لاجيت ابكتب عن جمالك تراجعّت وين بيردّني في خيالي

~ ١٤ ~

نزلت تحت وناظرت الكل يفطر
ام عبدالله:وراتس متأخره،تعالي افطري لاتتاخرين
ابتسمت ام فهد:ابشري
جلست وبدأت تفطر مع الكل
ام دانة:تبين جبن؟
زياد ورّيان:انا ابي
رّيان:ييييععع شتبي؟؟
زياد:نشبه ياخي تقلّع!
شمق له ريّان وضحكو الكل واكملو فطورهم
-راح الكل دوامة-
"عند ريّان وزياد"
زياد بهمس لريّان:ورع
ريّان بملل:شتبي؟
زياد:شرايك نطلع للحوش
ريّان بحماس:قدددام
زياد:يلا امش
اتجّهو للحوش وطاحت انظارهم على هوز الماء ناظروا بعض وغمز ريّان لزياد فهمه زياد وتقدّم يمسك الهوز ويركض ورا ريّان امتلئ الحوش ماء بسبب لعبهم عمّ الصمت فجأه من سمعو صوت ابو فهد يتنحنح نطق ريّان بتوتر:اتركه اتررركه
انفلت هوز الماء من يدّ زياد بسبب اندفاع الماء بقوه وتعبّئ الزّل ماء ركض ريّان يقّفل زر الماء دخل فيصل بعد رجوعه من الدوام وانصدم من منظر الزّل الممتلئ بالماء ويّان وزياد اللي واقفين قباله بتوتر وهوز الماء طايح تحتهم وملابسهم ممتلئه ماء نطق فيصل بعصبيه:ابك لعنبو شكلكم هذا ويش ياصبي انت ويّاه؟
ريّان بتوتر:ش شسمه يبه بالغلط والله
فيصل:بالغلط هاه؟ لعنبو وجهك معبّين الزّل ماء وتقولي بالغلط مجانين انتم مجانين؟
تقدّم لهم فيصل بعصبيه وطاح فيه ضرب تجمّعو الامهات من المطبخ والاباء من المجلس والبنات من غرفهم والعيال بالمثل
شهقت ليان:شمسووووووووووين؟
الجود بصدمه:هذا وشو؟
فيصل بعصبيه:لاعبين بالماء ومعبّين الزّل ماء ملاعين الجدف ذولي
ام دانه:زياد هذا وشو؟
زياد:يمه بالغلط
ابو دانه:شايفني ورعً كبرك يوم تقولي بالغلط مين قايلك انت وياه تلعب بالماء؟
مسكهم فيصل من تيشيرتاتهم وتوجّه بهم للداخل وهو ينطق:امش تقلّع انت وياه غيّرو لبسكم حسبي الله على بليسكم
التفت ابو فهد على العيال:تحرّك انت وياه جيبو زّل جديد بسرعه
ام راكان:حسبي الله على عدوكم هذا وش؟
ام عبدالله:ابك هذا شلون يروح؟
ام فهد:يلا يحريم قومً تعاونو ماذلّو نتعاون ونخلصه بسرعه بيذن العصر لازم نرتب
فرح:انا انسحب معليش
سحبتها ام عبدالله:اقول بس مثلتس مثل غيرتس اخلصي
ليان بضحكه:اااححسسسن تستتااهليييين
فرح بعصبيه:انطمي انتي
شمّقت لها ليان وكمّلت تنظف مع الامهات
نوت بتعب:يممممه تعبببت
الجود وهي تتحسس ظهرها:ااخ ياظهررررري
غلا:اااااذذذن العصصصررر ماخلصنا ششي!!
ركضو البنات يتجهزّون ويجهزّون البيت والامهات معهم
«عند العيال تحديدًا بسياره فهد»
تركي بحلطمه:الحين ليش مايخلّونهم يروحون يجيبون الزّل بدالنا ليش حنا؟
فهد:تركي بالله انطم بس تتحلطم ترى
راكان:ترى صادق ياخي
نواف:انكتمو شوي
نايف وهو يدّف عبدالله:ياخي انت بعّد ابي المكيف
عبدالرحمن بصداع:ياااااااخي اصصص انت وياه انا وش جابني معكمم
أبراهيم بضحكه:يارربي ياخي تضحكون
تركي:ابو سعود ممكن تنكتم لااجيك اكتمك؟
أبراهيم:ابشر
اخيرا بعد معاناه بالطريق وهواش وصلو اخذو الزّل وتوجّهو للقصر يرتبون الزّل
عبدالله:ابو سلطان الله يرضى عليك امش تقلّع من قدامي
فهد:انكتم تكفى
راكان:يممميييين يممييييين
تركي:لاااا يساار مايله من جهة فهد
راكان:يبن الحلال اسكت انت مسوي فاهم يميين تصير مضبوطه
فيصل:الحين ورا ماتسكتون وتخلصون شغلكم وتخلّصونا
راكان:ابشر يبوي
خلصو وتوجّه كل واحد فيهم لغرفته يتجّهز
-جناح علياء وسلطان-
علياء:ابو فهد بغيتك بموضوع
سلطان:سمّي
علياء:سمّ الله عدوك ، ابو فهد فهد يحب الجود وناوي ياخذها بالحلال جاني امس ضاايقً صدره بالحييل لانخليها تروح مننا مابنلقى احسن من قربهم
سلطان:اييييييه اثاري ولدتس طايحً على وجهه ، ان شاءالله نخطبها اليوم
علياء:انت صادق؟
سلطان بضحكه:ايه بالله صادق وراتس؟
علياء:الله يخليك لنا يابو فهد
سلطان:ويخليتس لنا ، يلا يلا روحي قولي لولدتس يتكشخ لايفشلنا
علياء:علامك عليه
سلطان بضحكه:مابي شي
طلعت علياء من غرفتها متوجّهه لغرفة فهد دقّت الباب ودخلت بعد ماسمح لها فهد بالدخول
فهد ببتسامه:يلبيييه يام فهد شهالزين ، غمز لها ياحظ ابو فهد
ضربته بخفه على كتفه:استح ياولد
تقدّم يقبّل رأسها بضحكه:علامتس يميمتي امزح معتس
علياء:بسم الله عليك ياوليدي يحظ حَرمتك بس
فهد بتنهيده:الله يجيبها يمّه
علياء ببتسامه:معليك ياُمي اليوم نخطبها
توسّعت عيونه بصدمه:يمّه انتي صادقه؟
علياء:علامك اجل اكذب عليك؟
فهد بنفس الصدمه:يعني يمّه قلتي لابوي؟
علياء:ابك علامك ايه قلت له وكبيت له عشاك بإذن الله نخطبها اليوم
فهد بضحكه:كذ.....
سكت بصدمه ودفعته علياء بتمثيل للزعل:اافاا هذي جزاتي اطلع كذابه؟
تقدّم يحضنها:يمّه من التوتر لاتلوميني ، نخيتس لاتزعلين
علياء بضحكه:ازعل من روحي؟
دخلت ليان عليهم:ايييييه ماشاءالله نزلت عليكم الوحي صرتي تحبين ولدتس الحين؟
علياء:مين قالتس اني مااحبه
فهد:موووتي حرّه
شمّقت له ليان والتفتت لأمها:عندكم علم وشهو بسرعه؟
فهد:يالييييل النشبه شتبين ياخي؟
ليان:مالك دخل انت ماكلمتك كلمت امي وووع!
علياء:عيب يابنت احترمي اخوتس ، بنخطب له الجود اليوم
شهقت ليان وتوسّعت عيونها:يلعن شككلللللك بتاخذها؟
فهد:اايييه شرايتس اجل؟
ليان بصدمه:لااا يمّه
علياء بأستغراب:علامتس انتي انجنّيتي؟
ليان:يمّه مايستاهلها وووعع ولدتس البدوي ذا ياخذ جوجو؟
علياء:عيب استحي على وجهتس وش زينه اخوتس مابه شي
فهد بهيام:يلبييه بععد جوجو
ضربته ليان:يالوصخ احترم نفسك!
علياء:اقول يانقاله العلوم ان علّمتيها يويلتس
تخصّرت ليان:لا والله يعنني سبرايز والله لااقولها واخليها ترفضه
علياء:ياقليله الادب شدخلتس انتي؟
ليان:يمّه يععع بعدين اغار عليها من ذا
فهد:اقسم بالله لاامحطتس ترى!
ليان:اتححححداك
اخذ عقاله فهد من راسه وتقدّم يلحق ليان
ليان بخوف:يمماااه خلاص امزح بعّد
فهد:اييه ادب
شمّقت له ليان واردّفت علياء من بعدها:يلا يلا اخلص تأخرت على الرجال انا بنزل تحت التفتت لليان:وانتي امشي معي واتركي اخوتس عنتس
كشّت ليان عليه:مالت عليييك
طلعت مع امها ونزلو تحت تقدّمت لها الجود:يالكلبه وينتس صارلي ساعه اناديتس
ليان:كنت عند دودي
عقدت حواجبها الجود بعد فهم:من دودي ذا؟
ليان بضحكه:اما عااد ماتعرفين
الجود:مين تكلّمي؟
ليان:دودي فهد ياحماره
الجود بصدمه:اما تنادونه دودي
ليان:اييه بس انا اناديه وغمزت لها وانتي الثانيه
الجود بحياء:اقول انقلعي بس
تنحنح فهد:طريق ياولد
وقّفت حصه ونطقت بدلع:فهد حبيبي انتظر بروح المطبخ
فهد بهمس:حبتس برص الا
الجود بغيره:هذي ناويه تتصفق مره ثانيه
ليان:اقول حصه اجلسي مكانتس لين مايمّر فهد
تقدّمت ليان لفهد تنطق بهمس:يوووويلك من الجوود بتذبحك صدّقني
فهد:ابك شسويت
مسكت يدّه ليان ومشت معه توصله للباب:ناويه تصّفق حصيص مره ثانيه
فهد بذهول:ااابن ابوووووي
ليان بضحكه:الله يعينك ، يلا عاد تقلّع فليتها
فهد:انا اوريتس
طلع فهد وتنحنح دخل الحوش ونطق بصوته الجهوري:سلام عليكم يارجال شحالكم
ارتفعت اصوات الرجال بـ:عليكم السلام ، ارحب ، شحالك انت ، بخير دامك بخير
ابتسم سلطان بفخر وتقدّم فهد يجلس بجانّب ابوه واصوات الدلال ماليه انحاء المكان وريحه الهيل والقهوه لابُد منها وقرقعه الفناجيل مع اصوات الرجال فعلا أجواء عزيمه بحت
سلطان بهمس لفهد:اثاريك طايحً على وجهك ياولدي
ابتسم فهد:دريت يبه
سلطان:مفضوح يابوك من زمان
فهد:واضح مره؟
سلطان:ترى راااعي الهووى مفضوووح
تعدّل فهد:الستر الستر يبه
سلطان بضحكه:معليك بتصير لك بإذن الله
فهد ببتسامه:بإذن الله
«قسم الحريم»
الجود بتوتر:بنات من أول مانزلت وعمتي علياء تناظرني توتررت
ليان بضحكه:خاقّه عليتس مالومها
الجود:ليان انكتمي قاعده توتريني!
غاده بهمس لليان:اقول انتي الجنّيه وراتس شي؟
ليان بنفس الهمس:يووووه مادريتو؟
غلا:وشو؟
ليان:ابوي بيخطب الجود لفهد اليوم
غاده وغلا بصدمه:كذذاااابببه
ليان:ايه بالله
غلا:ونااسسسه يعني بيصير عندنا عرررس
غاده:العععببب بنكون خوات المعرسس
تقدّمت لهم نوت بفستانها الاسود
الجود:اررررحححبببي
نوت:البقى جوجو
ليان بغمزه:العب لابسه اسوود وهذيك احمر لا بالله اخواني ودّعو
نوف:يلبيييه لو اني ولد خطبتكم
فرح:لا لا هدّي
دانة:شوفو حصه نظراتها تخوف!!
فرح:الله يقلعها واللبس ذهبي وقصير يقلع ام الذووووق!
فتون:يصلح لها الهيلقي مسويه كشخه
ليان:اي كشخه ياحبيبتي ذي فتون علف حتى فتون علف احسن منها!
ضحكو البنات ونطقت فتون:تحسست طيب اسمي فتون؟
حضنتها ليان:تقارنين نفستس بالهيلقيه؟ ، والله انتس قمر نازل على الارض
فتون:يااااعيييووني انتي احببتس!!
فرح حاوطت كتف الجود ونوت:ياحسرتي بسس
ضحكو كلهم تحت انظار حصه اللي شوي وتاكلهم
«قسم الرجال»
فهد:يبه اطلبها تكفى
سلطان:يبن الحلال اثقل شبلاك
فهد بحزن:تكفى يببه لاتروح علي
سلطان:قلت لك هي لك وانت لها انتهى
تنحنح سلطان واتجّهت انظار الرجال عليهم نطق سلطان تحت توتر فهد:ابو راكان
التفت عليه فيصل:سمّ يابو فهد
سلطان:طالبين القرب منكم نطلب بنتكم الجود لولدي فهد على سنة الله ورسوله
فيصل ببتسامه:نتشرف فيكم ومابنلقى احسن من قربكم ، وبدال الفرحه فرحتين وانا موافق بس الشور يرجع للبنت ناخذها شورها ونردّ لكم خبر والله يكتب اللي فيه الخير
هزّ رأسه سلطان بتفهم:ابد خوذو راحتكم ماحنا مستعجلين
انصعقو العيال ونطق سهم بضحكه:والله وسوّاها الكلب!
عناد بصدمه:والله ماتوقّعته يخطب الحين!
وقّف فيصل يتوجّه لقسم الحريم:ياوولد ، ام راكان
تقدّمت له ام راكان:سمّ يابو راكان شبغيت؟
فيصل:ازهمي لي الجود
هزّت رأسها بخفه:ابشر
دخلت ام راكان وتقدّمت للبنات تنادي الجود وترجع معها لفيصل تحت انظار الحقد من حصه
فيصل ببتسامه:هلا هلا بالزيين
أبتسمت الجود وحضنته:هلابك يابعد روحي ، بغيتني؟
فيصل:ايه بالله بغيتس بموضوع
الجود بأستغراب:وشنهو؟
فيصل:يابنيتي خطبتس منّي فهد ولد عمتتس ويبون رايتس وانا موافق بس يرجع لتس الشور ولاتتوترين وان كانتس ماتبينه نرفضه وانا ماني غاصبتس على شي استخيري وردّي لي خبر معتس وقت لاتستعجلين
توترت الجود هي كانت عارفه انه بيخطبها ولكن ماتوقعت ولا خطر ببالها انه يخطبها الان! ترددت ولكن هي عارفه انه بيكون لها السند والذخر بعد ابوها واخوانها
نطقت بتوتر ولكن داخلها مرتااااااح وجدا:انا موافقه يابوي وشوري من شورك
فيصل بتأكيد:متأكده يامي قلت لتس وارجع اقولها محد غاصبتس والشور شورتس
الجود ببتسامه:متأكده يبوي انه بيصوني وبيكون السند والذخر بعدكم
فيصل ببتسامه:الله يكتب اللي فيه الخير والله يوفقكم يامي
حضنتها مريم:كبرت جودي والله الله يوفقتس ويبني بيتكم
طلع فيصل من عندهم يتوجّه لقسمهم يبلّغهم بالرد
دخل فيصل ببتسامه:البنت موافقه الله يكتب اللي فيه الخير
سلطان:الله يوفقهم نجيب الشيخ؟
هزّ رأسه فيصل بالايجاب وتقدّمو الرجال والعيال يباركون لفهد ويشاركونه فرحته
توجّه سلطان لعبدالرحمن:اتصل على الشيخ يجي يعقد قرآنهم
عبدالرحمن:ان شاءالله
بالفعل اتصل عبدالرحمن على الشيخ منتظرين قدومه لأجل يعقد قرآن أبطالنا
تقدّم راكان يحضن فهد:والله وسويتها يابو سلطان
ضحك فهد وهو يربت على ظهر راكان:عقبالك يالعضيد
راكان:ان شاءالله
انتشر الخبر عند الحريم والديره كلها تقدّمو الحريم يباركون لها ويدعون لها بالتمام بفرحه بأستثناء شخص واحد حصه كانت انظارها تحرقهم كانت تثور من داخلها تحس داخلها براكين من القهر والغبنه نطقت بهمس:والله ماتكتمل فرحتكم وانا موجوده!
«قسم الرجال»
وصل الشيخ وأستقبله عبدالرحمن ومعه عبدالله تقدّم الشيخ يصافحهم:شحالكم؟
عبدالرحمن:بخير شحالك انت؟
الشيخ:بخير الحمدلله
عبدالله:حيّاك تفضّل
تقدّم الشيخ ينطق بعلو صوته:السلام عليكم يارجال
ارتفعت اصوات الرجال بـ:وعليكم السلام
دخل الشيخ يجلس بين فيصل وفهد ينطق:بسم الله نبدأ؟
هزّو رووسهم بالايجاب ، لفّ الشيخ على فيصل:قول معيه
هزّ رأسه فيصل يسمّع الشيخ ينطق:زوجتّك ابنتي
نطق فيصل:زوجتّك ابنتي
الشيخ:على سّنه الله ورسّوله
هزّ فيصل رأسه:على سّنه الله ورسّوله
لفّ الشيخ على فهد:قول معيه ياولدي
هزّ فهد رأسه،ونطق الشيخ:قبلت بها زوجّه على سّنه الله ورسّوله
فهد ببتسامه:قبلت بها زوجّه على سّنه الله ورسّوله
الشيخ:وعلى الشروط المتفقة
هزّ فهد رأسه:وعلى الشروط المتفقة
أخذ الشيخ الكتاب:وقّع هنا
انحنى فهد يوقّع وتقدّم راكان يأخّذ الكتاب ويتجّهه به لقسّم الحريم ينطق بصوت عالي:يمّه ، الجود
تقدّمو له ونطق راكان بمزح:اخخس تزوجتي قبلي يالوصخه!
توردّت ملامحها بخجل:وجعع ، عاد هاه يلا شدّ حيلك وتزوج
ضحك راكان:ابشري حضره الدكتوره ، وقّعي يلا
تجمّعو البنات ورا الباب يصورون الجود وهي توقّع ارتفعت اصوات البنات يصارخون مع زغاريط الحريم بعد ماوقّعت الجود ورسميًا صارت ملك لفهد بالشرع والدين توردّت ملامحها بخجل من تقدّمت ام فهد تزغرط وتحضن الجود:الله يتممّ لكم على خير ياُمي انتي
حضنتها ليان وهمست بأذنها:انتصر حبّكم ، احللى صرتي زوجة اخونا !!
ضربتها الجود على ظهرها بخفه:وجعع ليان
ابتعدت عنها وتقدّمو باقي البنات يحضنونها ويباركون لها بفرحه وحب والكل اتفق على تناسقهم مع بعض
«عند حصه»
دخلت على رقم محمد تكتب له:فهد خطب الجود وتم عقد قرآنهم وحنا ماسوينا شي جالسين نشوفهم مع بعض!
محمد بحقد:انا اوريك فيهم متى ماصارت عزيمه بلغيني على طول تفهمين!
حصه:وش بتسوي؟
محمد:وش بسوي يعني......
كلمها عن خطته وطبعًا حصه على طول وافقت والحقد والكراهيه باينه بعيونها
محمد:وبكذا تصير الجود لي وفهد لتس!
حصه بفرحه:تتمم
طلعت من المجلس والفرحه مو سايعتها بمُجرد انها سمعت ان فهد بيكون لها استانست وهي إلى الان كارهه الجود والحقد مالي عينها لو تسمع اسمها بس تتنرفز وتعصّب وحقدها يكثر اكثر من قبل تتمنى لو بس تسمع خبر سيء لها تنبسط وتستانس لان فهد بيفقدها وبتكون هي بدالها وحبّه للجود بيكون لها وبتمتلكه بأكمله هي بس!
«نرجع لقسم الرجال»
دخل عليهم راكان وبأحضانه الكتاب بتوقيع الجود وقّعت وهي بكامل اريحيتها ماتكذب انها توتر من طاري فهد ولكن لما تتذكر انه صار لها وصارت هي له وصارو ملك لبعض ترتاح والتوتر ينزاح عن قلبها
نطق فهد بهمس لأبوه:يبه ابي شوفه شرعيه
سلطان بنفس الهمس:يالنّعجه اثقلل
فهد:يبه تكفى
تنّهد سلطان:استغفرالله الله يعيني عليك
تنحنح سلطان وقرّب من أذن فيصل ينطق:ولدنا يبي يشوف بنتكم
ضحك فيصل:يبشر الفهد خلّه يروح للمجلس ، شويات وتجيه
همس سلطان لولده:رح للمجلس بتجيك شويات ويمكن ساعه
فهد:يبه تلعب بأعصابي!
استغفر سلطان وهو يمسح على وجهه:لاحول الله اقول امش الله يستر عليك
فهد:ابشر
توجّه فهد للمجلس ينتظر الجود بفارغ صبره وعلى احرّ من الجمر
دخل ابو فهد مع فيصل يسلّم على الجود ويبارك لها:مبروك يابنيتي والله يتممّ لكم على خير والله يعينتس عليه
ضحكت بخجل:امين يابوي قبّلت رأسه وابتسم سلطان وفيصل معه من شاف بنته وانها تعتبره ابوها الثاني من احترامها له وهو يعتبرها بنته واعلى بناته بعد طلعو برا واكمّلت هي طريقها متوجّهه للمجلس وقّفت قدام الباب تتنفس بسرعه تنطق بهمس:يمممه الحين شلون ادخل
فتحت الباب ودخلت فزّ فهد وهو يوقّف بطوله لها رفعت رأسها تبتسم له تبان غمازاتها تقدّم فهد ينطق بهدوء تام عكس داخله:ياهلا بتراحيب المطر ارحبي ياقلبة الزين وعلاج الهموم والروح ي مناي ونور عيني وياسعادتي وبهجة روحي ارحبي جعل مايرّحب غيرتس!
ابتسمت الجود ونطقت بهمس:دامك بترّحب بي كذا بصير مغروره!
طلّع فهد علب الخواتم:عطيني يدتس يالمغروره
مدّت له يدّها يحطّ الخاتم بأصبعها والمصور تلتقط لهم صور فتحت الجود علبة خاتم فهد تمسك يدّه تحطّ الخاتم بيدّها اعطتهم المصوره التعليمات وفهد كان مبسوط وجدا اما الجود متوتره من قربه
طلعت المصوره بعد مالتقطت الصور ابتعدت الجود وهي تهّف على وجهها:حر صح؟
ضحك فهد من حركتها وتقدّم لها اكثر يحاوط خصرها بكلتا يديه يخليها تحتر وتتوتر من قربه ينطق بهمس يقشعر جسدها بالكامل:لابسه احمر ماتدرين اني ثور؟
ضحكت الجود وحاوطت عنقه:دامك اعترفت انك ثور بلبس لك احمر دايم!
توسّعت عيونه بصدمه:افاا تقولين عن حبيب قلبتس ثور؟
رفعت اكتافها تاكل قلبه بعفويتها:انت قلت ثور مالي دخل انا
نطق بهمس قريب من أذنها وانفاسه تلفح على عنقها:اصير لتس ثور وحمار وكل شي اللي تبينه!
ضحكت وهي تحضنه:صاير خفيف مره دودي
قبّل عنقها قبله خفيفه ولكن هالقبله جعلتها ترجف بكامل جسدها:تقولين دودي وتبيني امسك نفسي؟
ابتعد عنها من حس برجفتها:متوتره من قربي؟
ناظرت عيونه اللي تلمع ببتسامه:أحَبـك طيب؟
تنّهد وهو ينطق بهيام:
سمعت أحلى احبك في حياتي كلها
بشفاك أثر بعض الشفايف همسها
غيمة وبرّاقي فزعت ارد قلبي وأثرني
حبيت سّراقي وصلت اخر مـدّاي
وقلت لك خلّك على مركـاك
لـو أن الموت كاسـك بأشربه
ياحضرة الساقي توسـدت الجرّاح
وكـل جـرح مـايـطيـب فـداك
حاوطت عنقه:صح لسانك ياللواء
حضنها يشدّ عليها يدفن وجهه بعنقها:صح بدنتس يالدكتوره
دخلو عليهم ريّان وزياد فزّو يبتعدون عن بعض تنحنح فهد ونزّلت راسها الجود تعدّل فستانها نطق زياد بذهول:اخخخوو العييياااال!!!
ريّان بصدمه:شتسوي بأختي انت يالوصخ!
فهد بعصبيه:الحين ورا ماتنقلع انت وياه يالنّعجه شتبون ناشبين لي؟
ريّان:اقول تراها اختي لاتنسى!
فهد بسخريه:اقول تراها زوجتي!
زياد:لاتغيّر الموضوع وش كنتو تسوون اعترفو؟
ريّان:اقول انت فليتها تراك قلنا خمس دقايق اخلص!
نزّل عقاله فهد يهددهم يتركهم يركضون للخارج يسمع ضحكتها قبّل خدّها بخفه:بطلع لهم شوي وراجع لتس
هزّت رأسها تستودعه الله وتحصنه بقلبها طلعت بعده بعد ماتأكدت انه طلع للرجال دخلت ومسكوها البنات تحقيق وماسلمت من اسألتهم اللي تتهرب منها بعد نص ساعه اتصلت غلا على فهد يجي لأجل يلّبس الجود الشبكه وبالفعل جاء وقّفت ليان عند الباب وهو معها دخلت غلا تقول للحريم يتغطّون وبالفعل تغطّو كلهم طاحت انظار فرح على حصه اللي جالسه وحاطه رجل على رجل تبّين رجلها بالكامل من فخذها إلى قدمها بحُكم فستانها القصير وهي متعمده انها تلبس هاللبس لأجل تقهر الجود وتقّرب فهد منها
الجود بهمس لفرح:تبي تقهرني انا داريه تبي تتصّفق
فرح بنفس الهمس:لاتغثّين نفستس عشان السلقه ذي معليتس شغلها عندي روحي انتي وانبسطي واقهريها
قامت الجود توقّف عند ركن الشبكه تنتظر فهد وقامت وراها فرح تمسك عبايه حصه وترميها عليها وتنطق بحدّه:البسيها عشان مااقطعها على جلدتس!
حصه بضحكه تنرفز:بخاف منتس يعني يابنت امس!
فرح بسخريه:صدقيني اسويها ولا يرّف لي جفّن
وقّفت ليان بجنبها تهمس لفرح:شفيها الورعه ذي بعد؟
فرح بسخريه:ماتبغى تتستر الكافره!
ليان:معليتس عندي الحين اقهرها
فرح:كفو لولي
وقّفو قدامها ليان وفرح يغطّون عليها لأجل مايشوفها فهد وهم عارفين بنّيتها
دخل فهد وتقدّم يلّبس جود الشبكه والمصوره تلتقط لهم صور وفيديوهات تحت تعليماتها لبّسها العقد اللي يزّين عنقها ومن بعدها الاسواره والحلق بعد ماانتهى وقّفت الجود بجانبه تلتقط لهم المصوره صور وهم ماسكين يدّين بعض بقوه والبنات وراها يصورونهم ويصورون تناسقهم مع بعض تحت حرقة حصه وحقدها وكراهيتها انتهو من التصوير طلع فهد وهو غاض بصره ومايناظر الا الجود وبس يناظر القمر بين النجوم متجاهلهم كلهم وموجّه نظره بالكامل لها
ابتعدو البنات من امام حصه بعد ماطلع فهد التفتت بها فرح وانحنّت لها تنطق بحدّه توّعيها:قلتها اول وبرجع اقولها فهد للجود والجود لفهد وانتهى اصحي من اوهامك اللي ماتتحقق لأن حلم أبليس بالجنه يا أبليس ، لو يصير لفهد ولا للجود شي بكون انا اول وحده تلقينها بوجهك حطّي كلامي حلقه بأذنك واحفظيه زييين!!
ابتعدت من عندها وهي تحرقها بنظراتها وتهددها
تقدّمت ام عبدالله تضيّف الضيوف على تمايم نجد اخت نوت:حياكم الله على تمايم نجد بنت فرحان
تقدّمو الحريم كلهم لغرفة الطعام يتناولون العشاء مع بعضهم بأستثناء الجود لإنها ماتحب اللحم جلست على جوالها تصّور كشختها وخاتمها تبّين للكل انها صارت رسميًا حَرم فهد!
«قسم الرجال»
فيصل بصوته الجهوري:حياكم الله على تمايم نجد بنت فرحان واعذرونا على القصور
تقدّم فهد يهمس لفيصل:خالي عادي اسرق بنتكم؟
ضحك فيصل وربت على كتف فهد:خذها حلالك زوجتك
ابتسم فهد وقبّل رأسه وطلع برا القصر يشغّل سيارته يتصل على الجود
«عند الجود»
جالسه تتأمل خاتمها وهي فعلا مو مصدقه انها صارت حَرم فهد فعلا رفعت جوالها من شافت اسم فهد منّور شاشتها تردّ عليه:لبيه
فهد ببتسامه:لبيتي في مِنى اطلعي لي انا برا انتظرتس
الجود بأستغراب:وين بنروح؟
فهد ببتسامه:بنهرب عن الناس
ابتسمت:تم ، ثواني وطالعه لك
فهد:انتظرتس
سكّرت وتوجّهت لغرفتها تبدّل تلبس لها شي خفيف تلبس عبايتها تعدّل على مكيبها تلبس شنطتها تحمل جوالها بيدّها تنزل تعطي امها خبر:ماما بطلع مع فهد شوي وراجعين
مريم ببتسامه:اخس والله وصرتي تطلعين مع زوجتس!
توردّت ملامحها:ماماا
مريم:امزح معتس روحي ياُمي الله يحفظكم لاتتأخرون!
هزّت راسها بخفه:ابشري
وقّفت امام المرايه تلبس نقابها وتعدّل عبايتها وتطلع من باب المطبخ الخلفي ركضت حصه تطلع للحوش من الخلف تصّور لمحمد تكتب له تحت الصوره:طلعو يتمّشون مع بعض!

بارت طوويل عشان خاطركم ، لاتنسون النجمه🤎🤎