لاجيت ابكتب عن جمالك تراجعّت وين بيردّني في خيالي

~ ١ ~

لِـكُـل بـدايـة نـهايـة ولِـكُـل
نـهـايـة بـدايـة جـديـدة✨
""أستطيع قول أن هذه بدايتنا الجديدة""
  9/ 11 /1445
17مـايـو 2024

قصّر آل زيـد يتكون من أربع أدوار وحوش كبير جدًا تتوسطة حديقة وبجانب الحديقة خيمة بناها ابو فيصل كل جمّعه يجتمع الكل فيها، الدور الأول للآباء والأمهات والدور الثاني للبنات فقط والدور الثالث للعيال فقط اما الدور الرابع والأخير فية مجلسين مجلس للرجال ومجلس للنساء ومطبخ وطبعًا هذي كانت وصية عبدالعزيز ومنيرة أنهم يكونون مع بعض وساكنين مع بعض ويساندون بعضهم
«يوم الجمعة ،الساعة10:30صباحاً»
"عند العيال"
دخل عليهم فيصل وهو يصارخ:قم ياورع قم انت وياه لابارك الله فيك بيأذن اخلص علي انت وياه اخلصوو
فزو العيال بخوف ورا بعضهم متوجهين لدورة المياة{يكرم القارئ}الي يغسل والي يتوضى والي يتروش والي يتهاوش وأخيرًا بعد معاناة خلصو وتوجهو للمجلس
فيصل: اخلصو ساعة انت وياه وش تسوون؟
فهد:الله يهديك ياعم وراك معصّب روّق روّق تو باقي على الأذان
فيصل: الله يهديكم بس يلا امشو نلحق على الصلاة
مشى الكل متوجهين للمسجد يصلون صلاة الجمعة
«عند البنات»
صحو كلهم ورا بعضهم بأستثناء جود لآنها نامت متأخر ونزلوا يجهزون الفطور مع الأمهات
فرح:الله وشش مسوين اكل الريحة وصلتني لفووق
ليان:يالكذوب
ضحكو الكل عليهم ونطقت ام غلا:والله يافروحة مسوين كل مالذ وطاب كل شي يخطر على بالتس ويعجبتس
فرح:يعطيكم العافية خالاتي الجميلات
نطقوا الأمهات بـ:الله يعافيك
ام راكان:الا يابناتي وين جود ماصحت للحين؟
نطقت ريما:لا والله ياخالة للحينها راقدة
ام راكان:وراها ماصحت للحين روحي يامتس جوري صحيها تفطر معنا
جوري: أبشري يمة
وبالفعل راحت جوري وصحت جود
«عند الجود»
صحت وقامت اخذت لها شاور يصحصح فيها ولبست بنطلون أسود وتيشيرت أبيض ونشّفت شعرها ورطّبت وجهها وشفايفها وصّلت فروضها الي عليها واخذت جوالها ونزلت تحت تفطر مع الباقي
«عند العيال»
بعد مارجعو من صلاة الجمعة جلسوا بالمجلس يريحون وينتظرون الفطور يخلّص
زياد:جوعاااااان
ريّان: اي والله جوووع يولدد
فهد أبو دانة:اقول والله ان ماتسكت انت وياه لاامحطك بالعقال الي على راسي
فزوا زياد وريّان بخوف ونطقو:أبشر
وصل فطورهم والكل أفطر
«بعد الفطور ، عند البنات»
جود بتأفف:يابنات طفش ياخي نبي فعاليات
ليان:من وين نجيب لتس فعالية الشيخة جود
غادة:اسمعو شرايكم نسوي جلسة بالحديقة؟
البنات:تم،قددام،يلا
فرح:يلا كل وحدة تسوي شيء انا بسوي لكم بان كيك
جود:تمم وانا بسوي شاهي وبحط فصفص ومكسرات
غلا:وأنا بكلم فهد يجيب لنا سناكات من البقالة
دانة:خلاص أجل انا والباقين بنضبط الجلسة
نوف:وانا طبعاً بشرف عليكم وبقيّم شغلكم
غادة بضحكة:لايشيخه يعني كذا اشتغلتي
نوف:اييه يعتبر شغل هذا
فتون:يلا يلا قوومووا
بالفعل قسّموا الشغل عليهم كلهم وكل وحدة بدت تسوي الي عليها
جود وفرح راحو بالمطبخ يجهزون الشاهي والفصفص والبان كيك وغلا راحت تكلم فهد يجيب لهم من البقالة والباقين راحو للحديقة يضبطون جلستهم
بعد ماضبطو جلستهم جلسوا البنات وبقو جود وفرح وغلا الي جلست تنتظر فهد يجيب لها الأغراض
«بالمطبخ»
انتهت جود من الشاهي والمكسرات وراحت للبنات وبقت فرح تسوي البان كيك وقعدت تصفّه بالصحن دخل عليها راكان وماكان منتبّه لفرح انها موجودة
حسّت فرح بوجود أحد تحسب انها جود نست شيء ورجعت
فرح:جود وش نسيتي بعد
لفت فرح من حسّت بعدم الرد وشهقت تختبىء ورا الباب تشوف راكان الي متجمد بمكانة نطقت فرح:يمه خير انت ماتطلّع صوت وش تبي جاي!
راكان بتلعثم:اااء شسمة جيت بشرب موية معليش مانتبهت لتس
فرح:تمام ممكن تطلع لأني بطلع للبنات؟
راكان:معليش مرة ثانيه وطلع
طلعت فرح من ورا الباب وصدرها يرتففع وينزل من التوتر (فرح من أول كانت معجبة بملامح راكان ووسامتة لكن ماعلمت احد لانه بالنسبة لها مجرد أعجاب فقط!)
طلعت فرح للبنات
ليان:ساعة ماصار بان كيك وش تسوين!
فرح:اقول اذلفي بس تراه بان كيك اكيد بيطول!!
فتون:خلاص شفيتس انتي وياها هدوا كل شوي تتهاوشون
«عند ريّان وزياد»
.......

لاتنسون النجمة يـ حباني✨✨