طلّي يـ غيم المدينه واستبشر يـالغيّث

البارت الأول

الساعه 4:30AM صحى الجد سعيد ينادي عياله واحفاده يتجهزون لصلاة الفجر
فز غيّث من سمع صوت جده وهو يناظر بـ العيال النايمين حسّ به عبدالرحمن : علامك يا غيث صاحي الحين؟
غيّث : قم صلاة الفجر بدخل اتروش واجي القاكم صاحين !
عبدالرحمن بتأفف وهو يرمي ع غيث المخده : شلون توهقني بذولا اللي بموت مكاني م صحوا ؟
غيث وهو يرد المخده عليه بضحكه : عاد كيفك تصرف ولا ترا بحطها براسك عند جدي انك م صحيتهم
عبدالرحمن :حسبي الله يلا انقلع عن وجهي
دخل غيث يتروش ورجع وشاف الكل صاحي ويتوضى للصلاه  : صباح الخير عاد لو م صحيتوا كان تهاوشت معاكم
الكل : صباح النور
سلطان : انا اوريك يالحيوان تهددني ب ابوي وين احترام الخال؟
غيث : انت بالذات اسكت
اكتفى سلطان برش المويه عليه
ركض غيث وهو يقول  : بصحي الحريم يصلون ونلحق الصلاه

عند الحريم تحديدا بالصاله كانت غيّم مسويه لها شاهي وتفرفر بجوالها
شهقت من حست ب خطوات متقدمه صوبها  وهي تكب الشاهي اللي بيدها
وتسرع تشغل الفلاش شغلته وحطته بوجهه غيث
غيّث وهو كاتم ضحكته : بسم الله عليش جيت اصحي جدتي وخالاتي والبنات للصلاه بس مدامش صاحيه صحيهم ع طريقش
غيم اكتفت بهز راسها
راحت وهي تشغل انوار البيت صادفت جدتها وهي تناديها من غرفتها
ركضت غيم : لبيه يجده
الجده : تعالي ي بنتي اقربي حولي
قربت غيم وابتدت الجده تمسح ع راسها : كاني شفتك امس تبكين عشان ذا السلسل ( المسلسل) اللي تتابعينه علامس وانا جدتس
غيم وهي تضحك وتمسك يد جدتها  : معليك يجده جت لقطه تحزن ودمعت وابشرك هذاني مافيني شي
اكتفت جدتها ب ابتسامه ورجعت تكمل صلاتها
راحت غيم تصحي خالاتها وابتسمت من جا ببالها خطه جُهنميه
فتحت باب غرفة البنات بقوه وهي تصيح  : الحقونييييييييي
البنات كلهم فزوا وهم يركضون صوبها  : شفيك
ركضت من عندهم وهي تضحك : صلوا الفجر
الهنوف : وجع انا اوريك يالكلبه والله ان ترجع لك
صحوا الحريم كلهم يصلون

طلع الجد سعيد من مسجده اللي كانوا اغلب رجال الديره يصلون فيه وهو يبتسم يناظر عياله واحفاده ويحمد ربي عليهم
قربوا كلهم يسلمون عليه
غيث : صباح الخير
الجد : صباح النور هلا هلا بحبيب جده  معلومه*غيث قريب من جده مرا *

رجعوا كلهم للبيت و العيال فرشوا فرشه بالحوش والحريم داخل يسوون الفطور
فالمطبخ
غيم : ماما اسوي البيض مقلي ولا مسلوق
منيره : لا يامي سويه مسلوق عشان جدس وجدتس
الهنوف : اجل انا بسوي بيض مقلي عشان غيث م يحب ياكل الا هو
غيم : شدعوه كل هالبيض خليه ياكل معهم مسلوق
الهنوف : ودي بس غيث م يحب الا هو
غيم : اجل يلا
اشتغلوا الحريم وهم يسولوفون ويضحكون
فالحوش :
سلطان : يا يبه شفت حفيدك المريض غيث م يقدر اني خاله ولا يحترمني
غيث : يا جد من يوم وعيت ع الدنيا وهو يقول انا خالك انا خالك ابثرني
الجد وهو يضحك : بس ي عيالي كلن يحترم الثاني وانت يا سلطان ع اي اساس يقولك خالك وانت مبثره هاه؟
سلطان :جيتكم وحيد جيتوني جماعه

مر الوقت ومحارشة العيال م انتهت جت ميري( شغالة الجده ) وبيدها السفره وابتدت تسويها
طلعت الجده وهم يفزون العيال يسلمون عليها وجلست جنب الجد وهي تضحك من مهاوشات العيال قدامها
طلعوا البنات وكل وحده بيدها صنف للفطور من عدس وفول وشكشوكه
وابتدوا ياكلون
الجد : يا عيالي الغنم م عاد عندها علّف ولا تبن (يكرم القارئ)
فز عبدالرحمن وغيث بصوت واحد  : ابشر ياجد م طلبت شي
اكتفى الجد ب ابتسامه
منيره وهي متضايقه : اليوم سبت و بكرا دوام عيالي ولا اقدر اجلس اكثر من كذا
فزت غيّم وهي تضايقت من طاري الرجعه للبيت : ماما انا بغيب بكرا ارجوك خلينا ع الاقل للمغرب
ابتسمت منيره وهي تدق ع زوجها تعلمه انهم بيرجعون ع الليل

خلصوا العيال الفطور وابتدا الكل يشتغل
سلطان وهو يفك الدجاج من شبكها : اطلقت سراحش هالمره يلا دزي انتي وهي
غيث وعبدالرحمن راحوا يجيبون اللي وصاهم جدهم
اما عزوز وليث كانوا يلعبون فالشارع مع عيال الديره

عند البنات  غيم وهي متضايقه : يبنات م ابي اروح ابي اقعد هنا
الهنوف : اقوللش اهجدي روحي ترا كلها اسبوع وترجعين
نوف : اي والهنوف صادقه واصلا الكل بيرجع بيته بالليل
غيم بتأفف وهي تتلحف بالبطانيه: يلا يلا
غيم والبنات رجعوا ينامون

عند سوق السبت اللي كان فيه غيث وعبدالرحمن
عبدالرحمن : محمد شيل 50 حبه تبن و 50 علف (يكرم القارئ)
العامل : م في شي هذا كلوه بيروح
غيث بحده : حطه بالديّنه لا يكثر والحقني تنزله ف شبك الغنم
العامل : طيب سديق
عبدالرحمن بتأفف ومو عاجبه الوضع : ابك يورع انكتمت لي هنا ساعه طفشت ترا
غيث : هذا وانت عايش ب مدينه ولا تعرف المعاناه هنا
عبدالرحمن : اصلا مو متحمل الديره الا عشان خوالي هنا بس
العامل وهو يخرشهم ب البوري : يلا سديق صار ساعه انتظر مال انته خلص
ركب غيث وعبدالرحمن و ابتدوا يروحون لشبك الغنم والعامل ينزل التبن (يكرم القارئ)
عبدالرحمن : والله يان غنم جدي بتتغذا سنه قدام
غيث : ذا م يقعد عندها اسبوع الا وتقضمه (تاكله)
عبدالرحمن : تراني مليت والجوو فكك لو اني نايم احسن
غيث وهو يضرب كتف عبدالرحمن بخفه : شرايك نمر ناخذ سلطان والعيال ونروح نتقهوى
عبدالرحمن : ايي والله زين
قاطعهم العامل : انت م في اسرق جيب فلوس
غيث بضحكه : انت مين اللي بيسرقكك عجل عجل كم حسابك
العامل : 250‪
غيث : خذ خذ الله يهبلك عقل

رجع عبدالرحمن وغيث وهم يدقون بوري للعيال
هم بصوت واحد : سلامم
كلهم : عليكم السلام
غيث: كل واحد يلبس بنروح نطلع نتقهوى
كلهم قامواا يلبسون الا غيث كان رايح لأمه يعلمها انهم بيرجعون الليل
غيث وهو يدق جرس البيت
غيم بتأفف وانزعاج : وجعع م بتطير لو دقيت بشويش
فتحت الباب ورفعت نظرها لغيث : انت مرا ثانيه؟ انقلع يالحرامي ترا في باب ثاني إذا م تعرف بيت جدك
صد نظره وهو يقول : ابي امي
راحت غيم ودخلت الغرفه وقفلت الباب ورجعت تكمل نومتها

غيّث : نعنباششش بحركاتش ذي تخطفيين قلبي لعنبو من لامني فيش يا بعدهم
"غيّث كان يحب غيم من يومهم صغاررر كانوا اصدقاء طفوله وتطورت علاقتهم وصاروا احباء الطفوله كانت كلليوم عندهم ولكن من نقلهم تضايق غيث وهو كليوم يشتاق لها ويحبهاا زود عن اليوم اللي قبله ، محد كان يعرف بالهشي الا سلطان"

اشرت له امه يدخل وهي تشوف ولدها جلس يكلم نفسه عند الباب كانت فاهمه شعوره وحبه لغيم  قالت له : تعال وانا امك
غيث : يمه بنطلع انا والعيال نتقهوى م ودي اتاخر عليهم جيت اعلمش ان حن بنرجع للبيت حوالي 10 الليل عشان يمدي اخواني ينامون ويصحون عشان مدارسهم
ام غيث : تمام انتبه لنفسك ولا تسرع
ابتسم وطلع من البيت

انتهى البارت لهنا