رواية / القُلوبُ علىٰ أشكالها تقع ¦الجزء الثاني.
بقلم/ مريم طارق (الحِبرُ الأسود)
البارت 10.....
كانت تودع الأطفال أثناء مغادرتهم وتوصيهم بالحفظ الجاد...
فاطمه: آآه يا غضروفي تعبت.
ـ مال غضروفك يا طمطم.
تحدث عمير وهو يشرب عصير القصب المفضل بالنسبة له بالشاليموه...
فاطمه: عُمير! إيه اللي جابك.
عمير: كنت فاضي فقولت أرخم عليك.
فاطمه: كده تجيب قصب من غيري مكنش العشم.
مد لها يده بالكوب لتلتقطه بفرحه...
فاطمه: مش هتقولي جاي ليه.
قالتها وهي تمتص العصير من ذلك الشاليموه...
عُمير: جاي اقولك مش هأجل الفرح أكتر من كده باقيلنا شهرين جاهزين وإنتِ بتأجلي بطريقه ملهاش لزمه، علفكره أنا مش هخطفك من أهلك، إحنا هنستقل بس، وبعدين ما ضياء إتجوز معاكم أكيد مش قاعد جمبكم 24 ساعه، ومستقل مع مراتو، صدقيني كل واحد فيكم لازم هيستقل في وقت بلاش التعقيده دي.
فاطمه: أنا معقده يا عمير طب خد العصير مش عاوزة منك حاجه.. خد إشربه إنتا.
عمير: لأ يا ماما بتقرف.
فاطمه بغيظ: بتتقرف مني يا عمير.
عمير: أتقرف من أي حاجة غيرك يا طمطم.
فاطمه بكسوف: يا ريتني ما سألتك.
عمير: طب هتعملي ايه في الحوار ده.؟
فاطمه: إتكلم مع أبي واللي إنتو شايفينه إعملوه.
عمير: أخييييرا بقا هتتجوز يا واد يا عمير، هواا ده الكلام.
....
كان يجلس على كرسيه أمام إحدى الزهور في الحديقه العامه بالتصميم الخماسي، حتى رآها تدخل بخطى سريعه ولاحظ دموعها، أما هي فوقعت عيناها عليه ثم أبعدتها فورا ودلفت إلى الفيلا الخاصه بهم، ثم صعدت غرفتها وشرعت في البكاء...
نظر في أثرها بإستغراب ليجد والدتها أميرة وأخته مريم يدخلان أيضاً وكل منهما ترتدي نقابها...
بدر: مريمم.
مريم: ثواني يا بدر.
أميرة: كلمي أخوكي يا مريم وأنا هشوفها، بإذن الله هتبقى كويسه.
إقتربت منه على عجله وتحدثت باستعجال..
مريم: نعم يا بدر.
بدر: مالكم.
مريم: مفييش هحكيلك بعدين.
بدر: طيب.
مريم: عاوز حاجه يا بدر، أنا رايحه لقدر.
بدر: لأ روحي انتي.
جلس يتأمل الفيلا الخاصه بيوسف، وهو يتمنى الدخول لكنه بالتأكيد رفض الفكره، حتى وجد نور تركض هي الأخرى ولكن ببطئ بعض الشيء....
نور: بدر إنتَ كويس.
بدر: أيوه الحمدلله، هيا قدر مالها؟
نور: مفيش، في كام ست منهم لله إتريقو عليها وإتهامسو بكلام مش كويس عليها، علشان يعني كانت بتتكلم بطريقه مختصرة خالص.
أنت تقرأ
القُلُوبُ علىٰ أشكالِها تَقع②
Diversosوعندما ساءت بي السُبل وأصبحتُ في نظر الجميع عـاجز إلتقيتُكِ يا قدر.. كُنتِ خير قدر.. •• عِندما فقدتُ الأمل في تلك الحياة المظلمة وأصبح كل شيءٍ معتماً رأيتُك تُضيء يا بدر.. "القُلُوبُ علىٰ أشكالها تقع" "الجُزءُ الثّانِي" بقلم... مريم طارق | الحِ...
