الجوزاء والفيصل

البارت ٤٢

#الجوزاء_و_الفيصل
#روز_الفياض
#ح٤٢
.
.
.
ردت منك تجي وتسأل عليه،
تطيب خاطري وتفهم البيه .
.
.
.
وصلت للعراق كبل رحت للشركة اريد اشوف الشغل بيها وين وصل لان عمال موجودين يضبطون البنايه ..
بقيت ساعة كاملة وياهم اطيهم ملاحظات وبعدين رحت لبيت كريم .

وصلت لكيتهم موجودين كعدنه نسولف بس ماشفت مينا ..

ام رعد :
كوم غسل وبدل حتى تاكلك لكمه ..

صعدت غسلت وبدلت ونزلت اكلت ..
كعدت بالديوانية افكر هاي وين راحت ؟
لا موجوده فوك ولا جوه ؟
معقولة راحت تشوف ابنها ؟ اي يمكن .

جنت تعبان رحت نمت شويه ..
وره شوية اجت ام رعد ندهتني :
فيصل ..
فيصل ..

فيصل :
ها ؟

ام رعد :
اكلك بره صار رمي عركة مدري شني بره ومينا لهسه مااجت ..

فيصل :
جا وينها هي ؟
مو عد اهلها ؟

ام رعد :
لا بالدوام ...
دوامها ظهري اليوم ..

كمت بسرعه بدون ماابدل هدومي بالبجاما طلعت رحت وراها للمدرسة ..

وصلت بالكوه الدنيا مشتعله عركة بين اثنين سكاره وماخلوا طلقه تعتب عليهم ..

وصلت باب المدرسة مسدود ..
طفرت من السياج ودرت من الساحة ادور عالادارة ..

دخلت للادارة شفتها هي وابنها والمديره والعاملة كاعدات وجوهن صفره .

شافتني اول مره كمزت بعدين من عرفتني كامتلي اجت تركض هي وابنها ..

مينا :
فيصل ..!!

فيصل :
خوما بيكم شي ؟

هزت راسها لا :
لا بس خفنه مانكدر نطلع ..

شلت ابنها :
صيحي للمديره وهاي المره خل يجن ..

مينا :
لا وين ؟!!!
الدنيا بره مشتعله وين طالعين !!!

فيصل :
مانطلع منا
اطفرجن من الحايط وره المدرسة .

مينا :
شلون تطفرنه ؟!!!!
تحجي صدك ؟

فيصل :
والله شبيج خوما نبقى خاتلين هنا لحدما واحد يموت لو يستسلم ناس سكاره ذوله مو بوعيهم ..

باوعتلي محتاره :
خل اشوف المديره ..

راحت كلتلهن اجن وياها ..

رحت دورتلي رحله خليتها يم الحايط وصعدن عليها لان الحايط مو عالي ..

قبل لاتعبر هي عبرت انه :
اطيني ضي وياي خل انزله
نزلت ابنها وانوب نزلتها ..

شلت ابنها على صدري وكضيت ايدها وانطلقت بيهم نتختل بين البيوت ..

مينا :
على كيفك ..

فيصل :
امشي بسرعه ..

مينا :
مااكدر امشي اسرع من هيج .

فيصل :
اخ يالمدرسات يموتن عالاتكيت ..