طلّي يـ غيم المدينه واستبشر يـالغيّث

البارت الرابع عشر

توجهوا غيث وسلمان لـ غرفة غيم بالمستشفى
غيث : سلومم ياحبيبي رح للبيت انا بقعد مع غيم لين تصحى وبنجي لا تترك العرب فالبيت
سلمان : زيين وبنصلي ع ابوي بعد صلاة الجمعه فالمجسد ***
غيث بحزن : تمام انا بنتظر غيم تصحى وبجيكم وناخذ الحريم يسلمون ع جدي لأخر مرا
سلمان تقدم من غيث وهو يحضنه : ودعتك ربي ها انتبه لنفسك ولغيم
غيث : ابد لا توصي حريص
راح سلمان لـ سيارته وطلع من المستشفى وتوجه لبيت ابوه

عند غيث وغيم
غيم اللي بدت تصحصح وفز غيث وهو يتقدم لها : بسم الله عليش
غيم : غيث وين انا وش هذا المغذي ووين جدي
غيث : انتي فالمستشفى يروحي بروح اكلم الدكتور بيعد المغذي وبجي اعلمش العلم
غيم : ابي مويه
غيث توجه للكفتيريا واشترا مويه وراح للدكتور يبعد المغذي منها
الدكتور : غيم تحسين انك بخير
غيم اللي م كانت فاهمه شي : ايوا بخير
ابتسم الدكتور وطلع وترك غيم وغيث لحالهم
غيث : غيم ياروحي جدي مات وراحح للي احسن مني ومنش وصدقيني انه فمكان احسن من هذا بكثير وربي رزق جدي بحسن الخاتمه وان شاء الله بنصلي عليه بعد صلاة الجمعه وندفنه بإذن الله فالمقبره ****
غيم اللي بدت تبكيي بحرقهه : غيثث انتت قلت ليي انه بخيير وبيطلعع تكفى كيفف اعيشش بدونن جدي تونييي فقدت صحبتيي ولا قد آلتم جرحييي افقد جديي بعدها
كملت غييم بضيقه والدموع بعيونها : غيث والله اني مو بخيير
غيث بحزن : كلنا يا غيم فقدنا غالي الطيب م يطول بالدنيا والله يا غيم لو تدرين كيف رحمة ربي ع الموتى ان م تبكييين عليهم لا تتوقعين ان ربي بيتركهم كذا م نساهم فوق الارض عشان ينساهم تحت الارض يا غيم لا تنقطين من رحمة ربي هذا قضاء الله وقدره لازم نرضى بالهشي
غيم اللي مسحت دموعها من حست ان كلام غيث فعلا جا ع الجرح : الله يرحمه يارب مدري وشلون بنكمل حياتنا بدونه
غيث : امين يارب
غيث اللي تذكر المويه اللي طلبتها غيم : خذي اشربي و ريحي
غيم شربت المويه : لا ابي اروح للبيت عشان اروح معهم نسلم ع جدي
غيث تقدم وهو يساعدها تقوم : اذا م تقدرين تمشين بجيب عربيه
غيم اللي اخذت شنطتها : لا م يحتاج
مشت غيم مع غيث متوجهين لبيت جدهم ركبوا السياره
غيم بحزن : لأول مرا بحياتي م ودي اروح بيت جدو
غيث : معليش كلشي بيهون
غيم نامت ع المقعد الأمامي ووجهها مقابل غيث
غيث وقف سيارته ونزل يضبط المقعد الامامي عشان ترتاح غيم بالنومه

عند بيت الجد
منيره : سلمان وين غيم وغيث م شفتهم من امس
سلمان م يبي يخوف منيره : دقيت ع غيث ويقول جايين الحين
هدى : زيين الله يحفظهم
ابتدوا يسوون البيت عشان يستقبلون المعزين الا الجده كانت ببغرفتها
الجده لنفسها : وشلون بتقبل حياتي بدونك ياسعيد يارب اجبرني يارب
دق خالد باب جدته : يا جده عادي ادخل
الجده اللي مسحت دموعها : تعال ياحبيبي تعال
دخل خالد وهو يحضن جدته ويجلس ع رجولها : يا جده تدرين ان جدي قبل يموت كان رافع اصبعه السبابه ويتشهد ومات ليله جمعه يا جده نفداش لا تضايقين نفسش جدي فمكان احسن من هنا
الجده : الله يرحمه
دخلت الهنوف عند الجده وانتبهت ان خالد موجود : يا جده هيا بنروح نسلم ع جدي
الجده وهي تقوم تلبس عبايتها : زين يا بنيتي جايه
الهنوف طلعت ولحقها خالد وطلعوا للحوش
خالد : يالهنوف متضايقه؟
الهنوف : جدي مات يخالد واحس بتشتت احس ودي ابكي بنفس الوقت م ابي اضعف ويضعفون اللي حولي يا خالد والله اني مشتته عقلياا وجسديا
خالد اللي تضايق من كلام الهنوف : الله يرحمه يارب وكلنا بنموت
الهنوف : الله يرحمه
طلعوا الحريم وهم لابسين عباياتهم والعيال ب انتظار غيث وغيم
وماهي الا دقايق ووصل غيث
نزل غيث وهو يسلم ع الموجودين ويعزيهم ف جده
منيره : ياغيث وين غيم
غيث : بالسياره نايمه
منيره : بتروح معانا نسلم ع جدها؟
غيث : اكيد بروح اصحيها
الهنوف : انا بصحيها
راحت الهنوف لسيارة غيث : غيم يلا اصحي بنروح لجدي نسلم عليه
غيم اللي صحت تتثاوب وفزت من تذكرت جدها : يلا يلاا جايه