لاجيت ابكتب عن جمالك تراجعّت وين بيردّني في خيالي

~ ١٧ ~

"بعد مُرور أسبوعين"
مر اسبوعين على اختفاء فهد اللي من اخر حادثه صارت طلع ولا احد يدري وين راح مر اسبوعين وكل انسان من العائله تغيّر وكلاً منهم يحمل بداخله حزن وغبنه الجود واللي طول وقتها حابسه نفسها بغرفتها وتبكي والبنات حواليها يواسونها وهم مو اقل منها كلهم منهارين بخارجهم قبل داخلهم نطقت فرح واللي تحاول تضحّكهم وتطلّعهم من جوّهم الكئيب والمُمل:بنات شفتو كيف جوجو وقّفت قدام مسدس خالي فيصل عشان لايطلق على فهد صدق الحب افعال لو انا سحبت عليه وخليته يطلق عليه
ضحكو البنات واستمّرت فرح بمُحاولة تضحيكهم فجأه سكتت والتفتت لليان اللي منكمشه على نفسها وتبكي بهستيريه تقدّمت لها فرح تنطق بغصه:لولي لاتبّكيني!
رفعت راسها ليان تناظرهم وجهها مليان دموع وملامحها محمّره من شدّة البكاء نطقت بأنيهار تفرّغ كل مافي داخلها:بنات انتو متخيلين اني انا اول من عرفت بحبّهم لبعض وانا اول من جمّعتهم ببعض وانا اول من عرفت بخطوبتهم والحين اسمع خبر انفصالهم بنات يوجعع والله يوججع كلنا نعرف بحبّهم لبعض ليشش يتفرقون ليش يفرقونهم وهم مالهم ذنبب ليشششش ليششش ابي افهمم قلبي يوجعني والله يوجعني
رفعت يدّها تأشر على نفسها بقهر:اخوي ماادري عنه صارله اسبوعين مانسمع له لا حس ولا خبر هو ميّت ولا حيّ هو بخير ولا لا هو تعبان ولا لا تعبت اقسم بالله اني تعبت ماصارلي شي صح بس تعببببتت تعععببببتتت كل يوم تجينا مشكله وكل يوم يصير شي خايفه افقدكم خااايففه تعبتت والله
ماعندها القدره انها تكمّل كلامها من جتها الغصّه تقطع كلامها رفعت يدينها لوجهها تبكي بحرقه على حالهم ومشاكلهم اللي ماخلصت واللي مابتخلّص
نزلت دموع الجود تنطق بصوت مبحوح:لوولي تكفين!
بكو البنات معهم وتجمّعو كلهم يحضنون بعض ويواسون بعضهم
« بالصاله »
متجمعين كلهم حوالين علياء ومريم يهدّونهم
ام عبدالله:بسم الله عليكم اشربو ماء اشربو ماء
نطقت علياء بحرقه:يممممممه قلبي على ولددي مدري وينننننننننه ودّوووني عننددددده تكفووون ودّوووننني
وقّفت ووقّفت معها لطيفه تجلّسها وتهدّيها:تعوذّي من الشيطان يابنت الحلال مابه الا العافيه استهدي بالله
مريم بدموع:جعلني ماافقدتس ياام فهد تكفين تصبّري بتنّحل الامور بإذن الله
« عند حصه »
دخلت غرفتها وجلست على السرير تاخذ جوالها من الطاوله تفتحه وتدخل على رقم مشعل تكتب له بفرحه:الجود وفهد تطلقو ، خطّتنا نجحت وبكذا محمد كسب الجود وانا كسبت فهد بكل سهوله حاولو تهرّبون محمد من السجن بأسرع طريقه لأجل لاتضيع الفرصه من ايدينا!!
قاطعها دخول امها قفّلت جوالها تنطق بتوتر:ماما؟
ابتسمت دلال (ام حصه) تنطق:يابنتي جتنا فرصه نكسب فيها لطيفه مثل ماكسبنا فيصل!
حصه بأستغراب:كيف طيب؟
تعدّلت دلال بجلستها:ياسر طلب مني اننا نروح لفيصل ونقوله ان ابوك تهاوش معي وبحاول اقنعه اننا نجلس عندهم كم يوم عندهم ونحوسهم حوس ونرجع
ابتسمت حصه من خطرت على بالها خطه:متتتتى نروح؟؟
دلال:خليها تهدى الامور اول وخلينا نخطط يعني يوم يومين ونمشي
هزّت حصه راسها بالايجاب وهي لو على كيفها تمشي الحين لأجل تنّفذ خطتها فقط
« بعد مُرور يومين »
وصلو آل طلال لقصر آل زيد بعد ماعرفو باللي صار وقررو ينامون عندهم كم يوم لأجل يهدّون الاوضاع ويكلمون فيصل توجهو رابح وعياله لقسم الرجال وام فارس والبنات لقسم الحريم دخلو الحريم وسلّمو على الكل وتوجهت نوت مع البنات لغرفة الجود
دخلت نوت ومدّت لجود تنطق بدموع:جوجي
حضنتها الجود وانهارت من جديد:فرّقونا ، فرّقووووووووووناااا
طاحت بالارض تبكي بحسره وطاحت نوت معها:شوي شوي بسم الله عليتس
التفتت نوت ودموعها على خدها:جيبولها مويه
نزلت جوري تجيب مويه وطلعو البنات يتركونهم لحالهم
رفعت راسها نوت وطاحت انظارها على الادويه اللي على الطاوله ومن بعدها التفتت للجود اللي بحضنها تبكي بصمت:ليش؟ ، لييييشش تسوين كذا ليشش؟ مجنونه انتي مجنوووووونه عشان تاكلين مهديااات؟؟ جودددد لاتجننييننيي ماصدقنننااا تتركيينها تروووححيين ترجعييينن لهااا بدون علمم اححددد!!
دخلت جوري ومعها مويه نطقت بخوف:بسم الله نوت مو كذا شوي شوي!
اخذت منها كاسة المويه تنطق بعصبيه:اطلعي برا
هزّت راسها بأسى وطلعت تسكّر الباب تنزل تحت
التفتت لها نوت:طيب قولي لي لييش؟
نطقت الجود بهدوء:نوت ماعاد صرت اهدى الا لما اكلهم مااقدر ماااقدددر حسّوووووو فييينيي!
هزّت راسها نوت بالنفي:مووووو عذذذذذر جود موو عذذر انك تاكلين مهدّيات عشان تنسين وماتفكرين موو عذذر جود افهممي
نزلت دموعها تنساب على خدها:تعوّدت عليهم ماقدرر اتركهممم مااقددرر
قامت نوت وتوجهت تاخذ الادويه وترميهم بالزباله ( اكرمكم الله ) ، وقّفت الجود مسرعه تسحبهم من ايدين نوت:نوت مااقدر افهميني
ناظرتها نوت لثواني ورمت الادويه على الارض تنطق بصراخ:افهممممي افهممممييي ماانتي مجننننوووونه عشان تاكلينهممم جووود اصححححححي
جلست الجود على فراشها تناظر غضب نوت ببرود:طيب
ثارت براكين نوت من برودها:اقسم بمن احل القسم ان ماتركتيهم وقتها انسسسسسي ااااني بنت خالتتس!!
طلعت وسكّرت الباب بقوه تترك الجود تنهار على سريرها:ااااههههخخ تعبببببتت تعععععععبببت
نزلت نوت متوجهه للبنات تنطق بغضب:ماتدرون انتم عنها وش تسوووووووي!
فرح بأستغراب:وش مسويه؟
نوت بعصبيه:تاكل مهدّياااااات وادويه تححسسسب نفسسسهااا مثثلل المجججاننيين عشااان تاككككلللهممم!
انصعقو من كلامها لانهم فعلا ماكانو يدرون لانهم كل مايدخلون غرفتها تطلّعهم وتنطق بكلمتها المعتاده ( لحد يجيني ابغى ارتاح )
نوف بصدمه:كككييييف!
جلست نوت تهدّي نفسها:لحد يكلّمها خلّوها تعرف غلطها بنفسها
"قسم الرجال"
دخلت عليهم ام حصه وطاحت بوسطهم تبكي وحصه واقفه وراها تهدّيها صدّو كلهم ونطق فيصل:اعوذبالله ، علامتس يامَرَه؟
ام حصه ببكاء:تكففففى يابو راكان تكفى
عقد حواجبه فيصل:ابك علامتس تكلّمي
نطقت ام حصه بدموع:ز زووووجي طررردني طردني برا بيتتتي مالي غيرككم
فيصل بهمس:لاحول ولاقوة الا بالله
نزلت دموع حصه بتمثيل:تككفوون مالنا غيرككم تكفون
فيصل:ادخلو ادخلو عند الحريم الله يهديكم ادخلو
وقّفت ام حصه وسندتها حصه:ماننساها لكم
فيصل:روحي روحي الله يستر عليتس
بالفعل دخلو عند الحريم وجلست ام حصه على الكنب تبكي رفعو انظارهم وتوسّعت عيونهم من اللي يشوفونه قدامهم
فرح بصدمه:عزّ الله عيّنا خير!
ليان:الله لايحيتس يالحيّه
نوف:يمه يمه يالكذذذذب شوفو الحيّه تبكي!!
ريما بهمس لهم:انقمععععي انتتي ويّااهاا
فرح:اصصص اص نبي نسمع السالفه
نطقت ام حصه بدموع:زوججي طررردني تتككفوون مااالي غيركم تكففففوووون ساعددوووني
نوت بصدمه:الله لايحيتس
ام فهد:لاحول ولاقوة الا بالله ، البيت بيتتس حيّاتس
غاده:تكفين يمه لا
فتون:لقمنا
تقدّمت حصه لهم ونزّلت عبايتها وبان لها فستانها الضيق واللي مبّين مفاتن جسمها وشعرها اللي مسويته ويفي وميكاجها المُبالغ فيه:هاي بنات
فتحت عيونها فرح بصدمه:يااااووججججه الله كل هذا وابوها طاردهم؟
ليان:والله ماالومهم
حصه بأستغراب:بسم شفيكم بعدين وين الجود؟
نطقت فرح بصوت عالي الكل يسمعه:والله ياحصه شكلها من فعايلكم للناس انقلبت حالتكم كذا
رفعت راسها ام حصه:شتقصدين؟
فرح:قصدي واااضح وانتي عارفته وفاهمته زين وشهوله تستغبين ياام حصه؟
سكتت ام حصه ونطقت فرح:ليه سكتّي؟
شدّت لطيفه على عيونها تسكّت فرح وهمست لها ريما:انقمعي امي تناظر لتس!
التفتت لها فرح تنطق بغضب:وش سويت يعني ماقلت الا الصدق!
نطقت حصه تغيّر الموضوع:الجود وين؟
نوت:وش تبين فيها؟
حصه:لا اسأل بس
نوت:خلّي لقافتتس اللي مامنها فايده على جنب ومالتس دخل بالناس
سكتو البنات واستمّرو ام حصه وحصه يدّقون البنات بكلامهم ونطقت فرح بسخريه:الا يادلال ورا ماتسكتين المفروض تضيّمين عشان زوجتس طردتس ولا جايه تسولفين عندنا؟
لطيفه بعصبيه:فرررح عييب عمتتس احترميها
التفتت فرح لأمها:هي خلّت بها احترام؟ ، جايتنا تتبكبك عندنا هنا وبنتها متفصخه قدامنا عشان تغري عيالنا معروفه هالحركات ترا
انهت كلامها وطلعت بعصبيه متوجهه لغرفتها وقامو البنات وراها تاركين حصه لحالها
دخلو غرفة فرح ونطقت ليان:اقسسسم بالله كفووو
غلا:قوومووو لغرفة جود
بالفعل قامو ودخلو غرفتها يحكون لها اللي صار بالصاله وهم ماودّهم يعاتبونها على سالفة الادويه لأن اللي فيها مكفيها
التفتت الجود لنوت اللي صاده عنهم وفهمت زعلها منها ونطقت بحزن:طيب بنات عادي تطلعون برا ابغى انام
سكتو وطلعو من لاحظو ملامح وجهها اللي تدّل على الضيق وبالفعل سحبو نفسهم وطلعو برا الغرفه يتركونها لوحدها
« عند فهد »
فزّ من نومه وهو صارله اسبوع ماذاق النوم فزّ يلبس جزمته ( اكرمكم الله ) من بعد الكابوس اللي شافه ركب سيارته يمسك خط للديره وصل واخيرا بعد خط ٦ ساعات رفع جواله يشوف الساعه ٢:٠٠ بالضبط وقّف ورا القصر يدخل بهدوء تنسحب خطواته لغرفة الجود يفتح الباب بكل هدوء دخل يسكر الباب التفتت للباب بخوف تتوسع عيونها بصدمه امتلت محاجرها بالدموع من شافت فهد امامها نطقت بدموع وصدمه:فهدد!
ابتسم يهزّ راسه بالايجاب يفتح يديه لها فهمت مقصده ودخلت داخل احضانه تنهار بحضنه:اشتتقت لك فهدد ليش تروح ليش ليييييييش تعذببنّي لليييششش
نطق فهد:اسسف يانظر عيني اسسف اسف
رفع راسه يضع دقنه على راسها يهدّيها وطاحت انظاره على الادويه اللي متوسطه كومدينتها والواضح له انّها تاكل منهم ابتعدت عنه ونطق:عشاني؟
ناظرت عيونه لثواني وطال الصمت بينهم لعدّة دقائق تنحنح ومسك يدّها ينطق:تعالي
جلست على السرير وجلس امامها يتسألها:جاوبيني ، عشاني؟
هزّت راسها بالايجاب وتجّمعت الدموع بمحاجرها تنطق بغصه:كنت اكلهم من اول بس تركتهم لفتره ورجعت لهم الحين
ميّل رأسه يتأملها:ليش؟
رفعت اكتافها:لانهم هم الشي الوحيد اللي يهدّيني
فتح يدينه لها بمقصد انها تحضنه:طيب تعالي
بالفعل تقدّمت له تحضنه يسند ظهره على السرير وراسها على صدره يمسح على شعرها
نطق بهدوء:ارميهم
رفعت راسها تناظره ورجع يكرّر كلمته:ارميهم
ابتعدت عن حضنه توقف وتمسك الادويه تتأملهم بيديها ومن بعدها توجهت للزباله ( اعزكم الله ) ترميهم ناظرته تميّل راسها ببتسامه:رضيت؟
هزّ راسه بالايجاب يبتسم وتقدمت تجلس امامه تتأمل ملامحه المُنهلكه كان يتأمل ملامح وجهها ونزلت انظاره لثغرها تحديدا مسك فكّها يقرّبها منه يطبع قُبلته على ثغرها يحط حرته بثغرها يبلل ريقه ويلقط انفاسه منها مدّ يده لخلف عنقها يقرّبها له اكثر يتذوق عسل شفايفها اكثر يقبّلها بتكرار وبدون ملل استمر وضعهم لدقائق ابتعد منها من حسّ ان انفاسها بتنقطع من قُبلاته قرّب منها من شاف خجلها منه ومقصده يوّترها نطقت بخجل:اقول عاد فلّيتها!!
ضحك من خجلها وملامحها اللي اختفت من الخجل ونطقت بعدها من استوعبت وضعهم:دققيييقه ، موضوع طلاقنا ايش صار عليه وكيف انت معي؟
ضحك من استوعبت متأخر:بعد اييييششش
تقدمت له تنطق بجدّيه:فهد اتكلم صدق
تعدّل بجلسته يبتسم لها:طلاقنا باطل يابعد فهد
توسعت محاجرها بصدمه:كذااااب
ضحك يردف:اي بالله اني صادق
هزت راسها بعدم تصديق:مستحيييلل كيفف كيف؟
رفع ظهره يبدا يشرح لها السالفه من اولها لأخرها:اول شي انا طلقتتس طلقه وحده بس ثاني شي طلاقنا باطل لانه بالغصب
الجود بتركيز:الاولى كيف انا ماركزت فيها؟
ضحك على فهاوتها:لأنتس فاهيه يابعدي المهم ارتاحي انتي للحين على ذمتي طلاقنا باطل لانه بالاجبار
نزلت دموعها تهمس:اففف الحممدلله
تقدم يرّجعها لحضنه:صايره دلوعه بزياده علامتس؟
رفعت انظارها له تردف بخوف:خفت ، خفت تتركننني!
نطق يطمّنها:انا قلت لتس مايبعدني عنتس الا الموت!
ابتسمت:بعيد الششر!
تنهد من تذكر سبب جيّته هنا قبّل راسها:يلا استودعتتس الله انا راجع يابعدي انتبهي لنفستس ولا تقولين لأحد اني جيت
نطقت بحزن ودموعها انسابت على خدها:فهد لا تكفى الله يخليّك لاتروح وتخليّني
رجع لسريرها يجلس امامها يمسح دموعها:دموعتس جاهزه
مسكت يدينه تقنعه مره ثانيه:فهد تكفى عشااني تكففى
حضنها وهو ينطق:ياشيخه لعنبو اللي يتركتس!
مدّت يديها ورا ظهره تشدّ على ثوبه تهمس:نام عندي وجهك تعبان
ابتسم يهز راسه بخفه وتقدم ينسدح يحاوط خصرها بكلتا يديه ويحط راسه على صدرها تمد اناملها تلعب بشعره وهي بقمّة سعادتها واريّحيتها حسّت بأنتظام انفاسه دليل نومه ابتسمت وعدّلت جلستها بحيث انه يرتاح اكثر وبعد دقائق قليله غطست بنومتها وراه ينتهي ليلهم وهم بجانب بعض بكل اريّحيه واطمئنان
" اليوم التالي "
تحديدًا الظهر
فتحت عيونها بأنزعاج من أشعة الشمس فزّت تتلفت حواليها تتفقّد فهد تشوف مكانه خالي نطقت بخوف:فهدددد
طلع فهد من دورة المياه ( اكرمكم الله ) يمّسح يدينه بعد ماتوضّى لأجل يصلي ، نطق ببتسامه:عيونه
تنهدت بأرتياح من شافته واقف امامها نطقت بخوف:خوّفتني!
ابتسم:بسم الله عليتس
ابتسمت توقّف وتتجه لدورة المياه ( اكرمكم الله ) تاخذ لها شاور وتتوضى طلعت تصلي فروضها
انتهت من بعدها تقدمت لتسريحتها تنّشف شعرها تناظر فهد من المرايه تشوفه جالس على الكنبه يفتح جواله ينطق لها:يوووه تدرين ان صارلي اسبوع مافتحت جوالي
ابتسمت:تتغلّى علينا؟
ضحك يوقف يمدّ يده لها يقبّل خدها ، نطقت بصدمه:بننزل تحت!!
هز راسه بالايجاب وشهقت تنطق:يمممه فهد طيب لو بابا شافنا بيذبححك والله بيذبحك
تنهد من الهم اللي عليه:خالي فيصل ماهو موجود تحت اكيد واللي تحت بنّفهمهم ان طلاقنا باطل وانتي للحين على ذمتي وخالي فيصل ان شاءالله امره محلول
نطقت بتوتر:طيب يلا بس بشويش مو تصير مطفوق وترّوع عمتي!
ضحك ينطق بتهديد:كلمتتس هذي بحاسبتس عليها بس مو الحين
مشت معه تفتح الباب تهمس له:الله يقويك ياحبيبي
عض شفته:وكلمتتس هذي مابتعدّي
ضحكت تستفزّه:اوكيه حبيبي
قرص خدها والتفتت تضرب كتفه وتنحنح بتعدّل بوقفته يرفع صوته ينطق:ياوووولد تغطّو
فزّت علياء من مكانها:يممممه يمممه صوت ولدي والله صوووته
تقدمت لها لطيفه تجلّسها:يابنت الحلال استهدي بالله تتوّهمين اجلسي اجلسي الله يهديتس
دخلت الجود عليهم ووسعت عينها من شافت حصه جالسه بجانب امها همست بنفسها:الله لايحيّتس يالسلقه!
وجهت انظارها للكل تنطق بهدوء:تغطّو فهد بيدخ...
قاطعتها علياء من شهقت:والله قايله لكم هووو هوو مااتوهم ويينننه وينه
دخل فهد يتنحنح وتقدمت له علياء تحضنه وتبكي ضربت صدره بيدها تعاتبه:لييييششش تروح بدون ماتقول لي ليشش!
قبّل راسها يمسك يدّها يجلّسها ويجلس بجانبها ينطق:ياُمي اهدي اهدي افهمي الموضوع هذاني قدّامتس مابي الا العافيه
بالفعل هدأت علياء وتقدمت الجود تجلس بجانبه وتقدمو خواته يحضنونه وهمست ليان بأذنه:انا اوريك يالكلب
ضحك وقبّل راسها ونطقت حصه بدلع:الحمدلله على سلامتك فهد ياروحي
رفعت حواجبها الجود تنطق بغيره يسمعها فهد:ياروحي؟
ضحك فهد ومسك قلبه بتمثيل:اخخ ياروحي
ضربته الجود:وجعااااه ان شاءالله
التفتت لحصه ونطقت بحدّه:وجع ان شاءالله انتبهي لكلامتس والزمي حدودتس!
تكلمت حصه بدلع ولكن قاطعتها ليان:اسكتي فهد بيتكلم
ضحكو البنات وسكتت حصه بغيض وتكلم فهد:اسمعوني ، موضوع طلاقي انا والجود لحد يجيب طاريه لان الطلاق باطل لانه بالاجبار هذا اولاً ثانيًا انا طلقت الجود طلقه وحده يعني هي للان على ذمتي وبالنسبه لموضوع خالي فيصل بينحل ان شاءالله وانا بكلمه كلامي مايوصل لخالي فيصل اعتبروني ماني موجود لما تهدى الاوضاع اكلم خالي فيصل بنفسي انا
نطقت حصه بغيض:وانت ليش ميّت عليها مطلّقها وماخذ لك وحده زينه غيرها ترى الشرع حلل الاربع!
صدّ فهد واحتدّت ملامح الجود تمسك بيالة الشاهي وترميها على حصه ينحرق جلدها بسبب حرارة الشاهي شهقت ام حصه:يممه بنتي يالحقيييررره عشانها قالتتت الصصدق انهببلتتتيي الله ياخخذذذتتس!
همست فرح:اووووففف تستاهل
قامت الجود متجهه لغرفتها ونطقت ام حصه:الـ**** الله ياخذها الحقيره حرقت بنتي وراحت والله مااخ...
قاطعها فهد من نطق بحدّه:بسس عاد بنتتس واخذت جزاها مااسمح لتس تتكلمين على الجود بهالألفاظ القذره قدامي لأني بكسر خشم من يتكلم على الجود بالسوء سواءً كان كبير ولا صغير ومابحترم احد!
انهى كلامه وطلع من المجلس متجهه لغرفة الجود
دخل الغرفه يجلس بجانبها ترتمي بحضنه ينطق بهمس يهدّيها:بس بس ياابوي ماصار شي
شدّت على حضنه تبكي بحرقه:قهرتني قهررررتني ، قهرررررتنننننييييي حررققتنننننييي
مسح على شعرها:خلاص يابعد طوايفي كلها هدّي حصل خير
" بمجلس الحريم "
تقدمت لهم فرح وبيديها كريم حروق رمته على الطاوله امام ام حصه تنطق بسخريه:اقول عاد لاتسوين نفستس مدلعه ياما انكوّينا وحنا وراعين محد قالتس تحشرين خشمتس بشي مايعنيتس جزاتس وجاتس عاد انطمّي ازعجتينا
نطقت حصه بدلع:ماماا طلعيها برا مابغى اشوفهاا
ام حصه بعصبيه:اطلعي بررا اطلعي
جلست فرح على الكنبه بجانب نوت تنطق بعناد:والله مااطلع حلوه ذي تطردني من بيتنا عشان هالورعه اقول انتي اللي تطلعين ماهوب حنا
ام حصه:قليلة ادب مدري على منهو طالعه!
فرح:شتق....
قاطعها دخول ابو فهد وفيصل وابو دانه
عقد حواجبه ابو دانه:خير ان شاءالله شهالازعاج شصاير!
ام حصه بغضب:الج....
قاطعتها ليان اللي نطقت:معليش ياخالي ازعجناكم بس حصه الله يهديها طاحت من يديها بيالة الشاهي وانحرقت
ابو دانه:يعني مابه شيٍ كايد؟
ام حصه:كذ...
ليان:لا لا ارتاحو
هز راسه بخفه وطلعو بعد ماتطمنو
التفتت ام حصه لليان:خير ان شاءالله شهالكذب!
التفتت لها فرح:انا قايله لكم لو تسوّون شي للجود بكون انا اول وحده بوجيهكم خلّوني اسمع وحده رايحه تقول الجود حرقت حصه وقتها بحرقكم كلكم ولا يرّف لي جفّن!
ام حصه:احترمي نفستس بس مدري على وش تدافعين عنها هالنسره
شمّقت لها فرح وهي ببالها مليون خطه وفكره
طلعت لطيفه من المجلس تفتح جوالها من شافت رسايل التهديد اللي تجيها يوميا من طليقها ياسر نطقت بخوف:يارب مايصير شي لعيالي يارررب
" عند قسم الرجال "
العيال جالسين يسولفون مع بعض والاباء كذلك غمّض عيونه فيصل بقوّه من ألم الصداع اللي ينّهش رأسه
تقدم له راكان بخوف:ابوي بك شي؟ تسمعني؟
فيصل بألم:ماعليّ خلاف
راكان بتأكيد:ابوي متوّكد؟
هز راسه فيصل:معليك قلت لك ماعليّ خلاف
تقدم لهم رابح:بسم الله عليك يابو راكان علامك؟
نطق راكان وهو يقرأ قران قاطعه فيصل من نطق بعصبيه والم:اسسسكت اااسكتتت
سكت راكان بأستغراب ووقف يمسك فيصل ويمّشيه ينطق بقلق:ابوي بك شي انا متوّكد امش معيَا المستشفى نشيّك عليك
بالقوّه وبعد مُعاناه ومحاولات اقناع من الكل اخيرا فيصل ركب السياره بالغصب
توجهو للمستشفى ودخل راكان عند الدكتور يقوله السالفه بأكملها ونطق الدكتور:تمام انا بشيّك عليه وبنعملّه فحوصات
هز راسه راكان بالايجاب وبالفعل شيّك عليه الدكتور وطلع لراكان:والدك ماشاءالله مابه الا العافيه والصداع شي طبيعي ممكن من الارق والارهاق لاتهملوه خلّوكم معه وقدّامه العافيه ان شاءالله
ابتسم راكان:ان شاءالله يعطيك العافيه يادكتور ماقصّرت
طلع فيصل وهو ينطق بعصبيه:قلت لك ماعليّ خلاف
هز راسه راكان:معليش معليش خلاص طالعين
طلعو راجعين للقصر وتجمّعو الاباء على راكان يسألونه عن حالة فيصل وكان جواب راكان "ماعليه صداع طبيعي شويّات ويخفّ ان شاءالله"
« عند ياسر »
اتصل على ام حصه:الو
ام حصه:هلا ياخوي
ياسر:الباب الخلفي افتحيه بسرعه
ام حصه:يلا يلا برسل فرح للمطبخ
ياسر:بسرعه
قفل الاتصال وتنهد يلبس قناعه الاسود ويوقّف سيارته لمكان بعيد عن محطّة الانظار ينزل من سيارته يتجه لقصر آل زيد يوقّف امام الباب الخلفي تحديدا
"عند ام حصه"
فرح اذا معليتس امر جيبي لي مويه دافيه من المطبخ عشان حرق حصه
تنهدت فرح تنطق بداخلها:ياليل النشبه
ام حصه:فرح بنت سمعتيني؟
فرح بكرهه:ايه اييه سمعت سمعت
نزلت فرح وابتسمت ام حصه بخبث تنطق بهمس:جاء دورتس يالحيّه
"عند فرح"
نزلت تحت وتوجهت للمطبخ تطلع كوب تحطّه على الطاوله وكانت بتطلع برا المطبخ ولكن استوقف خطواتها
ووضع السكين على عنقها ويدّه على فمها بحيث لاتصرخ او تطلّع صوت تجرّح عنقها من آثار السكين الحّاد حملها بين اياديه يطلع خارج القصر بأكمله يفتح سيارته يرميها وسطها وينطق بفرحه:اخييييرررا
ركب السياره تحت صرخاتها بمُحاولة تركها ولكن كانت تصرخ بلا فائده وبلا جدوى سكتت من سمعت صوت ام حصه هي للأن ماتدري هي مع مين ماتدري مين اللي ماخذها ماتدري هي وين بتروح لكن اللي تعرفه انها طاحت بفخ من شخص والاكيد ان ام حصه هي من دبّرت الوضع بكت بقهر وهمست:الله ياخذذككمم رججعونني

اعتذر عن التأخير المُفترض اني انزلكم مع الانستا ولكن انشغلت اعتذر مره ثانيه اعطو البارت حقّه ولاتنسون النجمه🩶🩶
ضيفوني بحسابي الانستا:jaa_f77