𝐊𝐢𝐥𝐥 𝐌𝐞 𝐖𝐢𝐭𝐡 𝐘𝐨𝐮𝐫 𝐋𝐨𝐯𝐞 (𝐒𝐞𝐚𝐬𝐨𝐧-1)

33

Warning+++🌝

       Wonwooတစ်ယောက် ရေချိုးခန်းထဲမှာ ထိုအ၀တ်အစားတွေကို လက်ထဲကိုင်ထားရင်းနဲ့ အံကိုတင်းတင်းကြိတ်မိတယ်။ ဇာအသားနဲ့ ခါးအထိရှည်တဲ့ shirtအဖြူနဲ့အတူ ​​ဇာခြေအိတ်အရှည်အဖြူနှင့် ကြောင်နားရွက်ပုံ အဖြူရောင်ကလစ်လေးအပြင် ရွှေရောင်ခြူလုံးလေးပါတဲ့ အဖြူရောင် ဖဲသားလည်စည်းကြိုးလေးပါ ပါ၀င်လေတယ်။ အတွင်းခံဘောင်းဘီကလည်း အဖြူရောင်ပေါင်တိုလေးပင်။

       ထို၀တ်စုံကိုကြည့်လိုက် မှန်ထဲက ကိုယ့်ကိုယ်ကို ပြန်ကြည့်လိုက်နဲ့ စိတ်ညစ်ညူးစွာ အော်ဟစ်လိုက်မိတယ်။

"အားးးး အရေးမပါတာတွေ သွားစမ်း"

      စိတ်တိုတိုနဲ့ လက်ထဲက အင်္ကျီကိုကိုင်လျက် ကြမ်းပြင်ပေါ် ပစ်ချလိုက်မိတယ်။ ထိုအခိုက်မှာ အခန်းထဲမှာ စောင့်နေတဲ့ Mingyuရဲ့ အော်သံကို ကြားလိုက်ရပြန်တယ်။

"ဘေဘီ....ကြာတယ်နော် အချိန်တွေပုပ်တယ်"

      Mingyuစကားသံကြောင့် ကြမ်းပြင်ပေါ်က အင်္ကျီလေးအား ပြန်ကောက်ရင်းနဲ့ ညအိတ်၀တ်စုံချွတ်ချကာ အမြန်လဲလိုက်ရတော့တယ်။

      ရေချိုးခန်းထဲမှာ နာရီ၀က်လောက် အချိန်ကြာနေတဲ့ Wonwooကြောင့် ကုတင်ပေါ်ထိုင်စောင့်နေတဲ့ Mingyuမှာ စိတ်မရှည်တော့ပေ။ အော်ပြောလိုက်ပေမယ့်လည်း အခုထိ ထွက်မလာသေးတော့ လူက စိတ်တိုချင်လာလေပြီ။ ရေချိုးခန်းထဲ သွားခေါ်မည်ဟုတွေးကာ ကုတင်ပေါ်မှထပြီး မတ်တပ်ရပ်ရုံရှိသေး မြင်လိုက်ရတဲ့ ချစ်ရသူလေးရဲ့ ပုံစံကြောင့် အတော်လေး အံ့ဩသွားကာ ပါးစပ်အဟောင်းသားဖြစ်သွားရလေတယ်။

       အဖြူရောင်ဇာအင်္ကျီလေးက လည်ပင်းညှပ်ရိုးတို့အား မြင်နေရသည်အထိ ကျနေကာ ဘောင်းဘီအတိုလေးကြောင့် ပေါင်သားဖွေးဖွေးလေးတွေက ထင်းလို့နေတယ်။ ဒူးအထက်ရှိတဲ့ ဇာခြေအိတ်တို့က အနည်းငယ်ကျစ်လစ်တဲ့ ခြေသလုံးပေါ်မှာ ပနံသင့်စွာရှိနေကြတယ်။ ဖြူသန့်နေတဲ့ လည်ပင်းအထက်မှာ ခြူလုံးပုံစံ လည်ပတ်လေးကတည်ရှိနေကာ ကိုက်ဆွဲပစ်ချင်စရာကောင်းနေတယ်။ ရှက်ရွံ့နေတဲ့ Wonwooဟာ အင်္ကျီလက်စတို့ကို ဆွဲထားရင်းနဲ့ ခေါင်းငုံထားလေတယ်။ ဆံပင်နက်နက်အထက်မှာ တည်ရှိနေတဲ့ ကြောင်နားရွက်ဖြူလေးတွေက Wonwooရဲ့ အလှကို ပိုမိုဖြည့်စွက်စွာ ချစ်စရာကောင်းနေရှာတော့တယ်။