الجوزاء والفيصل

البارت ٢٣

#البارت__23                                                 

#الجوزاء_و_الفيصل
#روز_الفياض
#ح٢٣
.
.
.
أَنا الذي وَصفت الطريق لِكل سائل وضللت الطريق  .
.
.
.

بالليل كعدت اباوع عالتلفزيون شويه ..

راويه :
تتعشه ؟

فيصل :
شني فرخ بط عدكم توكلون بيه وماتلحكون ..

راويه :
ليش فرخ بط ؟
مافهمت !!

فيصل :
حتى يذبحونه بالعيد ..
خاف مقصره انت ..

صفنت بوجهي !!!

فيصل :
انت ماعندج حجي وياي بس عالاكل ؟

راويه :
لا ..
بس انت ماتريد تحجي وياي ..

فيصل :
انه ؟؟
ههههه
مو صحيح .

راويه :
لا صحيح ..

فيصل :
يعني كوه تردين تطلعيني مااريد احجي وياج ؟

راويه :
لا ..
انت تريد تحجي بموضوع واحد بس .

شمرت الريموت يمي عالقنفه ودرت عليها :
وانت ماتردين تحجين بهذا الموضوع بالذات .

راويه :
هسه جوعان لو لا ؟

فيصل :
مو كتلج انت الماتردين تحجين ..

ماحجت ..

فيصل :
صبي العشا
صبيه ..

تأففت ..

جابت الاكل وكعدت كبالي ..

لابسه دشداشه بيضا !!
الردان شفاف والصدر كله مفتوح ..

فيصل :
هههههه

رفعت راسها :
شبيك ؟

فيصل :
اضحك عالدولاب هههههه .

راويه :
شبي ؟

هزيت راسي ماكو شي ..

بدت تاكل وانه اباوعلها ..
البنيه مبينه فقيره !!!
معقوله كل هذا تمثيل ؟؟؟
ياربي مااريد اظلمها ريحني من هالتفكير ..

فيصل :
تحبيني راويه ؟

رفعت راسها وصفنت بوجهي ..

راويه :
يهمك اذا احبك لو لا ؟

فيصل :
الصدك ؟
ماادري ..

راويه :
تخاف من الذبح ؟..

مافهمت قصدها ..

رجعت باوعتلي :
وانت كل شويه تذبحني بكلمة ...
الله يعيني ..
فرخ البط ينذبح مره وحده ويموت ويخلص ..
مو مثلي ..
عمري كله كل يوم انذبح بكلمة لو نظره لو تصرف ..
وماادري شوكت اموت واخلص .

                                         

             
                   

عافت الاكل وراحت ..
دخلت للغرفه وسدت الباب ..

تحسرت بتعب ..
بقيت كاعد بمكاني متحير ..
ماادري شتصرف ..
الموضوع مو سهل علي