𝐊𝐢𝐥𝐥 𝐌𝐞 𝐖𝐢𝐭𝐡 𝐘𝐨𝐮𝐫 𝐋𝐨𝐯𝐞 (𝐒𝐞𝐚𝐬𝐨𝐧-1)

18

Seoulမြို့တော်၀န်ရဲ့ နေအိမ် အခန်းထဲတွင်.....

   

     မြို့တော်၀န်ဟာ သူ့သားနှစ်ယောက်ကို ပြန်ဖမ်းခိုင်းတဲ့နေ့မှာ အဖွဲ့တစ်ဖွဲ့က ၀င်ရောက်တိုက်ခိုက်ကာ ဖမ်းခေါ်သွားကြောင်း သိလိုက်ရပြီးနောက် ဆက်လက်ရှာဖွေနေခဲ့တယ်။ သို့သော် သတင်းအစအနတောင် မရပဲ ပျောက်နေတာကြောင့် ဒေါသထွက်နေရှာတယ်။

"တောက်....ဘယ်သူက ဖမ်းခေါ်သွားလို့ အခုထိ ပြန်မတွေ့ရတာလဲ"

"ကျွန်တော်တို့လည်း ရှာနေပါတယ် ဆရာ"

       သူ့ရဲ့ Bodyguardကို ကြိမ်းမောင်းရင်း စိတ်တို လာရပြန်တယ်။ သူ့သားအရင်း Seokminကို ဒီကိစ္စထဲ ဆွဲထည့်သွားတဲ့ Jisooကို ပို၍ ဒေါသထွက်လို့နေတယ်။

"ကောင်းပြီ....မင်းသွားလို့ရပြီ"

"ဟုတ်ကဲ့"

      သူ့ရဲ့ Bodyguardထွက်သွားတော့မှ phနဲ့ တစ်စုံတစ်ယောက်ဆီသို့ ဆက်သွယ်လိုက်လေတယ်။

"ဟယ်လို....အင်း ခင်ဗျားအဖွဲ့ကို အမြန်ဆုံး ဒီဘက်ကို လွှတ်ပေးလိုက်ပါ...အင်း ကောင်းပြီ"

     phပြောလို့ ပြီးတာနဲ့ စားပွဲကို လက်နဲ့ ထုကာ အော်ဟစ်လိုက်မိတယ်။

"အားးး....ငါ့ ကိစ္စတွေကို နှောက်ယှက်ပစ်တဲ့ Jisoo....ပြန်တွေ့တဲ့နေ့ အသေပဲသာမှတ်ပေတော့"

       မြို့တော်၀န်Leeဟာ မွေးစားသား ဖြစ်သူ Jisooအပေါ် ဆိုးဆိုးရွားရွား စိတ်ပျက်လို့ နေတယ်။ သူ့စိတ်ထင် Jisooက သူ့သား Seokminကို မြူဆွယ်ပြီး အပိုင်သိမ်းကာ သူ့လက်အောက်ကနေ ထွက်ပြီး သစ္စာဖောက်ရန် လုပ်နေသလားဟု ထင်နေမိတယ်။ ဒီလိုတွေ မဖြစ်လာဖို့အတွက် တားဆီးရမှာ သူ့တာ၀န်ပင်။ Jisooလို ဘာမဟုတ်တဲ့ omegaရဲ့ လက်ထဲ သူ့သားအရင်းကို မထည့်ပေးလိုက်နိုင်ပါ။

#####

      ၁လကြာပြီးနောက် Jeonghanဆေးရုံဆင်းခဲ့ပြီး Wonwooနဲ့ စေ့စပ်ခြင်း ဖျက်သိမ်းကြောင်းကို ရုပ်သံလိုင်းကနေ တစ်ဆင့် အတိအလင်း ကြေညာခဲ့လေတယ်။ ပြည်သူတွေ အားလုံးက ထိတ်လန့်သွားကြပြီး ပြည်တွင်း ဆူပူမှု အနည်းငယ် ရှိခဲ့ပေမယ့် မကြာခင်မှာပင် ရပ်စဲလို့ သွားလေတယ်။