في دموعي
فؤاد : ماتخافيش مني ياسارة انا مش حنظلمك ولا حنعاقبك على شي انتي ماليكش دخل فيه لو تزوجتيني حتعيشي معاي معززة مكرمة وحنحطك فوق راسي لاكن لازم تعرفي إني تزوجتك على خاطر خالي وماتستنيش مني اني انكون معاك زي اي راجل ومرته يعني زواجنا حيقعد على ورق بس لو تبي تلغي الموضوع توا نطلع لخالي وننهي الموضوع اني مانبيش نغصب عليك ومانبيكش تحملي غلط حد تاني ..
سارة : بارك الله فيك فؤاد كلامك ريحني هلبااا وانا هكي نبي لاني مستحيل نقدر نكون معاك 💔 نتزوجوا بس على خاطر بابا 💔
فؤاد : ع خير ان شاء الله وطلع ..
......
عند فؤاد.. لبست زبوني ووتيت روحي للفاتحة 💔 كل صار كان زي الحلم خوتي صاحبي واقفين جنبي عارفين باللي صار 💔 وانا في عالم تاني💔كان المفروض نكون فرحان 💔علاش يامروة علاش .. تحملت على خاطر خالي وقدمت جنب الشيخ والشيخ يتكلم وانا عيوني في خالي ومعبيات دموع 💔 سأل الشيخ على إسم العروسة ورد عليه خالي قال سارة
... أنا اهنا خلاص بديت نبكي ومعاش قدرت نتحمل على طول تغمرني مؤيد ويقول قدام الناس دمووع الفرحة دمووع الفرحة وقعد يوشوشلي ماتخلي حد يشوف دموعك خليك قوي ياوخيي💔
وانقرت فاتحتي ...على سارة 💔
...
....
...
~~~~~~~~~~~~~~
خشت عميمة تبكي وتزغرط في نفس الوقت 💔
طبست عليا مبرووك يابنيتي انقرت فاتحتك 💔ربي يهنيكم 💔انا بدو الدموع ينزلو ومش قادرة نستوعب اللي صار حضنتني عميمة ❤
عميمة : نوعدك يابنيتي كل شي راح يتصلح .. ربي يعوضك خير
سارة : علااااش ياربي هكي يصير فيا علاااش 😭😭😭😭...وكملت اليوم كله بكي💔 حنوني ولبسوني البودري وانا نبكي ماقدرتش نصبر ماقدرتش 💔.
...
...
...
~~~~~~~~~~~~~~
كملنا غدانا واتكيت في حضن عماد وكنت مرتاحه هلبااااا قعدنا لبعد المغرب لحال هذا راقدة في حضنه ونهدرزوا قعدنا نحكوا على ذكريات مع بعض ونضحكوا وتفاهمت انا وياه ان مايصير شي بيناتنا لين نتزوجو بالحلال 🔞 ..
عماد : 😂😂😂 وطبس عليا يامشفشفه تهبلي ..
مروة : واسيت شعري .. توا طلعتلك مشفشفه ..
عماد : وأحلى مشفشفه وباسني على راسي ❤
....
فات الوقت ماحسيتش بيه لعند جت الساعه 12 وبدو المكالمات لعماد ..حسيته يرتبك بعدين وصله مسج ..طلع يتكلم براا ..طول شوية في المكالمة وخشلي ..
عماد : بنقولك حبيبي سامحيني بيجو الولاد لازم نخدمو اهنا عنا بضاعه لازم تتسلم غدوة ..
مروة : بضاعة شني 😨وكيف بيجو وانا هنا
عماد : احنا نخدمو في الدار اللي مسكرة وانتي اقعدي في دارك وسكري علي روحك لما انكملو انادي عليك ..
مروة : مزال ماتبيش اتقولي شن تخدم بالزبط شن هيا البضاعه اللي تخدمو فيها ..
عماد باس على راسي : حبي ردي بالك تفتحي الباب والاولاد اهنا واهو المفاتيح كلهم عندك انا نطقطق وانتي افتحيلي ❤
مروة : ماتبيش ترد واللاه 💔 انا مش مطمنة للموضوع هذا ..
~~~~~~~~~~~~~~~~
عند سارة ..لبست فيلو أختي 💔 ومشيت للمزين كان أصعب شعور ممكن تحسه اي بنت في عمري حتي المكياج دارتلي خفيف لان هيا اتدير وانا نبكي 💔 خشيت للصالة وكانت العيون كلها عليا وانا نشوف في الدنيا كلها ظلام 💔💔 حاولت نتماسك لنهاية الحفلة كان العرس مشترك .. لين جت عميمه وماما قالولي إن فؤاد جي ولازم ننزل ..طبعا لغينا حجز المصورة وطلعت على طول رجليا مش حامليني ونرعش مع بعضي خايفة من الشي اللي مستنيني 💔 ..
~~~~~~~~~~~~~~
عند فؤاد ركبت سارة وانا ياذوب شاد روحي قداش تمنيت مروة تكون في مكانها قداش حنكون فرحان 💔
قعدت سرحان لين الشباب قعدو يبيولي باش نطلع ولعت وطلعت 💔 الطريق كلها وانا ساكت نسمع في سارة وهيا تشهق وتبكي 💔 لين وصلنا للحوش فتحت الباب وأشرت لسارة انها تخش .. خشت سارة وانا قعدت برا 💔💔 قعمزت في عتبة الباب وقعدت نبكي 💔.. خش مؤيد ماحسيتش بيه لين قعمز جنبي ...
...
مؤيد : عارفك ماتقدرهاش 💔لكن نوض خش لمرتك وانسي اللي صار كله ..
فؤاد : مانقدرش مانقدرش ..شن درت في روحي ياريتني ماتزوجتها 💔بنظلمها معاي😭😭 ..
مؤيد : معاش تبكي انت راجل خيرنا عااااد معااااش تبكي نعرفك أقوي من هكي والله ماتستاهل دمعة من عينك ..
فؤاد : انا حتي الحوش مش قادر نخشله وتيت كل شي انا وياها مش عارف علاش دارت هكي 😢 ياريت رفضتني من الأول كان اهون عليا علاش ماقالتليش انا نحب واحد تاني .. ونضت نخبط في كل شي جنبي 💔
مؤيد : معاش تفكر فيها بكل اعتبرها ماتت معااش نبي نشوفك ضعيف هكي هيا مشت وسيبت كل شي وراها ماتستاهلش انك اتديرلها قيمة بكل 💔
فؤاد : وانت قلتها ماتستاهلش اللي صاير فيا 💔💔 والله ماتستاهل ..
~~~~~~~~~~~~~~~~
عماد خذي مني تلفوني وجوه جماعته وانا في الدار مسكرة علي روحي خايفة نرعش كان صوتهم عالي.. ضحك وتخبيط وصياح .. قعمزت نبكي وانفكر في حياتي كيف بتمشي عماد عطل الساعة 4ونص والدوشة قاعدة بعدين فجأة سمعت صوت السيارات واضح انهم طلعوا 💔..
جي عماد يطقطق عليا فتحتله وانا نرعش ..
كان رزين هلبا ومش قادر يمشي ويطيح وصوته رزين وغريب ريحته لاتطاق رقد وهوا يتكلم 💔
طلعت سكرت الباب بالمفتاح ورجعتله واسيته في فراشه وطلعت من الدار لقيت الحوش كله صنته زي الجيفه فتحت الروشن ورقدت تحته 💔
~~~~~~~~~~~~~~~
سمعت فؤاد لما فتح الباب جمدت في مكاني خش خبط الباب كانو حاطين ستاند على الباب مكتوب فيه اساميهم لوحه على طول ايده ..
فؤاد : ساارة انا في الصالون بنرقد تبي حاجة كلميني ومشي طول للصالون 💔
حصلت في روحي بصعوبة نحيت الفيلو ونحيت التسريحة الوقت كله وانا ندعي على مروة ان شاء الله ماتربحي ياوخيتي على اللي درتيه 💔
...
عند فؤاد نحيت البدلة وخشيت دوشت ووقفت صليت وعطلت في السجوود دعيت لييين عييت دعيت ربي يصبرني ويكون في عوني ونتجاوز المحنه هادي ❤ قعدت أكثر من تلاته ساعات انصلي وندعي لين ارتحت ورقدت ❤
~~~~~~~~~~~~
ناض عماد الصبح وكأن ماصار شي جي بيحكي معاي لقاني نايضه ونبكي ..
عماد : خيرك حبيبي
مروة : شن اللي صااااار امس هذا شني ياااعماد كيف اتدير هكي كييف
عماد : شن اللي صار 😡😡انت عارفتيني نشرب من قبل
مروة : ماكنتش حاسبة حساب هذا كله 💔
عماد : شن كنت حاسبة مالا
مروة : انت قلتلي شربت مرة وحدة لما اسمعت بيا بنتزوج😭😭 ..
عماد : خلاص حبيبي سامحيني اخر مرة امس لولاد شدو فيا وركبت الصنة في خشمي نوعدك معاش نعاودها ..
مروة قدمت ضميته : حبيبي هذا سم ربي يباعدك عليه 💔
~~~~~~~~~~~~~~~~
ناض فؤاد لقاني نوتي في الفطور في المطبخ ..
سارة : صباح الخير فؤاد ..
وحاطة راسي في الوطا مش قادرة نقيم عيوني فيه ..
فؤاد : صباح النور .. عبدو قالي جايب فطور قريب يوصل ماتتاعبيش روحك ..
سارة : ماقمتش راسي باهي تمام💔
قدم مني وقاملي راسي : مش انتي اللي تحطي راسك في الوطا نوعدك نخلي راسك ديما مرفوع ماتتحشميش مش انتي اللي غلطتي 💔
سارة : عيوني تعبو دموع وخشيت للدار !!
~~~~~~~~~~
اتصل راجل بعماد وقاله تعالا نبوك ضرورى طلع معاهم .. قعدت بروحي وماباش يعطيني تليفون قعدت اندور في الإستراحة لين لقيت عماد ناسي مفاتيحه جيت على طول للدار اللي مسكرة اللي امس كانو يخدموا فيها قعدت اندور في مفتاحها لين لقيته وفتحتها 💔💔 انصدمت من اللي شفته حسيت قلبي بيوقف 💔💔
في نفس اللحظه طقطق باب الاستراحة مشيت وانا نتمايل نحسابه عماد بنفتحله💔
فتحت الباب لقيته راجل تاني مشفشف و تحت عيونه أسود سكرت في وجهه وسكرت الباب بالمفتاح قعمزت ورا الباب سكرته بظهري وقعدت نرعش ونبكي. .
علي : انتي مني يااحلوة وشن اتديري في استراحتي ...
مروة : 😭😭😭 انا جايبني عماد (وصوتي يرعش )
علي : خيرك خايفه مني افتحي افتحي انديرلك اللي يدير فيه عماد بس 😂
مروة : انا مش من النوع اللي في بالك 😭😭😭 برا من اهنا مش راح نفتحلك ..
علي : انت من النوع اللي نحبه 😍😍حي عليا جماااالك ذوبني غر منين لاقيك عماد بسسس
مروة : 😭😭😭😭وينك ياعمااد بس ياريت عندي تليفون
علي : هيا افتحي ياحلوة خليني اندلعك ..
مروة : وخيي بالله عليك فوتني 😭😭😭😭😭😭 سادني اللي فيا
علي : باهي خلاص احكيلي اللي صاير معاك ..
علي جيت عماد فتح الباب الخارجي للإستراحه وأول ماشاف سيارة علي خش يجري 😡😡...
~~~~~~~~~~~~~~~
من أولها هكي 😭😭😭😭😭 شن درتي في روحك يامروة خشيتي للوحل برجليك 😭😭
....
....
....
يتبع ❤
