رواية / القُلوبُ علىٰ أشكالها تقع ¦الجزء الثاني.
بقلم/ مريم طارق (الحِبرُ الأسود)
البارت 14.......
ـ يلا يا بنات الفسحه جت.
هتف بها ذلك الأستاذ خالد معلم اللغةِ العربية الواقف أمام السبورة، لتنفرج أسارير فجر، وسرعان ما تحولت ملامحها للإستغراب عندما نطق المعلم...
ـ آنسة فجر، آنسة سميّة.. فضلاً عاوزكم ثواني.
توجهت الفتاتان إليه فتحدث وهو ينظر إلى دفتره...
ـ في ندوة هتتعمل لطلاب تالته إعدادي عن أهمية اللغة العربية، ولإنكم متفوقات بتمنى تشاركو.
فجر: طب الندوة هتكون فين؟
ـ في مدرسة (أنوار العلم) بس للأسف المدرسة دي ولاد وبنات مع بعض، مش زي مدرستنا بنات بس.
سمية: معذرةً يا أستاذ خالد ، مش هنعرف نروح.
فجر مؤيدة: فعلاً أهلى مش هيوافقو.
ـ طب إسمعوني، الندوة دي مُفيدة جدا، وهتنمي حس اللغة عندكم أوي وبيتقال فيها كلام مهم عن قواعد النحو، وبيبقى في فقرة أسئلة وبيوزعو هدايا قيمه، متفوتوش الفرصه ومتقلقوش محدش هيكلمكم من الولاد.
سمية: تمام يا أستاذ، جزاك الله خيراً، هستشير أهلى وربنا يقدر الخير.
فجر: وأنا كمان عن إذنك.
غادرتا بحيرة من أمرهما...
سمية: هنعمل ايه يا فجر؟
فجر: معتقدش إن أبي هيوافق، بس هسأله.
سمية: صراحه أنا متحمسه أجرب فهسأل والدتي ويا رب توافق.
......
ـ أحلااا مسااا ع النااس الكويسه.
قالتها فجر وهي تدخل بإرهاق ليستقبلها والدها حمزة..
ـ فجرر، تعالى إحكيلي عملتي ايه في المدرسه.
ـ ثواني يا قمري هدخل أغيّر وأصلي الظهر.
إسراء: مين ده اللي قمرك ما تتلمي يا بت!
فجر: أبويا يا سوسو، الله.
إسراء: بتت ملمحكيش مقربة من جوزي تاني.
فجر: إهدي علينا شويه يا سوسو مش كده، أقولك روحي جهزيلي أكل عشان همووت من الجوع.
إسراء: أقسم بالله البت دي متربتش ربع ساعه.
ألقت إلبها فجر قبلة في الهواء ثم دلفت لغرفتها...
ـ مضايقه أمك ليه.
فجر: بسم الله الرحمن الرحيم، اييه اللي جابك أوضتي يا فاطمه.
فاطمه: التكييف عندي بايظ والجو حر.
فجر: هسيبك تقعدي هنا صدقه جارية.
أنت تقرأ
القُلُوبُ علىٰ أشكالِها تَقع②
Randomوعندما ساءت بي السُبل وأصبحتُ في نظر الجميع عـاجز إلتقيتُكِ يا قدر.. كُنتِ خير قدر.. •• عِندما فقدتُ الأمل في تلك الحياة المظلمة وأصبح كل شيءٍ معتماً رأيتُك تُضيء يا بدر.. "القُلُوبُ علىٰ أشكالها تقع" "الجُزءُ الثّانِي" بقلم... مريم طارق | الحِ...
