لاجيت ابكتب عن جمالك تراجعّت وين بيردّني في خيالي

~ ١١ ~

"يوم جديد"
الساعة 10:30صباحاً
صحى الكل بعد نومة طويلة
«نتوجّه لقسم الرجال»
نواف:السلام عليكم
ردّ الكل بالسلام
تنحنح نواف:اخوي بغيت شي لاتردّني
فيصل:تم مابغيت شي
نواف:بغيتك تخطب لي
فيصل:ابشرر،بس منهي بنته؟
نواف:بنت رابح،الجوهرة
فيصل:تم اجل جهّز عمّرك بكره ان شاءالله نخطب البنت من العرّب
هز رأسه بالايجاب وكمّلو سواليفهم
«قسم الحريم»
صحو للبنات واتجّهو للمطبخ يجّهزون الفطور
جود:نوني سّوي الشاهي
نوت:تمام
غادة بصراخ:لاااااا ياحمااررره مو كذاا
ليان:هاااه ياخي اجل شلون؟
غادة:حطيه بالصحن احد يحط القشطة بعلبة!
رفعت ليان العلبة:تستهبليين هذا وشو هذا صحن ماتشوفين؟؟؟
ضربتها غادة:يامُتخلفة اسمها علبة ع ل ب ة
شمّقت لها ليان:سدّي حلقتس ازعجتينا بكيفي
غادة:طيب طيب خلّي خالي فيصل يهاوشتس
ليان:مالتس دخل
ريما:انطمي انتي وياها شوي ازعجتونا ترا!
شمّقو لها وكمّلو فطورهم وحضّروة بالخيمة
«وقت الفطور»
أشّر ابو فهد بأصبعة على علبة للقشطة:هذا وشو؟
فرح بضحكة:ليان الحمارة حاطّة القشطة بالعلبة
ضحك الكل من شافو ليان تقرص فرح بفخذها
انتبهت نوت لنظرات أبراهيم لها وسكتت اكملو فطورهم وهم يتشاركون حكيهم مع بعض ومبسوطين جدا بلمّتهم
«عند البنات»
جوري:بنات بنسوي جلسة هنا ننادي العيال معنا؟
نوف:ايه ناديهم
جود قامت:خلاص اجل انا بناديهم
توجّهت جود للملحق المخصص بالعيال
جود:السلام عليكم
ردّ الكل بالسّلام ونطّقت جود:بنسوي جلسه مع البنات بتجون؟
راكان:مين فيه
جود:كلنا
راكان:ادري كلكم قولي لي مين موجود؟
تأففت جود وبدأت تعددّ بأصابعها:جوري وغادة وغلا وريما وفتون ودانة وليان وفرح ونوف ونوت بس
تركي:بسم الله شكثركم
جود:انننن مالك دخل اطلع منها
تركي:اقول بس ترا بقوم ا....
قاطّعة فهد من نطق بحدّه:تررركي
التفت له تركي:وشو شسويت؟
ناظره فهد بحدّةه وسكت تركي رفعت يدّينها جود تقهره
ريّان:يلا يلا قومو بسرعه
زياد:جود فيه اكل؟
جود:ايه ياحبيبي فيه
رمقها فهد بنطره حادّه لكن جود مانتبهت له زّفر بقهر وصدّ
نايف:طيب يلا امشو
قامو العيال وتوجّهو للجلسة
نوف:الحمدلله على السلامة ساعة ماصارت!
نواف بسخرية:الله يسلمتس
تقدّم عبدالرحمن لنوف يحضنها:هلا والله بأوخيتي
نوف:هلابك يابعدّي
التفتت نوف لنواف تأشّر على عبدالرحمن:تعلم بس من اخوك مالت عليك من اخو
فزّ نواف:انا ولدك يابوووي،بنت اعقلي!
فرح:القاها من جود وفرح ونوت ولا من العمة واخوانها!
نايف رافع حواجبه:شتقصدين!
فرح بخوف:ولا شي
جود تخصّرت:اقول انتي وش تقصّدين ماسوينا شي انا ونوني؟
ليان:ااقوول ترا قالت اسمي
التفتت لها جود:طيب ادري مابي اقول اسمتس كيفي؟
ليان:خير ترا اخذ نوني منتس!
جود:اتحداتس
ليان:بقوم اصفقتس ترا مو بصالحتس!
التفتت جود لأبراهيم وفهد تأشّر على ليان:ربّو اختكم الي ماتستحي على وجهها قليلة الادب هذي!
أبراهيم:افاا شمسويه اوخيتي
ليان رفّعت اكتافها:استغفرالله يحبّون يألفّون علي سوالف انا مو مسويتها شفت كيف!
نوت بذهول:يالكذااااااااببه!!!!!
ليان بهمس:هيه انتي كمّلي معي الكذبه
نوت:تخسيين
ليان:مالت عليتس جبتس عون صرتي لي فرعون!
شمّقت لها نوت وهمست ليان بأذنها:اقول ترا ادري ان أبراهيم يحبتس!
توسّعت عيونها بذهول وحمّرت وجنتيها انتبهو لها الكل وطاحو ضحك على شكلها رفعت عيونها لأبراهيم تشوفة يبتسم غمز لها وقامت تركض للداخل
جود انتابها الفضول:قولي للييي وش قلتي لها بسرععههه!
غمزت لها ليان:اقولتس بعدين
جود بحماس:تكفيننن الححينن
ليان بهمس:قلت لها انّ أبراهيم يحبتس واستّحت بس!
شهقت جود:يالكلبببببههه اوريتس
قامت جود تلحق نوت وكملو جلستهم المُمتعة دقيقة يسولفون ودقيقة يتأملون بعض كان أبراهيم غارق بفهاوة نوت وفهد غارق بجمال جود وراكان غارق بشخصية فرح المرحة
قام نواف:يلا يلا نوووم بكره ورانا شي حلللوو بتنصدمون منه
غلا:وشووو وشوو؟
نواف:بعدين بعدين
دانة:لا تكفى الحيين
نواف:اقول بعديين يلا نوم
قام الكل متوجّه لقسمه ينام
"أخر يوم بالمزرعة"
صحى الكل بدري بحُكم ان اليوم بتصير عزيمة
-الساعة7مساءاً-
تجّهزو البنات وطلعو يستقبلون ضيوفهم
«قسم الرجال»
تنحنح فيصل:صلّو على النبي يارجال
ارتفعت اصوت الرجال بالصلاة على النبي
فيصل:بغيتك بشي يابو فارس
رابح:ابشر بي
فيصل:حنّا جايينّكم وطامعّين بنسبكم نطلّب كريمّتكم الجوهرة لأخوي نواف
رابح:ابد نتشّرف بكم والله ومابنلقى احسن من نواف للجوهرة رجّال شهم وكفو وانا متأكد انه بيصونها وانا موافق بنشاور البنت ونردّ لكم خبر
هز رأسه فيصل بخفة:ابد خوذّو راحتكم ماحنا مستعجلين
اتجّه رابح لقسم الحريم
نطق بعلّو صوتة:يام فااارس
تقدّمت له فضة:لبيه بغيت شي؟
ابتسم رابح:لبيتي في منى،لا بالله ماابغى شي بس ازهمي لي الجوهرة وتعالي معها
فضة بخوف:فيه شي؟
ضحك رابح:يابنت الحلال مافيه شي بس ازهميها وتعالي
نادتها فضه وتقدّمت الجوهرة:هلا يبه بغيتني؟
رابح:هلابتس يابنتي،اي بالله بغيتس
ابتسمت الجوهرة:سمّ
رابح:سمّ الله عدّوتس،يابنيتي نواف ولد عبدالعزيز تقدّم لتس استخيّري وعطيني ردّتس وابد لاتستعجلين العّرب ماهم مستعجلين وانا ماني مستعجل خوذي راحتس
ابتسمت الجوهرة:ابد يبه شوري من شورك اذا انت موافق فأنا موافقة والله يكتب الي فية الخير
ابتسم رابح:يعني نتوكّل على الله
هزت رأسها بالايجاب ونطق رابح:الله يتممّ لكم على خير يابنتي
همست بـ:امين
ابتسمت فضة بفرحة:ياعمري ياجوهرتي كبرتي الله يكتب لكم الي فيه الخير
ابتسمت الجوهرة وحضنّت امها
رجع رابح لقسمهم يعطيهم الردّ
«قسم الرجال»
عند نواف الي يهزّ رجله بتوتر
دخل رابح وهو مبتسم فزّ نواف ونطق رابح:البنت موافقة،الله يتممّ لكم على خير
فزّو الرجال بفرحة وتقدّمو يسلّمون على نواف ويباركون له
فيصل:مبروك ياخوي مبروك وان شاءالله نشوف عيالك
نواف:الله يبارك فيك،امين
فيصل التفت لرابح:يعني نجّيب الشيخ؟
هز رأسه بالايجاب وهو مبتسم
وصل الشيخ كان نايف عند الباب يستقبلة مدّ يدّه يصافح الشيخ:يالله حيّه اقلط
لفّ نايف لزياد:رح قل لفيصل ان الشيخ جاء
توجّه زياد يهمس لفيصل بأن الشيخ جاء
تقدّم فيصل:ارحببو
ابتسم الشيخ يمدّ يدّه يصّافحهم:الله يسلمكم
صّافحه نايف:شحالك
الشيخ:نحمدالله بخير شحالكم انتم؟
هزّ نايف راسه:على ماتحّب
نطق فيصل:تفضل تفضل
دخلو لقسّمهم وارتفع صوت الشيخ:السلام عليكم يارجال
ارتفعت اصواتهم بـ:وعليكم السلام
مشّى الشيخ يتجّهه لرأس المجلس يجلس بجانب ابو فارس وفيصل لفّ الشيخ على فيصل:وين المعرس؟
ابتسم فيصل يلفّ على نواف:هذا هو
ابتسم الشيخ يهزّ رأسه:طيّب يلا خلّه يجي ويجيب معه بطاقته وولي امر العروس يجي
هز فيصل رأسه يلّف على نواف:يلا
هزّ نواف رأسه بتوتّر ومشى يجلس بجانب الشيخ،لفّ الشيخ على رابح:قول معيه جزاك الله خير
هزّ رأسه رابح يسمّع الشيخ ينطق:زوجتّك ابنتي
نطق رابح:زوجتّك ابنتي
الشيخ:على سّنه الله ورسّوله
هزّ رابح رأسه:على سّنه الله ورسّوله
لفّ الشيخ على نواف:قول معيه ياولدي
هزّ نواف رأسه،ونطق الشيخ:قبلت بها زوجّه على سّنه الله ورسّوله
نواف:قبلت بها زوجّه على سّنه الله ورسّوله
الشيخ:وعلى الشروط المتفقة
هزّ نواف رأسه:وعلى الشروط المتفقة
أخذ الشيخ الكتاب:وقّع هنا
انحنى نواف يوقّع وتقدّم فارس يأخّذ الكتاب ويتجّهه به لقسّم الحريم دخل فارس قسم الحريم ينطق بعلّو صوته:ياام فاارس
تقدّمت فضة:هلا ياوليدي
قبّل راسها ينطق:يمه ازهمي لي الجوهرة
راحت فضة للداخل وطلعت مع الجوهرة وتقدّمت له بكامل زينتها نطق فارس وهو مبتسم:هلا والله باوخيّتي
الجوهرة ببتسامه:هلابك ياخوي
عطّاها الكتاب ونطق:وقّعي هنا
وقّعت بتوتر ورجفة وتعالت اصوات الحريم بالزغاريط فارس:يلا روحي المجلس تراه ينّتظرتس
هزّت راسها بالايجاب وتوجّهت للمجلس مسكت قبضه الباب بتوتر تنّهدت ونطقت بهمّس:بسم الله
فتّحت الباب ورفّع راسه نواف من دخلت توسّعت عيونه بذهول من جمّالها وفستانها المتلّون باللّون البيبي بلو وقف يتقدّم لها ويوقف قدامها يقبّل جبينها ينطق بهدوء:مبروك علينا
نطقت بتوتر:يبارك فيك
جلّسو على الكنب ودار الصمت بينهم لعدّه دقائق وكسر الصمت نواف من نطق:متى تبين العرس؟
نطقت بهدوء:بعد ثلاثة أشهر
هزّ رأسه بخفة ونطق بعدها:كم تبين المهر؟
نطقت بتوتر:سبعين ألف!
نواف ببتسامه:تم ابشري بتجيك اليوم ان شاءالله
هزّت راسها بخفة وتقدم يقبّل رأسها ويطلع برا المجلس
رفعت يديّنها تهف على وجهها بتوتر:اففف يوتّر ليش هو كذا لطيف!
طلعت من المجلس وقابلوها البنات وسحبوها ترقص معهم ورقصو وكانت الانظار عليهم بعد مدّة دخل نواف لأجل يلبّس الجوهرة الشبكة نطقت نوف:ياحريم تغطّو نواف بيدخل بالفعل تغطّو الحريم بأستثناء الي يحلّون له
دخل نواف ورفع انظاره للجوهرة الي كانت واقفة عند ركن الشبكة
ام عبدالله:يلا نواف لبّسها الشبكة
بدأ يلبّسها الاسوارة ومن بعدها الحلق رفع شعرها ورا اذنها ولبّسها الحلق وكانت المصورة تلتقط لهم صّور لفّت وعطته ظهرها ورفعت شعرها وابتسم من فاحّت ريحة مسكها وعطّرها الي يمّثل شخصيتها الهاديه والناعمة لفّت ووقفت بجانبه مسك يدّها يشدّ عليها من حسّ برجفتها يهمس لها:اهدّي
اخذت نفس وزّفرته وابتسمت بخفة من كلمته وشدّت على يدّه التقتط لهم الجود كم صوره وهم مبتسمين
بعد ماانتهو راح نواف للرجال وكملو الحريم جلستهم
بعد ماراح الكل وتبقى آل رابح وآل زيد بحُكم انهم بينامون مع بعض جلسو البنات بالارض نطقت جوري بتعب:افف تععببتت
جود:كللنا والله انا تكسّرت رجولي من الكعب
نوف:تدرون اني ادري قبلكم كلكم ان نواف بيخطب
فرح بصدمة:انا للحين مصدومه كيف ماعلّمنا!
ليان:بس تصدّقون توني الاحظ ان عمّ جود وخالة جود مخطّوبين!
نوت:ااييه يعني اذا جابو ولد يصير ولد عمّها وبنفس الوقت ولد خالتها!
جوري بضحكة:نوت مستعجله على انّتاجهم!
وسّعت عيونها نوت بصدمة:يالمعتوهه تفكيرتس وصخ!
ضحكو البنات ونطقت دانة:اخيرررا بيصير عندنا عرس!!
غلا:معليتس فيه عرس قريب
دانة بعدم فهم:عرس مين؟
ريما:تقصد طيور الحب فتون وعبدالله
غادة بحماس:صدق صدق فتون متى تتزوجون؟ ترا متحمّسين اخلّصو علينا!!
فتون بصدمة:يمه شفيتس هدّي!بعدين شسمه انا رافضه لمّا اخلّص دراستي يخطبّني عشان مااكون مشّوشه عرس وبيت وزوج ومسؤلية!
صفّقت لها نوف:وربي كففففووو يعجبني كلامتس طالعه علي!
فرح بذهول:يعععع يععععع تكفين لااا
شمّقت لها نوف ونطقت نوت:بنات جوعااااانه ترا تبون نطلب؟
جوري:ايي تكفين مااكلت شي
نوت:طيب تبون ماك؟
ليان:ايييه
لفّت نوت للبنات ونطقت:وانتو؟
ردّو البنات بـ:معكم
طلبت نوت من المطعم وفجأه صوت اغاني وطبول
نوف بأستغراب:يمه العيال مانامو!
ريما:لا اتوقع قاعدين
غادة بحماس:قوممو بشووف
تجمّعو البنات عند الدريشة وكانو يشوفون العيال يلّعبون بأحترافية ويتمّايلون مع كلّمات الشيلة بأمتياز
عضّت جود شفتها من شافت فهد كيف يلعب مع أبراهيم بأحترافية كانت نوت تشوف أبراهيم كيف مبتسم لأخوه ويلعب معه بأحترافيه وكان شكلة فعلاً حلو!
رجعو البنات لجلّستهم يكمّلون تحليلاتهم واتصل جوال نوت
نوت:بنات المطعم
ردّت على الاتصال وقامت تجيب طلبهم طلعت برا ووقفت ورا الباب تقدّم الرجال ومدّ لها الطلب تلامسّت اصابعهم توتّرت من شدّ عليها ونطقت برجفة:لو سمَحت ممكن تبعد يدّك!
كان يشدّ يدّها اكثر ويحاول يطلّعها بان طرف فستانها والي كان باللون الوردي خافت من شدّه يدّه على يدّها ومن حسن حظها لاحظهم أبراهيم الي كان توّه جاي من المطعم لأجل يجيب لهم اكل نزل من السيارة واستغرب من الغريب الي واقف عند قسم الحريم وكأنه يسحب احد اسّرع بخطواتة يتقدّم للرجال وينطق بحّده:لو سمَحت وش تبي هنا؟
الرجال بتلعثم:ها ا شسمه طالبين اكل
نطقت نوت الي عرفت انه أبراهيم من صوته:أبراهيم تكفى تعال قاعد يسحبني
وسّع عيونه بصدمه وتقدّم يلّكم الرجال على وجهه يتركه يطيح بالارض مع اكياس الاكل ويطيح فيه ضرب بمُجرد ماعرف انه لمس يدها وشافها ثارت غيرته وعصبيته طلعت وماعاد يشوف قدامه احد وكأنه مُلك من مُمتلكاته وشي خاصّ فية وفعلاً كانت مُهمّة بالنسّبة لة وكثير!
رفّس الرجال برجلّه وتقدّم لنوت الي كانت تبكي يحضنها ويتركها تترك دموعها تتوسط صدره ينطق بهمس:انا افدا وجهتس يامنّوه الروح وقفّي دموعتس لاتقطّعين قلبي عليتس!
نطقت نوت وهي تشاهق:أبراهيم خفت كان يسحبني كان بياخذني معه خفت خفت يسوي فيني شيء ماادري وش اسوي كان اقوى منّي ماقدرت عليه!
سحبّها أبراهيم خلف الاسطبل بحيث محد يقدر يشوفهم
أبراهيم:هدّيت حيله لتس خلاص الي صار صار انا معتس لاتخافين!
رفعت يدّينها لعنقة تحتضنه اكثر حاوط خصّرها يقبّل رأسها
رفعت رأسها من هدأت ابتسم يحاوط وجهها بيدّينه يقبّل ارنبيّة خشمها رمشّت بخفة وابتسمت ونطقت بهمس:بروح للبنات تأخّرت عليهم
هزّ رأسه بخفة ينطق:انتبهي لنفستس
ابتسمت ونطقت:وانت بعد
ابتعدت ومشّت متوجهه للداخل لفّت له ولوحّت له بيدّها ابتسّم على لطافتها ولوحّ لها بيدَة تنّهد وطلع برا متوجّه لقسمهم وقف عند الباب والتفت حواليه يشوف الرجال ماله اثّر والاكياس اخذتها نوت دخل لقسمهم
امّا عند نوت الي دخلت وانصدّمو البنات من شكلها والي كان مبّين انها باكية
جوري:يمه نوني بسم الله عليتس وش بتس انتي باكية؟
تقدّمت لهم نوت وقالت لهم السالفة وعلّمتهم عن سالفة أبراهيم
البنات انصدمو من الي يسمعونه
نطقت فتون بصدمة:يعني فيه عصافير حب غيري انا وعبدالله وجود وفهد؟!
هزّت فرح رأسها بالايجاب
غلا:ماتوقعت اخواني خفيفين لهدرجة!طاحو على وجيههم وعلى بنات خالات!
غادة بضحكة:ماالومهم لو انا ولد تزوجتهم جمال وذرابة  وأخلاق!
ليان ببرود:اقول بتقعدّون تسولفون لبكرة انا دارية خلّصوني عطوني الاكياس باكل جوعانة!
نوف بقهر من برود ليان:خير ليش ماانصدمتي معنا!
ضحكت ليان:لاني ياحماره ادري قبلكم كلكم خلصيني بتعطوني الاكل!
ريما:يمه شلون عرفتو؟
فرح:الرباعي المرح مايخفون عن بعضّهم شي!
دانة:يمه منكم يالجنّيات!
جود بحدّه:اقول امسي امسي لاامحطتس الحين!
دانة:تخسيينن!
جود:لاتتحديّني!
دانة:اقول دحدري بس
نوف:يالبزر انتي وياها سدّي حلقتس بناكل زي الاوادم
جود:كولي محد ماسكتس!
شمّقت لها نوف وكمّلو اكلهم وجلستهم الممُتعة بعد ماانتهو من الاكل توجّهو لغرفّهم ينامون لانهم بيمشون بدري
انتهى يوم آل زيد وآل رابح المُمتع والجميل ونام الكل بعد اليوم المُتعب!
"اليوم التالي"
الكل صحى الفجر
صلّو الرجال جماعة والحريم كل وحدة بمُفردها
بعد ماانتهو من الصلاة بدأو العيال يحمّلون الاغراض بالسيارات ويبدأون يتقّسمون
ركب الكل سيارتة بعد ماانتهو من حمّل الاغراض
تقدّم رابح لفيصل:يعطيك العافية وماقصّرت يابو راكان كثّر خيرك وبيّض الله وجهك تعبّناكم معنا وكلّفتو على انّفسكم والله انّنا استمتعنا معكم واجد
ابتسم فيصل:ابد حقّ وواجب يابو فارس لاكلافة ولا شي وتعبكم لنا راحة وابدّ الي تحتاجونة حنّا معكم وبأذن الله مانقصّر معكم وان شاءالله انها مو اول مرة ولاهي بأخر مرة والجايات اكثر ان شاءالله
رابح ببتسامة:خيّركم سابق والله
فيصل:يلا استودعناكم الله وأنتبهو لطريقكم
رابح:لاتوصّي حريص انتبهو لانفسكم
فيصل:ابشر
تفّرق الكل متوجّه لقصرة
ام راكان:والله انبسطنا مره وغيّرنا جو الصدق
ام فهد:اي والله الحمدلله
ام عبدالله:والله كلنا انبسطنا مع العيال وغيّرنّا جونّا
ام دانة:الله يديم علينا الايام الحلوة
همسو بـ:امين
ومن بعدها التزمو الصمت يتأملون الطريق

انتهى...
اعذروني عن الغيبه كنت مشغوله مره وبعوضكم بإذن الله
اتمنّى انكم استمتّعو بالأحداث،اعطّو التعب حقّه🤎🤎