.........
الحلقة .........22
لما لحقتهم خشو لجامع قريب من الحوش واضح انه يقروا فيه لان من فم الباب تلاقت مروة مع بنات وسلمت عليهم واضح انها تعرفهم !! صارلي استك ومعاش فهمت شي قلت ماعنديش غير صاحب الغذائية اللي جنب الحوش نسأله ..
...
...
..
فؤاد : السلام عليكم وخيي بنسألك على العيلة اللي جنبك تعرفهم ..
صاحب المحل : كيف عاد نزار وعمر من مايعرفهمش نعم الناس والله ..
فؤاد : انشوف في بنية تطلع من حوشهم تمشي للجامع بنتهم ؟؟
صاحب المحل : لا والله هما زوز ولاد يتامى تربي فيهم عمتهم ومن ثلاته سنين جت البنت هادي قالو يتيمة كفلتها عمتهم وبتعيش معاهم .. هادي اسيا عمتهم ماشاء الله حاملة لكتاب الله وتقري في الجامع وحتي البنت ماشاء الله من شهر فات عزموني داروا عشي قالو البنت ختمت ..
فؤاد : أنا ندور بنخطب والبنت عجبتني شن اتقول عليها انت ..
صاحب المحل : البنت ليها اهنا تلاته اسنين ممكن بنت ناس الحق ما رينا منها الا طيّب من الحوش للجامع ومن الجامع للحوش ..
المدة اللي فاتت واحد في الشارع اهنا يسأل عليها مرات ماتلحقش عليها بكل !..
طلعت من غير مانرد عليه بكل .. قعدت سارح ونفكر ليها اهنا تلاثه اسنين معناها من أول ماهربت ... 💔 كلامه رفعني لمكان تاني ..
قعدت نلوّد ونفكّر معاش قدرت نستوعب خاطري نسألها ونفهم منها لاكن كرامتي ماتسمحليش !!
~~~~~~~~~~~~~~~~~~~~
نزار : كيف تتصرف من عندك😡😡 !!
عمر : الولد كلمني ويبيها وين المشكلة ؟؟
نزار : كلمني أنا ورديته خلاص الموضوع ينتهي 😠
عمر : خيرك أناني هكي😠البنت لامتا بتقعد هكي انا فاهم وعارف راسك شن فيه لو تبي ترد مروة لاماليها كنت رديتها لاكن إنت تبيها تقعد عندنا انا عارف انك تعلقت بيها ...
لاكن اللي اتدير فيه غلط نضال راجل كويس ومروة من حقها تتزوج وتنسي اللي عاشاته ..
نزار : انت متوقع نضال بعد ما يعرف قصتها بيتزوجها 😡 والا بتكذب عليه والا يتزوجها ويقعد عمرها كله يذل فيها 😡
عمر : خلّي الموضوع عليّا انا تو نحكيله علي الموضوع ونشوف مروة وانت خليك مع تهاني اكيد فهمتني هي ماشي توا ...... وطلع
~~~~~~~~~~~~~~~~~~~~~~
فؤاد : نورتي حوشك ياسرو ..
سارة : 💔💔منور بوجودك ..
فؤاد : خلاص سروو خيرنا عاد ورينا ابتسامتك الحلوة .. الله غالب هادي الدنيا ..
سارة : 😭😭😭 خليني نرجع لحوشنا نبي نقعد مع بابا 💔
فؤاد : أنا محتاجلك 😔بتمشي وتسيبيني 💔
سارة : خيرك صايرة حاجة ؟؟؟
فؤاد : اي معاش قدرت نطيقه الحوش من غيرك 😔 وعندي مشروع بنخدمه في الحوش نبيك تكوني معاي 💔
سارة : حاضر زي ماتبي .. خلاص أنا بنخش نرتب حوايجي ..
فؤاد : كملي ّ وتعالي نبيك ..
سارة : حاضر 😔
((قداش كسرتها وفاة أمها وجعتني نحس فيها انهدّت معاش فيها حيل بكل ربي يقدرني نحن عليها ونعوضها💔))
...
...~~~~~~~~~~~~~~~~~~~~~
....بعد ثلاته شهور 🍃
مروة : 😅😅😅باهي ياادومي هكي
تهاني :😂😂
عمر : مروة نوضي نبيك في موضوع خاص ...
تهاني : خير ان شاء الله 😅
عمر : مادخلكش انتي ..
اسيا : وانا بنخش معاكم راااه 😅
عمر : يااوديّ قلنا مروة بروحها ..بروحها ..
اسيا : وانا روحها 😅 بنخش
عمر : قعد يدف في اسيا بري هدرزي علي تهاني 😂
وفكينا من جو الوقفه ورا الباب 😂
.....
خشينا أنا وعمر للدار وقعمزنا ..
مروة : خير ان شاء الله
عمر :مانبيش نطول في الموضوع 😂 لاكن المشكلة مش قادر انكون رسمي 😂
مروة : خليك هكي اصلا ماتطلعش عليك الرسمية 😂
عمر : باهي سهلتي عليا ..جايك عريس ..
مروة :مني انا 🙂
عمر : لا انا 😒 من الاخير هذا نضال صاحب المحل اللي جنبنا متع الملابس 🙂
مروة : مانعرفاش🙃
عمر : تو بعدين تعرفيه🙃
مروة : مانبيش نعرفه هي ماشي مالا بنطلع 🙂
عمر : مرررروة 😠معاش تتسهوكي ..
مروة : نضت وقفت ..عمر انا موضوع الزواج مستحيل نفكر فيه ..
عمر : علاش .. فهميني ..انا فهمت من امي انك تقدري تتزوجي ومافيش حاجه تعيبك انت فاهمتيني واللاه💔
مروة : اي صح ..بس حتى اللي فات عليا مافيش راجل يرضى بيه ساد ان امالية لزوني ومعاش قبلو بيا💔
عمر : نضال كلمني قبل تلاته شهور ..ممكن بعد وفاة امك وانا حكيتله كل شي صار معاك وماقصرتش في الشكر 😄في الأول قالي نفكر قبل وتوا واللاه وقالي انا البنت رايدها وخلاص نتمو الموضوع ونمشوا مع بعضنا لبوك 💔
مروة : الكلمة هادي بروحها هدّتلي حيلي 💔
عمر : فكري يامروة نضال مايتفوتش راجل كويس طلبك في الاول من نزار ونزار رفض وانا قلتله تو نسألها ..
مروة :خلاص تو انفكر ونرد عليك 💔
...~~~~~~~~~~~~~~~~~~
طلعت من جنب عمر لوني مخطوف ومتخلبطة عليا قابلني نزار وكان احرف مني نظرته ليا غريبة واول مرة نشوفه هكي💔
....
...
...
فاتو تقريبا يومين حتى الجامع معاش مشيتله تالث يوم جي عمر وقالي حددت يوم باش اتديري مقابلة مع نضال وبعد جهيد من عمر وافقت وكنت متوترة هلبااااا
