الجوزاء والفيصل

البارت ١٩

#البارت__19                                                 

#الجوزاء_و_الفيصل
#روز_الفياض
#ح١٩
.
.
.
لم يكُن تسامحي كرمًا بل كان نوعًا من اللامبالاة .
.
.
.
بقيت محتار ...
شسوي هسه ؟
شلون اتصرف ؟؟

حاولت انسى الموضوع وعلى كولتهم الباعك بيعه ..
بس هو قابل بكيفي ..
اشتغل واضحك واسولف بس فجأة اكتشف روحي افكر بيها ، من شوكت ماادري ؟!!
المشكلة التفكير بيها يأذي ..
لان كلما اتذكرها اتذكر السوته واموت من القهر ..

بقيت يومين مالي خلك ..
احس روحي رايحه ..

ابو روايه بعد ماحجه وياي ولاسألني وانه هم غلست مالي خلك ..

اتصل عليه علي فرأساً سألته :
ليش ماكتلي بت عزام انخطبت من رجعت من العراق ؟

علي ارتبك ..

علي :
شنو ؟
ما ..
مااا ..

فيصل :
شبيك ظليت تمعمع .؟
احجي ..

علي :
منو كلك ؟

فيصل :
الكلي مو مهم ..
بس المهم اريد اعرف ليش ماكتلي ؟

علي :
شوكت انخطبت ؟

فيصل :
شنو شوكت انخطبت ؟
انه اسألك ليش ماكتلي ؟

علي :
ولك شكلك ؟؟؟
انه شمدريني !!!
شنو ماعدي شغل وعمل غير بت عزام .؟!!

فيصل :
مو صحيح ..
انت من رجعت وانت عدك حجي وماحجيته ..
انه من رجعت انت من العراق وانه حاس بكلبك حجي بس ماتريد تحجيه ..

علي :
ياحجي ؟
عمي دروح ..

فيصل :
قبل لااطلع من السويد الفجر من بتت عدكم بأذني سمعت نبأ تكلك ليش ماكتله ..
هم كول جذب ؟؟

علي :
ولك والله العظيم ماادري ..
والله العظيم ..

فيصل :
نبأ كلتلك ليش ماكتله ..
من حقه يعرف .
صحيح من حقي اعرف ..

علي :
مو جاي احلف ابن ال ...

سكت ..
صار علي عصبي وبقى ساكت ..

انه هم سكتت مااحب ازعل علي لان هو مايزعل مني ولايشيل بكلبه علي ومتحملني دوم ..

سمعت صوره يتحسر بعدين كال :
ماادري ..
هسه منك سمعت ..
شمدريني بيها مخطوبه .

بقيت ساكت ..

رجع تحسر :
انه لو ادري بيها مخطوبه جا كتلك اول ماسمعت حتى تكرهها مو بس تنساها ..
حتى بعد لاتظل تفكر بيها ..

بقيت ساكت ..

علي :
انساها يااخي تولي ..
هسه شنو الخلقها ماخلق احلى منها ..

فيصل :
هو منو اللزك الا تروح تخطبها غيرك ..
مو انت الاكلت راسي عليها هسه انوب انساها تولي ؟؟!!
شنو هي لعبه ؟؟!!