𝐊𝐢𝐥𝐥 𝐌𝐞 𝐖𝐢𝐭𝐡 𝐘𝐨𝐮𝐫 𝐋𝐨𝐯𝐞 (𝐒𝐞𝐚𝐬𝐨𝐧-1)

1

    
        ကိုရီးယား ဘုရင့်နိုင်ငံတော်တွင် အရွယ်ရောက်သူတိုင်းဟာ မျိုးဗီဇကွဲကာ အမျိုးအစားသတ်မှတ်ခြင်းခံရတယ်။ Alpha,Beta,Omegaဟူ၍ ရှိပြီး Enigmasဆိုတဲ့ မျိုးစိတ်ကတော့ အတော်ရှာမှာ ရှားလေတယ်။ သို့ပေမယ့် ယခုလက်ရှိအုပ်ချုပ်နေတဲ့ ဘုရင်ရဲ့ သားတော် အိမ်ရှေ့စံ Kim Mingyuကတော့ Enigmaအဖြစ် မွေးဖွားလာခဲ့တယ်။ နှစ်၅၀တိုင်အောင် ပျောက်ကွယ်သွားတဲ့ မျိုးစိတ်ဟာ ယခုမှ ပြန်လည်တည်ရှိ လာခြင်းဖြစ်တာကြောင့် အိမ်ရှေ့စံရဲ့ ဘေးမှာ ကိုယ်ရံတော် ၁၀ယောက်မက ထားပေးထားလေတယ်။

"Mingyuလေးရေ အကိုတော် လာတယ် ၀င်ခဲ့မယ်နော်"

      အခန်းတံခါးရှေ့မှ အသံချိုချိုလေးပေးကာ
Mingyuအခန်းထဲ ၀င်လာတဲ့ ဦးရီးတော်ရဲ့ သားဖြစ်သူ ၀မ်းကွဲအကို Yoon Jeonghan။Jeonghanရဲ့ အဖေက ဘုရင်Kimရဲ့ ညီတော်၀မ်းကွဲဖြစ်ပြီး မိဘတွေက ငယ်စဥ်ကတည်းက ဆုံးပါးသွားတာကြောင့် Jeonghanကို ဘုရင်Kimက မွေးစားခဲ့လေတယ်။ သူကတော့ Omegaဖြစ်ပြီး အတော်လေး လှသွေးကြွယ်ကာ Alphaတိုင်း တပ်မက်သည့် Omegaအလှလေးပင်။

"အကိုတော်က ပြင်ဆင်လို့တောင်ပြီးပြီကိုး"

"မင်းပဲကြာနေတာ ဦးရီးတော်က လာခေါ်ဆိုလို့ လာခေါ်တာ"

     Mingyuက အခြွေအရံတွေ ၀တ်ပေးနေတဲ့ ရိုးရာ အိမ်ရှေ့စံ အ၀တ်အစားကို ကြည့်ကာ သိပ်စိတ်တိုင်းမကျသည့်ပုံစံ ဖြစ်နေလေတယ်။

"ရက်ကြီး အခါကြီးဆို ဒါတွေက ၀တ်ရပြီ ပုံမှန်လို၀တ်လည်းရနေတာပဲဟာ ခေတ်တွေပဲ တိုးတက်နေပြီ"

"Mingyuရယ် အကိုတော်တို့နိုင်ငံက ဘုရင်စနစ်လေ ပြီးတော့ Mingyuက အိမ်ရှေ့စံဆိုတဲ့ ဂုဏ်ပုဒ်ကို မမေ့ပါနဲ့"

      ခနကြာတော့ ပြင်ဆင်လို့ပြီးသွားတာကြောင့် ပွဲဆီသွားရန် ထွက်လာခဲ့ကြတယ်။ အိမ်ရှေ့စံရဲ့ အနက်ရောင် ပိုးပိတ်ပေါ်မှာ ရွှေရောင်နဂါးပုံထွင်းထားတဲ့ ရိုးရာအင်္ကျီဟာ အိမ်ရှေ့စံရဲ့ ၀င့်ထည်တဲ့ ခန္ဓာကိုယ်နဲ့ လိုက်ဖက်လို့နေတယ်။ ဆံပင်ခပ်ရှည်ရှည်တို့ကို သေသေသပ်သပ် ဖီးသင်ထားတာကြောင့် ချောမောတဲ့ မျက်နှာလေးက ရှင်းသန့်လို့နေတယ်။