𝐊𝐢𝐥𝐥 𝐌𝐞 𝐖𝐢𝐭𝐡 𝐘𝐨𝐮𝐫 𝐋𝐨𝐯𝐞 (𝐒𝐞𝐚𝐬𝐨𝐧-1)

27

 

      မြို့တော်၀န် Leeနဲ့ သူ့ရဲ့လူတွေဟာ တိုက်ခိုက်သည့်နေ့မှာပင် ဖမ်းဆီးမိခဲ့ကာ ပစ်ခတ်မှုကြောင့် ဒဏ်ရာအချို့ရရှိထားကာ တော်၀င် အကျဥ်းထောင်ဆီ ပို့ဆောင် ဖမ်းဆီးထားလေတယ်။ နိုင်ငံတွင်းဆူပူမှုကို ၃ရက်အတွင်း မင်းကြီးမှ ဖြေရှင်းပေးနိုင်ခဲ့ကာ နောက်ထပ် မြို့တော်၀န်ရဲ့ အစွယ်အပါးတွေကိုပါ ဖမ်းဆီးခဲ့တယ်။

       ပြည်သူပြည်သားတွေဟာ နေရာတိုင်းနဲ့ လမ်းမပေါ်မှာ မြို့တော်၀န်ရဲ့ပုံတွေကို ချနင်းသူကနင်း တံတွေးဖြင့်ထွေးသူကထွေးနှင့် ဆဲရေးခြင်းများ ပြုလုပ်နေကြတယ်။ အချို့က အိမ်ရှေ့စံ ကျန်းမာရေး ပြန်လည်ကောင်းမွန်လာရန် ဆုတောင်းပွဲများ ပြုလုပ်ပေးနေကြလေတယ်။

      လက်ရှိမှာတော့ Mingyuဟာ ဆေးရုံမှာပဲ ရှိနေသေးကာ နောက်၂ရက်ခန့်မှ ဆေးရုံဆင်းခွင့် ရမည် ဖြစ်လေတယ်။ Wonwooလည်း ထိုနည်းတူပင် အားနည်းနေသေးကာ ခန္ဓာကိုယ်တွင်းမှ pheromoneတွေ နည်းပါးနေတာကြောင့် ကုသမှု ခံယူနေရလေတယ်။ Mingyuကတော့ အတော်လေး ကျန်းမာလာပြီး pheromoneတွေတော့ လျော့နည်းလို့ နေသေးတာကြောင့် Wonwooနည်းတူ ကုသမှုတစ်ချို့ ပြုလုပ်နေရလေတယ်။

      Jeonghanက Mingyuကို ဖြစ်ပျက်သမျှ အားလုံးကို ရှင်းပြပြီးနောက်မှာ Mingyuဟာ စစချင်းကတော့ မယုံနိုင်ဖြစ်ခဲ့ပေမယ့် တစ်ဖြည်းဖြည်းနဲ့တော့ လက်ခံလာလေတယ်။ သို့ပေမယ့် Wonwooဆီတော့ သွားမတွေ့ပေ။ မတွေ့ချင်တာလား မတွေ့ရဲတာလားဆိုတာတော့ Mingyuလည်း မပြောတတ်ပါ။

    Mingyuတစ်ယောက် ပြန်လည်ကုသရေးအဆောင်ကနေ ပြန်လာရင်း အခန်းဆီလျှောက်လာရင်းမှ ၀င်မည်အပြု တစ်ဖက်အခန်းက အသံတစ်ချို့ကြောင့် တံခါးဖွင့်နေတဲ့ လက်တို့ တုန့်သွားရတယ်။ Jeon Wonwooနဲ့ သူ့အမေဖြစ်သူတို့ ပြောနေသည့်အသံတွေကြောင့် စူးစမ်းချင်စိတ်တို့က ထိန်းချုပ်၍မရတော့ပဲ ထိုဘက်အခန်းရဲ့ တံခါး၀နားမှာ သွားရပ်ရင်း ခိုးနားထောင်နေမိတယ်။

"မရဘူးး...အဲ့တာမစားဘူးလို့....ခေါက်ဆွဲပြုတ် ချဥ်ချဥ်စပ်စပ်လေး စားချင်တာပါဆို အမေကလဲ"

"ဟယ်....သားရယ် ကိုယ်၀န်ကြီးနဲ့ အစပ်က မသင့်တော်ပါဘူး နေကောင်းကာစပဲရှိသေးတာကို နောက်ရက်မှ ကျွေးမယ်နော်...ဒီခေါက်ဆွဲပြုတ်အချိုလေးပဲစားပါ"