طلّي يـ غيم المدينه واستبشر يـالغيّث

البارت السابع عشر

الساعه 1:00AM ببيت الجد
وصلوا غيث وعبدالرحمن والبنات والديره كانت هدوء لانه المعروف ينامون من بدري عشان يصحون من بدري يرعون حلالهم ويخلصون اشغالهم

تقدموا البنات ودخلوا للبيت و كمان عبدالرحمن وغيث
عبدالرحمن : اخ يولد اقسم بالله انه تعبببب وش ذا والله لو اني مسافر
غيث : عاد ذي الديره وش نسوي
عبدالرحمن : انا بدخلل انام من التعبب مخليني اسوق يالكلب فوق التعب
غيث : معليه تعود دامك هنا شهرين تأقلم ع الوضع
عبدالرحمن : الله يسرهاا
تقدم عبدالرحمن ودخل البيت م عادا غيث جلس بـ البلكونه يفرفر بجواله وصاد بظهره ع الباب
غيم اللي كانت مسويه كيكه وقهوه من شافت غيث برا لحاله تقدمت تبلس عبايتها وطرحتها وبيدها الكيكه والقهوه
غيث اللي م انتبه لها وكان يفرفر بجواله وجته مكالمه من ميّ
غيث : هلا
ميّ : هاي غيث وحشتني
غيث : هلا والله ميّ وانا بعد وحشتوني
ميّ : سمعت انو جدك مات الله يرحمه ويحسن عزاكم
غيث : جزاش الله خير
غيم اللي كانت تطالع ف غيث وعيونها دموع
ميّ : عاد تدري الوسم مرا اشتاق لك
غيث : اخ يالوسم اي والله اني اشتقت له
ميّ : متى تجي وحشتناا صدققق
غيث : ان شاء الله هاليومين
ميّ : زين غيث باي تصبح ع خيير
غيث : فمان الله
قفل غيث الجوال وهو مستغرب من وين جابت رقمه وشلون تكلمه كذا
غيم اللي تقدمت تنزل اللي معاها وعيونها دموع : الله يديمكم م توقعتك يا غيث كذا توقعتك اكبر من ذا كله
دخلت غيم للبيت ودخلت مجلس الحريم وهي تبدا ب الانهيار
غيث اللي م كان مستوعب شي مدري يلقاها من غيم اللي سمعت مكالمته مع مي ولا يلقاها من مي اللي ناويه تخرب علاقته ب غيم
تقدم غيث وهو يدق المجلس ع غيم : افتحيي والله مب اللي في بالش يا بنت افتحي خليني اعلمش وشو الموضوع
غيم اللي م عطته وجهه وهي تبكي وتحس انه يخونها من تذكرت كلام غيث عن البنت اللي اعجب بها فالاسطبل
راح غيث للحوش بحيث انه يوقف عند الدريشه ويفتحها فتح الدريشه : غييم ياقلبي والله مبب كذاا لا تفسرين شي من ببالش
غيم اللي غطت وجهها بالبطانيه ونامت ع طول وسحبت ع غيث
غيث رجع للبلكونه وهو يشوف الكيكه والقهوه : الحين كيف براضيها
جلس وهو ياكل من كيكة غيم وقهوتها ويفكر شلون يراضيها
دخل غيث من حس بتثاوب ونام جنب عبدالرحمن ونام مباشره من التعبب

الساعه 4:22
صحى عبدالرحمن وهو يصحي الكل وتوجه عبدالرحمن للمسجد قبل العيال ياذن
سلطان اللي لاحظ ان غيث مو ع بعضه : ولد شفيك
غيث : ولاشي لا تشغل بالك م به خلاف
طلعوا العيال متوجهين للمسجد وكذلك الحريم صحوا يصلون ويدخلون المطبخ يسوون الفطور
نجد اللي شافت عيون غيم حمراء وحست انها كانت تبكي : غيم شفيش ليكون تبكين ليش عيونش حمراء
غيم : ولاشي يمكن في غبار دخل عيوني
نجد اللي م اقتنعت بكلامها : اهاا زين ها صلي وتعالي نفطر
غيم : زين ياروحي
تقدمت نجد لـ سلطان من شافته : ولد شفت غيم مب ع بعضها عيونها كانت حمراء واضح انها كانت تبكي
سلطان اللي تذكر غيث : تصدقيين حتى غيث اليوم مو ع بعضه مدري شصار
نجد : م رضت غيم تعلمني بشي
سلطان : ولا غيث طيب وش الحل
نجد : بنشوف وضعهم ع السفره يمكن مو متهاوشين ولاشي
انتبهوا نجد وسلطان من سمعوا ليث يناديهم للفطور
جلسوا كلهم م عادا غيم ع الفطور وابتدوا يفطرون و يسولفون
منيره : والله م ارتحت لغيم اليوم ماهي ب طبيعيه ولا رضت تعلمني بشي روحي لها يالهنوف ناديها تفطر
غيث اللي حس بتأنيب ضمير ووده انه م رد ع رقم مي ولا مسك جواله بذيك اللحظه : اجلسي يالهنوف انا بروح لها وبجيب ع طريقي خبز
تقدم غيث وهو يدخل للبيت من لمحها تسوي شعرها ع المرايا صد نظره وقال : عادش زعلانه مني
غيم : شتبي للحين هنا؟ ليش م تروح ل حبيبتك اللي ب الاسطبل اللي كانت مرا واحشتك شدعوه تخليها تنتظرك
تقدمت غيم بتطلع واللي استوقفها غيث من مسك ذراعه ويقول بحده : تراني متربي ولاني راعي ذي الحركات واذا عن مي هذي مدربه معي بنفس الاسطبل وكلنا قروب واحد ولاني اصلا احتك فيها ولا ف اي بنت سوا ب الاسطبل او غيره انا غيث يا غيم انتي تعرفيني ماني بداني حركات الحريم ذولا وانا اعرف مبتغى مي تبي تفرقني عنش لكن علي نذر انها تبطي عظم لاهي ولا غيرها
غيم اللي بدت تنزل دموعها : طيب ليش تكلمها
غيث : جاني اتصال بدون رقم ولا عرفت مين هو ورديت وطلعت هي
غيث كمل : اذا ذا بيزعلش وينزل دموعش معادني طاب الاسطبل ولا بجيه
غيم وهي تمسح دموعها : طيب تحبها؟
غيث : علي الطلاق اني م احبب احد غيرشش يا حرّم غيث
غيث كمل : وليش تقفلين عليش الباب م خليتينا نتفاهم من وقتها
غيم : تذكرت لمن قلت لي انك معجب بوحده بالاسطبل وتوقعتك صدق تحبها وتكذب علي
غيث اللي مسك يد غيم : تاكدي من الحين ان غيث م يحب الا غيم
غيم : غيث احُبك
غيث اللي حسس قلبه بيطلع من كلمتها : وانا بعد احبشش
طلع غيث للحوش وخلفه غيم
منيره : كان نمتوا هناك
غيث : كنت ادور للخبز وتوني القاه
غيم تقدمت تسلم ع جدتها والباقي وجلست جنب البنات وبدت تفطر
نجد بهمس : العب ي الابتسامه م كانش اللي فالفجر تبكين
غيم : م كنت ابكي دخل فعيوني شي
نجد : لا تكذبين علي تراني اعرفش خلصي فطورش والحقيني علميني شعلمش
غيم : زيين
خلصوا من الفطور وابتدوا البنات يشلون الفطور ويتوجهون للمطبخ