لاجيت ابكتب عن جمالك تراجعّت وين بيردّني في خيالي

~ ٦ ~

"اليوم التالي"
تجمّعو كلّهم على سفرة الفطور والبنات لابسين لبسّ تخصصهم وبجانبهم اللابكوت حقّهم وراكان وفهد وتركي لابسين الزّي المّخصص لدوامهم كانو جالسين ياكلون طاحت انظار جود علّى ريّان وزياد الي نايمين علّى بعضّهم انفجرت جود ضحك وطّاحو ليان وفرح يضحكون معها وجّه الكل انظاره لريّان وزياد وطاحّو ضحك عليهم ابتسم فهد وهو يشوف جود تضحك من كل قلبها وارتاح لانّها نسّت الي صار معها فتّح عيونه ريّان وهو يشوف زياد النايم علّى كتفه وبدّل انظاره لهم وشافهم متسدّحين ضحك على اشكالهم دّق زياد بيدّه لأجل يصحى وبالفعل صحى وطّاح ضحك معهم بعد الضحك والسوالف والأستهبال اتجّه الكل لدوامه
«عند فهد وتركي وراكان»
"بالدوام"
عناد:اارحبو اخباركم علومكم يارجال؟
فهد:من يرّحب يبقى والله نحمدالله علومك انت؟
تركي:ابقه يامرّحب،الحمدلله اخبارك انت
راكان:تبقى،بخير دامك بخير طمّنا عنك
عناد:الحمدلله على ماتحبون،ترا عندنا اجتماع مع الفريق اول سهم بعد شوي
راكان:لية صاير شي؟
عناد:عندنا مهمة بعد يومين مدّتها شهر ونص
تنّهد فهد:متى يبدأ الاجتماع؟
عناد:مدري والله
رفع جواله وشاف الساعة ونطق:يلا بدأ الاجتماع
تركي:يلا امشو
*عناد وسهم من اعز الاخوياء لفهد والعيال*
"بالاجتماع"
سهم:السلام عليكم اخباركم يارجال
اختلفت ردودهم بـ:بخير،نحمدالله ونشكره،على ماتحب
سهم:دوم عليكم العافية ان شاءالله مالكم بالطويلة طبعا عندكم مهمة بعد يومين بالضبط مدّتها شهر ونص وطبعا انا بكون معكم لازم يتمّ القبض على عصابة ترويج مخدّرات ولازم تكونون حذرين جدًا وتنتبهون لان العصابه هذي قوية والحذر واجب وبيكونون معنا الفريق الاستخباراتي والقوات الخاصة انتبهو لانفسكم ولاترمون نفسكم للخطر وراكم اهل وناس والله يوفقنا وياكم اكمل كلامه ومن بعدها انتهى الاجتماع
طلعو من الاجتماع بعد ماانتهى واكملّو عملهّم
«بالجامعة،عند البنات»
ليان:بنات فهد عنده اجتماع وراكان وتركي بعد مين بيجينا؟
فرح:عبدالله يتأخر بداومه وشسنوي؟
جود:اتصلي على أبراهيم اذا فاضي
ليان:صحح نسيته
فرح:مجنونه اول مره اشوف وحده تنسى اخوها!
ليان:لاتسبين انتي المجنونه يالحماره
شهقت فرح وعلى وشّك تنطق وسُرعان ماقاطعتها جود من نطقت:خلااص عااد صدّعتو براسي القاها منكم ولا من الحر والتفتت لليان ترّدف:وانتي اخلصي اتصلي على اخوتس
ليان بتأفف:طيب يالنفسيه طيب
اتصلت على ابراهيم واخذهم واتجّهو للبيت
"12:30ظهراً"
تجّمع الكل على الغداء وبعد السوالف عمّ الصمّت ونطق فهد:اليوم صار معنا اجتماع انا وراكان وتركي وطلعت عندنا مهمة بعد يومين مدّتها شهر ونص
ابو فهد:زين الله يحفظكم ياعيالي وانتبهو لنفسكم
ام فهد:وشهي المهمة عشان وشو؟
تركي:فيه عصابة مروجين مخدرات وبنلّقي القبض عليهم
ام راكان:يعني بس انتم؟
راكان:لا يمه معنا فريق الاستخبارات ودعم القوات الخاصة والفريق اول سهم ومعنا فرقتين من العمل
فيصل هز رأسه بخفه:زين انتبهو لنفسكم ولبعضكم والبسو سترتكم ياعيالي الله يحفظكم ويردّكم سالمين
نطقو العيال بـ:امين
بعد الغداء الكل راح يأخذ له قيلوله بأستثناء فرح وجود وليان
«عند جود وفرح وليان»
جود:لييلي بتكلّمين فهد اليوم عن الموضوع؟
ليان:تصددقين نسيتت خلاص اجل بروح اكلّمه
فرح:يلاا بسرععهه نبي نشوف مشاعرهمم
ليان:يلا برسلّ له وبشوف اذا صاحي او راقدّ
وبالفعل ارسلت له وردّ عليها بالايجاب وتوجّهت له بالجلسه الخارجيه
«عند فهد»
بعد عدّة دقائق تقدّمت له ليان تردّف:فهد بتكلم معك بموضوع بجدّيه بعيدًا عن المزح
فهد بتوتر:وترتيني ليان فيه شي؟
ليان:فهد وش شعورك تجّاه جود؟
انصدم وتجمدّت ملامحه كيف عرفت انّه يحبّها قاطعت افكاره من نطقت:تراني سألتها وجاوبتني بس ماراح اقولك الا لما تقولّي!
تنّهد:وش اقولتس ليان احبها حبّ اوّل مره احبّ احدّ بهذا الحبّ بس بمُجردّ صار بينّا كمّ موقف هزّت مشاعري وقلبتها فوق تحت مشاعري اتجاهها مشاعر حبّ احبها وحيييل بشكلّ ماينوصف ليان مدّري كيف اشرح لتس لكن احبها مره وماارضى شي يمسّها حتى لمّا دريت ان محمد ماخذها ثارت براكيني وجنّت جنوني وعيوني قلبت نار وشرار من قوة العصبية والغيرة عليّها احبها واخاف عليّها من اي شيء يأذيها او يمسّها ماقدّ حبيتّ احدّ بهذا القدّر مشاعري اتجاهها مشاعر حبّ صادق ويشهدّ علّي ربّي انيّ حبيتها بكلل مافيني بس افعالها وحركاتها وكلامها وضحكتها جذبتني لها مااعرف كيف بس احسّه سحر ومااجمله من سحر احببها اكثر من نفسي واخاف عليها منّي اخاف ااذّيها او ازّعلها او اضايقها مقدر ليان مقدر اشرح احبها بكل مافيني كلّي احـبهـا!
تغورقت عيون ليان بالدموع وهي تشوفهم يوصفون شعورهم اتجاه بعض لها وهي فعلاً ماقدرت تتكلم من لطافتهم مع بعض وتناسقهم اخوها واقّرب النّاس لها والي تعتبرها امها مو بس اختها تحبّ اخوها تحس بشعور غريب بس كانها فراششه وهي تشوفهم يحكون لها عن مشاعرهم الي يحملونها لبعض كميية لطافة مو طبيعييه تنهدت:طيّب لو قلت لك انها تبادلك الشعور وامس قعدت تقولّي عن مشاعرها الي تحملها لك ؟
ابتسم فهد بفرحه واردّف:صصدددق يععنني تتحبني ههي بععد صدق ليان تكفين لاتكسريني لاتكذبين علي بحبها!
ليان:العن ابو بليسك اقولك امس سهرنا الليل كلّه وهي تقولنّا عن مشاعرها لك وانت تقولي لاتكذبين!
فهد:تكفيين ليان قولي لها انيّ احبّها تكفييننن
ليان:ااببشر والله واساسا هي الي قالتلي اجي واسولف معك عشان تعرف مشاعرك اتجاهها بس والله يافهد لو تسّوي لها شيء ولاتزّعلها ولاتتضايقها بكون انا اول وحده بوجهك تفهم امس البنت تقطّعت بكي خايفه انك تكسرها!
فهد:والله اني ماازّعلها وانّي لااحطها بقلبي قبل عيوني
ليان:ياحضككم في بعض صدق امس قعدّت تقولي سولفي لي عنّ شخصيّه فهد ابي اعرف شخصيته وانا ماقصّرت، لكن ها ياويلكم لو تجيكم بنت وماتسمونها على اسمي لاتنّسون تراني انا الي جمّعتكم!!
فهد:وجعع ياليان وجع تو الناس خليني اعتّرف لها بعدين يصير خير
ليان:مستعجل اثقل اثقل لاتفشلنا قدامها يالمشفوح!
فهد أشّر على نفسّه ونطق:انا مشفووووح!!!
هزت رأسها بالايجاب ونطقت:اييه مشفوح وش تبي تسّوي يعني؟
قامّ فهد ونطق:بعلمتس الحين وش بسّوي
ركضّت ليان للصالة وفهد وراها يركض بشماغة ورابط ثوبه على خصره  وصلت للصالة وشافت جود جالسّه على جوالها ركضت لها وتخبّت وراء ظهرها ونطقت وهي تلّهث:انا بوجهتس يابنت خالي!
جود:اابتس ابششششررري ببي!!
دخل فهد للصالة وماانتبه لجود ونطق:يالحماره اطلعي!
توسّعت عيون جود وهي تشوف فهد قدامها:طلّعت ليان من ورا ظهر جود ونطقت:انا بوجهها وش بتسوي؟
تنحنح وصدّ:عشانتس بوجهها ولا كان محطّتس بالشماغ الي معيه
جود:وش مسويه انتي؟
ليان ببراءة:ماسويت شيء وأشرت على فهد:بس هذا يحبّ يفلّم
شهق فهد:يالكذوب اجل مين الي يقول تزوجو وجيبو بنت سمّوها على اسمّي عشاني جمّعتكم هاه مين انا!
ضربت جبهتها ليان:كبّ العشاء الحمار
هوّش لها فهد:انقلعي انتي الحماره احترمي انّي اكبر منتس على الاقل!
وجّهو انظارهم لجود الي كانت ميته ضحك على هوشتهم
ليان:لاتضحكين ترا تهاوشنا عشانتس!
جود:اما عاد عشاني وش مسويه انا؟
غمزت لها ليان ونطقت:تعرفين بعدين من حبيب القلب
توسّعت عيونها ورمّت عليها الشبشب حقها وتفادتها ليان
ونطقت وهي مبتسمه:ياربي جوجو يازين غمازاتس اضحكي داايم
جود:افف احبتس لولي
فهد بهمس:ياليتني ليان!
ليان:ياربي وانا اموت عليتتسسس
فهد:هيه بنت استحي !
ليان:خييرر انت وش تبي يالرجل الغيور كيفي!
فهد:طيّب اوريتس وراح
نطقت جود:حرام عليتس زعلّتيه
نطق فهد من ورا الباب:اي حرام عليتس زّعلتيني!
فزّت جود بخوف ونطقت:يمه هذا ماراح؟
انهارت ليان ضحك عليها كمّلو يومهم عادي ججددا
"اليوم التالي"
الساعه7:00مساءاً
-عند فهد-
ارسلّ لجود تجيه بالجلسه الخارجيه وفعلا ماهي ثواني الا تقدّمت له تجلس بالكرسي الي بجانب كرسيّه تردّف:هلا فهد بغيتني؟
تنّهد فهد وهو مو عارف من وين يبدا بكلامه:بقولّتس شي واتمنى انّتس تفهميني وتفهمين مشاعري أنـا أحـبـتـس جود أحـبـتـس بـكـل مـافـيـنـي وفـعـلا انا مـا حـبـيـت احـد مثلّ حبي لتس بمُجرد ماصار كم موقف بيني وبينتس وانتي ماتطلعين من بالي نهائياً جود انت احبتس حبّ صادق ماهوب حبّ لعب ومزاح حبيتس وهمتس وعشقتس ماني عارف كيف اوصلّتس مشاعري لكن انا متأكد انتس فاهمتني وفاهمه مشاعري المُلخبطة وبأذن الله بتصيرين حلالي وزوجتي وحبيبتي وام عيالي برجع اعيد وبقعد اكررها مره ومرتين وثلاث ومليون أنا أحبتس وأهيمتس وأعشقتس انتي مو بس ضلع من ضلوعي انتي ضلوعي كلها واخاف عليتس من اي شي يأذيتس واخاف عليتس من نفسي اني اضايقتس ويشهد علي ربّي اني أحبتس بكل مااوُتيت وبكل صدق وبكل مشاعر
لانت ملامح جود بصدمة اخذت نفس وزّفرته:وأنـا احـبك يـا فـهـد احبك واهيمك واعشقك واخاف عليك من مغز الابره بس تكفى لا تكسـرني بحـبك لـي يـا فهـد!
فهد:ابتس لعنبو الي يكسرتس ابشري بي وخوذي منّي وعد انّي مااكسرتس يابعد روحي انتي!
ابتسمت جود:واثقه فيك وانتبه لنفسك بكره انتظرني لاتروح بودّعك
فهد ابتسم بخفه:ابشري يابعدي
ابتسمت له جود:تبشر بالخير يالله تبي شيء قبل اروح؟
فهد:ابي سلامتس
جود:مع السلامة كلّمني بالجوال
فهد:الله معتس ابشري
دخلت جود وتنّهد فهد وكأنه انزّاح عنه حمل كبير وحمد ربّه مليون مره انه اعترف لها وطلعت تبادله مشاعره تنّهد وراح ينام...
اما عند الجود الي دخلت وهي ميته من الوناسه تنّهدت بفرح شافتها ليان الي كانت مع فرح:ماشاءالله وش سرّ الابتسامات هذي؟
جود بفرحة:تخيّلي ليلي اعترف لي انه يبادلني نفس الشعور!احس بموت من الوناسهه
ليان:ششفتتي قلتت لتتسس واساسا رحت له المغرب امس واعترف لي بكلل شيي
فرح:كذذذااببهههه افف يعني انتصر الحب اخيرا بتتزوجون!!
ليان:انتي هيه يالمجنونه روحي نامي بس ماامداهم يعترفون لبعض مستعجله!
شمّقت لها فرح:انتي المجنونه وع كيفي خليني اتكلم انتي شدخلتس الحين بفهم؟
كشّت ليان عليها وصدّت
جود بضحكة:اخخ منتس يافوفو مستعجله كثير وراتس اصبري المهم انا بروح انااام بكره ورانا فاينلل
ليان بتأفف:لاتذكريني يعع مالي خلقق
فرح:اافف حتى انا ماذاكرتت
جود:القمو المهم يلا تصبحون على خير بموت من التعبب
ردّو بـ:وانتي من اهله

انتهى
لاتنسون النجمة✨✨