رواية / القُلوبُ علىٰ أشكالها تقع ¦الجزء الثاني.
بقلم/ مريم طارق (الحِبرُ الأسود)
البارت 29....كان صقر ثائرا بشدة وأمامه عمار يبث سمومه له...
ـ مش قولتلك متآمنش لعبد الرحمن ده، أول ملف بدؤه خسرناه وشركة عمر الألفي خدته.
ـ نادولي عبدالرحمن حاالا.
كان عبدالرحمن قد وصل لتوه، دلف لمكتب صقر بثبات عكس قلقه الداخلي الذي لا يحبذ إظهاره...
ـ بلغوني إن حضرتك طالبني يا مستر صقر.
ـ أيوه، الملف بتاع إمبارح طلع في غلطة في نص الحسابات وللأسف مكسبناش الصفقة وخدتها شركة Rno وإحنا شاكين فيك.
رد عمار بخبث...
ـ إحنا مش شاكين فيك إحنا متأكدين إنك السبب ورا الخسارة دي.
ـ مستر صقر أنا مقبلش الإهانة دي، وأستاذ عمار شك في صدقي إمبارح وأخد الملف وقال إن مفيهوش غلطة، أذن الشك المفروض يتوجه لأستاذ عمار آخر واحد كان محتفظ بالملف وفوقده كله أكد لحضرتك إن الملف سليم.
ثار عمار قائلا بغضب...
ـ إنتَ مين عشان تتهمني.. أنا في الشركة هنا من قبلك.
رد صقر...
ـ فعلاً عمار من المقربين ليا وصعب أصدق عليه كده.
ـ حضرتك إحنا في زمن الخيانة بتيجي من القريب والوفاء من الغريب، مبقاش في حد صادق، أنصحك نصيحة، إوعى تآمن لحد.
ـ تمام يا عبدالرحمن نصيحتك مقبولة ومش مهم الصفقة بتاعت إمبارح، إحنا وصلنا إنهاردة من عميلنا إسم الشركات اللي RNO هتتعامل معاهم فإحنا هنغريهم بعروض أكبر عشان يسيبو عمر الألفي ويبقو معانا.
فتح صقر أحد الأوراق لينظر فيها بتدقيق...
ـ ايه ده الشركات دي مش مشهورة خالص إزاي هيتعاقد معاهم! أكيد متوقع يكون ليهم مستقبل كبير، خلاص أنا هسبقه وأتعاقد معاهم عشان أبقى أنا الكسبان.
إبتسم عبدالرحمن بخبث فها هو صقر يبتلع الطعم ويذهب للتعاقد مع شركات ضعيفة، بعد أن بدّلو أسماء الشركات التي ستتعاقد معها شركتهم، وصدّرو لعميل صقر (فتحي) أسماء شركات أخرى لينقلها لسيده (صقر)...
هذه المرة عمِل عبدالرحمن على الملفات بلا أي خطأ لأنه على كل حال تلك شركات ضعيفة، ولن يضر فوزه بشركتهم، لذا إختار أن يكسب ثقة صقر، وقد كان ما أراده عندما تعاقد مع تلك الشركات...
....
في غرفة الإجتماعات كانو جميعا يعملون على قلب رجل واحد إذ لم يذهبو للشركة كما طلب عبدالرحمن...
قال يوسف بفرحة...
ـ إلحق يا عمر الأسهم بتاعتنا إرتفعت بشكل ملاحظ جداً.
أنت تقرأ
القُلُوبُ علىٰ أشكالِها تَقع②
Randomوعندما ساءت بي السُبل وأصبحتُ في نظر الجميع عـاجز إلتقيتُكِ يا قدر.. كُنتِ خير قدر.. •• عِندما فقدتُ الأمل في تلك الحياة المظلمة وأصبح كل شيءٍ معتماً رأيتُك تُضيء يا بدر.. "القُلُوبُ علىٰ أشكالها تقع" "الجُزءُ الثّانِي" بقلم... مريم طارق | الحِ...