#الجوزاء_و_الفيصل
#روز_الفياض
#ح٢٥
.
.
.
انه مستغرب لان ماجنه نزعل
حتى من نزعل كصيبه ومايحس بينه الزلف 💔
.
.
.
بالليل كعدنه كل احنه بره اباب البيت الجو جان حلو
بعد العشا طلعنه الجاي بره ..
هذا الشي جان عادي بمنطقة بيت كريم الشعبية .
لحد هذا الوكت الناس نفس عاداتها .
فرشنه وكعدنه ام رعد وراويه وسجى كاعدات بصف الباب تماما ..
واحنه انه ورعد وكريم وسعد محاوطين الباب من بره مثل الحلقه ..
ام رعد تسولف واحنه نضحك ..
كريم :
ابوج شيشتغل عمي ؟
راويه :
بابا عنده شركة عمو ، وفيصل لازمها .
حسيت بيها تريد تتفاخر بيه فسكتت خليتها بواهسه ..
كريم :
ماشاءالله ..
سجى :
عمو عاد شلونه الشغل هناك الراتب يسوه ؟
فيصل :
ماعدي مشكلة بالراتب شكد مايصير كبل جنت سايق تكسي وعايش الحمدلله وهسه هم عايش .
كريم :
لان ماعدك طموح ..
راويه :
لا عمو بالعكس ، فيصل مو ماعنده طموح بس هو قنوع ..
رفعت حواجبي الها مستغرب لدرجة مارديت عليها .
كريم :
لو مكمل دراسه مو احسنلك ؟
راويه :
تره الدراسة مو شي ضروري ، الدراسة ماتصنع انسان ..
الدراسة مجرد وسيله ..
مفتاح ممكن يفيدك ويفتحلك باب للرزق وممكن ماتستفاد من هالمفتاح شي .
بعدين ياما ناس وصلت وصارت بدون شهاده ودراسه ..
ام رعد :
فدوه اروح لهالحلك ، اي والله فدوه ..
شلون تدافع عن رجلها ، هاي البنات المعدله .
سجى :
كل زوجة تدافع عن زوجها خاله مو بس راويه تره .
رعد :
ماشفتج دافعتي عني هههه بس تشتكين .
سجى :
قابل اشتكي من فراغ ؟
غير انت ماتسمع الكلام .
درت على رعد كتله باستهزاء :
ولك رعيد ..
ليش ماتسمع الكلام ؟
هاا ؟
ليش ماتسمع الكلام ؟
رعد ؛
شسمع ياعمي هو انه عدي وكت ..
تريدني اروح ادور عقد المعهد الثاني بأسمها وانه ماعدي وكت احك راسي حتى .
ماعجبني الحجي السمعته بس سكتت ..
سمعت صوت باب انفتح ..
التفتت اشوف باب يابيت ؟
شفت رجال طلع من بيت عزام ..
رعد :
بيت عزام ..
عفيه باب صوته عبالك انفجار كله رگع ..
ام رعد :
هذا اظنه خطيب بتهم ..
بقت عيني عليه وهو يمشي ..
جاي باتجاهنه ..
المو حلو بشارع بيت كريم الشارع اظلم بس بيت عزام مخليت لايت للعمود كبالهم البقية كلها بيبانها ظلمه ..
