طلّي يـ غيم المدينه واستبشر يـالغيّث

البارت الثاني

راح للعيال وهو مبتسم فهم سلطان سبب ابتسامته وقال : الا اليوم الغيّم ملون السماء عسى الله يرزقنا الغيث
ضحك غيث وهو يركب ويسوق سيارته والعيال خلفه وجنبه سلطان
غيث :اجل دامنا نعرف اذواق بعض بالاغاني خلونا نجرب ذوق عبدالرحمن
تقدم عبدالرحمن وهو يشبك لهم شيلة (وين السلامه)
ويردد وراها عبدالرحمن يوم وصل للبارت :
"تدري بي احبك وانا ادري فييك حيل تحبني
ولا فييه غييري هامك ولا فييه غيرك همني"
غيث لامست كلمات الشيله قلبه وتذكر ذكرياته هو وغيم بطفولتهم
تنهد ومسك الدركسون : م توقعت ذوقك فنان كذا
عبدالرحمن : ابشر بي بس
سلمان : اقلعععع ابو جوكم المروح دز انت وهو
تقدم سلمان وهو يشبك اغاني اليسا وصار يردد ورا اليسا
سلطان : الله يرفع عنك انت و ذوقك الخايس ذا
وصلوا لفرع ستاربكس
وهم ينزلون و وصل النادل يقول : تفضلوا وش تبون
غيث : انا ابي V60
العيال : هب لنا زييه
طلبوا حلا مع القهوه وبدوا يسولوفون ويتهاوشون

*معلومه عندهم بعاداتهم البنت تتغطى عن الغريب ولكن القريب زي ولد خالها ولا عمها وووو تحط الطرحه ع راسها بس *

عند البنات

غيم : بنات شفتوا ذا البزر غيث
البنات :شفيه
غيم : اليوم الفجر كنت بالصاله وجا يمشي كانه حرامي وانا انخرشت وانكب الشاهي ع يدي وهو يقول وهي تقلده :بسم الله عليش كنت ابي اصحي جدتي وخالاتي والبنات
نوف : هههههههههه اخخ ي غيم تضحكيني
الهنوف : ايي شصار بعدها
غيم : تخيلوا بعد انو فالصباح اليوم يدق الباب والجرس بقوه عبالي احد مات طلع هو يقول ابي امي وهي تقلده
نوف وهي تضحك : طبعا يبي امه تتوقعين مثلا يبيك؟
غيم : يععع اصلا مين هوو عشان يجيني وجع
نوف والهنوف اللي يناظرون وراها بصدمه ..
اشر لهم غيث بمعنى خلوها تكمل
الهنوف ب ابتسامه : اي كملي وش بعد ليكون يبيس
غيم : يع يالغثا والله لو م بقى الا هو منزينه عاد
لمار : وي خلي اخوي شتبين
غيم : انكتمي انتي وهو الحمدلله بروح الليل وافتك منكم
غيث اللي تقدم وهو يقول : م كنت ادري اني مو عاجب وحده هنا م علينا.. كمل وقال : ي لمار جهزي اغراضش واغراض اخوانش بنرجع ع الليل
غيم اللي بانت الصدمه ع وجهها و تجمدت مكانها
الهنوف : ابشر ابشر
غيم اللي انفجرت ضحك : اهم شي عرف اني اكرهه
لمار : بنات بكرا علي اختبار ومدري كيف اذاكر م معي كتبي
غيم اللي تذكرت ايبادها : معايي ايباد افتحي فيه وذاكري اذا تبين
لمار : شكرا مرا اجل بروح اذاكر
ردوا كلهم : بالتوفيق

عند الجد وعياله الثنين سلمان و احفاده
الجد : يلا ي ولد انت وهو تجهزوا لصلاة الظهر م بقى شي وياذن
الكل قام وهم يقولون : ابشر

*عايض وعبدالله ساكنين ف الشرقيه ولا يجون الا بالاجازه الصيفيه *
خلونا ناخذ نبذه عن عيال عبدالله وعايض ..
خالد ولد عايض اللي كان مثل عبد الرحمن ويفضل المدن عن الديره
اما فارس اخو خالد كان يحب الديره بس م بيده حيله يجيهم الا فالاجازه
اما منيف م كانوا يحبونه مرا بسبب تهوراته الزياده واللي ن يفكر فيها بعقل
اما سعيد كان محبوب والكل يحبه نقدر نقول * من يحبه ربنا كلنً يحبه * ..