لاجيت ابكتب عن جمالك تراجعّت وين بيردّني في خيالي

~ ٢ ~

«عند ريّان وزياد»
كانو يتمشون بالحديقة مع بعض والتفتو لورا يسمعون أصوات البنات وتضاحيكهم
ريّان:ولد تسمع صوت؟
زياد:اي شكلهم البنات جالسين بالحديقة امش نشوف وش يسوون
ريّان:يلا مشانا
راحو عندهم
«عند البنات»
كانو يسولفون ويضحكون وتاركين همومهم وزعلهم وراهم ومحد شايل على الثاني شي والجلسة كانت مليئة بالحب فعلًا جلسة مافيها نفسٍ ثقيللة
قاطع جوهم الجميل ريّان وزياد الي طبو عليهم وقعدو ياكلون والبنات متسدحين ضحك عليهم راحو ريّان وزياد ينادون العيال
«عند العيال»
دخلو عليهم ريّان وزياد وهم ياكلون استغربو العيال ونطق ريّان:ياعيال تكفون امشو نروح نجلس عند البنات وربي جوهم بطلل
زياد:اي والله صاادق ريّانوه وعندهم اكل لذييذ
فهد:اخخو العيال يالملاعين وش عندكم رايحين للبنات ياقليلين الادب هااه!!!
راكان:وجعااه انت وياه وش موديكم عند البنات!
عبدالله بحده:اقول سدّ حلقك انت والي جنبك ياقليلين الادب اوريكم والله لاعلم عليكم خالي فيصل!!
زياد بصدمة:بسم الله الرحمن الرحيم شفيكم شدعوه ماسوينا شيء!!!
ريّان:خلاص نمزح نمزح شفيكم شديتوها!
أبراهيم بحده:وجعاه انت وياه وجعااه
«عند البنات»
فتون:بنات ودي اروح للاسطبل شرايكم نقول للعيال يروحون معنا؟
جود غمزت لها:العيال يروحون معنا ولا عشان تشوفين حبيب القلب
ضحكو البنات على صدمة فتون
فتون نطقت وهي مستحية:وجعاه ان شاءالله ياجود يالوصخه
جوري:يمه يمه شفيتس استحيتي خلاص نمزح امشو نقولهم لاتموت علينا ذي الحين
فتون:وجع بسم الله علي!
ليان:امشي بس يالزعوله
راحو البنات متوجهين للعيال الي جالسين بالمجلس يلعبون ويسولفون دخلو عليهم ونطقت فرح:هيه انت وياه نبي نروح الاسطبل تعالو معنا
راكان نطق:لا مافيه
جود:وخير ياطير وش فيها يعني اذا رحنا!!
فهد:مافيها شيء بس مانبي نوديكم ماحنا فاضيين
جود:ماشاءالله مدير اعمال وانا مدري؟!
ريما:وجع انتي وياه
والتفتت ريما للعيال ونطقت:وانتو اخلصو علينا بتودونا ولا نكنسل؟؟
قام إبراهيم ونطق:خلاص تأخر الوقت بكره نوديكم روحو ارقدو الساعة12:30
تأففوا البنات وخرجوا يتوجهون لجلستهم يشيلون اغراضهم ويستعدّون للنوم
طفت أنوار قصّر آل زيـد مُعلن وقت النوم 
-يوم جديد-
الساعة11 تمامًا
«عند العيال»
دخل فيصل عندهم وكانو نايمين ونطق بحده:ياورع انت وياه قومو قامت عليكم القيامه اخلصوو بيأذن الظهر!
فزوا العيال ورا بعض يتجهزون لصلاة الظهر
بعد الصلاة جلسو الرجال بالمجلس والحريم والبنات يسوون الفطور
«عند العيال»
ابو فهد:ريّان ياولدي قم للحريم وقلّهم اليوم بنفطر جميع مع بعض
ريّان:ابشر ياخال
توجّه ريّان لقسم الحريم يلبّي طلب ابو فهد
دخل ريّان المطبخ ونطق:السلام عليكم
ردّو جميعهم بـ:وعليكم السلام
ام راكان:نعم ياوليدي بغيت شيء؟
ابتسم ريّان ينطق:لا ياميمتي بس جيت اقولكم انّ اليوم بنفطر جميع خالي ابو فهد قال
ام فهد:خلاص اجل تم
خرج ريّان ونطقت جوري بحلطمة:خير ان شاءالله يعني لازم نفطر معهم مانبي ياخي!!
غلا:صدق ماناخذ راحتنا بالاكل!!
ام دانة:وانتن بس تتحلطمن قومي انتي وياها نحط الفطور
تأففوا البنات وقاموا يتوجهون للمطبخ
"وقت الفطور"
حطّو الحريم الفطور بالخيمة وتوجّهه الكل يفطر
فيصل:ياحلو جمعتنا وحنا ملتمين
ابو فهد: اي بالله انك صادق
ام فهد:اجل شرايكم فطورنا وغدانا وعشانا مع بعض؟
ردّ الكل بالموافقة
ليان بهمس للبنات:ياللللييلل ياليت امي سكتت قبل لاتقول القرار حقها ذا
جود قرصتها بفخذها تنطق بهمس:سدّي حلقتس ياحماره تراها امتس!
فزت ليان من قرصتها تنطق:وجع جود وجع وش ذا مو يد انسان!!!
ضربتها جود بخفه تنطق:خييررر قولي ما شاءالله!
نطقت ليان: على وشو ياحضي !!!
واستمرو يتهاوشون وسّكتهم فيصل جاهلين انظار فهد الي كان يناظر هوشتهم من بدايتها وهو ميّت ضحك عليهم

اعطّو البارت حقّه  يـ حبااني✨✨✨✨