الجوزاء والفيصل

البارت ١٧

#البارت__17                                                 

#الجوزاء_والفيصل
#روز_الفياض
#ح١٧
.
.
.
✨💫✨

💔🏴 كسرَ الخواطرِ كالخطأ الطِّبي، الاعتذارُ فيه لا يعيدُ عافيتك 🖤💔
.
.
.

جهزت كل اموري وسلمت على اصدقائي وجماعتي وطلبت من علي مايحجي لاحد اي شي ..

علي :
ادري يعني اذا سألوني عنك شكللهم ؟

فيصل :
منو يسال عني ؟
محد يسال عني ايمان ماتحجي وياك ولا وياي وكريم مايتنازل ويسأل منو بعد آيات كللها زين الحمدلله وبس ..

علي :
وعليمن ( شنو السبب ) هالشده والسريه ماتكلي ..

فيصل :
يمعود هو انه اشتغل بتكسي والعالم حاسدتني وفاكه ( فاتحه ) عيونها علي وعلى رزقي عبالهم اكرف فلوس هنا والحكومة تطيني كل شهر شدات ومدلل حاط رجل على رجل ..
مو انوب يعرفون راح اكعد بمكان ابو مرتضى ..

تنهد علي وسكت ..

بقى ساكت مده طويله بعدين كلي :
والبيت ؟

فيصل :
البيت خل اشوف الوضع شلونه بالاول وبعدين اذا استقريت هناك اخابرك اكلك شوفله مستأجر ..

علي :
تمام ..

حسيت علي ضايج على فراكي والصدك انه ضايج اكثر منه لان علي نظيف كلش وكلبه ابيض مو مثل هاي الناس وحنين علي ورباني واهتم بيه من اجينه للسويد ولهذا اليوم عبالك ابوي مو اخوي ..
وهو صاحبي المقرب وصاحب سري ما أمن بأحد غيره ..

ماحاولت ابين حزني وضوجتي كدامه حتى لايضوج اكثر بالعكس جنت اضحك واحاول ابين فرحان ومتونس حتى مايشيل همي اكثر ..

بعدما سافر ابو مرتضى باسبوع اتصل بيه حتى اسافر وراه ..

اخر يوم الي رتبت جنطتي واخذت كم كتاب من كتبي واتذكرت الرواية الهدتلياها مينا ..

دورت عليها وخليتها بالجنطه رغم بعد مااشتهي حتى الرواية اقراها بس خفت اتندم اذا مااخذت شي يذكرني بيها ..

صفنت على روحي انه شجاي اسوي ؟!!!
انه شارد منها المن ادور ذكرياتها ؟؟
انه اريد انساها ليش ادور اي شي يذكرني بيها ؟؟!!

والله ماادري شصارلي وشسوت بيه هالبنيه !!!

جنت متفق ويه علي ابات عدهم حتى الفجر ياخذني يوصلني للمطار ..

بالليل اخذت جنطتي وقفلت الباب ورحت لبيت علي .

لكيت نبأ مسويه كل الاكلات الاحبها :

شني هاي اليوم مسوين بوفيه !!

نبأ :
علمودك ..
اليوم اخر يوم ويانه ..

دمعت عيوني وحاولت ماابين حزني وتأثري :
شني راح اموت هههه .

نبأ :
اسم الله عليك ..
مانريد هالحجي والضوجه والكآبه لان ان شاءالله انت رايح حتى تبدي بداية جديدة ومكان جديد ان شاءالله تكون حياتك هناك احسن من هنا ويعوضك عن كل هالسنين الخلصتها بتعب ..