Expensive Millionaire [Ongoing]

Part-1 (Zawgyi)

"မင်းလိုကောင်မျိုးကို တစ်သက်လုံးပြန်မကြိုက်ဘူး!။"

ယတိပြတ် ငြင်းလွှတ်လိုက်သည့် အသံ။ထိုအသံကြောင့် အတန်းအတွင်းရှိ ဆူဆူညံညံဖြစ်နေသည့်စကားပြောသံများက ရုတ်ချည်း တိတ်ဆိတ်သွားကြကာ တစ်နေရာတည်းသို့ အကြည့်တွေက စုပြုံလျက်ရောက်ကုန်ကြ၏။တချို့သူများမှာ ခပ်တိုးတိုးရယ်နေကြသလို တချို့သည်လည်း တီးတိုးပြောဆိုနေကြသည်။

အတန်းတစ်ခုလုံး တိတ်ဆိတ်သွားပြီးသည့်နောက် တစ်စုံတစ်ရာက ထပ်ဖြစ်ပြန်သည်။

"သေချာရဲ့လား...။"

မေးလိုက်သူမှာ ခပ်ထေ့ထေ့ မျက်နှာအမူအယာနှင့်ဖြစ်ပြီး
အမေးခံလိုက်ရသူမှာလည်း ဒေါသဖြစ်နေသည့်အရိပ်အယောင်တွေရှိနေကာ မျက်ခုံးများကိုပါတွန့်ချိုးထား၏။

တစ်တန်းလုံး၏အာရုံများက ထိုကျောင်းသားနှစ်ယောက်ထံတွင်သာ လုံးလုံးလျားလျား ကျရောက်နေဆဲဖြစ်သည်။

အကြည့်ချင်းဆုံရင်း မျက်တောင်မခတ်တမ်း စိန်ခေါ်ထားသလိုပင်။ထိုနှစ်ယောက်သည် တစ်ယောက်ကိုတစ်ယောက် စိုက်ကြည့်နေကြတာဖြစ်၏။စိုက်ကြည့်နေကြတာခြင်း တူသော်လည်း
ခံစားချက်များမှာတော့ မတူညီကြ။

"မင်းကို လူလိုပြောပြီးပြီ။လူဆိုရင် လူလိုနားလည်ပြီး ငါ့အရှေ့က အခုချက်ချင်းထွက်သွား!။"

သည်းခံနိုင်မှုအတိုင်းအတာ ကုန်ဆုံးသွားပုံရသည့် ကျောင်းသားက သူ့ကိုငုံ့ကြည့်နေသည့် ကျောင်းသားအား နောက်ဆုံးစကား ‌ဆိုလိုက်လေသည်။သို့တိုင် မျက်နှာအမူအယာ တစ်ချက်ကလေးပင်ပျက်မသွားသည့် ကျောင်းသားသည် ပို၍ရဲတင်းစွာဖြင့် ခါးကိုပို၍ကိုင်းညွှတ်ပစ်၏။ထိုအပြုအမူကြောင့် ထိုင်နေသူကလည်း လက်သီးကိုကျစ်နေအောင်ဆုပ်ပစ်လိုက်ပြီး အံကြိတ်လိုက်ကာ

"သတ္တိရှိရင် ထပ်တိုးလာကြည့်စမ်း!။"

ထိုအပြောအား ငုံ့ကြည့်နေသူက တစ်ချက်ပြုံးပစ်သည်။

တစ်တန်းလုံး၏စိတ်ဝင်စားမှုများကလည်း အရှိန်မြင့်လာ၏။

သတ္တိရှိလွန်း၍လား တမင်လုပ်ပြခြင်းမျိုးလား မပြောတတ်သော်လည်း ငုံ့ကြည့်နေသူက ပို၍နီးကပ်သွားစေရန် ကိုယ်ကိုကိုင်းညွှတ်လိုက်သေး၏။ထိုအခါတွင်တော့ ထိုင်နေသူကလည်း ဝုန်းခနဲ မတ်တပ်ထရပ်ပစ်လိုက်ကာ တစ်စုံတစ်ရာပြုရန် ဟန်ပြင်လိုက်လေသည်။သို့သော်...