الجوزاء والفيصل

البارت ٥٢

#الجوزاء_و_الفيصل
#روز_الفياض
#ح٥٢
.
.
.
انت جانبي المشرق ..
اوقاتي السعيده ...
مكاني الآمن .....
وانتصاري على الزمن .....

.
.
.

باوعلي كريم :
شني هذا ؟
انت ماتستحي ؟

فيصل :
لا ..
مااستحي .. من يوصل الموضوع لعرضي وسمعة مرتي مااستحي ..
هذا الدليل حتى لاتظل شايل هم وساكت وتريد تحجي بس ماتعرف شلون ..

كريم :
شمالك انت اتخبلت ؟
هو هسه ياهو الحاجي ؟

فيصل :
محد ..
مع الاسف محد ..
همزين صرت متخلف وهمجي وخليت نيشان ..
حتى اذا احد حجه عليها بعد تعرف ترده من يمك مو تخاف وتشيل هم خاف مرتي مو بت بيت وانضحك علي ..

ماحجه ..

رجعت للغرفه ضميت النيشان بالجنطه وراويه جانت موجوده تطلع صوغة ام رعد والبنات ..

راويه :
شبيك ؟
شتدور ؟

فيصل :
ماكو شي ..
انت شبيج ؟

راويه :
تريد الصدك ؟

حضنتها :
ياريت والله .

راويه :
احس مستحيه من عمو كريم وام رعد
علمود موضوع الاتصال  ..

فيصل :
مو كتلج الموضوع انتهى ..

راويه :
احس عمو كريم ماله خلك ..
حتى ماحجه وياي اي شي من اجينه لهسه .

فيصل :
هو تعبان واحنه اجينه فجأة وكبل بس طبينه تكربحنه ( طحنه ) بالباب مالحك الرجال يستوعب هههههه .

راويه :
اتمنى يطلع كلامك صح

فيصل :
صح ١٠٠٪؜
هسه تشوفين ..

للغدا كريم بدا يرجع طبيعي ويسولف ويضحك .
وكل شويه يسأل راويه عن اخبارها .

العصر رحت وره سعد للشركه ..
رجعنه المغرب ..

دخلت شفت ايمان وقصي ومرته كاعدين بالديوانيه جايين يباوكون لسعد ومرته ..

سويت روحي ماشفتهم دخلت كبل ..
اخذت راويه وطلعنه ..

راويه :
هي هاي اختك الي تعاركت وياها المره الفاتت ؟

هزيت راسي اي ..

راويه :
مبينه حبابه ..
اجت سلمت علي ..

فيصل :
وين اجت ؟

راويه :
جنت بالغرفة يم ام رعد ودخلت هي ..

فيصل :
عرفتج منو ؟

راويه :
سألت ام رعد منين هاي الحلوه كلتلها زوجة فيصل ..

فيصل :
اممم ..
وابنها الشفيه ماسلم عليج ؟

راويه :
مالحكت البس حجابي واطلع اجيت انت ..
ممكن تحجيلي شنو سبب المشاكل بينكم ؟