لاجيت ابكتب عن جمالك تراجعّت وين بيردّني في خيالي

~ ١٢ ~

وصلو آل رابح لقصرهم واكمّلو طريقهم آل زيد متوجّهين لقصرهم
"بسيارة ابو فهد"
فيصل:والله انبسطنا الحمدلله
ابو دانة:اي بالله الحمدلله انبسطنا وغيّرنا جو
ابو فهد:ان شاءالله بنزورها مره ثانيه
ابو دانة:ان شاءالله
وصلو القصر وهم هلكانين من التعب بسبب الطريق الطويل
ريّان بحلطمه:ياخي ابي انااااام ياحظ البنات مايشيلون شي!
زياد:حتى انا وربي حظّهم بس حنا نشيل !!
فيصل:اقول ورا ماتسدّ حلقك انت وياه وتشيلون وانتو ساكتين؟!
ريّان بتساؤل:الحين يبه صدق بسألك
فيصل بملل:وسرا الليل وحنا ماسرينا،اخلص وش تبي؟
ريّان:الحين ورا مالبنات يشيلون معنا،احس ودي اصير بنت!
فيصل بذهول:اقطططع واخسسس لعنبوك تبي تصير بنت يالوصخ والشنب الي خاط وجهك!
ماتو العيال ضحك على ريّان لانهم يدرون انه فصل ومايدري وش قاعد يقول
ريّان بخوف:خلاص امزح معك يبه
فيصل بحدّه:ماني واحدً من اخوياك يومك تمزح معيه كذا ياصبي!
ريّان:ابشر
انتهو من الاغراض وترتيبها وانطفت انوار قصر آل زيد مُعلن نومهم
"اليوم التالي"
«قسم الحريم»
الساعة7:30صباحاً
دخلت ام عبدالله لغرفة البنات تصحيهم لأجل لايتأخرون بدواماتهم
صفقت ام عبدالله:بنااااات يلا قومووو تأخرتو بسررررعه
فزّو البنات وهم يتجهزون على السريع وكل وحدة تلبس الزّي المّخصص لعملها والعيال بالمثل
«نتوجّة لقسم العيال»
دخل ابو دانة بصراخ :ولد انت وياه ورا ماتقومون،اعجلو لاتتأخروون!
قام راكان ينطق:معليك ياعم خلّهم علي انا بصحيهى
هزّ راسه ابو دانة:عليك فيهم
راكان:معليك ياعم عندي
طلع ابو دانة خارج المجلس ووقف راكان يوجّه انظاره يمين وشمال ولمح علب الماء الي تتوسّط الطاولة ابتسم بخبث ووجّه انظارة للعيال الي نايمين بتعب وعُمق توجّه للطاولة يأخذ العلب ويكبّها بأكملها على العيال فزّو بخوف ورهبة طاح بالأرض راكان يضحك على اشكالهم من فزّو
تركي برهبة:اعوذ بالله شكله جاثوم ياعيال
التفت فهد حواليه لمح راكان بالأرض طايح يضحك نطق بحدّه:اقسم بالله ياراكان اني مااعدّيها لك
نطق راكان بضحك:يمه ياعيال اشكالكم تضحك
طاح يضحك مره ثانيه ونطق فهد بقهر وهو يرصّ على اسنانه:ياعيال سكتّوه لااثّور به الحين!
بحركة سريعة من عبدالله مسك راكان وثبّته بحُكم انه كان قريب منه نطق بصراخ:ياعياللل عليكم فيييههه
فزّو العيال يطيحون براكان ضرب وراكان كان ميّت ضحك على اشكالهم الي تبّين القهر
راكان بتّعب:انفدا وجهك يانواف فكّني منهم!
فزّ نواف يدّفهم:ابك لعنبوك ابشر بي!
نايف:اييه عشانه احتزم بك تفكّه
نواف:اجل اقعد اناظر فيه وانتم طايحين فيه ضرب يالنّعجه انت وياه!
دخل فيصل على هواشهم ينطق بصراخ:ورررررع!
فزّو كلّهم بخوف ونطق فيصل بحدّه:ورعان انتم ورعان ماتعقلون كل واحد اطول من الثاني والشنب خاطّ وجيهكم وتتهاوشون متى بتعقلون هاه!
وأشّر على نواف:وانت يالبزر المفروض انت اكبرهم تعلّمهم الغلط من الصح هذا وانت متزّوج ياعزّتي للمَره تبلش بك ولا بورعانك كبر الحمار ولا عقلت!
ضحكو العيال على صدمة نواف ونطق فيصل وهو ماسك الضحكة ويمثّل العصبية:عندكم خمس دقايق اشوفكم مانتم برا بيّصير شيٍ مايعجبكم!
طلع وطاحّو العيال يضحكون
نواف بصدمه:جزاه الله خير ماقصّر جلدني جلد يمّون ابو راكان يمّون!
عبدالرحمن:اقول عاد خلاص بلا سماجه وامشو قدّامي نتوضى ونصلّي
توضّو وصلّو جماعة وتجهّزو لدواماتهم واتجّهو لطاولة الفطور ،تجمّعو كلهم على طاولة الفطور يفطرون
قامو البنات متوجّهين لدوامهم مع السواق
اتصلّت ليان على نوت ردّت نوت عليها بعد بعضه دقائق:
هلاا والله ليلي
ابتسمت ليان:هلاا نووني،جاهزه نجيتس؟
نوت:اييه جاهزه انتظركم
ليان:يلا ثواني ونجيتس
نوت:تمام انتظركم
ليان:يلا باي
نوت:بااي
ركبّو السيارة وتوجّهو لبيت نوت
وصلو لبيت نوت واتصلّت عليها ليان تنطق:نوني يلا حنا تحت نحتريتس وينتس؟
نوت:يلا يلا جايه
ليان:يلا لاتطّولين
اقفّلت الاتصال ونزّلت نوت تتقدّم تركب بجانّب البنات يحرّكون للجامعة
وصلو الجامعة ونطقت فرح:بنات محاضرتنا باقي لها ساعة وتبدا امشو للكافتريا نطلب قهوه نصحصح
وبالفعل راحو البنات للكافتريا يطلبون قهوة جلسوا على احدّى الطاولات الفاضية ينتظرون طلّبهم بنّص سواليفهم لمّحت جود الشلة الي تكرهم جايين لهم كشّرت تهمّس:يععع ياصبر الأرض شجابهم ذول؟
نوت:يمه بنات من وين طلّعو هذولي؟
فرح:بسم الله الجنّيات جايين!
ليان:بنات اسحبّو عليهم!
"الشلة من قريبين حصة"
وقّفو امامهم وتقدّمت احدّى البنات المتواجدّة من شلة خلود امامهم تلمس كتف جود بكفّها تنطق بسخّرية:بنات تدّرون ان محمد يتحرش بجود!
[طبعًا ليان وفرح ونوت يعرفون بسالفة تحرش محمد لجود]
ضحكو البنات ونطقت نوت بعصبية:ترى مايضحك يالتافهه!
أشّرت البنت على نفسها:انا تافهه!
فرح:اييه تافهه ومُتخلفه بعد
شهقت ونطقت:لا انتي ناويتها هنا هوشه!
ليان عصبّت وانفجّرت اعصابها:اذا انتي بنت ابوتس اقربي!
قربّو البنات وطاحّت ليان فيهم ضرب وطبعًا شاركوها جود ونوت وفرح قاطع هوشتهم المدير بتّال الي فرّق بينهم:خير ان شاءالله وين عايشين حنا قدامي على مكتبي انتي وياها تحركي!
دخلو مكتب المدير وكانت حالتهم تُرثى لها كانت الجود مفاصلها محمّره وقُرب شفتها جرح ينزف دم وليان حاجبها ينزف اثّر خاتم وحده من شلة خلود ونوت شفّتها تنزف وفرح خدّها الملّيان جروح وشلة خلود الي متّقطعه ملابسها والي تنزف دم والي شعرها طاير فعلاً حالتهم يُرثى لها أشّر عليهم المدير بيدّه:هذا ايش بالله عليكم شايفين حالتكم كيف مااحترمتو المكان ولا احترمتو الي فيه وش السهتره هذي وين عايشين انتم!
فرح:معليش يعني أستاذ بتّال بس هم الي بدو!
خلود:لا تكذبين انتو الي بديتو
ليان:نكذب يعني تبيني اعطيتس كف يصّحيتس هاه!
خلود:اقول ا....
قاطّعها المدير من نطق بحدّه:بسسسس انتي وياها بتوقعون الان قدّامي تعهّد وكل وحدة تدّق على اهلها يجون ياخذونها بسرعة!
ليان بخوف:يمه بنات ياويلي من اخواني وابوي
جود:يمممممههه ابوي بيذبحني والله
نوت:بناااتت خاايفه ابوي معه سكر
فرح:ابوووككك يالبلشة والله عبدالله بيعلقنّي بمكتب المدير
جود:طيب اسمّعو شرايكم ندّق على اخواننا على الاقل اهون اذا دقيّنا على اهالينا بيذبحونّا!
ليان:صحح يلا بدّق على فهد وبخلّيه يجي ومعه تركي وراكان بس نوني انتي دّقي من عندتس على أبراهيم
نوت بخوف:لااا يمه اخافف
فرح:اقولل اخلصييي
نوت بتأفف:اففف طيبب
اتصلّت ليان على فهد وقالت له يجي ومعه العيال
واتصلّت نوت على أبراهيم الي كان جالسّ بمكتبة ووحده من الممرضات معه يتحاورون بسالفة تخصّ العمل انّتبهت الممرضه للاسم ونطقت:معليش أستاذ أبراهيم زوجتك تتصل انا استأذن
ابتسم وهزّ رأسه طلعت وردّ:هلا نوني بغيتي شي؟
نوت بتوتر:أبراهيم انا بالجامعة وتهاوشنا انا وجود وليان وفرح نبغاك تجي لان لو قلنا لأهالينا بنتصفّق!
أبراهيم:اخوو العيالل،شمسوييينن!
نوت بخوف:أبراهيم تكفى لاتعصّب تقدر تجي؟
أبراهيم تنّهد:اجي ليش مااجي،يلا سكري جايكم
سكرت وزّفر نطق بهمس:ياربي منكمم وش مهببين بعد!
بعد نص ساعه وصل أبراهيم وشاف بوجهه فهد وتركي وراكان نطق:اما عاد حتى انتو!
هزّ رأسه تركي:ايه مدري وش مهببين
دخلو لمكتب المدير وشافو البنات خايفين ناظرهم فهد بحدّه والتفت للمدير بتّال:وش صاير أستاذ بتّال؟
ابتسم بتّال:ابد مو صاير شي بس بناتكم متهاوشين ولا احترمو المكان!
فرح بهمس للبنات:الله عاد والمكان من زينه!
قرصتها نوت:انكتمي ماحنا رايقين لتس ترى!
طلعو بعد ماوقّعو البنات تعهّد ركبو مع أبراهيم ناظرت له نوت وهي اول مره تشوفه بلبس الدوام كان مُغري فكّة الحاد وغمازته الي بخدّه الايمن وعرض اكتافة وجسمه وهيبته وشكله باللابكوت عضّت شفتها وتأوهت بألم من نسّت نفسها وجرحها أبراهيم بخوف:بسم الله عليتس شفيتس!
نوت:مافيني شي بس عوّرت نفسي بالغلط
ليان:الله ياخذها العملاقه جرحت شفايفتس!
نوت:حسيبها ربّي
جود:اسكتو تراها قافله معي!
فرح بحزن:الله ياخذها التريله جرحت خدّي يعوررر
ليان:اففف يبنات حاجبي للحين ينزف!
جود:ماتوقّعت اطلع قويه كذا مفاصلي لونها احمر من قّوه الضرب!
فزّو على صوت اشعارات جوالاتهم بتزامن
توسّعت عيونهم بذهول من الي يشوفونه شهقت نوت:الله لايوفقهم!
نطق أبراهيم بحدّه:بنننت،لاتشهقين
ليان:أبراهيييييييممم اشتكو عليناااا!!
انصّدم أبراهيم:كذااابه
ليان بدموع:والله،ياويلي من ابوي والله يذبحني!
أبراهيم:خلاص اهدّو مافيه شي ان شاءالله بنروح للمركز
توجّه أبراهيم للمركز،وصلو ودخلو مكتب فهد وكانو راكان وتركي والفريق اول سهم عندهم دخلو البنات وهمّ منزلين رووسهم بخوف من العيال توسّعت عيون تركي:اخوك ياصبببي،وش جايب بنات آل زيد للمركز!
فزّو العيال ينطق فهد بحدّه:ماشاءالله وش مسوين بعد هااااه؟
ليان بخوف:فهد مدري والله ماسوينا شي بس هم اشتكو علينا
عرف سهم ان ليان اخت فهد وقام بيطلع ووقّفه فهد:اجلس يارجّال
سهم:تستهبل اجلس وبناتكم هنا؟
رفّعت رأسها ليان بجرأه تشوف سهم وسّعت عيونها بذهول تنطق بهمس:يقلع شكله والهيبببه رررززه الولدد،ياارببب اكتبه من نصيبيي!
سمعتها جود وقرصتها:يالمعتوهه سدّي حلقتس ماحنا فاضيين!
ليان بهمس:والله المعتوهه انتي شوفي الجنتل مان حقّي!
جود:ماشاءالله على طول خليّتيه الجنتل مان حقّتس يالوصخة
دفعتها ليان بخفة يكمّل راكان:اييه ماتتكلمون يالدكتوره انتي وياها؟
نوت:ياخي انا مالي دخل بس مستحيل اشوفهم يتكلمون على جود وليان وفرح واسكت لاوالله معليش الا بقطّع شوشتهم وانا بنت فرحان!
راكان:ونعم يابنت فرحان بس بعض الاحيان الهياط ماينفع
فرح:اقول بس يستاهلون ولو يرجع فيني الزمن ويصير نفس الموقف والله مايفّكهم منّي الا ربّي!
ليان بهمس:ياحماره اسكتتيي انتي بايعه الدنيا عاد!
جود:طيب الحين وش يصير؟
فهد:الي يصير يااستاذه جود انكم بتنجلدون!
دخلو شلة خلود ووقفو جنب جود
جود بحدّه:شيلوها من جنبي لا اقلب الدنيا عليها الحين!
خلود:ياااي عاد حنّا ميتين عليك؟
جود:اقول دحدّري لايجيتس كوع الحين وتكلمي زي الناس!
راكان بحدّه:جوود بسس
جود:لا والله تسّكتني عشانها؟؟
راكان طنّشها والتفت لفهد:طيب وش نسوي الحين
فهد:ياانهم يسحبون شكوتهم يااننا نحطّهم بالتوقيف
ليان بدموع:افا ياخوي تحطّ اختك بالتوقيف!
أبراهيم:لا ياشيخه اجل تسوين مشاكل وتزعلين؟
سهم:فهد تسمح لي اتدّخل؟
فهد:يارجّال لاتستأذن سّو الي تبي
ابتسم سهم ولمّحت ليان غمازاته:اااووويلليي على الغمازاتتتت!
التفت سهم لشلة خلود:طيب ممكن تجون معي؟
خلود بخوف:وش سوينا؟
سهم:ماسويتو شي بس بتفاهم معكم يلا قدامي!
طلعو خلود وشلتها برا مكتب فهد وقّف سهم ووقّفو معه:شوفو ياتسحبون شكوتكم يابيصير شي مايعجبكم
خلود:وش بتسوون يعني؟
سهم بسخريه:ابد اورّي اهاليكم فيديوهاتكم وانتو طالعين مع رجال!
خلود بخوف:خلاص بنسحبها بس تكفون لاتعلمون اهالينا!
سهم:اجل يلا قدامي تروحين تسحبين شكوتكم الحين!
دخلو مكتب فهد ونّزلت راسها خلود تنطق:خلاص بنسحب شكوتنا
فهد بذهول:كيفففف؟؟
سهم:خلاص تأدبو معليك
سحبّو شكوتهم وطلعو برا المكتب وبقو البنات
فهد:سهم كيف اقنعتهم؟؟
سهم:جتني شكوى من واحد من الي كانو يطلعون معهم وانسجنو لفترة عندنا وبعدها طلعو ويوم شفت اساميهم تأكدّت انّهم هم نفسهم الي انسجنو عندنا من فتره طويله هددّتهم بأني اكب فضايحهم عند اهاليهم بشرط يسحبون شكوتهم وبالفعل سوو الي ابيه بس!
انصدمو من الي يسمعونه،التفت راكان للبنات:ابعدو عنّهم ولاتقربونهم تفهمون!
نطقو بـ:اييه
وطلّعو مع أبراهيم يوصّلهم للقصر ويرجع لدوامه
وصلو للقصر وبعد فتره رجع الكل من دوامه واستغربو البنات من رجوع ليان وفرح والجود بدري وهالمره معهم نوت شكّو بأن فيه شي صاير تقدّمت لهم ريما بفضول:غريبه راجعين من الجامعة بدّري اعترفي انتي وياها وش مسويين؟
فرح:ياليل الملقوفه جت
ريما:وجع احترمي اختس الكبيره!
فرح:طيييطط والزفت والله
انصدمت ريما وضربت فرح على رأسها:ياقليله الادببب!
ليان:خلاص انطمّي انتي وياها بقولتس وش صار
ياطويله العمر والسلامه سوينا هوشه وتهاوشنا مع شله خلود الي تقرب لحصه عرفتيها؟
ريما بتركيز:اييه عرفتها كمليي
كمّلت ليان:ايه المهم جت وقعدت تدّق جود بالكلام وحنا ماتحمّلنا وقمنا عليهم وعطيناهم اللازم وصفّقناهم
ريما:ايه والجروح الي بوجيهكم هذي من وش؟
جود:منهم الله لايوفقهم
نوت:حسبي الله عليهم هجوم العمالقه
ضحكو وجو البنات الباقين وقالو لهم السالفة وقعدو يضحكون ويكمّلون سواليفهم الى ان ينّتهي الغداء
دخلو ريّان وزياد واستغربو البنات لانّهم بالعاده مايتأخرون كذا نطقت دانة:ماشاءالله وين كنتو تهيّتون ان شاءالله؟
زياد بحدّه:وانتي شدخلتس؟
دانة:لا ياشيخ تبيني اعلّم ابوي عليك بعدين اقولك وش دخلّني؟
ريّان:وهو صادق انتي شدخلتس تتحشرين؟
جوري:انت انطّم مالك دخل قاعده تتكلم مع اخوها انت شدخلك؟
جود:اقول لاتغيرون الموضوع قولو وين كنتو مو معقوله كل هالتأخير بالعاده انتو محضرين هنا قبل الكل
طلّعو ريّان وزياد الفيب الي كان بمخابي ثيابهم شهقو البنات بصدمة
فتون:يالسملق من وين لكم هذي هااه!
جود:ريّان هذا وشوو!!
ريّان ببرود:وشو يعني وشو ماتشوفين فيب شفيها يعني؟
جوري بنرفزه:لااايشيخخ وبكل برود تقول وش فيها؟
دانة:والله اني داريه ان تأخيركم هذا مابه خير لكن هيّن حسابكم عند ابوي وخالي فيصل!
زياد بخوف:تكفففوون اخر مره وربي ماعاد نعودها
ريّان:اما عاد يالرخمه خايف!
ريما:على الاقل مو مثلك يالنّعجه!
دخلت ام راكان وفزّو رّيان وزياد يخبّون الفيب بمخابيهم
ومن حسّن حظهم ام راكان ماانتبهت كونها كانت موجّهه انظارها للبنات
ام راكان:يلا يابنات غداء
قامّو البنات يغسّلون يدينهم ويتوجّهون لطاولة الغداء همّست فرح للبنات:بنات اقول لخالي فيصل؟
غلا:لا حرام
غادة:حرام خليهم اذا عادوها نقولّهم
جود:الا قولي لهم اذا خلينّاهم بيتعودون وبعدين مابيفيد فيهم!
جوري:الا صح
قاطعهم فيصل:على وش تتساسرون انتي وياها؟
تنحنحت فرح:خالي فيصل بقولّكم شي صار اليوم
فيصل بأستغراب:عساه خير؟
فرح بتوتر:هو مو خير بس ان شاءالله خير
دانة بهمس:قمتي تهبدين،طوّلتيها وهي قصيره
فرح بسرعه:خالي فيصل اليوم ريّان وزياد دخلو علينا وهم يفيبون!
انصّعقو الكل من الي سمعوه وتوتّروا ريّان وزياد من الي بيصير لهم!
وقّف فيصل بعصّبيه:ايالسمرمدي انت ويّاه وانا اقول ليش تأخرتو طلعتو تشربون السمّ من ورانا،سمّ هذا سسمممممم!!
تقدّم ابو دانة وفيصل والامهات يضربونهم والعيال والبنات يضحكون عليهم
زياد بألم:خلاص تكفى يابوي توبه والله تووببببهه
ام دانة:توبه اجل هااااه!!
ريّان:تكفون اخر مرره والله ماراح نعيدها اخر مممرره
ام عبدالله بحزن:خلاص تكفون فكّوهم
فيصل بعصبيه:وش نفكّهم يشربون السمّ ولاجينا نهاوشهم قالو توبه!
تركّوهم الامهات والاباء ولقمو كم تهزيئه من الكل وعدّا يومهم زي اي يوم ولكن مايخلو من المصايب والهوشات

لاتنسون النجمه،اعطّو التعب حقّه🤎🤎