لاجيت ابكتب عن جمالك تراجعّت وين بيردّني في خيالي

~ ١٩ ~

التفتو لها الجميع بصدمه ونطقت دانه بنفس الهدوء:لاتناظروني كذا ، اتكلم بجدّيه بنرفع على ابوكم قضيّه
رفعت اناملها تعدّد تكمّل كلامها:عنف ، خطف ، تروّيج مخدرات ، تعاطيّ
نطقت فرح بحماس:تم تم
التفتت لها لطيفه:ابوتس ترا خييير؟
ناظرتها فرح تنطق بسخريه:ابـوي؟ ، ابوي اللي يضربتس ليل نهار واللي يخلينا نتعذب ونشوف عذابه لتس
أشّرت على نفسها بقهر:اللي خطفني وعذبني ورفع سلاحه عليّ وضربني وشتمني كان يدخل عليّ وهو سكررررررران ومصرّه انه ابوي؟ ، اُمي هذا مايستاهل يكون اب اُمي ماحدّ مارّس الابوّه الا انتي هو ماكان يعتبرنا عياله ماكان يحسسّنا انه ابونا بدال مايكون مصدر الامان لنا صار مصدر الخوف والرُعب وعدم الامان لنا ومصرّه تقولين هذا ابوتس الاب مايكون كذا مايعذّب عياله مايعذّب زوجته ويدخل عليهم وهو سكران اُمي انسيّ مابيتغيّر اللي تقولين عنه ابونا عمره مابيتغيّر ابونا اللي بالاسم فقط قااااااتل يمشي ويذبح الناس بدّم بارد وبِلا اهتمام مايهمّه اللي قدامه مايهمه اذا كان ولده او بنته او زوجته او حتى ابوه وامه واخوانه!
مسكت ايدي امها تنطق ببتسامه تطمّنها:بنرفع قضيه ونكسبها ونسمع خبر اعدامه وحنا مبسوطين
نزلت دموع لطيفه وهزت راسها بالايجاب والتفتت من نطقت دانه:بنكسبها بإذن الله دامنّي مُحاميّتكم
ابتسمو الجميع بفخر ونطقت فرح:تعععييييش المُحاميه
قاطع حكيهم دخول الرجال تغطّو وتنحنح رابح ينطق بصوت عالي واضح للكل:ياجماعة الخير صلّو على النبّي
ارتفعت اصواتهم بالصلاة على النبّي وكمّل كلامه رابح:تحدّد عرس بنتي الجوهره وولدنا نواف بإذن الله بيكون بعد اسبوع بالضبط تجّهزو وجهزو اغراضكم حيّاكم على قصرنا
فيصل:ماتقصّر والله يابو فارس لكن اعذرنا ماودّنا نضيّق عليكم مكانكم
نطق رابح بغضب:المكان واسع ويوسع الكل ماابي اسمممع هالكلام ولا بيننا زعل!
وقّف فيصل يقبّل راسه كَـ اعتذار:والله ماودّنا نضيّق عليكم بس ابشرو باللي تبونه بإذن الله حنّا عندكم العصر
هز راسه وعلى طيف شفته ابتسامه طلعو بالخارج وفزو البنات يركضون لغرفهم يتجهزون بكل حماس
" عند ريّان وزياد "
ركضو فوق لغرف البنات ونطقو بصراخ:بنمممممشي اخلصوو!
طلعت ريما بعصبيه:وجع اصواتكم
زياد بعصبيه:بنسحب عليكم ترا
فتون:انقلعو ترا بهبدكم
ركضو البنات يركبون السياره بعجله
وصلو واتجهو يركضون لغرفة نوت ، صرخت نوت بفرحه
من شافتهم:ارححبببو ، يالله حيّهمم
نطقت فرح:يحيّتس نوني
جلسو وامامهم قهوتهم والحلا والشاي التفتو كلهم من انفتح الباب والشخص اللي كان وراه مابيّن لهم ، نطقت نوت بأستغراب:مين؟
دخلت حصه تنطق بدلع:عادي ادخل عندكم؟
ناظروها بقرف من شكلها ولبسها الضيّق ، ناظرتها نوت تنطق بقرف من شكلها ولبسها ودلعها المُقرف:لا
رفعت حصه حواجبها:خير ان شاء الله ليش شفيني؟
نوت:محد قال فيتس شي ، بس مانبغاتس
اكمّلت كلامها وشدّت على جملتها:وماندّخل ناس مُقرفه ورخيصه
ناظرتها حصه بصدمه:شقصدك انا رخيصه!
رفعت اكتافها:قصدي واضح ، اطلعي برّا وسكري الباب وراتس يا تستس
نطقت حصه بعصبيه:انا اعلمك مين التستس
ليان بعدم اهتمام:اقول الخلا الخلا بس
طلعت حصه بعصبيه لأمها:طردوووني!
وقّفت دلال بعصبيه متوجهه لغرفة نوت والظاهر مابتعدّيها على خير ، دخلت وفتحت الباب بكل قوّتها لدرجة ارتطم الباب بالجدار
فرح بهمس:خير اللهمَ اجعله خير
نوت بعصبيه:خير ان شاء الله شوي شوي عالباب!
تقدّمت ام حصه بكل قوتها تمسك نوت من اكتافها تهزّها بقوّه تنطق بعصبيه:ميييييين انتتتتتي تطردين بنننتي!!!!
وقّفو البنات يتقدّمون لهم ويفرقون بينهم لكن كل وحده كان الغضب معمّي عيونهم
ثارت براكين نوت بغضب وعصبيه من حركة دلال ، مسكت ايدي دلال بقوه وفلّتتها من اكتافها تنطق بعصبيه:انا نـوت بـنت فرحـان آل فـايـز اذا ماكنتي تدرين ، مييين انتي عشان تمدّين يدتس عليّ عشان هالكلبه اللي وراتس!
لوهله كانت بترفع يدّها على نوت لكن قاطعتها يد الجود اللي دخلت بينهم تنطق بعصبيه:مو عشاننا ضيّفانتس ببيتنا وعزيّناتس انتي وبنتس تجين وتتمادين وتمدّين يدّتس على اختي ، اكسرها لتس فاهمه!
توسّعت عيون حصه ودلال وتقدّمت حصه للجود بتضربها وهجمو البنات عليها يضربونها ويبردّون خاطرهم صرخت ام حصه:يابنااات الـ*** اتركو بنننننتي
تجمّعو الحريم يفرقون بينهم والتزمو الصمت من سمعو فيصل يصارخ نزلو تحت ورفعو انظارهم من شافو الكل مجتمعين جلس فيصل:خير ان شاءالله وشهالصراخ انتي وياها شصاير
نطقت حصه ولكن قاطعتها من نطقت فرح:انا بتكلم
التفتت لها حصه بحقد ونطقت فرح تدخل بالموضوع:كنّا جالسين نسولف دخلت علينا هذي ناظرتها حصه تنطق بحده:اسمي حصه
ليان بهمس:من زين هالاسم عاد
شمّقت لها فرح تلتفت لهم تكمّل كلامها:مايهم وش اسمتس
فيصل:اقطعي الصوت ، التفت لفرح يهز راسه لها:كملي
كمّلت فرح كلامها:دخلت علينا وقالت لنا انها بتدخل قالت لها نوت لا قالت لها نوت ماندّخل ناس مُقرفه
رفع حواجبه فرحان:يعني نوت الغلطانه
قاطع حكيهم دخول فهد
دخول فهد واللي انصدم منه الكل بأستثناء الحريم والبنات وتركي وراكان بحُكم انهم راحو معه بالعزبه وكانو يشوفونه معهم بشغلهم لكن كانو صامتين ومابيّنو لأحد اي شي
تقدّم له فيصل بعصبيه:وش جابك انت ، وشششش جاااابك!!
مسك فهد يدّ الجود ونطق ببرود:جاي اخذ زوجتي
دفعه فيصل لورا وتقدّم له رابح يمسكه عن فهد والعيال معه همس راكان لفيصل:يبه ، افهم الموضوع
التفت له فيصل بحده:وش افهم ووش افهم مااااهي زوووجججته طلقها افهممممو ياعااالم!
فهد بهدوء:ماطلقتها ، للحينها على ذمتي
فيصل:انهبببلللت انت انههببببلللت مطلّقها قدامنا كلنا
فهد:طلقتها مره وحده للحينها بذمتي طلاقنا باطل لانه بالاجبار
التفتت للكل:فهمتو؟
فيصل:ماااهي لك انتتتهى
مسك يدّها يسحبها لجهته:مايفرّقني عنها الا الموت وقلت لكم وبرجع اعيدها لو تطلقون عليّ ناركم ماتفرّقوني عنها
انهى كلمته وطلع وكفّه لازال متمّسك بكفّها وكأنه يثبت كلامه لهم ويثبت لهم انهم مايقدرون يفرقونهم عن بعض ومحد بيقدر يفرّقهم عن بعض الا الموت
رفعت انظارها وهي تركض معه:فهد شفيك ، طيب اصبر بلبس عبايتي على الاقل!
التفت لها:يلا ياحرَم فهد استعجلي
ابتسمت وركضت تدخل غرفتها تلبس عبايتها وتاخذ جوالها وشنطتها وتنزل تحت لكن تنصدم من تشوف ابوها واقف امامها يوّقف طريقها:بتروحين معه؟
عقدت حواجبها بأستغراب:رايحه مع زوجي مو احد غريب؟
دخل فهد يوّقف قدام فيصل ووراه الجود:خالـي ، جعّلني قبلك لاتفرّقونا وانتم كلكم عارفين اننا نبي بعض!
طلع راكان:يبه ، زوجته ماهي رايحه مع احد غريب تعال معي افهمك الموضوع
تنهد فيصل ومشى مع راكان ، التفت راكان لفهد يهز راسه له ومن بعدها طلعو ركبو سيارة فهد والتفت لها يبتسم لها رفعت انظارها لفهد تبتسم له تقدّم يشابك كفّه بكفّها يتحسّس اناملها بأنامله مشو يطلعون من قصر آل طلال للعزبه
وصلو ونزلو وتوجه فهد يطلّع الفرشه وعزبته ونزّلت الحود نقابها وطرحتها تطلّع شعرها تترك الهواء يلعب بشعرها جلس فهد بعد ماضبّط المكان ينطق لها:ام سلطان تعالي
التفتت له تتقدّم تجلس امامه تنطق بأستغراب:مين ام سلطان؟
ابتسم فهد:انتي ام سلطان ، سلطان ولـدنـا
ابتسمت:اسمه سُلطان؟
نطق بخفّه:اهخخ ياليتني سُلطان
ضحكت:بس انت دودي مو سُلطان
ضمّها وهو ميّت على لطافتها:الله يجعلني فدوه
قبّلت خدّه ونطق:ترا بيصير شي مابيعجبتس
ضحكت تناظره:شدعوه اراضيك ومنها اعطيك بوسة الشوق
ناظرها بهيام ونطقت بخوف:خلاص بسكت
نطقت تغيّر الموضوع:ترى لولي قالت لي ان عندك
ناقه
هز راسه بالايجاب ونطقت بحماس:بششوفها
فهد:ماهو الحين بوقت ثاني
زمّت شفايفها:طيب وحماسي ، خلاص مابي
ضحك وبدأ يجّهز الشاهي ونطق لها:ياااهووو بيجيتس شاهي على كيييف كيييفتسس
الجود:دامه منك بشربببه اكييد
نزّل كاستها امامها ورفع كاسته يشرب ونطقت بتلذذ:امم لذيذذذ
ناظرها وسهَى فيها سهَى بملامحها كان يتأمل كل انش بملامحها لكن قاطعت تأمله من التفتت له:فيك شي فهد؟
استوعب وهز راسه بالنفي ونطقت بتأكيد:متوّكد؟
ناظرها لثواني وتقدّم لوجهها وبدون اي مقدمات طبع ثغره على ثغرها ارتعش جسدها وارتفعت نبضات قلبها من داهمها بقبلته وماترك لها مجال تستوعب قُربه منها هالكثر قبّلها بكل قوته حاولت تبعده ولكن بِلا جدوى تمّسكت بكتوفه تطلب منه يبتعد عنها من اخذ كل انفاسها وماترك لها مجال تتنّفس ابتعد عنها وهو غارق فيها تمامًا غرق بعالمها واُهيم بها شتّتت انظارها بعيد عنه تناظر المدى وملامحها محمّره بسبب قبلته ناظرها وضحك:مستحيه منّي؟ ، المفروض تتعودّين
التفتت له ووسّعت عيونها:ياوصخ ، قليل ادب ماتستحي على وجهك
رفع حواجبه:كل هذا عشان بوسه ، لو صار شي ثاني وش بتسوين
وقّفت تنطق بعصبيه وملامحها شوي وتتفجّر من كثر الخجل توجهت للسياره تركب وتسكّر الباب بكل قوّتها:قليل ادب مايستحي !
ركب بجانبها من رتّب الاغراض ونطق بضحكه:تسكّرين الباب بقوّه يعني بعصّب
الجود بعصبيه:لو ماتسكت بنزل ترى!
التفت لقدام يحرّك السياره وهو كاتم ضحكته وطول الطريق يلتف لها ويتفقّدها ، وصلو للقصر ونزلت بعصبيه وتوجهت للبنات اللي كانو ينتظرونها
ونطقت لها حصه:وين كنتي ومع مين؟
ناظرتها الجود من فوق لتحت:عفوا ، مين انتي عشان تسأليني هالسؤال كأنك وليّة امري ؟
حصه:سألت ترى مااكلتك
الجود بقرف:خليتس بحالتس بس تختلقين المشاكل وبعدها تروحين تتمسكنين قدامهم
دفعتها من امامها:ابعدي عن طريقي وخليّتس بحالتس
دخلت وهي شوي وتنفجر من العصبيه وزادتها عليها حصه لكن اكيد مابتسكت لها وتعدّيها لها بارد ومبرّده بردّت خاطرها وحطّت عصبيتها فيها ، تقدّمت تجلس عند البنات يكملون سوالفهم ونطقت فتون:امشو بنطلع مع خالي نواف نشتري قهوه
تمدّدت الجود:مافيني حيل روحو انتو
تقدّمت ليان توقّفها معها:والله لاتروحين
الجود بذهول:ليان ، لا تحلفين مابروح!
ليان بهمس لها:ادري عشان فهد صح؟
هزت راسها بالنفي ونطقت بنفس الهمس:لا ، بس ماابغى اكلمه تهاوشت معه
توسعت محاجر ليان:انتو مايمديكم تتقابلون الا تتصافقون ، شكل الجنيّه مسويه لكم شي
ضحكت الجود:لا ، بس اخوتس قليل ادب
غمزت لها ليان:قولي قولي وش سوا؟
ضربتها الجود:مالتس دخل ، قوليله ترى الجود بتروح معنا عطيه علم لاتشاورينه
رفعت حواجبها:اوامر ثانيه استاذه الجود؟
ابتسمت تهز راسها بالنفي:يلا انتظرتس انا
بالفعل فتحت جوالها ليان تكتب لفهد:ترى بنطلع كلنا يعني حتى زوجتك معنا ، عطيتك علم عشان لاتسوي نفسك الرجل الغيور وحرمتي تروح بدون شوري
فهد:لا ، خليها تجلس
ليان بقهر:مو على كيفك ، والله ماتجلس مابصوم ثلاث ايام عشانك
فهد:ترى بجيتس!
ليان:يشيخ اعلى مابخيلك اركبه
طلعت من المحادثه وركضت مع الجود تركب ونطق نواف:يامرررحببببا
نوف بدموع:اخوي بتتزوج
التفت لها بصدمه:خير ، ليش تبكين ؟
فرح بضحك:تراها كذوب تحب تسوي دراما من اليوم تحش فيك تقول بفتك منه
نواف بذهول:يالوصخه وش مسويلتس انا
جوري بملل:ياليل ياخي اخلصو مازانت لكم السوالف الا عند الباب
غاده:يع النفسيه ذي شجايبها
جوري:اقول ترى بجيتس اعلمتس من النفسيه صحيح
غاده:اعلى مابخيلتس اركبيه
ركبو كلهم وترتبّو وجلست جوري بجنب غاده لفّت عليها
وشدّت شعرها جوري وصرخت غاده:ياحقيره ، والله مااخليتس
جوري بعدم اهتمام:اعلى مابخيلتس اركبيه
مسكت راسها غلا:انقمعي انتي وياها صدعتو براسي
نواف بصوت حادّ:والله ان ماسكتو اني لااكنسل ام الطلعه ، وجيه طلعات انتو !
فرح وهي تمسح على كتفه:اسفين اسفين
ناظرتها نوف بضحكه:لاتشوفك جوجو
الجود:تراني اسمع
نوف:مو انتي يامحور الكون ، اقصد جوجو حقت نواف
التفت عليه وغمزت له
نوت:اقول ترى بعلّم خالتي
نوف:يووووه نسيت معنا نقّالة علوم
ضربتها نوت:خير ياحماره مين نقّالة العلوم!
نواف بهمس:يارب نوصل بسرعه
ضحكو البنات وشغّلو اغاني وبدو يرقصون الا ان وصلو للكوفي ، فتح نواف بابه ينطق لهم:كل وحده تنثبر بمكانها وخلوني اشوف وحده نازله ، نوف ارسلي لي طلباتكم
طلعت جوالها تكتب له طلباتهم:يلا كل وحده تعطيني طلبها
بدو البنات يعطونها اللي يبغونه وارسلته لنواف
ريما:تطّفشون ، شغلو شي بنرقص
ليان:ترانا بالسياره مو بالبيت!
دفعتها ريما:مالتس دخل بكيفي شتبين انتي؟
دانه:صدّعتو براسي ترى بشوتكم ماتسكتون وجع
قاطعت اصواتهم دخول نواف:يلا كل وحده تاخذ طلبها
اخذو طلباتهم وتوجهو للقصر
" اليوم التالي "
« مجلس الرجال »
بنص سوالفهم نطق عبدالله بصوت مسموع للكل:ياجماعة الخير
التفت لأبو دانه يكمّل كلامه:عمي اطلب يد كريمتك فتون زوجه وشريكه لي
انصعق كل المتواجدين بالمجلس ونطق عبدالله:انتظركم وانتظر ردّكم وياعم لاتستعجلون بالرد
انهى كلمته وطلع برا يركب سيارته ويروح لأبعد مدى والتوتر مستحلّه ماانتظر حتى ردّهم من كثر توتره اللي قاعد يعيشه
" نرجع لمجلس الرجال "
فيصل بأستغراب:وين راح ذا
طلع ابو دانه يتصل على فتون لأجل تطلع له ويشاورها
تقدّمت له فتون:لبّيه
ابتسم ابو دانه ينطق بهدوء:اسمعيني يابوتس ، جاني عبدالله ولد خالتس لطيفه يطلب يدّتس مني
لانت ملامحها بصدمه من استعجاله ونطق ابو دانه يكمّل كلامه:استخيري ياُمي وردّي لي خبر ولاتستعجلين
هزت راسها بالايجاب ورجعت تدخل لغرفتها تهمس بصدمه:هذا شفيه ، مستعجل !
دخلت دانه بعد مارسلت لها فتون تطلبها تجي لغرفتها:شفيتس انتي ، خير وش صاير؟
فتون بتوتر:خطبني ، خطبني وش اسووووي
دانه بصدمه:ميين مين خطبتس
ناظرتها فتون بتوتر ، دانه:تكلّمممممممي!
فتون:عبدالله ، عبدالله ولد خالتي لطيفه
توسعت محاجرها:عبددالله !
هزت راسها بالايجاب ونطقت دانه:طيب استخيري وعطيهم ردّتس
فتون:دانه متوتره ماتوقعته بيخطبني الحين
دانه:عادي فتون هو يبغاتس استخيري لا تتوترين
طلعت دانه بعد ماقنعت فتون تستخير وتختار اللي يرتاح قلبها له
وفعلا فتون استخارت وماتشرح كميّة الراحه اللي تحسّها بداخلها
نزلت تحت تعطي ابوها ردّها ومصير قرارها
دخلت تنطق بهدوء وتوتر:بابا انا موافقه
تقدّم يحضنها وغطرفت ام دانه ولطيفه تقدّمت تحضنها والبنات بالمثل
طلع ابو دانه يتصل على عبدالله
عبدالله:ارحب ياعم
نطق ابو دانه بعتب:افا خطبت وانحشت؟
ضحك عبدالله:بشّر ياعم
ابتسم ابو دانه:ها يالنسيب متى الخطوبه؟
فزّ عبدالله:وافقت !
ضحك ظافر:وافقت يالنسيب
عبدالله بأستعجال:تجّهزو ، الشيخ جاي بالطريق
توسّعت محاجره:ولد ، اركد وراك مستعجل !
عبدالله:ياعم ابي كل شي يتمّ بسرعه
هز راسه بأسى ونطق:يلا يلا استعجل تعال
انهى المكالمه ودخل المجلس ينتشر خبر موافقة فتون على عبدالله وخطوبتهم
بدو يتجهزون ويرتبون البيت والاستقبال والبنات يجهزون فتون
" المغرب "
دخل الشيخ والقى السلام عليهم وجلس بين ظافر وعبدالله ونطق:قول معيه
هز رأسه ظافر يسمع الشيخ ينطق:زوجتّك ابنتي
ظافر:زوجتّك ابنتي
الشيخ:على سّنه الله ورسّوله
هز ظافر رأسه:على سّنه الله ورسّوله
لفّ الشيخ على عبدالله:قول معيه ياولدي
هز عبدالله رأسه ، نطق الشيخ:قبلت بها زوجّه على سّنه الله ورسّوله
عبدالله ببتسامه:قبلت بها زوجّه على سّنه الله ورسّوله
الشيخ:وعلى الشروط المتفقة
عبدالله:وعلى الشروط المتفقة
أخذ الشيخ الكتاب:وقّع هنا
انحنى عبدالله يوقّع ونطق الشيخ:الله يوفقّكم ويجمع مابينكم الخير
همس عدالله بـ:اميين
وقّف ابو دانه ياخذ الكتاب ويتجه به للداخل لأجل توقّع فتون على موافقتها
دخل واستقبلته فوزه ودانه ودخل المجلس على فتون ونزّل الكتاب على الطاوله اللي امامها:وقّعي ياُمي
انحنت توقّع وقبّل راسها ظافر:الله يتمّم لكم على خير ياُمي
ابتسمت وتقدّمت تحضنه ، ومن بعدها اخذ الكتاب يطلع للرجال ويسمع مباركات الجميع لعبدالله
طلع الشيخ وتوجه عبدالله مع ابو دانه للمجلس المُتواجده فيه فتون لأجل الشوفه الشرعيه ، دخل
وابتسم من وقّف امامها رفعت راسها تناظره بخجل وتنهد اخيرا هي حلاله لحاله حب طفولته وزوجته وام عياله مستقبلاً
نطق وهو يتأملها:حيّ والله هالشوف
ابتسمت بخجل تهمس له:مو كأنك استعجلت بالخطبه؟
ابتسم:احمدي ربّتس ماخليت الزواج مع الخطبه
توسّعت عيونها بذهول منه ومن استعجاله:مو لهدرجه
عبدالله بهيام:زواجنا بعد زواج نواف بأسبوع
ناظرته بصدمه:خير عبدالله مو من جدك!
وقّف يحضنها ويقبّل جسر انفها:زواجنا بعد زواج نواف بأسبوع ، انتهى
قبّل راسها:انتبهي لنفستس انا طالع
جلست تناظر طلوعه بصدمه:الله يستر من بدايتها كذا شلون نهايتها !
طلعت تنطق لأمها بغضب:لو ماتقولين لولد اختس يأجل موعد الزواج ترا بخلعه !
فوزه:متى موعد زواجكم؟
زفرت بغضب:بعد زواج الجوهره وخالي نواف بأسبوع ، ماما متخيله مايمديني اجهز شششششي!
دخلت لطيفه:معليتس ياُمي الموضوع عندي انا اعلمه المطفوق
ابتسمت فتون تحضنها:اهخ ياخالتي احبتس والله
لطفه بضحكه:روحي روحي الله يستر عليتس
ضحكت وتوجهت تسولف مع البنات ونطقت الجود:بنات ، زواج خالتو الجوهره بعد يوم بنسوي لها حفلة توديع العزوبيه
صفقت فرح بيدينها:صححح
التفتت لها نوف:وش اللي صح حبيبتي ماجهزنا شي للحفله!
ضربت الجود صدرها:حبيبتي عندكم الجود جهزّت كل شيييي
ليان بحماس:اووففف يارب يجي بكره بسرررعععه حماااس
ضحكو البنات من حماسها واكملو سواليفهم وخططهم لبكره وتوجهو لغرفهم ينامون
" اليوم التالي "
صحو البنات بوقت بدري وبدأو بتجهيز وترتيب حفلة توديع عزوبية الجوهره بعد ماانتهو من ترتيب المكان وتجهيزه مسكت الجود يد نوت تنطق للبنات:اسمعو انا ونوني بنروح للجوهره نجّهزها على اساس اننا بنسوي سهره وبنكشخ وانتو رتبو المكان وجهزّو السماعه واول مانخلص من الجوهره بجيب انا الكيكه ونوني بتجلّسها ، دن؟
البنات بصوت واحد:دن
الجود:ييييلاا
ركضو الجود ونوت ياخذون الجوهره لغرفة الجود ويجّهزونها ، الجوهره بأستغراب:بسم الله شفيكم بنات
الجود:مافيه شي بنسوي سهره وبنكشّختس عشان نصور
الجوهره:طيب احس ماله داعي
نطقت نوت وهي تحط لها البلشر:انا احس له داعي
انتهت الجود من شعرها وبدأت تفككه:الله شعرتس حلو صار
توجهت الجود لدولابها تطلّع الفستان اللي طلبته للجوهره تنزله على السرير تحت انظار الجوهره وتنطق لها:اذا خلصتي البسيه
ناظرتها الجوهره:احس اوفر بعدين ليه فستان ابيض!
الجود:خالتو بلا اسئله مالها داعي البسيه عادي اكشخي فيه
وقّفت نوت تنطق ببتسامه:انتهينا من الميكب بس باقي الروج اذا لبستي فستانتس بنحطّه لتس
التفتت لهم الجوهره:بنات احس ماله داعي
الجود:بتلبسينه يعني بتلبسينه!
التفتت الجوهره لنوت ونطقت نوت:مالي دخل بتلبسينه
تنهدت الجوهره بقلّة حيله ووقفت تاخذ الفستان وتتوجه لدورة المياه ( اكرمكم الله) لأجل تلبسه
وبالفعل لبسته وطلعت للبنات ، التفتو لها نوت والجود ينطقون بتزامن:ييهبببل!
الجوهره:ماني مقتنعه
مسكتها نوت تجلّسها على الكرسي:اجلسي بس
نزلت الجود لأجل تقول للبنات يتجهّزون وتوجهت للمطبخ تطلع الكيكه وتتوجه بها عند البنات تحطّها على الطاوله
طلّعت نوت روج باللون الاحمر وتوسّعت عيونها الجوهره:اوووفر احمر مره وحده!
تقدمت نوت تحطّ الروج على ثغر الجوهره متجاهله تحلطمها وبعد ماانتهت وقفت تنطق ببتسامه:خيييااااال
مسكت نوت يد الجوهره تسحبها معها لتحت:يلا يلا استعجلي
نزلت الجوهره ونوت قدامها تحجب الرؤيه عنها ، ابتعدت نوت من امام الجوهره
لانت ملامحها من شافت البنات كلهم مجتمعين ويبتسمون لها وليان اللي ماسكه باقة ورد صغيره وطرحه صغيره تقدمت لها هي تعطيها باقة الورد واشتغلت اغنية " وداعًا للعزوبيه " ، ابتدو البنات يحتفلون مع الجوهره وتقدمت فرح تمسك ايادي الجوهره تتمايل معها انتهت الاغنيه وجلسو البنات يتقهوون ويسولفون وشغّلت فرح اغنية " فزّي له يا ارض "
بدأت تتمايل مع كلمات الاغنيه:
فزّي له يا أرض لا جاك بشويش يتمايل
هو مو قصده ولكن كذا ربي خلَقه