طلّي يـ غيم المدينه واستبشر يـالغيّث

البارت السادس والأربعون

الساعه 3:00AM في بيت الجده
فتح عيونه بضيق توجه للمغسله يغسل وجهه وكذلك يوضي صلّى ركعتين وتوجه ..
لأول مره يتثاقل خطواته للمقبره يمشي وهو يلوم نفسه كيف قدروا يفكون الفرامل وهو طول وقته بالبيت كيف وكيف ولييه مرت هالاسئله واللوم لحتى وصل لقبر الجد سعيد سلّم على الموتى وجلس
نزل راسه على قبر الجد وهو يبكي بحرقه
سلطان : يبه كيفف هان عليهم يقتلونك يبه كل ما تذكرت انك مت مقتول تضيق فيني دنياي للحييين ما تخطيت موتك يجيني خبر ان موتك كان تحت ايادي ناس ما يخافون الله يبه والله اني متضايقق من كلشي حتى زواجي تضايقت منه يبه كيف قدروا يفكون الفرامل ويين كنا يا يبه وينن يبه يعلم الله ان فيني ضيقه ما اتمناها لعدوي
كان يبكي بحرقققهههه ويلوم نفسه ويلوم كلشي حوله
رفع راسه من حس بيد لمست ظهره رفع نظره لـ
غيث حاوط كتف سلطان بضيق : جعلها بروحي يسلطان
سلطان : تكفى يا غيث والله اني مجروح بالحيل عجزت اتقبل فكرة موت ابوي مقتول والله عجزت
ارتمى سلطان بحضن غيث ويبكي كأنه طفل صغير
رفع غيث يده لشعر سلطان وهو يمسح عليه : بتهون يا سلطان بتهون
ما كان سلطان يستجوب بسبب شهقاته اللي كل مالها تزيد وتعلى
تقطع قلب غيث على سلطان وهو يحاول يواسيه بس للاسف ما في اي رد من سلطان استصعب مصارحة اهله بحقيقه موت الجد اللي محد يعرف عنها غير غيث وغيم وسلطان
غيث رفع سلطان بجديه : قم يا سلطان منت ب ورع تبكي وانا سبعين مره اعلمك ان الدموع ما تنفع سلطان ما بنقدر خذ جدي كذا واحنا بس نبكي قم وقومنا معك وخلنا نشد عزومنا وناخذ ثار جدي منهم
كمل بضيق : لا تضعف واحنا في بداية المشوار تكفى يا سلطان كفايييه تجرح قلبي كذاا يعلم الله اني ما قويت فراق جدي ولا بموته مقتول لكن مجبورين نقوى عشان المساكين اللي بالبيت وش ذنبهم تكفى قل لي وش ذنبهم
سلطان تنهد بضيق : والله اني احاول بس ماقدرت يا غيث ما قدرت
غيث تقدم يحضنه بهدوء : انت قدّها يا يسلطان انا وانت بنتحمل اللي صار بنتكاتف لين حتى ناخذ حق جدي
سلطان شد على حضنه : ان شاء الله
تقدم غيث يرش على قبر جده مويه وسلطان يناظر بضيق
غيث : مشينا ياحب؟
سلطان : ايه يلا
حاوط كتف غيث وهو يحاول يغير نفسيته
غيث : ايه وش اخبار اهل الرياض
سلطان : ان شاء الله انها بخير لاني اخر مره دقيت عليها الصباح
غيث : لا تهملها كذا دق عليها بين كل وقت وتطمن عليها
سلطان : ما فضيت والله
غيث : ب يأذن الفجر بعد شوي ادع ان ربي يجبرك ويقويك
سلطان : ابشر
تقدموا للمسجد وهم يدخلون بدا غيث يتسنن واما سلطان فتح المصحف وبدا يقرا لحتى أذان الفجر

بعد نص ساعه .. اذان الفجر
تقدم غيث للـ الميكروفون و رفع الاذان بصوته و صلّى بهم الفجر وكذلك الحريم سمعوا الأذان بدوا يصلون وكعادتهم يتوجهون للمطبخ يسوون الفطور
بعد عدة دقايق بدوا المصلين يرجعون بيوتهم وتبقوا اهل الجد بالمسجد
عايض : اجلسوا يا عيالي حلقه ودي اتكلم معكم بموضوع
ناظروا العيال بعضهم ب استغراب ونفذوا طلب عايض
سلمان : عسى ما شر
عايض : يعيالي انا احس ان فيكم شي
غيث ب استغراب :ليه وش فينا ؟
عايض : كنكم زعلانين مني قومني يوم اخانقكم وارفع صوتي عليكم والله انه في مصلحتكم وانتوا ما تقصرون ترفعون ضغطي
غيث : ابد يخال ان في مثابة ابونا وانت الأمر والناهي ما دمنا عندك واما انا عن نفسي علي نذر ان مافي خاطري عليك شي
ابتسم عايض بحب لغيث : الله يوفقكم يعيالي
ردوا كلهم : نتفق مع غيث
عايض بضيق : طيب علامكم متضايقين والله ان قلبي يوجعني لما شفت واحد منكم زعلان ولا متضايق خصوصا انت يا سلطان في خاطرك شي ما علمتنا به
سلطان اخذ نفس وهو يحاول يستمجع قواه : ابد يا خوي ما فيني شي تعرف توتر ما قبل الزواج ولا ما فيني شي ولاني مخبي شي عليك وان شاء الله مافيه الا الخير
عايض : الحمدلله والله يوفقكم وانت تامر امر واللي ودك به سم وابشر
سلطان : ابي زواجي يكون هنا فالديره ومختصر
رفع عبدالرحمن نظره لسلطان بصدمه : على كيفك هو؟؟ ماني براضي انا ابغى زواجي في قاعه وزواج كلن يسمع به
سلطان : والله يا عبود كان ودي بس الحين ودي نحطه زواج مختصر بس اهل الديره ولما جل الليل كلن خذا مرته وراح
عبدالرحمن : على ان كان بخاطري زواج كبير وقاعه وحركات لكن مدام ودك بذا الشي ف انت تامر امر
سلطان ب ابتسامه : الله لا يخليني منكم
عبدالله : اللي في خاطره شي ولا وده يعلمنا بشي اسلم نسمعك
غيث رفع نظره لسلطان محتار هو يصارحهم ولا يخبي الموضوع اكثر انتبه لضحكاتهم وسوالفهم ما وده يحول ضحكهم لضيق فضل الصمّت وجلس معهم بهدوء
عايض : رجعنا؟
غيث : ايه وان شاء الله على الساعه 8 بروح للاسطبل ومعي غيم
عايض : وش ودا غيم معك؟
غيث : ما شاء الله بفتره قصيره تدربت وعرفت للخيل و خليتها مُدربة بنات
عبدالله : ما شاء الله الله يوفقها اذكر انها تخاف من الخيول
غيث : كسرت خوفها وصارت تدرب عشرات البنات
عبدالرحمن : غريبه ما قلت لي
غيث : تم تعيينها فجاه وتو اول يوم لها امس
عبدالرحمن : زين الله يوفقكم
قام عايض ومن بعده عبدالله والعيال وتوجهوا راجعين لـ بيت الجده جلسوا من شافوا الحريم محضرين الفطور وجااسين كلهم بـ انتظارهم
الجده عائشه : علامكم تاخرتوا
عايض : كان به محاظره فالمسجد واستمعنا لها
منيره : جزاكم الله خير وهيا اقربوا افطروا قبل يبرد الفطور
اجتمعوا حوالين السفره وبدوا يفطرون
عايض : انتهى يا منيره لا تدورين قاعات ولا شي
منيره : ليه؟
عايض : زواج العيال بيكون هنا وان شاء الله بعد خمس ايام نرفع اعمدة الخيام و نزين اللمبات
جواهر بصدمه : شلون يا بابا كيف كذا !!
عايض : وش فيها يا زين زواجات الديره بيتم زواجكم هنا وبيكون مختصر على طلب الشيخ سلطان
كلهم التفتوا على سلطان بصدمه
منيره : علامك يا سلطان ماهو انت اللي تقول بخلي زواجي ملكي
سلطان : والله يا منور ما عاد ودي
نجد : ليه شفيك شصار
سلطان : ما صار شي بس ما عاد ودي
عبدالرحمن : وانا موافق ومستعد اسوي زواجي بالديره وترا ما فرقت كلها زواج وانتهى
الجده : الله يوفقكم واقديتوا والله امنعونا من الأشياء الغاليه واللي مالها سنع وخلوه هنا زواج متواضع و مختصر
عايض : شورش وهداية الله
جواهر : غريبب يعني كلكم كنتوا تبون زواجي بقاعه والحين تقولون زواجي بيكون بالديره عطوني سبب
عايض : قلنا الزواج هنا فالديره يعني هنا وفكونا من الحكى
جواهر : تمام
غيم : يخالو
عايض : لبيه
غيم : شبك الغنم الخلفي ترا انكسر
عايض : وشو تونا مثبتينه اول امس
غيم : شفته امس مكسور حرام سووه قبل تهجم الذئاب على الاغنام
عايض بضحكه : الذئاب اجل
غيم : ايوا بتهجم عليها وبتاكلها كنت بسويه بس مرا قوي ما عرفت له
عايض : ابشري بنسويه بعد الفطور
غيم : اهم شي وين خروفي لازم يكون بمكان حلو
عبدالله : يوهه خروفش قد مات
غيم : تمزح
عبدالله : والله
غيم بدموع : اصلا ما كنت احبه
غيث رفع نظره لعيون غيم : ابشري ب عشرت خرفان
غيم : لا ما بدي تموت بسرعه
غيث : تراش يا حبيبي ما هبيتي لها لا اكل ولا ماء طبيعي تموت
غيم : لا قررت اهتم ب بسه
غيث : لا
غيم : ليش
غيث : قصدش تدخلينها البيت؟
غيم : ايوا
غيث : ايه معليه نتفاهم بعدين
انتهوا من الفطور و طلعت ميري تجمع المواعين وجلسوا يسولفون ويضحكون من سوالف فارس
فارس : يبه بصارحكم بشي
عايض : ايه اسلم الله يستر منك
فارس : السنه اللي راحت هربت من المدرسه
عايض : وشو
فارس : طفشت ما كان في احد مخليني اداوم لحالي
عايض ضربه بالعصا بخفه : و فين رحت يالسربوت
فارس : رحت انا واخوياي نفطر ب بوفيه على متسوى
عايض : والله لو ادري من حزتها انك ما تسلم لكن قدلها سنه معد تفرق
انتبه غيث لكلام عايض وفكر لو قالهم بحادث الجد اللي مر عليه سنه بتكون ردة فعلهم عكس ردة فعلهم اللي ببال غيث
غيث : بسالكم سؤال
عبدالله : اسلم
غيث : لو مثلا صار شي قبل سنه ولا سنتين و توكم تدرون وش بتكون ردة فعلكم
عايض : انا عن نفسي اذا الشي يخص اهلي ما بسكت حتى لو عرفت بعد عشر سنوات
غيث : واذا كان شي قوي بتتضايق
عايض : قلت لك اذا شي عن اهلي بيأثر فيني
غيث اللي كل ماله يستصعب مصارحتهم اكثر واكثر
التفت لعبدالله : وانت يا خال
عبدالله : ما بتفرق معي
غيث : حتى لو كان شي يخص اهلك
عبدالله : اذا تقصد ثار احد ولا شي طبعا ما بسكت عن حقه
غيث : بتتضايق؟
عبدالله : ماني من النوع اللي يتضايق بسرعه فا ما اتوقع
غيث : حلو
التفت على جدته : وانتي ياجده
الجده : ان كانه شي يخص عايلتي ولا اهلي ف والله ان اشيل همه لو كان بعد سنوات طويله ماني بداني لان من حقنا كا اهله نعرف قبل يمر ذا الوقت الطويل
غيث : يعني بتتضايقين
الجده : والله ان قلبي رهيّف عليكم يا عيالي ولا ودي يصير لكم شي حتى دقة الشوكه برجلكم ودي انها فيني ولا فيكم
غيث : يا جعلني قبلش يا جده
الجده : مجار يا وليدي
عايض : وانت جاوبنا
غيث تنهد بضيق : اذا صار شي وعرفت عنه بعد سنه واهلي للحين ما دروا بشيل همهم كيف اصارحهم ولا اتكلم معاهم بالموضوع بيكون هالشي حمّل ثقيل ولا في واحد بيقدر يتحمله لانه كل ما جا يصارحهم شاف ضحكهم ووناستهم هوّن لاجل يكونون دايم مبسوطين ومرتاحين بس فالنهايه ما ردهم يعرفون
عايض صفق ب ابتسامه : عز الله انك جبتها والله انه شي صعب الإنسان يتقبله وده عنده علم ولا ما عنده
غيم : انا عندي جواب
عايض : اسلمي
غيم : اذا عرفت بـ هالشي واهلي ما يدرون لازم اتصرف واتحقق من الموضوع واذا اضطر هذا الموضوع محاكم وقضيات بحاول اجيب ادله لاجل افوز بالقضيه واخذ حق اللي صار له هالشي يعني حتى لو بعد سنوات طويله مستعده اني ادور عن السبب صح بحتاج لاحد يساعدني فا بقول للي قريب مني من اهلي ونتحقق بالموضوع واذا انتهينا واخذنا حقنا علمنا الباقي
عبدالله : وليه ما تعلميهم بالبدايه
غيم : لانو مستحيل اقبل اخلي اهلي حزينين انا احزن واتضايق ايه بس مستحيل ارضى اني اشوف اهلي متضايقين
انبهر عايض من اجابات غيم وغيث ابتسم وهو يعرف قد ايش تفكيرهم مقارب حق بعض
عايض : اجابه مُقنعه احسنتي واحسنت يا غيث دايم تبهروني
ابتسم غيث : نعجبك
رفع عبدالله جواله شاف الساعه 7:54AM
عبدالله : مشينا نزين الشبك يلا يعيال
غيث : انا استاذنكم بروح للاسطبل
عايض : بالتوفيق
قاموا العيال برفقة عايض وعبدالله وتوجهوا نصهم لشبك يسوونه ونصهم يعطون الغنم علف ومويه