خلصنه اكثر من نص القصة وانتو بعدكم ماجاي تعرفون تحكمون على ابطالها والبعض اصلا مافاهم شي يعني هاي مرتين اقرا تعليق على اغتصاب راويه وهي مو مغتصبه اصلا والي تكول شلون سلمته فلوسها !!!!
يعني ابوها من سلمه الوكاله جان مايفتهم ؟؟
يعني انطباعكم عن فيصل قبل مينا شكل وبعد مينا شكل هذا شي مو طبيعي !!!
يعني اذا اتزوج على راويه يطلع حقير واذا بقى بدون اطفال يطلع خوش انسان المن الله حلل الزواج للرجل اذا بهيج حالة ممنوع بتزوج ؟
المسألة بعيده كل البعد عن الماديات فيصل لو مادي كان اخذ مقابل من ابوها وكان مارجع الشقه انتو بعيدين كل البعد عن العبره الموجوده بالقصة
لاتقيسون افعال الناس على حسب شخصياتكم ولا تحكمون على ردات الفعل على حسب ردات فعلكم .
يعني اذا انت تفكيرك محصور بالماده واول شي تسويه بهيج وضع تفكر باملالك مو بالضروه الناس هيجي ..
بعدين ليش نكرتوا وكفات فيصل ويه راويه ؟؟
ليش هو من ستر عليها هاي شويه؟؟؟
عموما انه ماانطي تبريرات لاي طرف لان العبره لازم تفهموها من اغلاطهم مو بس مواقفهم الايجابية ولازم تفهمون شخصية كل فرد على حده وهاي الشخصيه شلون راح تتعامل مع الموقف الفلاني .
نبهتكم عالفيس وانبه للمره الاخيره اي تجاوز منا وهيج راح احظر اذا ماعاجبتكم القصة ولا شخصوها فرجاءا رجاءا رجاءا حذفوها وكرمونه بسكوتكم لان البعض مثل هذا اللي يكولون سكت دهرا ونطق كفرا اذا ماعاجبتج القصة حذفيها غيرج يحبها ومتابعها وعاجبته .
بنات الالفاظ المو حلوه مااقبلها سواء بهاي القصه او غيرها يعني اتعجب عليكم انتو وين كاعدين تره مو بيتكم هذا حتى تاخذين راحتج انت بنت عيب تتلفظين بهيج الفاظ خصوصا الصغار !!!!
اي استفسار عالفيس كروب المنزمجات
(كلام من الكاتبة روز الفياض)
