لاجيت ابكتب عن جمالك تراجعّت وين بيردّني في خيالي

~ ١٥ ~

«عند أبطالنا»
عقدت الجود حواجبها بأستغراب:وين بنروح؟
التفت لها فهد وابتسم:لمكاني السرّي
رفعت حواجبها بتعجّب:اححلى عندك اماكن سرّيه وانا مدري!
ضحك فهد:مكاني السرّي اللي نعرفه انا والعيال بس والحين صرتي انتي منهم
ضحكت والتفتت من وقّف فهد بجنب فود ترك شاي يجيب لهم شاي تقدّم عند الشباك:ابغى اثنين شاهي نعناع
هزّ راسه النادل يلبّي الطلب
التفتت الجود على شماغه وعقاله وشنطتها اللي بجانب شماغه ابتسمت ورفعت جوالها تلتقط صوره للمنظر اللطيف
تقدّم فهد يفتح بابه يضع اكواب الشاهي بالمكان المخصص للكوب مدّ يدّه يفتح المسجل يغني مع الاغنيه وهو مُتمّسك بيدّها التفت لها يبتسم لها ويغني مع الاغنيه:
على الموعد اللي بيننا جيت لك ملهوف
اسابق عقارب ساعتك قبل موعدنا وانا

داري ان قلبك على شوفتي مشغوف لو
انه يجور الوقت فينا ويتعبنا تحديت

جار الوقت ياضامر السرجوف لو انه
اللقى شح الزمن به وعاندنا واذا الله

كتب لك عمر بإذن الولي بتشوف
وتدري بوفاي بوقت عيّا لا يسعدنا

تنهّدت وكمّلت تغنّي معه الى ان وصلو لوجهتهم "العزبه"
نزلت ونزل معها اخذ الفرشه يفرشها على الأرض مطلّه على شوارع الديره تقدّمت تجلس تنّزل نقابها تتهوى وتستمع بالجو الجميل ومع الشخص الصح ارتشفت من كوب الشاهي اللي امامها تتأمل الشوارع مع نسمات الهواء الخفيفه يترك شعرها يتطاير حولها تقدّم ينسدح بجانبها يضع رأسه بوسط حضنها يمسك يدّها ويضعها على رأسه ويتمّسك بيدّها الثانيه ويضعها على قلبه تلامس اناملها دّقات قلبه المنتظمه ابتسمت من حركته اللي اخذت عقلها بالكامل قعدت تلعب اناملها بشعره الاسود الكثيف الفاحم من شدّة سواده قعدو على نفس وضعيتهم لمدّه ، كُلاً منهم ملتزم بالصمت فقط اصوات انفاسهم ودقّات قلوبهم اللي تصدّح بُكل انحاء المكان 
«قصر آل زيد»
انتهو جميعهم من العشاء والكل توجّه لبيته بعد يومهم الجميل اجتمعو آل زيد وآل طلال بالجلسه الخارجيه من الاباء والامهات وبناتهم وابناءهم معهم يتشاورون حكيهم ويكمّلون سهرتهم مع بعض
فيصل:بعد بكره ان شاءالله ابيكم تجهزون نفسكم بنطلع للأستراحه منها نغيّر جو ومنها تشاركونا فرحتنا ونشارككم افراحكم الجميع يكون هناك ماابغى اعذار اللي عنده دوام يعتذر او ياخذ اجازه لاننا بنجلس كم يوم هناك ننبسط ونغيّر جو الكل يكون هناك وبلغو اللي مو موجودين
ارتفعت اصواتهم بالموافقه سحبت حصه جوالها من الطاوله تفتحه تدخل على رقم محمد تكتب له:بعد بكره بنطلع للأستراحه وبنجلس كم يوم هناك الكل بيكون موجود
ردّ محمد بعد دقائق:حللوو ، بجهّز رجالي وبنجي ثاني يوم لأجل لا يشك احد انتبهي تلفتين انتباه احد ولا بتندمين فاهمه!
حصه بتسليك:فاهمه فاهمه
سكّرت جوالها ترفع انظارها للجود وفهد اللي دخلو والابتسامه على وجههم رفع يدّه فهد يسلّم عليهم:السلام عليكم ، شحالكم
فارس:ارحب وعليكم السلام ، بخير جعلني مااعدمك
رابح:بشوفتك طيبين
فيصل:ادخلو ادخلو واجلسو عندي لكم علم
عقد فهد حواجبه بعدم فهم:علم ويش ياخالي؟
فيصل:بنسري بعد بكره للأستراحه وبنجلس كم يوم نغيّر جو هناك حنا وآل طلال جميع
فهد برفض:اعذرني ياخالي عندي شغ...
قاطعه فيصل:اعتبرها اجازه من عندي الكل يكون موجود هناك
هزّ فهد راسه بأسى وتنّهد:ابشر
التفتت الجود لحصه اللي تناظر فهد وهو يتكلم ونطقت بداخلها:دام هذي موجوده كدينا خير
طنشتها والتفتت للبنات تكمّل سواليفها معهم وبعد السوالف والضحك وقّف رابح:يلا حنا نستأذنكم
نواف:نشوفكم على خير ان شاءالله
طلعو آل طلال جميعهم بعد ماودّعوهم يركبون سياراتهم يخرجون خارج اسوار قصر آل زيد
فيصل للعيال:يلا يلا انت وياه قدامي لغرفكم وراك شغل
بالفعل توجّهو العيال لغرفهم والاباء والامهات والبنات بالمثل
"صباح اليوم التالي"
متجمعين كلهم على طاولة الفطور يسولفون مع بعض
فيصل:اليوم رتبو اغراضكم بنمشي من الفجر لان الطريق طويل ومن بعدها التفت فيصل لنواف ناطق:نواف ياخوك اتصل على رابح وعطه علم اننا بنمشي من الفجر لايتأخرون!
نواف:ان شاءالله
انتهو من افطارهم وتفرّقو كلهم متوجّهين لدواماتهم والامهات يهتمّون بتنظيف البيت وترتيب الاغراض
«الظهر»
رجع الكل من دوامه واجتمعو على طاولة الغداء ينتظرون انتهاءه وتقدّمت لهم ام دانه وبأياديها صينية الغداء وقّف تركي يحمل الصينيه عنها:عنتس عنتس خاله
ابتسمت:يعطيك العافيه ياوليدي
فيصل:يلا يعيال الغداء
تقدّمو ريّان وزياد لطاولة الغداء واكتملو كلّهم يسمّون ويبدأون ياكلون ومن بعدها اردفت ام فهد:يابو فهد حنا رتبنا الاغراض بس فيه اشياء ناقصتنا
ابو فهد:ارسليها لي بعد العصر نروح مع العيال نخلّص كم شغله ونجيبها بطريقنا
هزّت راسها بخفه:ان شاءالله
التزمو الصمت يكملّون اكلهم بهدوء وصامت تام
«الساعه ٤ عصراً»
"عند العيال بالمجلس"
وقّف ابو فهد:يلا ياعيال امشو كلكم ورانا شغله نخلّصها ونمّر نجيب اغراض للبيت
ابراهيم:ابشر
وقّفو كلهم وطلعو ورا ابو فهد وابو دانه وفيصل معهم
«عند البنات»
ليان:اقول انا بروح معهم بشتري اغراض للسهره
فرح:بجي معتس
شمّقت لها ليان:ياليل النشبه صدق
الجود:خير حتى انا بجي معكم
فرح وليان:امشي
لبسو عباياتهم وطلعو ركض متوجّهين لقسم العيال دخلو وهم يلهثون واردفت فرح:نبي نروح معكم
تركي:شتبون يالنشبه!
فرح:بنشتري اغراض للسهره
تركي:مايحتاج تروحون ارسلي لي اغراضكم وانا اجيبها
ليان:ماتعرفون انتو!
تخصّر تركي:ياساتر مانعرف!يعني انتو تعرفون؟
الجود:ايه ايه نعرف ، اقول اخلصو بيمشون
تركي:مانتي رايحه انتي وياها انثبرو هنا واقضبو ارضكم
فرح بعناد:بنروح يعني بنروح عناداً فيك
تنّهد تركي بتعب ودفع فرح بخفه:امشي يالنشبه
طلعو معه ونطق فيصل:ماشاءالله وين رايحه انتي وياها؟
ابتسمت الجود من تحت النقاب:بابا بنروح معكم نشتري لنا اشياء
التفت فيصل لتركي رفع نظره تركي لفيصل واردف:والله مالي دخل همّ ابلشوني وعاندو
ليان بحزن:افا ياخالي يعني بتكسرون بخاطرنا؟
ابتسم فيصل:ماعاش الي يكسر خاطركم امشو اركبو
ابتسمو البنات ابتسامة انتصار وتقسمّو لسيارتين لانهم كثير
بسيارة فيصل:ابو فهد - فيصل - ابو دانه - نواف - نايف - عبدالرحمن - تركي - عبدالله
بسيارة فهد:راكان - ابراهيم - فهد - ريّان - زياد - فرح - الجود - ليان
تحركو لوجهتهم وبنص الطريق وقّف فهد ينزلون للبقاله جميعهم وسيارة فيصل اكمّلو طريقهم متوجهين للشركه يكمّلون اشغالهم
«عند العيال والبنات»
وقّفهم فهد امام باب السوبر ماركت ينطق بتحذير:اسمعوني زين ان شفت احد رايح لحاله ولا بدون محد يدري ولا طلع بدون محد يدري له ياويله تفهمون دخلنا جميع نطلع جميع مفهوم؟
الكل بصوت خافت:مفهوم
ريّان:الحين متى ندخل؟
راكان:بكره ، دفعه بخفه ناطق:امش قدّامي تستهبل انت ولا وش؟
دخلو كلهم للسوبر ماركت يشترون اغراضهم اللي محتاجينها
فرح بهمس للبنات وهي تأشر لهم على الاقسام بأصبعها:اسمعو انا بروح لقسم الشبسات وليان تروحين لقسم الحلويات وانتي الجود تروحين لقسم المشروبات ،  دن؟
ليان والجود بنفس الهمس:دن
تفرقو كُلاً منهم كل وحده راحت للقسم اللي اتفقو عليه تشتري المطلوب
"عند الجود"
ماسكه العربيه بيدّها تتجول بها وتتأمل العصائر رفعت انظارها للرف الاول وطاحت انظارها على مشروبها المفضل اسندت ثقلها بالكامل على اطراف اصابع رجليها ترتفع لكي توصل للمشروب ولكن لم تستطيع ان تمسك بالمشروب جاها رجل غريب ووقّف بجانبها التفتت له ونّزلت انظارها عليه بأستغراب ونطق الرجل بعدها:بغيتي شي ياحلوه؟
عدّلت وقفتها ونطقت بتوتر:لا مشكور ياخوي
تمّسكت بالعربيه تدفها تبعد من جانب الرجل وانفاسها تتعالى بتوتر ارتجفت من شافت الرجل حاط يدّه داخل عربيتها متمّسك بالمشروب اللي كانت تبغاه وماقدرت توصل له رفعت انظارها له تنطق بتلعثم:شـ شكرا ممكن تـ تبعد عن طريقي؟
انصدمت من شافت الرجل مستلقي على الارض وشهقت من شافت فهد فوقه يلكمه بقوه وعروق عنقه ويديه وجبينه بارزه من قوة عصبيته وغيرته عليها ، كيف يتجرأ يتكلّم معها ويوقّف بجانبها؟ ، اشتعلت عصبيته وثارت غيرته عليها وانهارت براكينه وماقدر يتحمّل اكثر وتهجّم عليه وبالقوه تمّسكو به العيال وقّف من فوق الرجل المستلقي على الارض ومغمى عليه رفع انظاره للجود اللي واقفه ونقابها متببل اثر دموعها تقدّم لها بقوه  يمسك عضدها يمّشيها معه ينطق بعصبيه:امشي
طلعو من السوبر ماركت متوجّهين لسيارته فتح باب المعاون يدّخلها ويسّكر الباب بقوه وفتح بابه يجلس بجانبها وانفاسه ترتفع وتنخفض فتح ازرار ثوبه العلويه يمسك الدركسون بيديه يضع راسه بوسط الدركسون يهدّي نفسه لأجل لاينفجر عليها ، نطقت بصوت مبحوح:ليش سويت كذا؟
رفع راسه يلتفت لها يناظر وسط عينها يتأمل بحر دموعها
ينطق بأنفعال وعصبيه:ليش سويت كذا؟ لاني اغااار اغار يالجود اغار وانتي بككل برووود االاررض تسولفين معه وقدداااممي!!
الجود بخوف:بس مو كذا فهد انت فهمت غلط مو على اي شي تغار!
فهد:اللي مايغار على اهله وحَرمه مو رجّال ياجود!
الجود بعصبيه:ماقلت لك لاتغار اكيد مافيه احد مايغار لكن مو كذا ، تحّكم بغيرتك فهد!
فهد:جود لاتجننينني!!
صدّت عنه الجود:لاتكلمني لين ماتعدّل اسلوبك معي وتضبط نفسك وغيرتك!
تنّهد بقوه يضرب بوري عشان يطلعون لانه مو قادر يتحمّل من عصبيته رفع جواله يتصل على ابراهيم ينطق بعصبيه:اقسم بالله لو ماتطلعون بلعن خيركم اخلصو علي!
ابراهيم:لاحول الله ، هدّ من عصبيتك شوي وخف على البنت!
فهد بعصبيه:اخلص اخلص لاتقوم تعطيني نصايح!
ابراهيم:لاحول الله الله يعين
التفت لهم يناديهم يحاسبون ويطلعون بسرعه ركبو السياره جميعهم وحرّك فهد راجعين للقصر
رجعو القصر وعدّا يومهم زي اي يوم ماعدا ابطالنا
«الفجر»
بعد ماصلو الفجر كلّهم حمّلو الاغراض متوجّهين لقصر آل طلال عشان يمشون مع بعض
فرح بهمس لليان:ياليل الحين تجي الدبه ، وين نحطها تريله ماتشيلها!
ضحكت ليان وقرصتها فرح:انطمي يانعجه لايسمعونتس
وقّف فهد عند بيت ام حصه طلعو بعد نص ساعه وركبت حصه بجانب فرح والبنات نطقت فرح بكتمه:يممممه بنات بموت ساعدوني انكتمت!!
ضحكو البنات ونطقت حصه:الله يعينتس تحمّلي
فرح بهمس:الله ياخذتس يالدبه كتمتيني!
دفعتها فرح بقوه من جاء مطب ونطقت حصه بتألم:اخخ عورتيني!
فرح بتسليك:اوووه ماشفت بالغلط ، واستمرو على هذا الحال الا ان وصلو الاستراحه
نزلو  ونزلت حصه ووراها فرح دفتها فرح بقوه واصتدمت رجل حصه بالحصى من الحصى المتطايح على الارض نطقت بعصبيه:خير انتي ماتشوفين يا مُتخلفه!!
فرح بأستفزاز:تبين وحده ثانيه؟
حصه بأنفعال:انقلعي يامجنونه!
طنشتها فرح وضحكو البنات لان فعلاً فرح بردّت خاطرهم ، حضنتها الجود تنطق بسعاده:افف فوفي احبتس ياخي بردّتي خاطططررري!
ضحكت فرح:حبيبتي معليتس عنددددي
دخلو للداخل ورتبّو الاغراض ونظفو المجالس والغرف كلها وتوجّهو لغرفهم يرتاحون بعد طريقهم المُتعب
«المغرب»
صحو البنات والامهات على اذان المغرب ادّو فروضهم وتوجّهو برتبون اغراضهم وتبدأ فعالياتهم
«نرجع للوقت ورا ، عند حصه»
"المطبخ تحديدًا"
طلّعت صحن زجاج وبدأت تصف فيه البسكويت وبعد مانتهت من طبقة البسويكت اضافت الطبقه اللي بعدها واللي هي الكريمه واخيرا زيّنته ووضعته بالثلاجه لكي يبرد وتنّفذ خطتها
"الوقت الحالي"
تقدّمت حصه للجود تنطق بدلع:صح جود نسيت ابارك لتس على ملكتتس
فرح بهمس:ايه ماكنتي فاضيه اعمتتس الغيره
الجود ببتسامه مزيّفه:اسمي الجود
سلّمت حصه على خدّ الجود ونطقت بتسليك:ايه اللي هو  ، مبروك الله يجمع مابينكم الخير
الجود بتسليك:الله يبارك فيتس وعقبالتس
ابتعدت عنها ونطقت نوت بملل:بنات الجو يطّفش
ليان:صدق يعع ليتني ماجيت جالسه لحالي احسن لي بدال مااقابل الدبه ذي!
نوف:قومو نرقص ، فرح جبتي السماعه؟
فرح:اكيييدد ياحبيبتتيي
صفّقت نوف:يلا يلا
راحت فرح تجيب السماعه وبدأو يرقصون
«عند العيال»
طلعو للملعب يلعبون كورة طائره انقسمو الي فريقين
فريق نايف - فريق نواف
فريق نايف: نايف - عبدالرحمن - راكان - فهد - تركي
فريق نواف:نواف - ريّان - زياد - عبدالله - ابراهيم
بدأو يلعبون وبنص اللعبه طاح فهد وانجرح حاجبه من الحصى ركضو كلهم ونطق راكان بتوتر:فهد فيك شي اشوف
فهد بتألم:مافيني شي كملو
راكان بعصبيه:تستهبل انت نلعب وانت تتألم هنا تبي اكفر بك؟
ضحك فهد:خلاص خلاص
انهو اللعبه وفاز فريق نواف بنتيجة ١-٣
وقّف فهد وتحسس حاجبه ناظر يدّه يشوف دم حاجبه على يدّه مشى متوجّه لغرفته عشان يغيّر ثوبه لانه توصّخ بالتراب والطين بنص طريقه شاف حصه متقدمه له تنطق بخوف:بسم الله عليك فهد شفيك ليش حاجبك دم؟
فهد بتألم:مافيني شي ، بس عادي تجيبين لي ثوب جديد من غرفتي؟
ابتسمت ونطقت بدلع:ابششرر
دخلت وتوجّهت عند البنات تنطق:الجود ، فهد يبغى ثوب جديد جيت اقولتس عشان لاتقولين اني ادخل غرفته واخرب بينكم
ليان:وليش انتي بالذات ، ليش ماقال للجود؟
التفتت الجود لليان:انا قايلة له لايتكلم معي لاني زعلانه عليه ، خلاص انا بشوفه
طلعت من المجلس وتوجّهت لغرفة فهد تفتح خزانة ملابسه تطلّع له ثوب جديد وتنزل تحت تشوفه جالس بالمجلس ومشغول بجواله دخلت تنطق بعصبيه:ليش ترسل حصه تجيب لك ثوب هاه؟ ، ماعندك زوجه؟
ابتسم بروقان:انتي قلتي لاتكلمني ، وبعدين حصه طلعت بوجهي قلت لها تجيب لي ثوب جديد بس
الجود بنفس العصبيه:لايشيخ ماعندك خوات؟ ، حتى لو انا قلت لك لاتكلمني تقدر تكلّم خواتك!
ابتسم ونطق:خلاص ابشري
مدّت له الثوب:خذ
مسك معضمها يشدّها له يجلّسها بحضنه:تعالي
جلست بحضنه ودفن وجهه بعنقها يستنشق ريحتها اللي تأسره بأكمله حاوطت عنقه تتركه يأخذ راحته ، وبعد مدّه رفع رأسه وعقدت حواجبها:ليش حاجبك دم؟ متهاوش بعد؟
ضحك بعلو صوته:لا ماتهاوشت مع احد كنّا نلعب كرة طائره وطحت على الحصى ماصار شي
الجود:ماصار شي! ، بتجنني انت صح؟
هزّ راسه بالنفي ، وقامت من حضنه تجيب له مسحه طبّيه تمسح حاجبه وهو يتأملها انتهت ووقّفت تنطق:البس ثوبك واطلع للعيال لاتجلس هنا واذا بغيت شي كلمّني لاترسل الحيّه فاهم!
ابتسم:ابشري
طلعت ووقّف هو يتنّهد يلبس ثوبه ويطلع للعيال يسمر معهم
«عند البنات»
استغلت الفرصه حصه لان الكل مشغول ، راحت للمطبخ تطلّع الحلا من الثلاجه وتبدأ توزّعه بصحون على عدد الموجودين اخذت صحن وحطّته على جنب شالت الصحون وطلعت من المطبخ متوجّهه للمجلس توزّع عليهم الحلا وزّعته والكل بدأ ياكل بأستثناء الجود ، نطقت بهمس للبنات:خير ماعطتني وع مالت عليها!
فتون:مو حلو احمدي ربتس ماعطتتس ابتلشت به انا الله يكرم النعمه
رجعت حصه للمطبخ وطلّعت بودرة التسمم من جيبها تفتح العلبه توزعه على الحلا قفّلت العلبه تحطّها بجيبها وتاخذ الصحن تطلع برا المطبخ تعطيه الجود
رفعت يدّها الجود:مشكوره مابغى
حصه بحزن متصنّع:بتردّيني؟
التفتت الجود من نطقت امها بهمس لها:عيب لاتردّين البنت خوذيه مجامله
الجود بنفس الهمس:ماما ماودّي!
ام راكان:عيب يابنتي اقل شي جامليها
تنّهدت والتفتت لحصه اخذت الصحن تبتسم بتسليك:تسلم يدّك
حصه ببتسامة خبث:بالعااافيه
اكلت منه وحطّت الصحن بالطاوله وكمّلو فعالياتهم وبدأت الجود تحس بألم ببطنها وتحس بغثيان راحت لأمها تشكي لها ألمها:ماما بطني توجعني مررره واحس غثيان
ام راكان بأستغراب:ماافطرتي؟
هزّت راسها بالنفي ونطقت ام راكان:وش اكلتي اجل؟
الجود بألم:مااكلت شي غير الحلا اللي سوته حصه بس
ام راكان بخوف:لايكون حاطه فيه شي الحيّه!
الجود:مدري ماما مدري انتو ماتحسّين بشي؟
هزّت راسها امها بالنفي:لا مااحس بشي عادي
وقّفت الجود تتقدّم للبنات تسألهم:بنات ، تحسّون بطنكم توجعكم؟
جوري بأستغراب:لا انا مااحس بشي ليه؟
ليان:وانا بعد
البنات:انا بعد ، انا ماحسيت بشي ، لا ، ليه؟
الجود:مااكلت شي غير حلا حصه واحس بطني توجعني ومعدتي تقلب احس غثيااان
شهقت غلا:يمه ليكون حاطّه شي لتس!
الجود بغثيان:مدري مدر.... ركضت لدورة المياه [الله يكرمكم] ، تتمسّك بالمغسله تخرج كل مافي بطنها
ركضو وراها البنات وام راكان مسكت فرح شعرها تبعده عنها وام راكان تمسح على ظهرها وجوري ماسكه المناديل ، رفعت راسها الجود بعد ماانتهت تمسك بطنها:اااخخ
ام فهد:تحتاجين مستشفى؟
هزّت راسها بـ لا
ام دانه:الا يابنتي لازم تروحين
اتصلت ام راكان على راكان:الو راكان ياوليدي تعال خذ الجود للمستشفى بسرعه!
راكان بخوف:يلا يلا جاي خليها تطلع
ابتسمت حصه بخبث تنطق بهمس:تونا بالبدايه!
لبّسوها البنات عبايتها وساعدتها جوري توصل للباب
مسكها فهد ينطق بخوف:بسم الله عليتس يابعد الدنيا!
ركبت السياره واستندت على المرتبه وركب فهد وحرّك راكان للمستشفى ، وصلو للمستشفى ودخلو للطوارئ ودخلت عند الدكتوره تكشف على حالتها
نطقت الدكتوره بتساءل:ايش صارلك؟
الجود بألم:اكلت حلا وفجأه بديت احس بغثيان والم ببطني
الدكتوره:اكلتي شي غير الحلا؟
هزّت راسها بالنفي:لا بس الحلا
هزّت راسها الدكتوره بخفه:بنفحصك وبإذن الله بسيطه
وقّفت الجود مع الدكتوره عشان تفحصها ، انتهو من الفحص وطلعت الدكتوره تنطق:انتو اهل الجود؟
هزّو رووسهم فهد وراكان ناطقين:يادكتوره وش صار؟
ابتسمت الدكتوره:مافيه شي خطير الحمدلله ، حصل لها تسمم وسوينا لها تحاليل والحمدلله هي بخير تقدرون تاخذونها
ابتسمو ونطق راكان:نقدر ناخذها؟
هزّت راسها بالايجاب:الحمدلله على سلامتها
راكان وفهد:الله يسلمتس
طلعت الجود واخذوها ورجعو للاستراحه
«الاستراحه»
دخلت الجود لقسم الحريم وتقدّمو لها البنات يحضنونها ويتحمدّون لها بالسلامه
دانه ببتسامه:امشو نسمر بالجلسه الخارجيه ونطلب اكل
ريما:يلا امشو نرتب
بالفعل تفّرقو البنات يضبطون جلستهم ، وتوجّهو الامهات للمطبخ يجهّزون العشاء والاباء والعيال بالمجلس الرجالي يسولفون ويلعبون مع بعض
"عند حصه"
جلست بالمجلس تتصل على محمد:الو
محمد ببرود:نعم؟
حصه:اسمعني ، بنسوي جلسه بالجلسات الخارجيه الحين ومامعنا وقت لبكره نقدر نخطفها الحين!
فزّ محمد:انتي متأكده!
حصه:لا امزح ايه متأكده بسرعه
محمد:طيب كييف؟
حصه:بنطلب اكل من برا وبحاول اني اخلّي الجود تنزل تستلم الطلب خدروها وخوذوها سهله!
محمد:حلووو!
حصه:بقّفل انا!
انهت الاتصال وتوجّهت مع البنات تساعدهم لأجل محد يشك بها
«عند محمد»
اتصل على مشعل:الو مشعل جمّع الرجال وتعالو لمكتبي بسرعه عندنا خطّه!
تجمّعو رجاله كلهم واعطاهم الخطّه انهو الاجتماع وطلعو رجاله يجّهزون السيارات ويتجّهون للاستراحه بعد مااعطتهم حصه الموقع
«عند البنات»
جهّزو جلستهم وسناكاتهم وجلسو يتفقّون على مطعم لأجل يطلبون لهم اكل ، واخيرا اتفقّو على مطعم وطلبت الجود من جوالها وجلسو يلعبون الا ان يوصل طلبهم
وبعد مدّه وصل الطلب واتصل جوال الجود من رقم المطعم ردّت:تمام جايه
نزلت تحت ومسكت حصه جوالها ترسل لمحمد:نزلت تحت تستلم الطلب!
«عند الجود»
نزلت تحت ومعها جوالها وقّفت ورا الباب ومدّت يدّها تأخذ الطلب من الرجّال وهجم عليها احد رجال محمد يغطّي فمها بقطعة قماش عليها ماده للتخدير طاحت بأحضان الرجل وانحنى الرجل يضع يدّه تحت ركبتيها ويدّه الثانيه تحت عنقها يحملها بأحضانه يركض بها للسياره السوداء يركبّها بالمرتبه الخلفيه يحرّكون بسرعه ويطلعون من المكان ومن الديره بأكملها مرّ الوقت ومرّت نص ساعه وبدأو البنات يقلقون نطقت ليان بتوتر:بنات الجود طوّلت!
وقّفت غاده:دقيقه بروح اشوف
ركضت توقّف امام الباب شهقت من شافت جوال الجود طايح على الارض والاكياس مرمّيه بالأرض والاكل طايح بأهمال حطّت يدّها على فمها من شافت سياره سوداء تمشي من امام الباب ومتواجدين داخلها رجال بأقنعه سوداء ولبس اسود ركضت للبنات تعلّمهم اللي حصل واللي شافته
ليان بقلق:لقيييتيها؟؟
طاحت غاده بأحضان نوف وقالت لهم اللي شافته بالكامل انصعقو البنات وركضو لقسم الرجال ينشرون لهم الخبر ، دخلت عليهم نوف وهي تبكي:فيصل تكفى الحقهم تكفى لايروحون نخييييييتك!
استغرب الكل وعقد حواجبه فيصل:بسم الله عليتس اهدي اهدي وعلميني من الحق من؟
نوف بأنهيار:اخذو الجووودددد اخذوووووها خطفووها الحقوها تكفوون!!!!
فزّو كلهم برا يشوفون الباب مفتوح الاكل طايح وجوال الجود متكسر وطايح عند الباب
غاده بحزن:شـ شفتتتهم شفتتهممم راكبين سياره سوداء ولابسين اقنعه ولبس اسود والله شفتهم الحقوهم لايروحوووون!
حصه ببرود:ماصار شي بتلقونها بكره لاتسوون دراما!!
التفتت لها فرح وتقدّمت لها بعصبيه تضربها:انتتي يامُتخلفه انقلعي من وجهي لا ادفنتس هنا!
ام حصه:خيير خير انتي وهي صادقه مسووين دراما على وشو؟
فرح بعصبيه:انا قلت لتتس ان صار لفهد وللجود شي بكون اناااا اووول وووححدده بوووجهتتتتسس تفهمين
تهجمّت عليها وبدأت تضربها وهي تبكي بحرقه تقدّمو الامهات يمسكون فرح يدخلونها للداخل ركض فهد للخارج يفتح سيارته ينهااار نطق بحزن:اخخخ ياجودي اخخ اخذوتس مني اخخخ!!
شغّل سيارته وحرّكها بسرعه يترك اثر كفراتها على الارض ويبدأ يبحث عن الجود بكل شوارع الديره مدّ يدّه يشغّل المسجّل يشغل عقله ويبعد افكاره ولكن اشتغلت الاغنيه اللي تبعثر مشاعره وافكاره وتفكيره:
آه ياجود الحزن وياي وبالفرحه شحوح
ضايعٍ  بهمومي الغبراء بوسط المعمعه

أشتكي لوسادتي دنياي وأسمعها تنوح
كنّها بعضي وبعضي وينهو ومنهو معه
نزلت دموعه بقهر وغبنه ونطق بغبنه مكبوته بصدره:وينهي ومنهي معه؟
تغيّرت اجواءهم من سعاده إلى حزن بكم ساعه فقط تفرّق الكل يبحث عن الجود ولكن لا أثر لها وكأن الأرض انشّقت وابتلعتها!

اعتذر عن التأخير حقّين الانستا يعرفون السبب ، عطّو البارت حقّه ولاتنسون النجمه ياحباني🧡🧡