القُلُوبُ علىٰ أشكالِها تَقع②

البارت 20

رواية / القُلوبُ علىٰ أشكالها تقع ¦الجزء الثاني.
بقلم/ مريم طارق (الحِبرُ الأسود)
البارت 20.....

لأول مره شعرت بحرارة دموعها وكأنها مياه مغلية، هل تعبث بقواعد دينها وتذهب لزيارته أم تخبر والدها أو أخاها اللذان بالطبع سينهرانها، إذاا ماا العمل! كييف أنتَ يا عبد الرحمن، ليتني بجانبك الآن...
كانت كعادتها تفكر بصوت مرتفع...

ـ خلاص أنا هروحله هوا ممكن يموو... لأاا يا مريم متقوليش كده هيبقى كويس، أنا عاوزه أروحله عاوزة أطمن عليه أنا حبيته أوي، أيوه حبيته، بس بحب ربناا أكتر، أعمل ايييه، ياااارب نفسي أساعده مش قادره قلبي بيتقطع وأنا قاعده كده ممكن يجراله حاجه في أي لحظه، يااارب خليك معاه..

.....

كان حمزة يدرس مع فجر تأهبًا لإمتحاناتها، ليرن هاتفه برقم مجهول، أشار لفجر أن تنتظره وخرج إلى الشرفة ليجيب بتطلع...

ـ السلام عليكم ورحمة الله وبركاته.

أتاه صوت أنثوي يعرفه جيدا..

ـ وعليكم السلام ورحمة الله وبركاته، عم حمزة أنا مريم.

كان متعجبا من إتصالها فهو لم يتحدث إليها منذ كان يداعبها في الإبتدائية، ولكنها تظل في مقام أبنته، بدا قلقا من إتصاله الغير معتاد عليه...

ـ مريم أبوكي كويس، بدر جراله حاجه؟!

ـ متقلقيش يا عم حمزة إحنا كويسين، كنت بس طالبة من حضرتك خدمه لو مش هزعجك.

كانت نبرتها قلقة وحزينة ومتوترة مما جعله خائفا عليها فرد بجمود..

ـ مريم إدخلي في الموضوع علطول.

ـ مش عارفه أجيبهالك إزاي.. عم حمزة.. عبد الرحمن عمل حادثة وهوا دلوقتي في مستشفى (..).

ـ قصدك اللي كان بيمثل دور بدر ، طيب وأنا أعمل ايه.

كان صوته بارد نوعا ما؛ فبدء البكاء يتسلل لنبرتها رغم محاولا تها الفاشلة في إخفائه...

ـ عم حمزة أرجوك إعمل أي حاجة، محدش جمبه دلوقتي، هوا عاش حياته لوحده عشان خاطري خليك معاه حتى لحد ما يفوق، أنا كان ممكن أقول لأبي أو بدر بس كانو هيزعقولي، لو أعرف أروح أنا كنت روحت بس مينفعش، حراام... أنا إتصلت بحضرتك عشان إنتَ الوحيد اللي هتحس بيه، إنتَ جربت اللي عاشه.

رد بنبرة حازمةٍ قويه..
ـ أيوه بس أنا عمري ما كشفت عورات بيوت، مريم أنا مش عاوز الإنسان ده يدخل بينا، إحنا معندناش أغلى منكم وأكيد هنخاف عليكم.

توغل اليأس داخلها وردت بحزن..
ـ خلاص اللي تشوفه حضرتك، آسفه على إتصالي.

قاطعها بتهور..
ـ إصبري يا مريم أنا هروحله، بس متعلقيش نفسك بيه، عبد الرحمن مش زيك، إنتِ بنتنا ومش هنسلمك غير لواحد أمين يتقى ربناا فيكي.