القُلُوبُ علىٰ أشكالِها تَقع②

البارت 12

رواية / القُلوبُ علىٰ أشكالها تقع ¦الجزء الثاني.
بقلم/ مريم طارق (الحِبرُ الأسود)
البارت 12....

سما: بابا حمزة، فجر.. إتفضلووو، ضياء مش هنا.

حمزة: عارفين، إحنا أصلا جايين من وراه.

سما بضحك: ايييه، رسوني ع الحوار.

إلتفت حمزة إلى يدها الملفوفة بضماد أبيض...

حمزة: سما مال إيدك.

إبتسمت له قائلة..
ـ متشيلش هم، وقعت عليها إمبارح، إنتَ عارفني بقا شقية وكدهوت.

ضحكت فجر بصخب وهي تمسك بطنها...

ـ يا سمسم انا مبيتبلش في بقي فوله، قولتله على كلل حاجه.

عبست سما قائلة..
ـ عيله رخمة.. احمم إنتَ يعني عارف كل حاجه.

إبتسم حمزة بغرور..
ـ يا بنتي أنا زارع جواسيس في كل حته، المهم إحنا إنهاردة لازم نعلم ضياء الادب، أولا هنخرج نتفسح طول اليوم، وبعدين يا سما هتروحي عند يوسف تقعدي مع أهلك يومين لحد ما يستوي ويقول حقي برقبتي.

سما بقلق...
ـ أيوه بس أنا مش هعرف أخرج من البيت من غير إذنه، مهما كان ده زوجي وليه قوامه عليا.

حمزة بحب..
ربنا يبارك فيكي يا سماسيمو، والله ضياء ده معاه جوهرة، إتصلي عليه وقوليله إنك خارجه معايا، ولو إعترض هاتيهوولي.

سما: بالرااحه بس علي نفسك، إنتَ مُتحمس اوي.

فجر: أنا داخله المطبخ آكل، عشان أبي مدناش فرصه نفطر.

حمزة: لأ محدش ياكل، أنا جايب رنجه وفسيخ، وهخرجكم خروجه مُعتبرة.

سما: بجدددد والله العظيم إنتَ في قلبي.

حمزة: أنا ولا الفسيخ؟

سما: الفسيخ طبعاً.

.....

عمر: ولا يا ضياء إنتَ إنهاردة مش معايا خالص، حتي السكرتير زعقتله، وماشي تشخط في الكل، إهدى على نفسك شويه، او إحكيلي مالك.

ضياء: والله يا عم عمر شويه حاجات كده، دعواتك.

عمر: أنا كل ما أتكلم معاك أحس إنك حمزة، نفس أسلوبه زمان.

ـ آسف لو قطعت وصلة الذكريات دي، بس في ستين ورقه عاوزين يتمضو، وعندنا إجتماع كمان نص ساعه.

عمر: والله يا عمير الواحد تعب من الإجتماعات ووجع الراس ده.

عمير: أنا كده كده فرحي كمان شهر، وهسافر سنة عسل.

ضياء: هما مش كانو بيسافرو شهر عسل.

عمير: أنا هاخدها سنة.

طُرق الباب ليدخل عامل الكافاتيريا ومعه عصير مانجو...