#الجوزاء_و_الفيصل
#روز_الفياض
#ح٥٠
.
.
.
وأعرفُكِ صَلبةً،سَتتخطِين هٰذهِ الأيَّام بسَّلام .
.
.
.
بعد ماراسلت راويه ولا اتصلت عليها ..
تراسلني مرات هي توديلي صور او صباحات ومساءات بس مااجاوبها ..
بس جنت احس عدها تواصل ويه نبأ من اتصالات علي واسئلته المستمره ..
مر شهر من اخر مره حجينه سوه ..
كعدت الصبح لكيت مسج من رقم عراقي :
هلو شلونك ؟
شخبارك ؟
اكدر احجي وياك ؟.
ثواني صفنت ماعرفت منو بس بعدين اتذكرت مينا كلت يمكن هي ؟!!
فيصل :
منو ؟
محد جاوب..
ثاني يوم الصبح هم كعدت لكيت مسج :
صباح الخير
ماجاوبت مالي خلك ..
طلعت من البيت للشغل بالطريق اخذتلي خط جديد ولغيت هذا ..
انه مافارغ للسوالف هاي ..
المؤمن لايلدغ من جحر مرتين .
راسلت سعد :
منا وهيج الشغل كله عليك انه ماراح اكدر اجي كل شهر ..
وانت صرت تعرف الشغل كله مايحتاج اجي .
سعد :
ليش عمي شكو ؟
فيصل :
ماصاير بس عمتك ايمان مو رجعت للعراق مااريد اشوفها ويصير بيني وبينها احتكاك .
خليني راسي بارد .
سعد :
حقك ..
الاسبوع الجاي خطبة قصي ..
فيصل :
على نفسه السحاله ؟
سعد :
ههههه اي نفسها ..
فيصل :
اممم ..
الله كريم .. نشوف تاليتهم شنو ..
وانه رايح للشغل بالطريق شفت مراد ..
تمنيت ادعمه بالسياره وابرد كلبي .
بس وصلت للشركة راسلتها رغم جنت ناوي مااراسلها بعد بس استفزني وجوده :
هذا مراد الجلب المن باقي بالشركة لهسه ؟
هم اله عين يبقى ويداوم بعد ؟!!
انه ماشايف هيج بشر عينهم حلسه ملسه ( مايستحي ) ..
ماردت ..
اكيد نايمه ..
انشغلت طول النهار ماخلصت شغل الا الساعه بالاربعه العصر ..
رحت اتغده وفتحت التليفون شفتها راده :
عبالي بعد هالمده كلها راح تكلي مشتاقلج ..
فيصل :
مشتاقلج .
رجعت للبيت نمت للمغرب وبعدين كعدت شربت كهوه وسمعت وصلني مسج فتحت التليفون لكيتها كاتبتلي :
انت تعرف طموحي اكبر من كلمة مشتاقلج ..
فيصل :
واذا حققتي طموحج خلص .. ترجعين ؟
راويه :
يعتمد ..
فيصل :
على ؟
راويه :
شكد حققت من طموحي ..
فيصل :
راويه ..
مصختيها شوكت ترجعين ؟
راويه :
ليش تريدني ارجع ؟
ضجت بحدك ؟
فيصل :
هو اكيد ضوجه بس مو هذا السبب ..
