غريقة أخطائي 💔

الحلقة الخامسة والعشرون ..

الحلقة .......25 ..
..
فؤاد : مروة .. دارت حادث وانا سعفتها يومها لما كانوا حوايجي دم كان .. دم مروة 💔 بالصدفة شفتها وصار الحادث قدامي 💔
سارة : وين شفتها وين هيا توا وكيف حالها😭😭😭😭وانهارت بالبكاء ...
فؤاد : احكيتلها من أول يوم شفتها فيه في المقبرة لليوم💔
سارة : أرفعني ليها بالله عليك ياروحي علييك ياوخيتي 😭😭 💔💔
فؤاد : اليوم بيعطوها خروج نبيك تمشي معاي نكلمو خالي بلكي يردها للحوش ويسامحها خير ماتقعد عند البرانية ..
سارة : 😭😭😭😭😭انت بتتدخل فيه الموضوع انت بتمشي لبابا 😨😨 لالالا خليه انا تو انكلمه .. ارفعني ليه بس 💔
....
...
رفعني فؤاد وانا طايرة من الفرحة واخيرا بترجعلي وخيتي ومعاش بنقعد بروحي كنت نبكي بشكل هستيري ...
وصلنا لحوشنا وبالصدفة كان بابا قاعد خشيت وبصعوبة باش قدرت نحكيلة ...
أحمد : شن اتقولي انت ِ  .. مروة منتهية عندي 😡شن تبي الناس يقولو عليا 😡 انسيه الموضوع هذا 😡خليها تقعد معاهم زي الكلبه تستاهل تحساب روحها بتربح ..

وانتي كان يندري عليك فؤاد جاية باش اتقوليلي الكلام هذا يطلقك .. الحقيرة هادي قتلت امها لو نلقاها في الشارع والله اللاما نقتلها 😡

سارة : ((مايعرفش انه فؤاد هوا اللي يبي يردها للحوش لما عرفت ان بابا مستحيل يوافق طلعت ))
أحمد : وين ماشية ..
سارة :فؤاد يراجي فيّا برا بنروح 💔وطلعت ..
((ماتوقعتش بابا يكون بالقسوة هادي 💔 ))
سارة :😭😭😭😭😭
فؤاد : شن صار ...
سارة : قالي مادخلناش بيها خليهم هما يروحوا بيها ..
فؤاد : حكيتيله كل شي انت ..
سارة : كل شي😭😭😭
فؤاد : تو ننزله ..
سارة : شدتله ايده ..لالا خليك بابا معصب هلباا ويحسابك ماتعرفش فوته ..
فؤاد : خليني ياسارة .. ونزل ..
...
....
..
تكلم فؤاد مع بابا بس مافيش فائدة بابا حلف لو ترجع مروة للحوش بيقتلها 💔...
..
ركب للسيارة ..
سارة : شن صار ..
فؤاد : مافيش فائدة ..مسكر راسه💔
سارة : باهي ارفعني ليها بنشوفها بس😭😭😭😭
فؤاد : حاضر ...
.....
......
.....
       ~~~~~~~~~~~~~~~~~~~~~~~~
انا في المصحة ومعاي تهاني ونزار يلمولي في بضاعتي ونجهز في روحي للخروج 💔 ..
خاطري مكسور ومتضايقة كيف بنقعد معاهم وانا بالحال هذا 💔
تمنيت روحي بين عيلتي وناسي وقت صار الحادث 💔
....
شوية طق طق باب الحجرة وخشت سااااارة 😨😨
فتحت عيوني علي وسعهم وع شوية كان حيغمي عليا 😢
سرو وخيتي قداش كبرت في هالسنين اللي فاتوا ..
كيف جت وكيف عرفت بمكاني مش عااارفة ...
قعدِت واقفة في الباب وتشبحلي و عيونها مليانات دموع لما شفتها معاش قدرت نتحمل وقعدت نبكي أي هذا أكثر شي كنت نتمناه شوفت سرو تسوى الدنيا عندي وكأن ماما هيا اللي خشت عليا ...

جتني تجري حضنتني وتبكي وأنا منهارة معاها 😭😭😭
نزار على طول طلع من الحجرة وتهاني قعدت .. ...
سارة : 😭😭😭😭😭😭😭😭😭😭علاش يامروة علاش درتي فينا هكي .. خليتيني بروحي ياوخيتي 💔
مروة : 😭😭😭😭😭😭ماقدرتش انكلمك ماقدرتش نوصل فيكم 😭.. قداش محتاجتلك ياوخيتي ااااه ياسروو
خذينا أكثر من نص ساعة باش قدرنا نهدو وومع ذالك قاعدين نبكو ..
مروة : لو سمحتِ تهاني خلينا بروحنا بشوية ..
تهاني : حاضر ..
 
قعدت انا وسارة نهدرزو حكيتلها كل شي صار معاي وكنا كل شوية نحضنو بعض قداش كنت محتاجتها وهيا محتاجتني ♥️
هذا كله وانا ماشي في بالي إن اسيا كلمت هند بنت عمي وهند هيا اللي كلمت سارة 💔
..
قاطعتنا الممرضة قالتلي هيا موعد الخروج بسرعة مارجع الحزن غيّم علينا وطلعت سارة تجري من غير ماتودعني ولا اتسلم عليا ...
...
...
عند فؤاد .. بعد ماخشت سارة طلع اللي اسمه نزار تمنيت نشد نعطيه طريحة من سمحله يخش ويطلع عليهاااا 😡 وقفت  انراجي في سارة في الممر .. بعدين جتني تجري وتبكي ..
سارة : فؤااااد بالله عليك خلينا نروحوا بيها عندنا😭😭😭😭 بالله عليك فؤاد 😭😭 مانبيش نخلوها بروحها 😭😭.
فؤاد : كيف قصدك تبيني نجيبها لحوشنا 😨 ((ماقدرتش نستوعب كيف مزال نقدر ندخلها للحوش 😢))
سارة : اي بالله عليك مروة هادي ماتخليهاش بروحها خلينا نروحوا بيها معانا .. كان ليا معزّة عندك فؤاد 😢
  
  ~~~~~~~~~~~~~~~~~~~~
شدّوني زوز ممرضات وطلعوني تهاني ونزار شادين حوايجي وانا كيف طلعت من المصحة وقرّب نزار السيارة درست سيارة فؤاد قدامنا💔 نزلت سرو مبتسمة اتقول للمرضات جيبوها اهنا ..
انا قعدت مصدومة وماقدرتش انحول عيوني من فؤاد أخر شي كنت نتوقعه 💔
نزار : شن اتقولي انت 😡
سارة : أختها انا ومروة بتروح معاي😌 .. مشكورين على كل شي  وقعدت تأخذ منه في الشكاير ....
نزار : مروة تبي تروحي معاهم !!
سارة : ايه تبي تروح معانا ... هي بالسلامة ..
نزار : مروة انكلم فيك 💔