الجوزاء والفيصل

البارت ٣٥

#الجوزاء_و_الفيصل
#روز_الفياض
#ح٣٥
.
.
.
‏"الصمت أيضًا له صوت، لكنه بحاجة إلى روحٍ تفهمه"
.
.
.
وره اسبوعين ..

فيصل :
شلونج اليوم ؟

هزت راسها زينه ..
دنكت بست راسها :
مانزلتي اليوم شفتي امج ؟

راويه :
مالي خلك ..

كعدت يمها :
لازم تشوفينها خاف محتاجة شي ..
وانت هم لازم تنزلين تتمشين جوه تكعدين بالحديقة اذا بيج حيل ترجعين للشغل ..

هزت راسها اي ..

جبت لراويه كمبيالات :
هذا حقج .

راويه :
هاي شنو ؟

فيصل :
كمبيالات ..
خاف كل شي يصير

راويه :
شيصير مثلا ؟ ..

فيصل :
اخذ فلوسج واشرد .
تستبعدين هالشي ؟

راويه :
انه مو غبيه ولا ماافتهم يمكن ماعندي اختلاط قوي بالناس كله بحدود الزماله والعمل بس عندي نظره بالناس واعرف المقابل شنو نفسيته وشنو تفكيره

فيصل :
اييي ههه مثلما عرفتي سجى ؟

راويه :
سجى مو انسانه سيئة بالمطلق ..
يمكن عدها تصرفات غلط بس مو معناها هي شريره بعدين اذا عدها مواقف مو حلوه وياك فهي وياي تصرفت بكل ادب وطيبه لاغثتني ولا سوتلي شي .

فيصل :
يجي يوم وتعرفينها على حقيقتها ..
هسه ؟

راويه :
شنو ؟

فيصل :
شرايج اسويلج عشا مرتب وننزل نكعد بالجو الحلو بالحديقة ؟

راويه :
مااشتهي ..

فيصل :
راويه ..
لشوكت تبقين كاطعه الاكل ؟
وشنو الهدف ؟

راويه :
تدري قبل شوية حسيت نفسي جوعانه ، بس ماكدرت اكل ..

فيصل :
ميخالف ..
اكلي شويه حتى لو لكمتين لخاطري ...

راويه :
وماما ؟

فيصل :
شبيها ؟

راويه :
ماادري شبيها ..
لاتحجي ولا تسولف ولاتطلع ..

فيصل :
تره الميت رجلها وعشرت عمر اكيد مالها خلك وعدها عده لازم تخلصها وبعدين ترجع لحياتها ..

راويه :
وحياتي ؟

فيصل :
شبيها حياتج ؟
بنيه شابه حلوه عندج شغلج الخاص متزوجه واحد حلو مثلي هههه ..

بست خدها :
شتردين اسويلج حتى تطلعين من هالكآبه ؟
تردين نسافر ؟

راويه :
وماما ؟
شلون اسافر واعوفها وحدها وهي بالعده ؟

فيصل :
ناخذها ويانه ..

راويه :
لا ..
مااكدر ..
المشكلة مو بالسفر المشكلة احس وين ماادور وجهي اشوفه ...
وابقى الوم نفسي ليش حجيت وليش صيحت وليش ماكدرت اتحمل واجبر نفسي عالسكوت ؟
ليش انفجرت وخليته يتعب ويتخربط ؟؟