القُلُوبُ علىٰ أشكالِها تَقع②

البارت 1

رواية / القُلوبُ علىٰ أشكالها تقع ¦الجزء الثاني.
بقلم/ مريم طارق (الحِبرُ الأسود)
البارت 1 .....

"اليوم خسِرتُ آخر صديقه يا نبيلة ، ڪنتُ أعتقدُ أن نهَىٰ تختلف عنهُم ولكنها أثبتت لي غبائِي! لا أدري لمَ ينبذونني، رُبما كنتُ مُختلفه، هادئه، أحب العُزلة، لكنني إنسان! أحتاج إلى أحدهم، أحتاجُ من يُواسيني، أحتاجُ من أسكن إليه.. سأجدُه يوماً.. نعم أنا لستُ سيئةً ولا متخلّفةً كما ينعتوني! أنا فقط مُختلفه، ما كان أحد ليفهمني غيرك، إشتقتُ إليكِ كثيراً " قدر

أغلقت مُذكرتها بشُرود وهي تُفكر في أشياء عدة، كانت ملابسها السوداء تتطاير مستجيبةً لتلك النّسمات العليلة، لم يكُن يظهر منها سوى عيناها الزرقاوتان، من يراها بتلك الملابس يجزِم أنها في السبعينات، لكنها في الخامسة والعشرين من عُمرها...

ـ برضُو مُصمّمة تقعدي لوحدك في النادي يا قدر.
قدر: أبي! عرفت منين إني هنا؟
يوسف: يا بنتي أنا شعري شاب، يعني مش محتاج حد يقولي بنتي رايحه فين.
قدر: ربنا يبارك في عمرك.
يوسف: مالك بقا ايه الحكاية؟
قدر: والله مفيش حكاية ولا حاجه، أنا بخير الحمدلله.
يوسف: عليا برضو.
قدر بتنهيده: هقولك؛ نُهى صاحبتي، قالتلي أنا زهقت منك ومش عاوزة أعرفك تاني بس كده.
كانت تبتسم من تحت نقابها ببلاهه..
يوسف: بتضحكي علىٰ ايه يا هبلة.
قدر: أنا بقول يلا نروح قبل ما مراتك تيجي تقتلني وتقولي خدتي جوزي.
يوسف: بتت متتكلميش عن مراتي كده.
قدر: يلا يا حج ربنا يهديك إنتَ ومراتك.

...

ـ بقولك أنا عاوزه أتطلق من إبنك.
حمزة: ليه بس يا سما يا بنتي..ده أنا حتى بحبك.
سما: والله ما خدت حاجه من الجوازه دي غيرك يا قمر.
ضياء بغضب: أبوياا ومراتي، سما الله يسترك إدخلي وكفايه تفاهه.
سما: جراا ايه يا جدع ما تهدى كده وتقول هديت، وبعدين أنا اللي زعلانه وجايه أشتكي.
ـ زعلانه ليه بس يا سماسيمو لا عاش ولا كان.
سما: إسرااء القمرر وربنا معرف إنتي أمّه إزاي، والله اللي يشوفك يقول أخته.
حمزة: لأ بقولك ايه، بلاش تعاكسي مراتي أنا راجل دمي حامي.
ضياء بغضب: طب خلصتو.
حمزة: إهدى يا ضياء محصلش حاجه، معرفش إنتَ عصبي كده لمين.
إسراء: من شابَه أباه فما ظلم.

(إنتو عارفين الشخصيات من الجزء الأول، تعالو أعرفكم علي أولادهم)

قدر...«بنت يوسف»
فتاة عزباء عُمرها 25 سنه، متخرجة من ڪلية فنون جميله، تعشق الكتابه والقراءه، تميل إلى الوحده، وإنطوائية إلى حد كبير، عيناها زرقاوتان، وشعرها يصل لأسفل ظهرها مُنتقبة وتحفظ القرآن كاملا.

سما...«بنت يوسف»
أخت قدر ولكنها تختلف عنها تماماً، عُمرها 23 سنه متخرجة من كلية تجارة، عيناها أرجوانيتان، تزوجت قبل أختها من ضياء على الرغم من أن قدر هي الأكبر، إجتماعيه لحد كبير، وليست جديّة في أي شيء، مُنتقبة وتحقظ القرآن كاملا.