طلّي يـ غيم المدينه واستبشر يـالغيّث

البارت الرابع والعشرون

صباح اليوم الثاني -
عند غيم اللي كانت تتجهز وتكشخ لدوامها لبست بدله رسميه ورفعت شعرها فوق وسوت ميكب خفيف وماهي الا دقايق وانتهت
دخل عبدالهادي : شرايش يا بنيتي اوديش انا اليوم لدوامش
غيم اللي م حبت تتعبه : لا بابا سواقي بيجي بعد شوي
عبدالهادي : والله ماني مرتاح احس فيه شي لكن الله يحفظش يابنتي
طلع عبدالهادي وغيم م فهمت شيقصد بكلامه ومن وشو خايف قطع اتصال غيث حبل افكارها
غيم : هلا غيث
غيث : حياش وين عبد الرحمن م يرد ع جواله
غيم : جا من الصلاه ونام ع طول ليش شفيه
غيث : م فيه شي يالخفوق بس بغيته بحاجه
غيم : اقدر اساعدك
غيث : لا بس انتبهي لنفسش واللي يغلط عليش لا تسكتين له ولا دقي علي اجي اكسر وجهه وده ولد ولا بنت
غيم بضحكه : ابشر
قفلت غيم جوالها ونزلت من دق عليها السواق
غيم اللي استغربت من السياره انها مو سيارة سواقها دق البوري "بمعنى اركبي" ركبت غيم وهي مستغربه بس م عطت الموضوع اهميه
مشى واستغربت غيم ان السواق موديها مكان خالي م فيه الا مكان صغير
غيم : محمد وين رايح انتا؟
راكان وهو يغير نبرة صوته : رايح الجامعه بس طريق مختصر مدام
غيم بعدم ارتياح : زين
راكان اللي وصل للمكان ودق بوري وطلعوا عصابته ومعاهم شاكر
راكان بضحكه استفزازيه : قلت والله م اخليك يعني م راح اخليك
غيم بصدمه : راكان؟ وش طلعك من السجن وايش تبي مني خير !!
راكان : عيون راكان ابد والله هربت بفضل من الله تعرفين ابي اللي ابيه
غيم بحده : ابعد عني تراه ازين لك وربي م اخليك
قاطع صوتها شاكر اللي مسكها من يدها : هدي بيبي ترا كلها بنلعب معاكي و بتروحين
غيم بصراخ : ابعد عني ابببببعدددد
راكان اللي قرب من وجه غيم ورفع اصبعه لشفايف غيم : صرخي حبيبتي ترا م في احد يسمعك الا انا والعصافير
غيم اللي تراجعت لورا : صدقني لو م بعدت لا انادي غيث يربيك زي م رباك المرا الاولى
راكان مسك ذراعها بقوه : تهدديني ب الورع ذاا تخسين وتعقبين بس م راح يصبح مثلي
غيم ب الم : راكان فك يدك
راكان فك يده واسرعوا العصابه يربطون يدها ودخلوها المكان الصغير
راكان : بتجلسين هنا يمكن يومين او ثلاثه م قد فكرت بصراحه
غيم : خيييير !! ع اي اساس اجلس عندك يا قليل الادب
راكان : ع اساس انك بتصيرين زوجتي غصب
غيم : تخسي وانت بتعرف بعدين مين بكون زوجته
راكان : ايوه اعرف حتكونين زوجتي بيبي
غيم ب قرف : يع يع تقرف مرا
راكان : اسكتي بس

فـ بيت الجده
عند غيث اللي كان يسوي مساج لـ رجل جدته
غيث : كيف صارت رجولش ذلحين
الجده : الله يرفع قدرك يا وليدي والله اني صرت احسن
غيث : الحمدلله
الجده : متى قالت خالتك منيره بيجون
غيث : والله مدري يا جده لكن ان شاء الله ع نهاية الاسبوع اروح اخطب غيم
الجده بفرحه : الله يتمم لك ع خير لكن م كانك مستعجل البنت توها اول سنه جامعه
غيث : انتظرتها من يوم هي بحضن امها انتظرتها تكبر عشان تكون حرم غيث جعل عمري كله فداها لكن معد اقدر اتحمل اكثر من كذا ابيها تكون حرم غيث فعلا
الجده : الله يتمم لك على خير ياوليدي وان شاء الله نروح سوا ونخطبها
غيث بـ ابتسامه : ان شاء الله يارب
الجده : والله اني كنت اقوله من يوم كنتوا صغار انك لـغيم وغيم لك الجمده دمعت وكملت : اتخيلكم متزوجين وحفيدي يلعب قدامي وقدام امه وابوه يارب الله يتمم لكم ع خير
غيث اللي مسح دموع جدته بيده : خيالش بيكون واقع وبتشوفين عيالي يلعبون قدامش
الجده : ان شاء الله ياوليدي