අවාරයේ සකුරා

episode 13

කාමරයේ එක් පැත්තක දල්වා තිබුන හිබචිය ලගින් වාඩි ගත් සචී සන් ඔහෙ නිදහසෙ තම අත කොතෝවේ තත් අතර එහෙ මෙහෙ ගෙන ගියා ..

(හිබචිය- චතුරශ්‍රාකාර ගිනි උදුන)
(කොතෝව - කම්බි සහිත වාද්‍ය භාණ්ඩයකි )

සචී සන් තරු මි වෙත පැමිණියේ පෙර ගත කල සැනසිලිදායකත්වය සහ සතුට ලබා ගැනීමට වුවද  බලාපොරොත්තු නොවුන ලෙස ඈ නිශ්චිතව කිව නොහැකි හේතුවක් මත හැගීම් විරහිත තත්ත්වයකට පත් වී තිබුනි.
ඈට අසහි ව බැලීමට යා හැක්කේ දවසකට දෙවතාවක් පමණි.එමෙන්ම අසහිගෙ කුටියේ පැය කාලකට එහායින් මඳකුදු තත්පරයක්වත් ගත කිරීමේ අවකාශ නැත .
මෙකී කොන්දේසි යත්සුකෙ පනවන ලද ඒවා ය ..
ඒ කොන්දේසී කඩ කිරීමටවත් ඈ තුල උනන්දුවක් නොවීය ...
අසහි තවමත් අඩ සිහියෙන් පෙලීම හේතුවෙන් හෙතෙම එක් වදනක් හෝ මුවින් පිට නොකලේය.
ඔහුට සාත්තු සප්පායම් කිරීම යත්සුකෙ සහ මියන්හි භාර ගත්තේය. කෙසෙ නමුත් වෛද්‍යවරයා ඔහුගේ ජීවීතය ගැන තවම ලංසු තැබුවේ නැත ...

එදින තවත් දවසක අවසාන භාගය සනිටුහන් කරන සවස් යාමයකි. සචී සන් ගෙ ඇගිලි කොතොවේ තත් හේතුවෙන් රතු වී යන තරම් ඈ කොතෝව වාදනය කලාය .සවස් යාමයේ යුශිරා පැමිණ සචී සන් සමග ටොංගෝ පන්සල ට යාමට ඇය කැමති කරවා ගත්තාය.
යුශිරා බලාපොරොත්තු නොවූ තරම් සචී සන් මානසික ව ඇද වැටී තිබුනි. සචී සන් බොහෝ කරදර වලට මුහුණ පා ඇති බවත් අසහි නිශ්චිතවම ඇගෙ පෙම්වතා නොවන බව පමණක් ඈ දැනගත්තද සචී සන් ගෙ ව්‍යාකූල දුක්ඛදායී ස්වභාවයෙන් ගලවා ගත හැකි හේතුවක් ගැන ඈ නොදැන සිටියාය. ඈ තම හදවතින්ම සචී සන් ගැන දුක් වුණාය..සචී සන් ගෙ වෙනස් වීම ඒ තරම් ප්‍රබල ලෙස සිදුවී තිබුනි ...

ටොංගෝ පන්සල තිබුනේ කඳු මුදුනකය. එය බොහෝ පුරාවෘත සමග සාම්ප්‍රදායික ඇදහිලි සිරිත් විරිත් සමග බැඳී පැවතුනි. කන්ද මුදුනට නැගීමේ පලමු ගල් පඩි පෙල හරිත වනයක් මැදින් ආරම්භ වූවකි