طلّي يـ غيم المدينه واستبشر يـالغيّث

البارت الرابع والأربعون

الساعه 3:00AM تحديدًا بالاسطبل
سلمان بـ انزعاج من منبه سلطان : سلطان يا بزر قفل منبهك اشغلنا
فز سلطان من نعاسه : يلا يا ولد مشينا عجلوا
سلمان : وين نروح
سلطان : بوديكم للمستشفى عند غيث
خالد بـ انزعاج : سلطان وربي لا ابرك عليك اصه ازعجتنا
سلطان تقدم لخالد يضربه بخفه : قم ولا والله ان اخليك هنا
خالد صحى بـ نعاس : لا خلاص بروح
تقدموا يجمعون اغراضهم و توجهوا راجعين المستشفى
سلمان : صعبه تودينا وترجع تاخذ ليان خلنا كلبونا نرجع البيت
سلطان : زين اجل بنرجع البيت
ركبوا واتوجهوا لبيت الجده وماهي الا ساعات قليله ووصلوا نزلوا سلمان في بيته و تقدموا سلطان وخالد يدخلون البيت
سلطان طلع مفتاحه يفتح الباب : بهدوء امنعني من القربعه
خالد : يلا يلا
فتح الباب وتوجهوا للمجلس خالد رجع يكمل نومه واما سلطان رفع جواله يدق على ليان وماهي الا دقايق وردت
ليان بنعاس : هلا
سلطان : جهزتي؟
ليان : لا
سلطان : متى رحلتش؟
ليان : 8:00 الصباح
سلطان : شوفيني بالمجلس تجهزي وخلصي وانا اللي بوديش
ليان بـ ابتسامه : اوكي
قفل سلطان وبدا يفرفر بجواله بحيث ما ينام لكن النوم سلّطان وداهمه

عند ليان
بدت تجمع اغراضها المهمه اللي ممكن تحتاجها بالرياض جهزت شنطها وجلست بـ انتظار سلطان حست بأنه تأخر تقدمت لغرفة الجده دقت الباب بهدوء
الجده : ادخلي يمه
ليان دخلت وقفلت الباب وراها تقدمت تبوس راس الجده
ليان : يمه انا برجع الرياض
الجده بصدمه : ليه يا بنتي
ليان : هذا الأسبوع اخر اسبوع لي ولازم اداومه كلها اسبوع وبرجع
الجده : الله يوفقش لكن من بيروح معش
ليان : لا تخافين انا ساكنه في سكن الجامعه مع البنات و سلطان شويات وبيوديني المطار
الجده : دقي علي وطمنيني يا بنيتي ودعتش ربي
ليان : سمي
طلعت ليان مفتاح سيارتها وتقدمت تعطيه الجده
ليان بدموع : ما قصرتي معي يا يمه وهذا المفتاح خذيه واي احد يحتاج سيارتي ولا شي اعطيه
الجده رفعت يدها تحضن ليان : ما سويت شي وانا اعتبريني امش واختش وجدتش وابشري باللي يرضيش والمفتاح بخليه عندي امانه
ليان شدت على حضن الجده : الله لا يحرمني منك
طلعت ليان بعد ما ودعت الجده مسحت دموعها وتوجهت لمجلس الرجال
ابتسمت من شافت سلطان اللي نايم وجواله مفتوح
مدت ليان يدها لسلطان : سلطان
سلطان فز : هلا
ليان : شفيك نمت ياحبي؟
سلطان : ابد كنت انتظرش ونمت
ليان : اذا فيك نوم نام عادي انا بروح بسيارتي
سلطان ب اعتراض : لا ما بتروحين لحالش بروح اغسل وجهي واجيش السياره
ليان : اوكي

فالمستشفى
فتح عيونه بتعب رفع نفسه وهو ينثر شعره بعشوائيه تنهد وتقدم للحمام يوضي ويصلي الوتر كـ عادته وماهي الا عدة دقايق وطلع ابتسم من شاف غيم امامه تقدم لها وهو ياخذ مفرش سريره ويغطي به غيم مسح على شعرها بحنيه
غيث وعيونه مليانه حُب : دريتي اني فالمستشفى ولا وقفش شي وجيتيني تنومتي معي ولاهي بأول مره ، جعني قبلش يا كل غيث
تقدم يصلي بخشوع ومن انتهى طلع جواله يقرا قران بصوت هادي
..
صحت من صوته رفعت جسمها وهي تلم شعرها تقدمت له
غيم ب ابتسامه : صباح الخير غيث
غيث : صباح النور
غيم : ايوا كيفك؟
غيث : بخير والخير كله قدامي
غيم : حتنى اتفق معك الخير كله قدامي
غيث : ايوا كيف نومتش امس
غيم : صح رقبتي عورتني لكن فداك
غيث : يابعد روحي والله
غيم : متى نرجع؟
غيث : نصلي الفجر ونمشي
غيم : اوكي نزلني عند الكوفي وباخذ سيارة عبود وبرجع
غيث : زين
غيم اكتفت بـ ابتسامه وتقدمت للحمام تغسل وجهها وتوضي