අවාරයේ සකුරා

episode 21

" නුබ මට හිමි වුන තැනම තිබෙන්නෙ අහිමි වීම ද අසහි ....ප්‍රශ්නයෙන් පැනල යන්න හදන්න එපා ....
ඔබ මට ආදරෙයි කිව්වා...ඔබ දන්නවද ඒ වචන කොයිතරම් පෙරලිකාරද කියලා....මම ඔබගෙ ආදරය පිලි ගත්තා ...ඔබ දන්නවද ඒ හැගීම අනුමත කරනවා කියන්නෙම කොයිතරම් ප්‍රබල දෙයක් ද කියල ...ඔබ දැන් ඉදන් මට බැදීලා ඉන්නවා මම අහන හැම ප්‍රශ්නයකට ම උත්තර දෙන්න...ඔබට ඉන් එහෙකින්වත් පැනල යන්න බෑ ..."

පපුතුරේ උණුහුමට ඇබ්බැහි වෙලා බොහෝ වෙලාවක් අසහි මතම සිටි ඕසෝ ඉන් ඉවත් වුන වහාම මින් පෙර කවරදාවත් නොවිරූ ලෙස බැරෑරුම් බැල්මක් අසහිට ලබා දුන්නා ...
අසහි මඳ වශයෙන් සිනා සී ඔලුව නවා ඊට එකඟ වුනා ...අසහිගෙන් මිදි වැල්ලේ හිඳ ගත් ඕසෝ ලගින් ම අසහිද හිඳ ගත්තේ ඒ බැරෑරුම් නඩු විභාගය ට මුහුණ දෙන්න බලාගෙන ....

" මම ඔබේ කවුද ....?..."

ඕසෝ ගේ පලමු ප්‍රශ්නයෙන්ම අසහි තිගැස්සුණද ඔහු දෑස් සිහින් කොට ඕසෝ දෙස තරමක් අසරණව බලන් සිටියා...කොහොම නමුත් ඔහු ඒ බැඳීමට මීට සුලු මොහොතකට පෙර නම ලබා දී ඉවරයි...

" මගේ ආදරය ...."

අසහි නොපැකිලව දුන් පිලිතුර ඕසෝගෙ ඇස් බබලන්නට හේතු උනා ...ඕසෝ බලාපොරොත්තු වුනෙ ගොත ගගහා අවිශ්වාසයකින් දෙන උත්තරයක්. ඕසෝ කොයිතරම් ආදරයෙන් මුසපත් උනත් ඔහුගේ හිත එක්වරම ඔහු අන්ධ කලේ නෑ..ඔහු සිතුවේ අසහි තමා සහ සචී සන් සංසන්දනය කොට වඩාත් හොඳ දේ තෝරා ගත්තා කියලා. ආදරය කියන්නෙ තෝරා ගැනීමක් ම කියන්නත් බෑ එහෙම නොවෙයි කියල කියන්නත් බෑ ...ආදරයක් කවදාවත් සංසන්දනය කරන්න හොද නෑ ඒක කවුරුත් නොදන්න රීතියක් නෙවෙයි නීතියක්. ආදරයක් කියන දේ ඇති වෙන්න ඕන හදවතීන්..ඒ රූපය දකිනකල් ඇස් පවා හිතුවක්කාර වෙන්න ඕන ..හුස්ම පවා ඒ ඇස් ඉස්සරහ වෙනස් විදිහට දැනෙන්න ඕන ..ඇස් වල පවා සියුම් ට්ලින්කර් බෙල් දිලිසුමක් තියෙන්න ඕන ..එක ස්පර්ශයකින් පවා මුලු සියොලඟ ම අවදි වෙන්නෝන ..ආදරයක් හටගන්න ඕන ශරීර අභ්‍යන්තරයෙන් ම මිසක්කා කවුරුහරි කෙනෙක් තමන්ට ආදරය ප්‍රකාශ කරපු පලියට ඕනෑවට එපාවට හා කියන එක නෙවෙයි...
ඕසෝ දැනගෙන හිටියේ එහෙම දෙයක්...