لاجيت ابكتب عن جمالك تراجعّت وين بيردّني في خيالي

~ ٣ ~

"بعد الفطور"
تفرّق الكل الي راح لدوامه والي ينجز اشغاله والي يذاكر وإلخ...
«عند ليان وجود وفرح»
جالسين بالحديقة وملتمين عند بعضهم وحولهم اوراق وكتب وأقلام مبعثرة بكل مكان
ليان:ياليل الحين لازم نسوي برزنتيشن؟
فرح:لا ياحبيبتي براحتس وش رايتس يعني اي لازم!
ليان:يمة بسم الله شفيتس منفسة انتي!
جود:سدّي حلقتس انتي وياها خلوني اركز
فرح:اقول بنات شرايكم نسوي قهوه؟؟؟
جود:ااااايي تككفين محتاجه قهووه بالمخ صدّع راسي من البرزنتيشن هذا
ليان:يلاا قدام امشو نسويه
توجّهو البنات للمطبخ يسوون قهوه
«المطبخ،عند البنات»
دخلو المطبخ
جود:انا بسويها انتو بس طلّعو الاغراض
فرح:تمام
طلعو الاغراض وبدو يجهزون القهوه
ليان قاعده تجهز لهم سناكات وفرح قاعده ترطّب الفلتر وجود قاعده تطحنّ البنّ ومشغلين اغنية لذكرى ويتمايلون عليها وبنصّ روقانهم دخل عليهم فهد
"قبل عدّة دقائق"
عند العيال
راكان:بالله فهد قمّ اضبطّ لنا شاهي خااااادر
إبراهيم:اي تكفى يارجال مشتهين شاهيك مبطين عننه
فهد:ابد ابشرررو بالشاهي
راكان:كفففوو ياولد عمتتي كفوو
ضحك فهد ونطق:كفوك الطيّب
توجّهه فهد للمطبخ دخل ولمح البنت الي كانت واقفه وتتمايل مع كلمات الاغنيه وشعرها البنّي ولونه الفاتن يتمايل معها وخصرها المنحوت وبيضاها الي يشعّل القلب،دخلت ليان بحكم انها كانت بالمطبخ الي بالخلف وشهقت:خخخير فهد صدد الله ياخذك ماتشوف البنت قدامك!!
التفتت جود وتوسّعت عيونها تشوف الي واقف قدامها ومتجمّد بمكانه
صحى من سرحانة لما نادته ليان:فهد صدد ماتسمع!
صدّ فهد ونطق:معليش ماكنت ادري انتس موجوده اسف
وخرج برّا المطبخ ونسى الشاهي والعيال وكل شيء وينه ووين الشاهي عند الي شافها قبل شوي
استغفّر ونطق:استغفرالله عيب فهد خلاص وش الافكار ذي صحصح!
خرج للعيال وهو لسى يفكرّ بالي شافها قبل شوي
شافه راكان ونطق:فهد وين الشاهي ماصلحته!
فهد:مايمدي البنات موجودين بالمطبخ
راكان:خلاص اجل بتصل على الجود وبقولهم يخلصون
فهد بباله اجل طلع اسمك جود والله حتى اسمها حلو كل شي حلو صحى على نفسه ونطق بنفسه وجع فهد وش ذا الافكار خلاص شلها من بالك
اتصل راكان على جود عشان يقولهم يخرجون برّا المطبخ
ردّت جود وكان راكان فاتح سبيكر بحكم انه قاعد يلعب نطق:جوجو انتو بالمطبخ؟
ردّت الجود عليه:اي بالمطبخ ليه تبي شيء؟
راكان:لا بس كنت بقولكم تطلعون لان فهد بيدخل يسوي لنا شاهي
جود:تمام الحين نطلع اصلا خلّصنا
راكان:يلا اجل تمام
وبالفعل بعد ماخلصو البنات قهوتهم خرجو لمكانهم يكملون اشغالهم ودخل فهد يصلّح الشاهي وهو يهوجس فيها وشكلها الي كل شوي يتخيلّها قدامه صحى من سرحانة على صوت الشاهي وهو يفور تقدّم يسكر النار ويحط الابريق بالصينيه ويشيلها يتوجّه بها للخارج
الساعه 11:40ليلاً
«عند البنات»
بعد ماخلّصو اعمالهم توجّهو ينامون لان بكره عندهم دوام والعيال بالمثل وطفت انوار قصّر آل زيـد مُعلن وقت نومهم
"اليوم التالي"
الساعة7:00صباحا
صحى الكل واجتمعو على الفطور بالخيمة
فيصل:جود عندتس داوم بالجامعه اليوم؟
جود:ايه يبه عندي محاضرات
فيصل:اجل اسمعي روحي مع بنت عمتس مع فهد
جود:ليه يبه وين راكان؟
فيصل:عنده شغل اليوم مايقدر يودّيكم
جود:تمام
انتهو من الفطور والكل راح يتجهز لدوامه
«عند الجود»
صعدت فوق لغرفتها تتجهز للجامعه
لبست ملابسها الي تتلون باللون الازرق الفاتح ورفعت نصّ شعرها وحطّت ميكب خفيف بلشر وروج وماسكرا
انتهت من تجهيزها لبست عبايتها اخذت شنطتها واخذت اللابكوت والايباد حقها ونزلت تحت تسولف مع ليان وفرح الي تجهزو لانهم بيروحون مع بعض نزل فهد وكان لابس الزّي الرسمي لدوامه ورتبته الي معلّقه على كتفه وجسمه العريض وعضلاته البارزه وريحة عطره
تقدّم لهم ونطق:جاهزين نمشي؟
نطقو البنات:اي
فهد:يلا اجل مشينا
توجهو للسياره ركبت ليان بمرتبة المُعاون جانب السائق وورا ركبو فرح وجود نزّلهم للجامعه وتوجّه لدوامه
«عند البنات بالجامعه»
نزلو وعلى طول توجّهو المحاضره لان تبّقى خمس دقائق وتبدا دخلو القاعة وجلسو جنب بعضهم وليان كانت تناظر القاعه على مايدخل الاستاذ وطاحت انظارها على ولد جالس بعيد عنهم بالزوايه وكانت انظاره على جود الي لاهية بالسوالف مع فرح التفت الولد لليان الي تناظره بحده ودخل الاستاذ وبدت المحاضره ولف انظاره للاستاذ وكان طول المحاضره يسّرق النظر وليان كانت تناظره بنظرات حقد خلّصو محاضراتهم وطلعو وانتبهت ليان للولد الي يمشي بخطوات هادئه وراهم بالضبط اسرّعت ليان بخطواتها مع البنات واتصلت على فهد يجي ياخذهم
«عند فهد»
بعد ماانتهى من دوامه اتصلت عليه ليان يجيهم وتوجّه لهم يجيبهم وصل فهد الجامعه وركبو البنات وليان تتحلطم:وووع وانتي جود يالفاهيه ماكنتي منتبهه له ولنظراته
جود بنبره هاديه:ياخي ماادري كنت اسولف وش يبي مني هو الي يناظرني شدخلني انا!!
فهد بهمس لليان:وش صاير؟
ليان بعصبيه:تخيّل طول المحاضرات كان فيه ولد يناظر الجود ويبتسم لها ماشال عينه منها كل ماالتفت له القاه يطالع بجود وهذيك الفاهيه تسولف وتضحك وهو يحسبها تضحك له ولما طلعنا كان يمشي ورانا مريض اقسم بالله!
فهد عصّب وعيونه احمّرت وعروق عنقه برزت وشد على الدركسون يفرّغ غضبه فيه ونطق بعصبيه:وش اسمه؟؟؟
خافت الجود من نبرته ونطقت ليان بخوف:م مدري مااعرفه
فهد وهو يشّد على الدركسون اكثر ونطق:طيب نتفاهم بعدين
ليان بخوف:ف فهد شفيك عصبّت خ
قاطعها فهد وهو ينطق بعصبية:خلاص ليان خلاص قلت لك بعدين نتفاهم!
رجع الكل من دوامه وجاء وقت الغداء
جود:انا بتغدا وبناااام امس مانمت زين
ليان:حتى اناااا
فرح:خذوني معكم
ليان:يع نشبه وش تبين؟؟
فرح:خييرر كولي تبن
ليان:قليله ادب وبجيحه بعد الله يعينا
فرح شهقت:انتي البجيحه
جود:يااااخي ماتعرفين تسدّين حلقتس انتي وياها صدّعتو براسي عمى ماتسكتون!
ليان:يمه بسم الله شفيتس انفجرتي
فرح بضحكة: لابارك الله بالكتمان
شمّقت لهم جود ونطقو فرح وليان مع بعض:يييععععع
ضحكت جود عليهم واستمرو بالهواش والسواليف ينتظرون الغداء
انتهى الكل من الغداء وتوجّهو البنات لقسمهم ينامون والعيال بالمثل
الساعه4:00عصراً
«عند الحريم»
ام فهد:البيت صار هدوء من غير شر
ام دانة:اي والله مسوين جو بالبيت العيال الله يحفظهم
ام راكان:اي والله الله يصلحهم
ام عبدالله:الا ياام راكان ورا ماتعزمين اهلتس عندنا يوم الجمعة؟
ام راكان:والله ودّي اعزمهم بس خفت تتضايقون منهم ولا شي
ام فهد:تستهبلين ياام راكان تراهم حسبة اهلنا
ام دانة:وهي صادقه ام فهد تراهم بحسبة اهلنا
ام عبدالله:هاو ياام راكان وش تقولين ليش نتضايق منهم بالعكس اعزميهم والبيت بيتهم ولاتخافين تراتس بحسبة اختنا وترا اهلتس اهلنا
ام راكان:يابعد روحي انتم ان شاءالله بكلمّهم وارد لكن خبر
الساعه 6:00مساءاً
صحو البنات وتوجّهو ينزلون تحت يتقهون مع فيصل والباقين
جوري:يبه عادي نروح الاسطبل اليوم؟
فيصل:هاو يابنتي وش يوديكن للاسطبل
جود:يبه تكفى نبي نروح
دانة:اي تكفى ياخالي
فيصل:ماوراكن دوامات؟
ليان:ياخالي انا وجود وفرح عندنا اوف بكرا ودانة وفتون وريما وغلا بيبدون اسبوع الجاي دوامات وغادة وجوري بيغيبون بكره
فيصل:خلاص اجل يابنيّاتي روحن بس خلن العيال يروحون معكن لاتروحون لحالكم
ام عبدالله:لاتطولون
ريما: ابشري يمه
ام راكان:الله يحفظكن
راحو البنات للعيال
«عند العيال»
دخلو البنات عليهم واستغربو نطق أبراهيم:تبون شي؟
نطقت ليان:اي نبي نروح الاسطبل امشو معانا
نطق تركي:لا مافيه
فرح:اقول بس ترا حنا ماجينا عشان نستأذن منكم جينا نعطيكم خبر!
راكان:قلتو لابوي؟
جود:اي انا الكفو اقنعته
جوري:ابوي قال تروحون معنا عشان تنتبهون لنا
ريّان:ليش بزران ينتبهون لكم؟
جوري:انت سدّ حلقك مالك دخل محد كلمك!
راكان:خلاص انتي وياه حتى هنا تتهاوشون والتفت راكان لريّان ونطق:وانت مالك دخل لاتتدخل فيهم!
رفعت جوري يدينها تقهر ريّان وضحك الكل على حركتها
فتون:اخلصو بتودونا ولا لا؟
عبدالله:بنوديكم يلا امشو
ضحك فهد بعلو صوته ونطق:يالخفيفففف
ابتسمت جود وانتبه لها فهد وابتسم لها بخفه
تركي:يلا امشو قبل لايتأخر الوقت
راحو للاسطبل ولفت انتباه جود حصان أبيض اللون وراحت له تفتح باب الغرفه المخصصه للاحصنه وتخرّجه برا وتركب عليه دخل فهد الاسطبل وانتبه لجود الي كانت راكبه على أصيل[اسم حصانه] وشاف تناسق لونها مع لون الحصان توجّه لها:ليش ركبتي هذا؟
رفعت حواجبها جود:ليه فيه شي حق مين هذا؟
فهد:حقّي
جود:صدق وش اسمه؟
فهد: اسمه اصيل
جود:وواوو اسمه فخخممم
فهد ابتسم:ايه حلو مثلتس
ابتسمت بخجل:شكرا
فهد:تبيني امشيّه لتس؟
جود بحماس:ااااي بس لايسرع مره
فهد:لامعليتس انا معتس لاتخافين
جود:دامك معي ماراح اخاف
ابتسم فهد ومسك اللجام حق الخيل وبدأ يمشي فيه شوي شوي لكن بدأ يسرع وجود خافت وأسرع الخيل اكثر وجود خافت وتجمّعت الدموع بمحاجرها وتكّه وتطيح لكن سرّعان مامسك بخصرها فهد وتعلقت بعنقه ونطقت بدموع:فهد نزلني تكفى خلاص ماابغى نزلنننييي
فهد:بسم الله عليتس الحين انزلتس اهدي انتي اهدي يابوي
جود:خلاص مابغاه نزلني
فهد:ابشري يلا احنّي نفسك عليّ
انحنّت لفهد وحطّ يدّه ورا ظهرها ويده الثانيه مازالت متمّسكه بخصرها شدّت بيدينها على عنقه وداهمته ريحة عطرها والشامه الي تتوسّط عنقها وخشمها المحمّر ورموشها الكثيفه الي امتلت بدموعها وشفايفها الممتلئة الوردية كانت مُغرية وكثيييرر
نزّلها وطالعت فيه وبعيونه الي تطالع عيونها وكأن عيونه تقول أحبك شافت ملامحه الحاده ورموشه الكثيفه وحواجبه وشعره الي طايح على عيونه بسبب الهواء وكان جميييللل جدددا رمشت بهدوء وابتسمت:شكرا فهد ومعليش على الي صار قبل شوي بس خفت
ابتسم فهد:عادي ماصار شيء وانتبهي لتس
هزت راسها بـ زين وابتسمت وراحت عند البنات اما عند فهد الي تنّهد وغمّض عيونه ومسك قلبه ونطق:اهههخ ياقلبي مُغرررريه
اما عند البنات جاهلين عن جود وفهد والي حصل معهم ومبسوطين بالخيول نقطت جوري:عمة نوف تعالي اركبي
نوف:لاا يمه يخوف مابي انتي اركبي
ضحكت جود من وراها ونطقت:اما عاد تخافين يالخوااااافهه
نوف:وجع ياقليله الادب احترمي على الاقل اني عمتس!
جود:ياليل تقعد تذلنّا الحين اقول امشي نجلس بس

[طبعا نواف ونايف وعبدالرحمن نسيتهم😭😭]

لاتنسون النجمه يـ حباني🤎🤎